Mɛsɛ́dó 15:9 - MAWUXÓWÉMA

⁹ Mawu ɖe mɛɖé ɖó vo ɖo yě kpó mǐ mɛ e nyí Jwifu lɛ́ɛ kpó mɛ ǎ; é lɛ ayixa yětɔn wé ɖó yě ɖi nǔ.

Mɛsɛ́dó 15:9 Iomraidhean Croise

Efɛ́zinu 3:6

Nǔbúdo ɔ́ ɖíe: mɛ e ma nyí Jwifu ǎ lɛ́ɛ ná mɔ nǔ ɖagbe e Mawu sɔ́ ɖó ayǐ nú togun tɔn ɔ́ yí xá mɛ e nyí Jwifu lɛ́ɛ, gbɔn Wɛn Ɖagbe ɔ́ jí. Yě bǐ nyí wǔjɔnú agbaza ɖokpó ɔ́ tɔn, bɔ akpá e Mawu dó ɔ́, yě lɔmɔ̌ ná ɖó mǐmá ɖ'é mɛ gbɔn Klísu Jezu jí.

Mɛsɛ́dó 10:28

bó ɖɔ nú yě ɖɔ: “Mi tunwun ganjí ɖɔ, ɖo mǐ mɛ Jwifu lɛ́ɛ sín sɛ́n mɛ ɔ́, Jwifu ɖé kún ɖó ná dó gbɛ̌ xá mɛ e ma nyí Jwifu ǎ é gbeɖé ó; é kún ka ɖó ná byɔ́ ɖě xwé ó. Lo ɔ́, Mawu ɖe xlɛ́ mǐ din ɖɔ un kún ɖó ná ylɔ́ mɛ ɖěbǔ ɖɔ mɛ blíblí abǐ mɛ e un ma sixú dó gbɛ̌ xá ǎ é ó.

Kolósinu 3:11

Hǔn, mɛ e ma nyí Jwifu ǎ ɖě sɔ́ ɖo vo ǎ; mɛ e ka nyí Jwifu ɔ́ ɖě sɔ́ ɖo vo ǎ; mɛ e gbo ada é ɖě sɔ́ ɖo vo ǎ; atɔtɔnɔ ɖě ka sɔ́ ɖo vo ǎ; mɛ e ma hun nukún ǎ ɖě sɔ́ ɖo vo ǎ; hwexónu gbɛtɔ́ ɖě sɔ́ ɖo vo ǎ; kannumɔ ɖě sɔ́ ɖo vo ǎ; mɛ e ɖo éɖée sí ɔ́ lɔ ka sɔ́ ɖo vo ǎ; lo ɔ́, Klísu wɛ nyí nǔ bǐ, bó ɖo mɛ énɛ́ lɛ́ɛ bǐ mɛ.

Galatinu 5:6

ɖó ényí mǐ ɖo kpɔ́ xá Klísu Jezu ɔ́, adagbigbo nyí nǔɖé ǎ; adamagbo lɔ ka nyí nǔɖé ǎ. Nǔ e ɖo tají ɔ́ wɛ nyí nǔɖiɖi e nɔ wa nǔ kpódó wǎn yíyí kpó é.

Galatinu 3:28

Hǔn din ɔ́, Jwifu sɔ́ ɖo vo nú mɛ e ma nyí Jwifu ǎ é ǎ; kannumɔ sɔ́ ɖo vo nú mɛ e ma nyí kannumɔ ǎ é ǎ; súnnu sɔ́ ɖo vo nú nyɔ̌nu ǎ; ɖó mi mɛ bǐ wɛ nyí ɖokpó ɔ́ ɖo Klísu Jezu mɛ.

1 Kɔlɛ́ntinu 1:2

wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é wɛ, bó ɖo wlǎnwlán sɛ́ dó yě mɛ e Mawu ylɔ́, bɔ yě ná nɔ gbɛ n'i, ɖo bǔ e yě ɖe xá Klísu Jezu ɔ́ mɛ lɛ́ɛ wɛ, bó ɖo wlǎnwlán sɛ́ dó mɛ e nyí étɔn lɛ́ɛ kpó mɛ e nɔ ɖo Aklúnɔ mǐtɔn Jezu Klísu sín nyǐkɔ ylɔ́ wɛ ɖo fí ɖěbǔ e yě ɖe lɛ́ɛ é bǐ kpó wɛ. Aklúnɔ Jezu Klísu ɔ́ wɛ nyí Aklúnɔ yětɔn, bó nyí mǐ lɔmɔ̌ tɔn.

Hlɔ̌manu 3:22

Mawu nɔ́ sɔ́ gbɛtɔ́ lɛ́ɛ dó húzú hwɛjijɔnɔ ná ɖo nukún tɔn mɛ, gbɔn nǔ e yě ɖi nú Jezu Klísu é jí. É nɔ wa mɔ̌ nú mɛ e nɔ ɖi nǔ nú Klísu lɛ́ɛ bǐ, ɖó ɖo Mawu gɔ́n ɔ́, vogbingbɔn ɖěbǔ ɖo yě mɛ ǎ.

