Mɛsɛ́dó 13:2 - MAWUXÓWÉMA

² Gbe ɖokpó ka wá su bɔ yě ɖo Aklúnɔ sɛn wɛ, bó ɖo nu blá wɛ, bɔ Yɛsinsɛn ɖɔ nú yě ɖɔ: “Mi ɖe Baanabási kpódó Sólu kpán ɖó vo nú mì, nú yě ná yi wa azɔ̌ e wú un ylɔ́ yě é.”

Mɛsɛ́dó 13:2 Iomraidhean Croise

1 Tan 16:4

Davídi ɖe Levíi ví ɖé lɛ́ɛ bɔ yě ná nɔ́ wa azɔ̌ ɖo akɔjijɛgbá Mawu Mavɔmavɔ tɔn ɔ́ nukɔn. Yě ná nɔ sú xó ylɔ́ Mawu Mavɔmavɔ, Mawu Izlayɛ́li tɔn ɔ́; yě ná nɔ xomlá ɛ, bó ná nɔ kpa susu n'i.

Daniyɛ́li 9:3

Un blá nu, bó zé ati kplá, bó lɛ afín, bó dó ɖe xlɛ́ ɖɔ un húzú jijɔ, bó kpan nukɔn Aklúnɔ Mawu bó xo ɖɛ, bó sa vo n'i.

Matíe 17:21

Lo ɔ́, yɛ nyanya mɔ̌hunkɔtɔn lɛ́ɛ ɔ́, ɖɛ kpódó nubláblá kpó mɛ jɛ́n wɛ è nɔ sixú kpé yě wú ɖe.”]

Matíe 6:16

“Mi ɖo nu blá wɛ hǔn, mi ma nɔ nɔ aluwɛ mɛ yɛmɛnúwatɔ́ lɛ́ɛ ɖɔhun ó; yě nɔ dɔn nukún mɛ nyɔ, bo nɔ dó ɖe xlɛ́ gbɛtɔ́ lɛ́ɛ ɖɔ émí ɖo nu blá wɛ. Má ɖɔ nǔgbó nú mi, yě ko mɔ ajɔ yětɔn yí.

Matíe 9:38

Mi bo sa vo nú jinukúnnɔ ɔ́, nú é sɛ́ azɔ̌watɔ́ dó jinukúngbo tɔn mɛ.”

Luki 10:1

Énɛ́ gúdo ɔ́, Aklúnɔ lɛ́ ɖe ahwanvú kanɖé gban-nukún-we (72), bó sɛ́ yě dó webɔ webɔ, bɔ yě jɛ nukɔn n'i yi to e mɛ é ɖésú ɖó ná yi lɛ́ɛ, kpódó fí e é ɖó ná gbɔn lɛ́ɛ bǐ kpán.

Luki 2:37

É ka sɔ́ da asú ɖě ǎ, káká bó ɖó xwe kanwe-nukún-ɛnɛ (84); é nɔ́ cí sinsɛnxɔ mɛ, bɔ zǎn kpódó kéze kpó ɔ́, é nɔ́ ɖo Mawu sɛn wɛ, ɖo nubláblá kpó ɖɛxixo kpó mɛ.

Mɛsɛ́dó 10:19

Piyɛ́ɛ ka kpo ɖo tamɛ lin dó nǔ e é mɔ ɔ́ wú wɛ, bɔ Yɛsinsɛn ɖɔ n'i ɖɔ: “Đǒtó; mɛ atɔn ɖé lɛ́ɛ nɛ́ ɖo biba we wɛ nɛ́.

Mɛsɛ́dó 10:30

Kɔnɛ́yi ka yí xó, bó ɖɔ: “Azǎn ɛnɛ ɖíe wɛ un ɖo xwé ce gbe, ɖo gan atɔn mɛ hwelɛ́kɔ lěhwenu, bó ɖo ɖɛ xo wɛ; tlóló kpowun ɔ́, nya ɖé jɛ́n wá tɔ́n ɖo nukɔn ce, bó dó awu ɖé, bɔ awu ɔ́ nɔ́ kɔ́n.

Mɛsɛ́dó 13:3

Ée yě blá nu bó xo ɖɛ gúdo ɔ́, yě ɖǒ alɔ Baanabási kpódó Sólu kpán jí, bó nyi yě.

Mɛsɛ́dó 13:4

Ée Yɛsinsɛn sɛ́ Baanabási kpódó Sólu kpán dó mɔ̌ ɔ́, yě wá yi Selesíi, bó dó tɔjíhún ɖo fínɛ́ ɖidó to e è nɔ ylɔ́ ɖɔ Cíplu ɔ́ mɛ.

Mɛsɛ́dó 14:26

Yě dó tɔjíhún ɖo fínɛ́, bó yi Antyɔ́ci; fínɛ́ wɛ è ko sɔ́ yě dó alɔ mɛ nú wǔjɔmɛ Mawu tɔn ɖe, nú azɔ̌ e yě wa din é.

Mɛsɛ́dó 20:28

Mi hɛn ayi dó miɖée wú, bó hɛn ayi dó agun Mawu tɔn e nu Yɛsinsɛn sɔ́ mi ɖó é wú, bónú mi ná xlɛ́ ali agunví lɛ́ɛ; agunví énɛ́ lɛ́ɛ e Mawu xɔ gbɔn Vǐ é ɖésúnɔ tɔn sín kú gbla mɛ é.

