Mɛsɛ́dó 15:3 - MAWUXÓWÉMA

³ Nǔɖitɔ́ lɛ́ɛ nyi yě, bɔ yě wlǐ ali, bó gbɔn Fenisíi kpódó Samalíi kpán gbé jí bó nɔ́ ɖo lě e mɛ e ma nyí Jwifu ǎ lɛ́ɛ jɛ Mawu li jí gbɔn é jlá wɛ, bɔ é nɔ nyí xomɛhunhun ɖaxó nú nɔví ɖo Klísu mɛ lɛ́ɛ.

Mɛsɛ́dó 15:3 Iomraidhean Croise

Luki 15:32

lo ɔ́, xwe wɛ mǐ ló kó ɖu, bó j'awǎ, bɔ é nyɔ́; ɖó nɔví towe élɔ́ ɔ́, kú wɛ é ko kú; é ka lɛ́ wá gbɛ; é ko bú, un ka lɛ́ wá mɔ ɛ.’ ”

Mɛsɛ́dó 1:15

Gbe ɖokpó wá su, bɔ yě nǔɖitɔ́ kantɔn mɔ̌ (120) kplé, bɔ Piyɛ́ɛ sí te ɖo tɛ́ntin yětɔn, bó ɖɔ:

Mɛsɛ́dó 13:48

Ée mɛ e ma nyí Jwifu ǎ lɛ́ɛ se mɔ̌ ɔ́, xomɛ hun yě, bɔ yě jɛ susu kpa nú Aklúnɔxó ɔ́ jí; mɛ e è ko sɔ́ ɖ'ayǐ nú gbɛ mavɔ mavɔ lɛ́ɛ bǐ ɖi nǔ nú Jezu.

Mɛsɛ́dó 13:52

Awǎjijɛ kpódó Yɛsinsɛn kpó ká gɔ́ ayi mɛ nú ahwanvú Jezu tɔn lɛ́ɛ ɖo Antyɔ́ci.

Mɛsɛ́dó 14:27

Ée yě wá Antyɔ́ci ɔ́, yě kplé agun Klísu tɔn e ɖo fínɛ́ lɛ́ɛ, bó ɖɔ nǔ e Mawu wa gbɔn yě jí ɔ́ bǐ nú yě, bó ka lɛ́ ɖɔ lě e Mawu hun ali nú mɛ e ma nyí Jwifu ǎ lɛ́ɛ gbɔn, bónú yě lɔ na sixú ɖi nǔ nú Jezu é nú yě.

Mɛsɛ́dó 15:1

Mɛ ɖé lɛ́ɛ gosín Judée gbé jí, bó wá Antyɔ́ci, bó nɔ ɖo nǔ kplɔ́n nɔví ɖo Klísu mɛ lɛ́ɛ wɛ ɖɔ: “Ényí è ma gbo ada nú mi lě e Mɔyízi sɛ́n ɔ́ zɔ́n gbɔn é ǎ ɔ́, Mawu ná hwlɛ́n mi gán ǎ.”

Mɛsɛ́dó 15:12

Énɛ́ ɔ́, agun ɔ́ bǐ nɔ abwɛ̌ tóó, bó ɖótó Baanabási kpódó Pɔ́lu kpán, bɔ yě wlǐ nǔ e Mawu jlɛ́ ɔ́, kpódó nǔdábaɖa e é ɖe xlɛ́ gbɔn yě jí, ɖo mɛ e ma nyí Jwifu ǎ lɛ́ɛ tɛ́ntin é bǐ ɖɔ.

Mɛsɛ́dó 15:22

Énɛ́ gúdo ɔ́, mɛsɛ́dó lɛ́ɛ kpódó agunnukɔntɔ́ lɛ́ɛ kpán, kpódó agun nǔɖitɔ́ lɛ́ɛ tɔn ɔ́ bǐ sésé kpán ɖó gbe kpɔ́, bó ɖe mɛɖé lɛ́ɛ ɖo yěɖée mɛ, bó sɛ́ yě dó Antyɔ́ci, yě kpó Pɔ́lu kpó, kpó Baanabási kpó; mɛ énɛ́ lɛ́ɛ wɛ nyí Judási e è sun nyǐ ɖɔ Baasabási é kpódó Silási kpán; gbɛtɔ́ nukúnɖéjí wɛ yě nyǐ, ɖo nɔví ɖo Klísu mɛ lɛ́ɛ mɛ.

Mɛsɛ́dó 15:32

Judási kpódó Silási kpán ɔ́, gbeyíɖɔ Mawu tɔn wɛ yě lɔmɔ̌ nyǐ; yě ɖɔ xó gěgé nú nɔví ɖo Klísu mɛ lɛ́ɛ, bó dó ná akɔ́nkpinkpan kpódó lanmɛsyɛ́nsyɛ́n kpán yě.

