Mɛsɛ́dó 13:6 - MAWUXÓWÉMA

⁶ Énɛ́ ɔ́ gúdo ɔ́, yě xo tɔtɛ́ntinto ɔ́ bǐ zlɛ́ káká yi jɛ to e è nɔ ylɔ́ ɖɔ Pafɔ́si ɔ́ mɛ; yě mɔ Jwifu majíkiblótɔ́ ɖé ɖo fínɛ́, bɔ è nɔ ylɔ́ ɛ ɖɔ Báa-Jezu, bɔ é sɔ́ éɖée dó ɖó gbeyíɖɔ Mawu tɔn.

Mɛsɛ́dó 13:6 Iomraidhean Croise

1 Axɔ́sú 22:22

Bɔ é yí gbe nú Mawu Mavɔmavɔ ɖɔ: ‘Un ná yi, bó ná zé adingban dó nu nú gbeyíɖɔ tɔn lɛ́ɛ bǐ.’ Ée é ɖɔ mɔ̌ ɔ́, Mawu Mavɔmavɔ ɖɔ n'i ɖɔ: ‘Wlɛnwín ɖagbe nɛ́! A nǎ kpé wú bó blɛ́ ɛ nǔgbó. Bo yi bo bló gbɔn mɔ̌.’

1 Tan 10:13

Sawúlu kú, ɖó é nɔ gbejí nú Mawu Mavɔmavɔ ǎ. É xwedó Mawu Mavɔmavɔ xó ǎ; é yi kan nǔ ɖo mɛ e nɔ kan bo lɛ́ɛ gɔ́n.

Tíntɔ́n 22:18

Mɛ e nɔ ɖó xó xá kanlin ɔ́, mi ɖó ná hu i.

Levíi ví 20:6

“Nú mɛɖé nɔ́ kan bo, abǐ nɔ́ kan nǔ ɔ́, nyɛ Mawu Mavɔmavɔ ɔ́, un ná húzú kpan nukɔn mɛ ɔ́; un ná ɖe e sín Izlayɛ́li togun ɔ́ mɛ; ɖó mɛ e nɔ wa nǔ gbɔn mɔ̌ ɔ́, ɖo gbejí nú mì ǎ.

Zakalíi 13:3

Ényí mɛɖé sɔ́ ɖo adingban ɖó wɛ, bó ɖɔ nyǐkɔ ce mɛ ɖɔ xó dó wɛ émí ɖe ɔ́, tɔ́ e ji i ɔ́, kpó nɔ e ji i ɔ́ kpó ná ɖɔ n'i ɖɔ: ‘A nǎ kú, ɖó xó ɖɔ dó Mawu Mavɔmavɔ nyǐkɔ mɛ wɛ a ɖe bo ɖɔ, adingban kɛ́ɖɛ́ ɖó wɛ a ka ɖe.’ Bɔ hwenu e é ná ɖo xó ɔ́ ɖɔ wɛ ɔ́, mɛ e ji i lɛ́ɛ ɖésú ná xo e hu.

Matíe 16:17

Bɔ Jezu yí xó bó ɖɔ n'i ɖɔ: “Nyɔ̌nánɔ wɛ nú we Sinmɔ́ɔ, Jonási ví, ɖó gbɛtɔ́ gɔ́n wɛ nǔnywɛ́ e a dǒ tunwun xó énɛ́ ná ɔ́ gosín ǎ; lo ɔ́, Tɔ́ ce e ɖo sɛ́xwé ɔ́ wɛ sɔ́ dó ayi mɛ nú we.

Matíe 24:24

ɖó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ tɛnmɛ tɛnmɛ lɛ́ɛ, bó ná nɔ́ dó nǔdábaɖa ɖaxó ɖaxó lɛ́ɛ sin, bɔ nú yě sixú kpé wú wɛ ɔ́, yě ná flú mɛ e Mawu cyán lɛ́ɛ lɔmɔ̌.

Matíe 7:15

“Mi cɔ́ miɖée dó mɛ e nɔ sɔ́ yěɖée dó ɖó gbeyíɖɔ Mawu tɔn lɛ́ɛ wú. Ninɔmɛ lɛ̌ngbɔ́ tɔn wɛ yě nɔ zé, bó nɔ́ wá mi gɔ́n; lo ɔ́, ɖo ayi yětɔn mɛ ɔ́, adǎnkanlin ɖi hla ɖɔhun wɛ nú yě.

