Mɛsɛ́dó 15:4 - MAWUXÓWÉMA

⁴ Hwenu e yě wá Jeluzalɛ́mu ɔ́, agun nǔɖitɔ́ lɛ́ɛ tɔn, kpódó mɛsɛ́dó e ɖo fínɛ́ lɛ́ɛ kpó, kpódó agunnukɔntɔ́ lɛ́ɛ kpó yí yě, bɔ yě wá gbɔn yě jí, bó wlí nǔ e Mawu wa é bǐ ɖɔ nú yě;

Mɛsɛ́dó 15:4 Iomraidhean Croise

Matíe 10:40

“Mɛ e yí mi ɔ́, nyɛ wɛ é yí; mɛ e ka yí nyɛ ɔ́, mɛ e sɛ́ mì dó ɔ́ wɛ é yí.

Mɛsɛ́dó 11:30

Yě sɛ́ nǔ e yě jɔ lɛ́ɛ dó agunnukɔntɔ́ lɛ́ɛ ɖo Judée, gbɔn Baanabási kpódó Sólu kpó jí.

Mɛsɛ́dó 14:27

Ée yě wá Antyɔ́ci ɔ́, yě kplé agun Klísu tɔn e ɖo fínɛ́ lɛ́ɛ, bó ɖɔ nǔ e Mawu wa gbɔn yě jí ɔ́ bǐ nú yě, bó ka lɛ́ ɖɔ lě e Mawu hun ali nú mɛ e ma nyí Jwifu ǎ lɛ́ɛ gbɔn, bónú yě lɔ na sixú ɖi nǔ nú Jezu é nú yě.

Mɛsɛ́dó 15:12

Énɛ́ ɔ́, agun ɔ́ bǐ nɔ abwɛ̌ tóó, bó ɖótó Baanabási kpódó Pɔ́lu kpán, bɔ yě wlǐ nǔ e Mawu jlɛ́ ɔ́, kpódó nǔdábaɖa e é ɖe xlɛ́ gbɔn yě jí, ɖo mɛ e ma nyí Jwifu ǎ lɛ́ɛ tɛ́ntin é bǐ ɖɔ.

Mɛsɛ́dó 15:2

Pɔ́lu kpódó Baanabási kpó ka gbɛ́ xó yětɔn, bó dɔn nǔ xá yě ɖ'é kɔn tlala. Énɛ́ ɔ́, nɔví ɖo Klísu mɛ lɛ́ɛ wá ɖe gbeta tɔ́n, ɖɔ Pɔ́lu kpódó Baanabási kpó, kpódó nɔví ɖo Klísu mɛ ɖě lɛ́ɛ kpó ná yi Jeluzalɛ́mu bó ná ɖɔ xó énɛ́ gbo xá mɛsɛ́dó lɛ́ɛ kpódó agunnukɔntɔ́ lɛ́ɛ kpán.

Mɛsɛ́dó 15:22

Énɛ́ gúdo ɔ́, mɛsɛ́dó lɛ́ɛ kpódó agunnukɔntɔ́ lɛ́ɛ kpán, kpódó agun nǔɖitɔ́ lɛ́ɛ tɔn ɔ́ bǐ sésé kpán ɖó gbe kpɔ́, bó ɖe mɛɖé lɛ́ɛ ɖo yěɖée mɛ, bó sɛ́ yě dó Antyɔ́ci, yě kpó Pɔ́lu kpó, kpó Baanabási kpó; mɛ énɛ́ lɛ́ɛ wɛ nyí Judási e è sun nyǐ ɖɔ Baasabási é kpódó Silási kpán; gbɛtɔ́ nukúnɖéjí wɛ yě nyǐ, ɖo nɔví ɖo Klísu mɛ lɛ́ɛ mɛ.

Mɛsɛ́dó 15:3

Nǔɖitɔ́ lɛ́ɛ nyi yě, bɔ yě wlǐ ali, bó gbɔn Fenisíi kpódó Samalíi kpán gbé jí bó nɔ́ ɖo lě e mɛ e ma nyí Jwifu ǎ lɛ́ɛ jɛ Mawu li jí gbɔn é jlá wɛ, bɔ é nɔ nyí xomɛhunhun ɖaxó nú nɔví ɖo Klísu mɛ lɛ́ɛ.

Mɛsɛ́dó 15:6

Mɛsɛ́dó lɛ́ɛ kpódó agunnukɔntɔ́ lɛ́ɛ kpán kplé, bó ná gbéjé xó énɛ́ kpɔ́n.