Mɛsɛ́dó 15:4

Hwenu e yě wá Jeluzalɛ́mu ɔ́, agun nǔɖitɔ́ lɛ́ɛ tɔn, kpódó mɛsɛ́dó e ɖo fínɛ́ lɛ́ɛ kpó, kpódó agunnukɔntɔ́ lɛ́ɛ kpó yí yě, bɔ yě wá gbɔn yě jí, bó wlí nǔ e Mawu wa é bǐ ɖɔ nú yě;

Mɛsɛ́dó 17:15

Yě mɛ e ɖo Pɔ́lu nyi wɛ lɛ́ɛ kplá ɛ káká yi jɛ to e è nɔ ylɔ́ ɖɔ Atɛ́ni é mɛ bó lɛ́ kɔ. Pɔ́lu ka dó wɛn yě ɖɔ yě ní ɖɔ nú Silási kpódó Timɔtée kpán ɖɔ yě ní yá wǔ xwedó émí wú.

Mɛsɛ́dó 20:38

Wǔ kú yě tlala, ɖó é kó ɖɔ nú yě ɖɔ yě kún sɔ́ ná mɔ émí ó, bɔ yě nyi i káká yi ɖó tɔjíhún ɔ́ kɔn.

Mɛsɛ́dó 21:5

Lo ɔ́, ée mǐ nɔ fínɛ́ xɔ azǎn tɛ́nwe ɔ́, mǐ lɛ́ wlí ali ɖidó; yě kpódó asi yětɔn lɛ́ɛ kpó, kpódó vǐ yětɔn lɛ́ɛ kpó bǐ wá nyi mǐ káká jɛ toxo ɔ́ gúdo. Ée mǐ jɛ xutó ɔ́, mǐ jɛ kpo bó xo ɖɛ.

Mɛsɛ́dó 28:15

Nɔví mǐtɔn ɖo Klísu mɛ e ɖo Hlɔ̌ma lɛ́ɛ kó se ɖɔ mǐ jǎwe, bó wá kpé mǐ ɖo alixo; mɛɖé lɛ́ɛ wá nɔ te kpɔ́n mǐ ɖo Jǒnɔyítɛn Atɔn lɛ́ɛ nukɔn; mɛɖé lɛ́ɛ hun káká wá kpé mǐ ɖo Apiwúsixi mɛ. Ée Pɔ́lu mɔ yě ɔ́, é dó kú nú Mawu, bɔ wǔ yá ɛ.

Mɛsɛ́dó 8:14

Mɛsɛ́dó e ɖo Jeluzalɛ́mu lɛ́ɛ wá se ɖɔ Samalíinu lɛ́ɛ ɖi nǔ nú xó ɔ́, bó sɛ́ Piyɛ́ɛ kpódó Jǎan kpán dó yě.

Hlɔ̌manu 15:24

Un ka jló ɖɔ nú un xwe Ɛsipányi ɔ́, un ná wá gbɔn mi gɔ́n, bónú jló e un ɖó, bó ná nɔ mi gɔ́n ɔ́ jɛmɛ nú mì kpɛɖé ɔ́, mi ná d'alɔ mì bɔ un ná yi to énɛ́ mɛ.

1 Kɔlɛ́ntinu 16:11

Mɛ ɖěbǔ má dó vɛ̌ n'i ó; é nyɔ́ wa ɔ́, alɔ wɛ mi ná dó e, bɔ é ná yi tomɛ kpó fífá kpó bó ná sixú lɛ́ kɔ wá gɔ̌n ce, ɖó un ɖo te kpɔ́n é kpódó nɔví lɛ́ɛ kpán.

1 Kɔlɛ́ntinu 16:6

Bóyá un sixú nɔ mi gɔ́n kpɛɖé; afɔ nyɔ́ ɔ́, un sixú nɔ fínɛ́ avivɔ hwenu ɔ́ bǐ; énɛ́ ɔ́, un ná yi fí ɖěbǔ ɔ́, mi ná dó alɔ mì bɔ un ná yi.

2 Kɔlɛ́ntinu 1:16

Nǔgbó ɔ́, un ko lin ɖ'ayǐ ɖɔ un ná gbɔn mi gɔ́n, bó ná dín yi Masedwani, bó lɛ́ kɔ ɔ́, un ná lɛ́ wá mɔ mi, bɔ mi ná dó alɔ mì, bɔ un ná dín yi Judée.

Titu 3:13

A nǎ gɔ́ alɔ nú Zenasi ɖɛ̌mɛnu ɔ́, kpó Apolosu kpó, nú yě ná dó sixú yi to e mɛ yě xwe ɔ́; blǒ bónú nǔɖé ní ma hwedó yě ó.