Mɛsɛ́dó 13:7 - MAWUXÓWÉMA

⁷ Báa-Jezu énɛ́ ka ɖo tokpɔngán e kpa acɛ nú tɔtɛ́ntinto ɔ́ gɔ́n; è nɔ ylɔ́ tokpɔngán ɔ́ ɖɔ Sɛjiwusi Polúsi, bɔ é nyí gbɛtɔ́ nǔnywɛ́tɔ́. Tokpɔngán ɔ́ ka jló ná se Mawuxó, bó zɔ́n ɖɔ è nǐ ylɔ́ Baanabási kpódó Sólu kpó wá nú émí;

Mɛsɛ́dó 13:7 Iomraidhean Croise

Nǔnywɛ́xó 14:15

Gbɛtɔ́ e ayivɔ vún ɔ́ nɔ́ ɖi nǔ nú nǔ e è ɖɔ n'i lɛ́ɛ bǐ; mɛ e ayi tɔn ka ɖo te ɔ́ nɔ́ lin tamɛ cóbó nɔ wa nǔ.

Nǔnywɛ́xó 14:18

Gbɛtɔ́ e ayivɔ vún lɛ́ɛ ɔ́, xlonɔ wɛ yě nɔ́ wá húzú; lo ɔ́, gbɛtɔ́ e ayi yětɔn ɖo te lɛ́ɛ ɔ́, nǔtunwuntunwun wɛ nɔ nyí jɛ̌gbákún nú yě.

Nǔnywɛ́xó 14:8

Gbɛtɔ́ e ɖó ayi te ɔ́ nɔ́ kpɔ́n afɔ bo nɔ ɖe, ɖó nǔnywɛ́tɔ́ wɛ; mɛ e ma ɖó nǔnywɛ́ ǎ é ká nɔ́ bú ali ɖó xlo tɔn wú.

Nǔnywɛ́xó 18:15

Gbɛtɔ́ e mɔ nukúnnú jɛ nǔ mɛ ɔ́ nɔ́ ba ná tunwun nǔ; gbɛtɔ́ nǔnywɛ́tɔ́ nɔ ba ná se xó e nɔ ná kplɔ́n mɛ é.

Ozée 14:9

Ani wɛ Eflayímunu lɛ́ɛ kpó vodún lɛ́ɛ kpó kpé dó? Nyɛ wɛ nɔ yí gbe nú ɖɛ e xo wɛ yě ɖe ɔ́, bó ná cyɔ́n alɔ yě jí. Nyɛ ɔ́, siplɛ́tín ɖɔhun wɛ un cí, bó nɔ ɖo mǔ hwebǐnu . Nyɛ wɛ nɔ zɔ́n bɔ yě nɔ́ mɔ jinukún.”

Mɛsɛ́dó 13:12

Ée tokpɔngán ɔ́ mɔ nǔ énɛ́ e jɛ ɔ́, é ɖi nǔ nú Jezu, ɖó nǔ e è kplɔ́n ɛ dó Aklúnɔ wú ɔ́ xo ayi tɔn zlɛ́.

Mɛsɛ́dó 13:8

lo ɔ́, Elimasi e è nɔ ylɔ́ ɖɔ majíkiblótɔ́ ɔ́, (mɔ̌ wɛ è nɔ ylɔ́ ɛ ɖɔ dó Glɛ̌sigbe mɛ) ka ná tɛn tɔn yě ǎ, é ɖo biba ná ɖe ayi tokpɔngán ɔ́ tɔn sín nǔɖiɖi ɖó nú Jezu Klísu xó e ɖɔ n'i wɛ è ɖe ɔ́ wú wɛ.

Mɛsɛ́dó 18:12

Hwenu e Galiɔ́ɔn nyí tokpɔngán ɖo Akáyi gbé jí ɔ́, Jwifu lɛ́ɛ ɖó gbe kpɔ́, bó sí te dó Pɔ́lu jí; yě wlǐ i, bó kplá ɛ yi hwɛ nukɔn,

Mɛsɛ́dó 19:38

Ényí Demɛtliwúsi kpódó nǔtuntɔ́ e nɔ́ wa azɔ̌ xá ɛ lɛ́ɛ kpán ɖó nǔɖé dó mɛɖé wú ɔ́, hwɛɖɔxɔ lɛ́ɛ ɖo nuvo; hwɛɖɔtɔ́ lɛ́ɛ lɔ ka ɖe; yě ní yi ylɔ́ hwɛ ɖo fínɛ́.

1 Tɛsalonikinu 5:21

Lo ɔ́, mi ba do nú nǔ bǐ céɖécéɖé, bó nɔ hɛn ée nyɔ́ lɛ́ɛ dó ayi mɛ.