Mɛsɛ́dó 11:12

Yɛsinsɛn ka ɖɔ ma xwedó yě; nyɛ ní má xo kpɔ́n ó. Nɔví mǐtɔn ayizɛ́n élɔ́ lɛ́ɛ e mɔ wɛ mi ɖe din lɛ́ɛ ká kplá mì yi Sezalée, bɔ mǐ bǐ byɔ́ Kɔnɛ́yi xwé,

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

Mɛsɛ́dó 10:34

Piyɛ́ɛ yí xó, bó ɖɔ: “Un mɔ din nǔgbó ɖɔ Mawu kún nɔ́ ɖe mɛɖé ɖó vo ɖo mɛɖé mɛ ó.

1 Kɔlɛ́ntinu 7:18

Ényí mɛɖé ko gbo ada cóbɔ Mawu ylɔ́ ɛ ɔ́, ní ma sɔ́ ba ná sɔ́ éɖée dó húzú mɛ e ma gbo ada ǎ é ó; ényí mɛɖé ma ka gbo ada cóbɔ Mawu ylɔ́ ɛ ǎ ɔ́, é ɖó ná yi gbo ada ǎ.

Hlɔ̌manu 9:24

Đó mǐdɛɛ lɛ́ɛ wɛ nyí mɛ e é ylɔ́ lɛ́ɛ; é ka nyí mɛ e é ylɔ́ sín Jwifu lɛ́ɛ mɛ lɛ́ɛ kɛ́ɖɛ́ wɛ ǎ, lo ɔ́, mɛ e é ylɔ́ sín togun ɖě lɛ́ɛ mɛ lɛ́ɛ lɔ ɖ'é mɛ.

Hlɔ̌manu 3:9

Lo ɔ́, étɛ́ ka wɛ? Mǐ mɛ Jwifu lɛ́ɛ ɔ́, mǐ nyɔ́ hú gbɛtɔ́ ɖě lɛ́ɛ wɛ a? Gbeɖé kpɔ́n! Đó un ko ɖe xlɛ́ ɖɔ Jwifu lɛ́ɛ kpódó gbɛtɔ́ ɖě lɛ́ɛ bǐ kpó wɛ kplé bó ɖo hwɛ sín acɛ mɛ.

Mɛsɛ́dó 14:27

Ée yě wá Antyɔ́ci ɔ́, yě kplé agun Klísu tɔn e ɖo fínɛ́ lɛ́ɛ, bó ɖɔ nǔ e Mawu wa gbɔn yě jí ɔ́ bǐ nú yě, bó ka lɛ́ ɖɔ lě e Mawu hun ali nú mɛ e ma nyí Jwifu ǎ lɛ́ɛ gbɔn, bónú yě lɔ na sixú ɖi nǔ nú Jezu é nú yě.

Mɛsɛ́dó 14:1

Ée Pɔ́lu kpódó Baanabási kpó jɛ to e è nɔ ylɔ́ ɖɔ Ikoniyɔ́mu ɔ́ mɛ ɔ́, yě yi kplɔ́ngbasá Jwifu lɛ́ɛ tɔn, bó ɖɔ xó nú yě, káká bɔ Jwifu lɛ́ɛ gěgé kpódó Glɛ̌sinu gěgé kpán ɖi nǔ nú Jezu.

Mɛsɛ́dó 10:15

Gbe ɔ́ ká lɛ́ ɖɔ n'i azɔn wegɔ́ ɔ́ ɖɔ: “Nǔ e Mawu ɖɔ è hɛn ɔ́, è nǎ ɖu ɔ́, hwɛ ma ɖɔ é vɛ́ mɛ ó.”

Ɖɛhan 51:10

Đɔ nú mì ɖɔ émí sɔ́ hwɛ kɛ mì, énɛ́ ɔ́, xomɛ ná hun mì bó ná túnflá, bɔ xú e a cɛ́ dó lanmɛ nú mì lɛ́ɛ lɔ ná ɖú we.

Ezekiyɛ́li 47:22

Akɔ wɛ mi ná nyi dó má ayǐkúngban lɛ́ɛ, bɔ mɛ ɖokpó ɖokpó ná tunwun tɛnmɛ e nyí étɔn é; mi ma ka wɔn jǒnɔ e ɖo tɛ́ntin mitɔn, bó ji vǐ dó to ɔ́ mɛ lɛ́ɛ ó. Mɛ énɛ́ lɛ́ɛ ɔ́, Izlayɛ́li ví ɖɔhun wɛ è nǎ hɛn yě; mi ná hɛn yě togun ɔ́ sín vǐ ɖɔhun, bɔ ayǐkúngban e ná nyí yětɔn ɔ́, mi ná ná yě.