Mɛsɛ́dó 15:1 - MAWUXÓWÉMA

¹ Mɛ ɖé lɛ́ɛ gosín Judée gbé jí, bó wá Antyɔ́ci, bó nɔ ɖo nǔ kplɔ́n nɔví ɖo Klísu mɛ lɛ́ɛ wɛ ɖɔ: “Ényí è ma gbo ada nú mi lě e Mɔyízi sɛ́n ɔ́ zɔ́n gbɔn é ǎ ɔ́, Mawu ná hwlɛ́n mi gán ǎ.”

Mɛsɛ́dó 15:1 Iomraidhean Croise

Levíi ví 12:3

Azǎn tántɔngɔ́ ɔ́ gbe ɔ́, è nǎ gbo ada nú vǐ ɔ́.

Jǎan 7:22

Mɔyízi hɛn adagbigbo sɛ́n ɔ́ wá nú mi; (é wɛ ka jɛ sɛ́n énɛ́ nyi jí jɛ nukɔn ǎ, tɔ́gbó mǐtɔn lɛ́ɛ wɛ jɛ jí dó nukɔn), có gbɔjɛzán gbe lɛ́ɛ lɔmɔ̌ ɔ́, mi nɔ gbo ada nú mɛ.

Mɛsɛ́dó 1:15

Gbe ɖokpó wá su, bɔ yě nǔɖitɔ́ kantɔn mɔ̌ (120) kplé, bɔ Piyɛ́ɛ sí te ɖo tɛ́ntin yětɔn, bó ɖɔ:

Mɛsɛ́dó 15:22

Énɛ́ gúdo ɔ́, mɛsɛ́dó lɛ́ɛ kpódó agunnukɔntɔ́ lɛ́ɛ kpán, kpódó agun nǔɖitɔ́ lɛ́ɛ tɔn ɔ́ bǐ sésé kpán ɖó gbe kpɔ́, bó ɖe mɛɖé lɛ́ɛ ɖo yěɖée mɛ, bó sɛ́ yě dó Antyɔ́ci, yě kpó Pɔ́lu kpó, kpó Baanabási kpó; mɛ énɛ́ lɛ́ɛ wɛ nyí Judási e è sun nyǐ ɖɔ Baasabási é kpódó Silási kpán; gbɛtɔ́ nukúnɖéjí wɛ yě nyǐ, ɖo nɔví ɖo Klísu mɛ lɛ́ɛ mɛ.

Mɛsɛ́dó 15:23

Yě bló wěma ɖokpó dó así nú yě, bó ɖɔ dó wéma ɔ́ mɛ ɖɔ: “Mǐ nɔví mitɔn mɛsɛ́dó lɛ́ɛ, kpódó agunnukɔntɔ́ lɛ́ɛ kpán dó gbe sɛ́ dó mi mɛ e má nyí Jwifu ǎ, bó ka nyí nɔví mǐtɔn ɖo Klísu mɛ, bó ɖo Antyɔ́ci, bó ɖo tokpɔn Silíi tɔn kpódó Silisíi tɔn kpó mɛ lɛ́ɛ.

Mɛsɛ́dó 15:24

Mǐ se ɖɔ mɛɖé lɛ́ɛ gosín mǐ gɔ̌n, bó wá dɔn hunnyahunnya byɔ́ mi mɛ, gbɔn xó e yě ɖɔ nú mi lɛ́ɛ gbla mɛ, lobo gba ayi dó nú mi; mǐ ká zɔ́n nǔɖé yě ǎ.

Mɛsɛ́dó 15:3

Nǔɖitɔ́ lɛ́ɛ nyi yě, bɔ yě wlǐ ali, bó gbɔn Fenisíi kpódó Samalíi kpán gbé jí bó nɔ́ ɖo lě e mɛ e ma nyí Jwifu ǎ lɛ́ɛ jɛ Mawu li jí gbɔn é jlá wɛ, bɔ é nɔ nyí xomɛhunhun ɖaxó nú nɔví ɖo Klísu mɛ lɛ́ɛ.

