Mɛsɛ́dó 14:3 - MAWUXÓWÉMA

³ Pɔ́lu kpódó Baanabási kpán nɔ fínɛ́ ɖésú. Yě nɔ ɖɔ xó kpódó jiɖiɖe kpó. Aklúnɔ ká ná acɛ yě, bɔ yě nɔ́ ɖo nǔ tɛnmɛ tɛnmɛ jlɛ́ wɛ, bó nɔ́ ɖo nǔdábaɖa lɛ́ɛ jlɛ́ wɛ, bó ná dó ɖe xlɛ́ ɖɔ nǔ e ɖɔ wɛ yě ɖe dó nyɔ̌ná Mawu tɔn wú ɔ́ nǔgbó wɛ é nyí.

Mɛsɛ́dó 14:3 Iomraidhean Croise

Maki 16:20

Ahwanvú tɔn lɛ́ɛ ka sɔ́nǔ, bó jɛ Mawuxó jlá jí gbɔn fí bǐ. Aklúnɔ nɔ́ dó alɔ yě ɖo azɔ̌ énɛ́ kɔn, bó nɔ́ ɖe xlɛ́ ɖɔ xó e ɖɔ wɛ yě ɖe ɔ́ nyí nǔgbó, gbɔn nǔdábaɖa e yě nɔ́ jlɛ́ lɛ́ɛ gbla mɛ.]

Jǎan 4:48

Jezu ka ɖɔ n'i ɖɔ: “Ényí mi ma ko mɔ nǔjíjlɛ́ lɛ́ɛ kpódó nǔdábaɖa lɛ́ɛ kpó ǎ ɔ́, mi ná ɖi nǔ ǎ.”

Mɛsɛ́dó 13:46

Pɔ́lu kpódó Baanabási kpó ka ɖɔ xó kpódó jiɖiɖe kpó ɖɔ: “Midɛɛ lɛ́ɛ wɛ è ɖǒ ná ɖɔ Mawuxó ná hwɛ̌; ée mi ka gbɛ́, bó mɔ ɖɔ émí kún jɛ xá gbɛ mavɔ mavɔ ɔ́ ó ɔ́, din ɔ́, mǐ ná gbɔ bó yi mɛ e má nyí Jwifu ǎ lɛ́ɛ gɔ́n.

Mɛsɛ́dó 2:22

“Izlayɛ́li ví e mi! Mi ɖótó te bó se xó élɔ́ lɛ́ɛ: Jezu Nazalɛ́tinu ɔ́, nya ɖé wɛ é nyí, bɔ Mawu ɖe hlɔ̌nhlɔ́n tɔn xlɛ́ mi, gbɔn nǔjíwǔ kpó nǔ ɖaxó ɖaxó kpó, kpódó wuntun e Mawu jlɛ́ gbɔn jǐ tɔn ɖo mǐ tɛ́ntin, bɔ mi ɖésú tunwun lɛ́ɛ kpó gbla mɛ.

Mɛsɛ́dó 20:24

Amɔ̌, gbɛ nyɛtɔn ɔ́ wɛ nyí nǔɖé nú mì ǎ; éé ɖo tají ɔ́ wɛ nyí ɖɔ má kó sixú dó wezun e ɖo afɔ ce nu ɔ́ yi fó, bó wa azɔ̌ e Aklúnɔ Jezu sɔ́ dó así nú mì ɔ́ yi fó; é wɛ nyí ɖɔ má jlá Wɛn Ɖagbe e ɖɔ xó dó fɛ́nú Mawu tɔn wú é.

Mɛsɛ́dó 20:32

“Din ɔ́, un zé mi dó alɔ mɛ nú Mawu, bó jó mi nú fɛ́nú tɔn sín xó. Mawu ɖó acɛ, bó ná na hlɔ̌nhlɔ́n mi, bó ná lɛ́ na mi nǔ ɖagbe e é ko sɔ́ ɖ'ayǐ nú mɛ e nyí étɔn lɛ́ɛ bǐ é.

Mɛsɛ́dó 4:31

Ée yě xo ɖɛ fó ɔ́, fí e yě kplé ɖe ɔ́ dán wǔ. Yɛsinsɛn gɔ́ ayi mɛ nú yě, bɔ yě jɛ Mawuxó jlá jí, kpódó jiɖiɖe kpán.

Mɛsɛ́dó 5:32

Mǐ nyí kúnnuɖetɔ́ nǔ énɛ́ lɛ́ɛ tɔn; mǐ kpódó Yɛsinsɛn e Mawu nɔ́ ná mɛ e nɔ se tónú n'i lɛ́ɛ é kpán.”

Hlɔ̌manu 1:16

Un ɖo Wɛn Ɖagbe ɔ́ jlá wɛ ɔ́, winnyá nɔ hu mì ǎ, ɖó hlɔ̌nhlɔ́n e Mawu nɔ zán dó hwlɛ́n mɛ e ɖi nǔ é bǐ gán é wɛ; Jwifu lɛ́ɛ jɛ nukɔn, bɔ mɛ e ma nyí Jwifu ǎ lɛ́ɛ bɔ d'é wú.

1 Tɛsalonikinu 2:2

Mi lɛ́ tunwun ɖɔ cóbónú mǐ ná wá mi gɔn ɖo Tɛsaloniki ɔ́, mǐ ji ya; è dǒ winnyá mǐ ɖo Filípu. Yě tɔ́n ahwan mǐ, bɔ é syɛ́n ɖésú, có Mawu ná akɔ́nkpinkpan mǐ, ɖɔ mǐ ní jlá Wɛn Ɖagbe émítɔn ɔ́ mi.

Eblée 2:4

Azɔn ɖokpó ɔ́, Mawu ɖe wuntun tɛnmɛ tɛnmɛ lɛ́ɛ xlɛ́, bó jlɛ́ nǔ tɛnmɛ tɛnmɛ kpódó nǔdábaɖa tɛnmɛ tɛnmɛ kpó gbɔn yě jí, bó dó ɖe xlɛ́ ɖɔ émí yí gbe nú kúnnuɖiɖe yětɔn. É lɛ́ má Yɛsinsɛn sín nǔníná lɛ́ɛ lě e é jló e gbɔn é.