Mɛsɛ́dó 14:2 - MAWUXÓWÉMA

² Lo ɔ́, Jwifu e gbɛ́ nǔ ɖi lɛ́ɛ fɔ́n hun dó jǐ nú mɛ e ma nyí Jwifu ǎ lɛ́ɛ, bó zɔ́n bɔ yě jɛ nǔ nyanya lin dó nɔví ɖo Klísu mɛ lɛ́ɛ wú jí.

Mɛsɛ́dó 14:2 Iomraidhean Croise

Jǎan 3:36

Mɛ e ɖi nǔ nú Vǐ ɔ́, mɔ gbɛ mavɔ mavɔ; mɛ e ma ka se tónú nú vǐ ɔ́ ǎ ɔ́, é ná mɔ gbɛ mavɔ mavɔ ǎ; lo ɔ́, xomɛsin Mawu tɔn ɖo jǐ tɔn.”

Mɛsɛ́dó 1:15

Gbe ɖokpó wá su, bɔ yě nǔɖitɔ́ kantɔn mɔ̌ (120) kplé, bɔ Piyɛ́ɛ sí te ɖo tɛ́ntin yětɔn, bó ɖɔ:

Mɛsɛ́dó 13:45

Ée Jwifu lɛ́ɛ mɔ lě e mɛ lɛ́ɛ sukpɔ́ sɔ ɔ́, wǔhwinhwan gɔ́ ayi yětɔn mɛ, bɔ yě nɔ́ mɔ xó vo ɖɔ dó Pɔ́lu sín xó wú, bó nɔ zun i.

Mɛsɛ́dó 13:50

Lo ɔ́, Jwifu lɛ́ɛ kplɔ́n nǔ nyɔ̌nu nukúnɖéjí e nɔ ɖó sísí nú Mawu lɛ́ɛ kpódó mɛjɔmɛ to ɔ́ tɔn lɛ́ɛ kpó, bɔ yě fɔ́n gǔ dó Pɔ́lu kpódó Baanabási kpó jí, bó nya yě sín to yětɔn mɛ.

Mɛsɛ́dó 14:19

Jwifu ɖé lɛ́ɛ ka gosín Antyɔ́ci e ɖo Pisidíi yíkúngban jí é kpódó Ikoniyɔ́mu kpán wá xwetɔ́n, bó kplɔ́n nǔ mɛ lɛ́ɛ, bɔ yě nyi awǐnnyaglo dó Pɔ́lu káká bɔ é jɛ ayǐ, bɔ yě vɛdó ɖɔ é kú wɛ sín, bó dɔn ɛ yi to ɔ́ gúdo.

Mɛsɛ́dó 14:4

Énɛ́ ɔ́, to ɔ́ mɛ nu lɛ́ɛ sɔ́ ɖó gbe kpɔ́ ǎ; mɛ hǎbǔ ɖo Jwifu lɛ́ɛ jí, bɔ hǎbǔ ká ɖo mɛsɛ́dó lɛ́ɛ jí.

Mɛsɛ́dó 14:5

Mɛ e ma nyí Jwifu ǎ lɛ́ɛ kpódó Jwifu lɛ́ɛ kpán sɔgbe dó gǎn yětɔn lɛ́ɛ wú, bó ɖo nǔ sɔ́ wɛ, bó ná dó ya nú mɛsɛ́dó lɛ́ɛ, lobo ná hu yě ɖó awǐnnyaglo wú.

Mɛsɛ́dó 17:13

Lo ɔ́, éé Jwifu e ɖo Tɛsaloniki lɛ́ɛ se ɖɔ Pɔ́lu ɖo Mawuxó jlá wɛ ɖo Belée lɔmɔ̌ ɔ́, yě wá kplɔ́n nǔ mɛ lɛ́ɛ, bɔ yě fɔ́n gǔ, bó jɛ hunnyahunnya dó to ɔ́ mɛ jí,

Mɛsɛ́dó 17:5

Lo ɔ́, Jwifu lɛ́ɛ jɛ wǔ hwan jí, bó cyán toví dídá nǔvɔ́nɔ e nɔ́ ɖo dǐndán gbɔn alixo alixo wɛ lɛ́ɛ kplé; yě dɔn hunnyahunnya dó ahwan ɔ́ mɛ, bó dɔn to ɔ́ bǐ wlú. Yě yi Jazɔ́ɔn xwé gbe, bó ɖo Pɔ́lu kpó Silási kpó ba wɛ, bó ná kplá yě yi togun ɔ́ nukɔn.

Mɛsɛ́dó 18:12

Hwenu e Galiɔ́ɔn nyí tokpɔngán ɖo Akáyi gbé jí ɔ́, Jwifu lɛ́ɛ ɖó gbe kpɔ́, bó sí te dó Pɔ́lu jí; yě wlǐ i, bó kplá ɛ yi hwɛ nukɔn,

1 Tɛsalonikinu 2:14

Nɔví lɛ́ɛ mi, nǔ e gbo agun e ɖo Judée, bó nyí Mawu tɔn ɖo bǔ e mǐ ɖe xá Klísu Jezu ɔ́ mɛ lɛ́ɛ ɔ́ wɛ gbo mi lɔmɔ̌. Ya e Jwifu lɛ́ɛ dó nú yě ɖo dɔ̌n ɔ́ ɖokpó ɔ́ wɛ to mitɔn mɛ nu lɛ́ɛ dó nú mi lɔmɔ̌.