Maki 10:46

Yě wá yi jɛ toxo e è nɔ ylɔ́ ɖɔ Jeliko ɔ́ mɛ, bɔ Jezu kpódó ahwanvú tɔn lɛ́ɛ kpó wá ɖo toxo ɔ́ mɛ tɔ́n sín wɛ, bɔ mɛ gěgé ɖé lɛ́ɛ ka nyi ahwan xwedó yě. Nya nukúntíntɔ́nnɔ nǔbyɔ́ɖutɔ́ ɖé ɖo to énɛ́ mɛ, bɔ è nɔ ylɔ́ ɛ ɖɔ Baatimɛ́ɛ, tínmɛ tɔn wɛ nyí Timɛ́ɛ sín vǐ súnnu. É ɖo ayǐjínjɔ́n ɖo ali kpá.

Mɛsɛ́dó 13:13

Pɔ́lu kpódó hǎgbɛ́ tɔn lɛ́ɛ kpán ka wá dó tɔjíhún sín Pafɔ́si, bó yi jɛ Pɛɛjée ɖo Panfilíi gbé jí. Jǎan-Maki ka jó yě dó ɖo fínɛ́, bó lɛ́ kɔ yi Jeluzalɛ́mu.

Mɛsɛ́dó 13:8

lo ɔ́, Elimasi e è nɔ ylɔ́ ɖɔ majíkiblótɔ́ ɔ́, (mɔ̌ wɛ è nɔ ylɔ́ ɛ ɖɔ dó Glɛ̌sigbe mɛ) ka ná tɛn tɔn yě ǎ, é ɖo biba ná ɖe ayi tokpɔngán ɔ́ tɔn sín nǔɖiɖi ɖó nú Jezu Klísu xó e ɖɔ n'i wɛ è ɖe ɔ́ wú wɛ.

2 Kɔlɛ́ntinu 11:13

Mɛ énɛ́ lɛ́ɛ ɔ́, mɛsɛ́dónyíjɛtɔ́ wɛ yě nyí; mɛwlóɖutɔ́ wɛ yě nyí, bó nɔ́ sɔ́ mɛsɛ́dó Klísu tɔn sín ninɔmɛ.

2 Timɔtée 3:8

Lě e Janɛ́si kpódó Janblɛ́si kpó gbɛ́ Mɔyízi sín xó gbɔn ɔ́, mɔ̌ ɖokpó ɔ́ wɛ gbɛtɔ́ ayiblúblúnɔ e sín nǔɖiɖi ma nyí nǔɖé wa nú ǎ nɛ́ lɛ́ɛ lɔmɔ̌ gbɛ́ nǔgbó ɔ́ gbɔn é nɛ́.

1 Jǎan 4:1

Mɛvívɛ́ná ce lɛ́ɛ mi, mi ma nɔ ɖi nǔ nú mɛ e ɖɔ émí ɖó Yɛ Mawu tɔn lɛ́ɛ é bǐ ó, mi nɔ to dó yě kpɔ́n hwɛ̌, bó ná kpɔ́n ɖɔ Yɛ Mawu tɔn ɔ́ jɛ́n ɖo yě mɛ nǔgbó ají; ɖó gbeyíɖɔmawutɔn-nyíjɛtɔ́ gěgé ko gba kpé gbɛ ɔ́ mɛ din.

Nǔɖexlɛ́mɛ 19:20

Ahwan wlí kanlin ɔ́ kpó gbeyíɖɔnyíjɛtɔ́ e jlɛ́ nǔ ɖo nukɔn tɔn ɔ́ kpó. Nǔjlɛ́jlɛ́ énɛ́ lɛ́ɛ wɛ é dó flú mɛ e wú kanlin ɔ́ sín wuntun ɖe, bɔ yě nɔ́ sɛn kanlin ɔ́ sín akpajlɛ́ lɛ́ɛ ná. È sɔ́ kanlin ɔ́ kpó gbeyíɖɔnyíjɛtɔ́ ɔ́ kpó gbɛɖe gbɛɖe nyi dó myɔ togotogo e mɛ hwemí ɖo jiji ɖe wɛ ɔ́ mɛ.