Mɛsɛ́dó 15:32

Judási kpódó Silási kpán ɔ́, gbeyíɖɔ Mawu tɔn wɛ yě lɔmɔ̌ nyǐ; yě ɖɔ xó gěgé nú nɔví ɖo Klísu mɛ lɛ́ɛ, bó dó ná akɔ́nkpinkpan kpódó lanmɛsyɛ́nsyɛ́n kpán yě.

Mɛsɛ́dó 15:5

lo ɔ́, mɛɖé lɛ́ɛ sí te ɖo Falizyɛn e ɖi nǔ nú Jezu lɛ́ɛ mɛ, bó ɖɔ è ɖǒ ná gbo ada nú yě mɛ e ma nyí Jwifu ǎ, bó ka ɖi nǔ nú Jezu lɛ́ɛ, bó ná ɖɔ nú yě ɖɔ yě ɖǒ ná nyi Mɔyízisɛ́n ɔ́ dandan.

Mɛsɛ́dó 21:20

Ée yě se xó nɛ́ lɛ́ɛ ɔ́, yě bǐ kpa susu nú Mawu, bó ka ɖɔ nú Pɔ́lu ɖɔ: “A mɔ a nɔví? Jwifu lɛ́ɛ afatɔ́n afatɔ́n donu nabí ɖé wɛ ɖi nǔ; yě bǐ ka lɛ́ ɖó kan dó Mɔyízi sɛ́n ɔ́ wú.

Mɛsɛ́dó 6:14

Đó mǐ se bɔ é ɖɔ Jezu Nazalɛ́tinu ɔ́ ná gba sinsɛnxɔ ɔ́, lobo ná húzú hwɛndo e Mɔyízi ɖó ayǐ nú mǐ é.”

Galatinu 2:1

Xwe wɛ̌nɛ gúdo ɔ́, un lɛ́ kɔ yi Jeluzalɛ́mu, nyɛ kpódó Baanabási kpó; un lɛ́ kplá Títu lɔmɔ̌.

Galatinu 5:6

ɖó ényí mǐ ɖo kpɔ́ xá Klísu Jezu ɔ́, adagbigbo nyí nǔɖé ǎ; adamagbo lɔ ka nyí nǔɖé ǎ. Nǔ e ɖo tají ɔ́ wɛ nyí nǔɖiɖi e nɔ wa nǔ kpódó wǎn yíyí kpó é.

Galatinu 6:12

Mɛ e ɖɔ ada jɛ́n mi ná gbo dandan lɛ́ɛ ɔ́, nǔ e ba wɛ yě ɖe ɔ́ wɛ nyí ɖɔ yě ná ɖe yěɖée xlɛ́ ɖo gbɛtɔ́ lɛ́ɛ nukɔn, ɖó yě jlǒ ɖɔ è ní dó ya nú émí ɖó Klísu e kú ɖo aklúzu jí é wú ǎ.

Kolósinu 2:16

Ényí mɔ̌ hǔn, mi ma lɔn nú mɛɖé ní ɖɔ nú mi ɖɔ nǔ lě wɛ nyɔ́ bɔ mi ná ɖu, abǐ nǔ lě wɛ nyɔ́ bɔ mi ná nu, abǐ xwezán lě wɛ mi ná nyi, sun wá jǐ sín azǎn lě wɛ mi ná nyi, abǐ gbɔjɛzán Jwifu lɛ́ɛ tɔn lě wɛ mi ná nyi ó.

Kolósinu 2:8

Mi cɔ́ miɖée, bónú mɛɖé ma zé mɛblɛ́blɛ́xó, xómaɖixó, nǔnywɛ́ gbɛtɔ́ tɔn dó dó gɛdɛ mi ó; nǔnywɛ́ énɛ́ ɔ́, nǔkplɔ́nmɛ gbɛtɔ́ lɛ́ɛ tɔn jí wɛ é jínjɔ́n, bó jínjɔ́n nǔɖoyɛswímɛ e ɖo gbɛ ɔ́ mɛ lɛ́ɛ sín hlɔ̌nhlɔ́n jí; é jínjɔ́n Klísu jí ǎ. Mi ma ɖótó yě ó;