Mɛsɛ́dó 16:4

Đo to e Pɔ́lu kpódó Timɔtée kpán nɔ gbɔn lɛ́ɛ mɛ ɔ́, yě nɔ́ ɖɔ gbeta e mɛsɛ́dó lɛ́ɛ kpódó agunnukɔntɔ́ Jeluzalɛ́mu tɔn lɛ́ɛ kpán ɖe tɔ́n ɔ́ nú mɛ lɛ́ɛ, bó nɔ́ byɔ́ yě ɖɔ yě ní se tónú nú gbeta énɛ́ lɛ́ɛ.

Mɛsɛ́dó 18:27

Ée Apolosu jló ná yi Akáyi ɔ́, nɔví ɖo Klísu mɛ lɛ́ɛ na ɛ akɔ́nkpinkpan, bó wlán wěma sɛ́ dó ahwanvú Jezu tɔn e ɖo dɔ̌n lɛ́ɛ, nú yě ní yí i ganjí. Ée é wá jɛ fínɛ́ ɔ́, é dó alɔ mɛ e ɖi nǔ nú Jezu gbɔn fɛ́nú Mawu tɔn mɛ lɛ́ɛ ɖésú.

Mɛsɛ́dó 21:17

Đěe mǐ wá Jeluzalɛ́mu ɔ́, nɔví mǐtɔn ɖo nǔɖiɖi mɛ lɛ́ɛ yí mǐ kpódó xomɛhunhun kpán.

Mɛsɛ́dó 21:19

Pɔ́lu dó gbe yě, bɔ nǔ e Mawu jlɛ́ ɖo mɛ e ma nyí Jwifu ǎ lɛ́ɛ tɛ́ntin gbɔn gbla tɔn mɛ ɔ́, é wlí ɖokpó ɖokpó ɖɔ nú yě.

Hlɔ̌manu 15:18

Đó ényí un glá bó ɖɔ nǔɖé xó ɔ́, azɔ̌ e Klísu wa gbɔn jǐ ce, bó ná dɔn mɛ e ma nyí Jwifu ǎ lɛ́ɛ, bónú yě ná se tónú nú Mawu ɔ́ sín xó kɛ́ɖɛ́ jɛ́n é ná nyí; é wa azɔ̌ énɛ́ gbɔn xóɖiɖɔ kpó nǔwiwa kpó mɛ,

Hlɔ̌manu 15:7

Hǔn, mi bo nɔ yí miɖée ganjí lě e Klísu yí mi gbɔn é, nú è nǎ kpa susu nú Mawu.

1 Kɔlɛ́ntinu 15:10

Amɔ̌, gbɔn nyɔ̌ná Mawu tɔn gbla mɛ ɔ́, un húzú mɛ e un nyí din é, bɔ nyɔ̌ná e è kɔn dó jǐ ce ɔ́ nyí nǔ yǎyá ǎ: é nyɔ́ wa ɔ́, un wa azɔ̌ hú mɛsɛ́dó ɖě lɛ́ɛ bǐ. È nǎ ɖɔ nǔgbó ɔ́, é nyí nyɛ wɛ ɖo azɔ̌ wa wɛ ǎ; lo ɔ́, nyɔ̌ná Mawu tɔn e ɖo kpɔ́ xá mì ɔ́ wɛ.

2 Kɔlɛ́ntinu 5:19

Đó Mawu kó ɖo azɔ̌ wa wɛ gbɔn Klísu jí, bó ná dó hwɛ gbɔ xá gbɛtɔ́ lɛ́ɛ bǐ; é kpɔ́n dó nǔwanyido yětɔn lɛ́ɛ wú ǎ. Hwɛdógbɔ sín azɔ̌ énɛ́ e wa wɛ é ɖe ɔ́, é sɔ́ dó así nú mǐ ɖɔ mǐ ní jlá.

2 Kɔlɛ́ntinu 6:1

Énɛ́ ɔ́, mǐ mɛ e ɖo azɔ̌ wa xá Mawu wɛ lɛ́ɛ ɔ́, mǐ ɖo byɔ̌byɔ́ mi wɛ ɖɔ mi ma jó fɛ́nú e mi yí ɖo Mawu sí ɔ́ dó, bónú é bú ó.

Kolósinu 4:10

Alisitáki e kpó nyɛ kpó ɖo gankpá mɛ ɔ́ dó gbe sɛ́ dó mi; Baanabási sín nɔví Maki lɔmɔ̌ dó gbe sɛ́ dó mi. Lě e mi ná yí Maki gbɔn ɔ́, è ko ɖɔ nú mi; nú é wá mi gɔ́n hǔn, mi yí i ganjí.

2 Jǎan 1:10

Ényí mɛɖé wá gɔ̌n mitɔn, bó ma hɛn kplɔ́n énɛ́ wá nú mi ǎ hǔn, mi ma yí i dó xwé mitɔn gbe ó; mi ma ka dó gbe e lɔ vɔ́vɔ́ ó.