Mɛsɛ́dó 13:4 - MAWUXÓWÉMA

⁴ Ée Yɛsinsɛn sɛ́ Baanabási kpódó Sólu kpán dó mɔ̌ ɔ́, yě wá yi Selesíi, bó dó tɔjíhún ɖo fínɛ́ ɖidó to e è nɔ ylɔ́ ɖɔ Cíplu ɔ́ mɛ.

Mɛsɛ́dó 13:4 Iomraidhean Croise

Mɛsɛ́dó 11:19

Yadónúmɛ e tíin hwenu e è hu Etyɛ́ni ɔ́ zɔ́n bɔ mɛ e ɖi nǔ nú Jezu lɛ́ɛ gbadó. Mɛ ɖé lɛ́ɛ ɖo yě mɛ, bó hun káká yi Fenisíi; mɛɖé lɛ́ɛ yi to e ɖo tɔ tɛ́ntin bɔ è nɔ ylɔ́ ɖɔ Cíplu ɔ́ mɛ; mɛ ɖě ka yi to e è nɔ ylɔ́ ɖɔ Antyɔ́ci ɔ́ mɛ; lo ɔ́, Jwifu lɛ́ɛ kɛ́ɖɛ́ wɛ yě nɔ́ jlá Mawuxó ɔ́ ná.

Mɛsɛ́dó 13:2

Gbe ɖokpó ka wá su bɔ yě ɖo Aklúnɔ sɛn wɛ, bó ɖo nu blá wɛ, bɔ Yɛsinsɛn ɖɔ nú yě ɖɔ: “Mi ɖe Baanabási kpódó Sólu kpán ɖó vo nú mì, nú yě ná yi wa azɔ̌ e wú un ylɔ́ yě é.”

Mɛsɛ́dó 13:3

Ée yě blá nu bó xo ɖɛ gúdo ɔ́, yě ɖǒ alɔ Baanabási kpódó Sólu kpán jí, bó nyi yě.

Mɛsɛ́dó 15:36

Ée azǎn ɖé jɛ ɔ́, Pɔ́lu wá ɖɔ nú Baanabási ɖɔ: “Mǐ ná lɛ́ kɔ yi kpɔ́n nɔví mǐtɔn lɛ́ɛ ɖo to e mɛ mǐ jlá Aklúnɔxó ɔ́ gbɔn lɛ́ɛ bǐ, bó ná kpɔ́n lě e yě ɖe gbɔn é.”

Mɛsɛ́dó 20:23

Nǔ e un tunwun kpowun ɔ́ wɛ nyí ɖɔ: ɖo to ɖokpó ɖokpó mɛ ɔ́, Yɛsinsɛn nɔ ɖo ɖiɖɔ nú mì wɛ ɖɔ gankpá mɛ yiyi kpódó yajiji gěgé kpán ɖo te kpɔ́n mì.

Mɛsɛ́dó 27:4

Ée mǐ gosín fínɛ́ ɔ́, hǔn ɔ́ jɛ jɔhɔn kpé jí, bɔ mǐ gbɔn kɛ́nkɛ́n nú tɔtɛ́ntinto Cíplu tɔn ɔ́ bó ɖidó.

Mɛsɛ́dó 4:36

Mɔ̌ wɛ nya ɖé tíin, bɔ è nɔ ylɔ́ ɛ ɖɔ Jozɛ́fu; mɛsɛ́dó lɛ́ɛ ká sun nyǐ i ɖɔ Baanabási, (tínmɛ tɔn wɛ nyí gbɔdónúmɛtɔ́,) Levíi ví wɛ bɔ è ji i ɖo Cíplu.