Mɛsɛ́dó 22:21

Aklúnɔ ka ɖɔ nú mì ɖɔ: ‘Yi, ɖó fí línlín ná sɛ́ we dó wɛ un ɖe, ɖo mɛ e ma nyí Jwifu ǎ lɛ́ɛ gɔ́n.’ ”

Mɛsɛ́dó 4:36

Mɔ̌ wɛ nya ɖé tíin, bɔ è nɔ ylɔ́ ɛ ɖɔ Jozɛ́fu; mɛsɛ́dó lɛ́ɛ ká sun nyǐ i ɖɔ Baanabási, (tínmɛ tɔn wɛ nyí gbɔdónúmɛtɔ́,) Levíi ví wɛ bɔ è ji i ɖo Cíplu.

Mɛsɛ́dó 6:4

Énɛ́ ɔ́, mǐdɛɛ lɛ́ɛ ɔ́, mǐ ná kpé nukún dó ɖɛxixo kpódó Mawuxó jlájlá kpó wú.”

Mɛsɛ́dó 8:29

Yɛsinsɛn ka ɖɔ nú Filípu ɖɔ: “Xwedó kɛkɛ́ví énɛ́ wú.”

Mɛsɛ́dó 9:15

Aklúnɔ ka ɖɔ n'i ɖɔ: “Vɛ̌ yi, ɖó nya énɛ́ ɔ́, alǐnnyánú ɖé wɛ é nyí, bɔ un sɔ́, bó ná dó wa azɔ̌ ná, nú é ná jlá nyǐkɔ ce mɛ e ma nyí Jwifu ǎ lɛ́ɛ, bó ná jlá axɔ́sú yětɔn lɛ́ɛ, kpódó Izlayɛ́li togun ɔ́ kpó.

Hlɔ̌manu 1:1

Nyɛ Pɔ́lu mɛsɛntɔ́ Klísu Jezu tɔn e Mawu ylɔ́ bónú ma nyí mɛsɛ́dó ɔ́ wɛ ɖo wěma élɔ́ sɛ́ dó mi wɛ, bó ɖo gbe dó mi wɛ; Mawu wɛ ɖe mì ɖó vo bónú ma jlá Wɛn Ɖagbe tɔn.

Hlɔ̌manu 10:15

Ényí è ma sɛ́ mɛ dó xó tɔn jlá gbé ǎ ɔ́, nɛ̌ è ka ná mɔ Wɛn Ɖagbejlátɔ́ gbɔn? Lě e Mawuxówéma ɔ́ ɖɔ gbɔn ɔ́ ɖíe: “È mɔ Wɛn Ɖagbejlátɔ́ lɛ́ɛ jǎwe ɔ́, é nɔ nyɔ́ kpɔ́n mɛ.”

Hlɔ̌manu 15:16

bɔ un nyí mɛsɛntɔ́ Klísu Jezu tɔn ɖo togun e ma nyí Jwifu ǎ lɛ́ɛ tɛ́ntin ɔ́ wútu. Wɛn Ɖagbe Mawu tɔn e jlá wɛ un ɖe ɔ́, vɔ̌sánú-xwlémawutɔ́zɔ́ dó wa ná wɛ un ɖe, bó ɖo wiwa wɛ, bónú togun e ma nyí Jwifu ǎ lɛ́ɛ ná húzú vɔ̌sánú e nɔ́ nyɔ́ Mawu nukún mɛ, bɔ Yɛsinsɛn sɔ́ ɖó vo nú Mawu é.

1 Kɔlɛ́ntinu 12:11

Yɛsinsɛn ɖokpó géé ɔ́ jɛ́n nɔ bló nǔ énɛ́ lɛ́ɛ bǐ; é nɔ ma nǔníná lɛ́ɛ nú mɛ ɖokpó ɖokpó lě e é jló e gbɔn é.

1 Kɔlɛ́ntinu 7:5

Mi ma gbɛ́ xɔ nú miɖée ó, afi nú mi ɖó gbe kpɔ́, bó ná nɔ mɔ̌ nú hwenu ɖé, bó ná sixú kpé nukún dó ɖɛxixo wú. Amɔ̌, ényí hwe ɔ́ nu wá yi ɔ́, mi ná lɛ́ bɛ́ asú kpó asi kpó sín gbɛ lě e é jɛ xá gbɔn é; é má nyí mɔ̌ ǎ ɔ́, miɖée jí ɖu ɖe táá gló mi, bɔ Satáan ná tɛ́n mi kpɔ́n.

2 Kɔlɛ́ntinu 11:27

Un wa azɔ̌ syɛ́nsyɛ́n lɛ́ɛ, bɔ adǎn ɖaxó ɖaxó lɛ́ɛ gbo mì; un nɔ sixú dɔ́ amlɔ hwɛhwɛ ǎ; un nɔ sixú ɖu nǔ ǎ; avivɔ dó ya nú mì; avɔ hán mì.

2 Kɔlɛ́ntinu 6:5

È xo mǐ, bó kplá mǐ dó gankpá mɛ; è kplé ahwan dó mǐ bǐ wú; mǐ wa azɔ̌ syɛ́nsyɛ́n lɛ́ɛ; mǐ nɔ sixú dɔ́ amlɔ ǎ; mǐ nɔ́ sixú ɖu nǔ ǎ.

Galatinu 1:15

Lo ɔ́, Mawu ɔ́, ɖo nyɔ̌ná tɔn mɛ ɔ́, é ko sɔ́ mì cóbɔ è wá ji mì, bó ylɔ́ mì, bónú má sɛn ɛ.

Efɛ́zinu 3:7

Nǔ e Mawu sɔ́ hlɔ̌nhlɔ́n tɔn, bó ná mì ɖo xomɛnyínyɔ́ tɔn mɛ ɔ́ zɔ́n bɔ azɔ̌ ce nyí Wɛn Ɖagbe jlájlá.

Sɛ́nflínmɛ 10:8

Hwenɛ́nu ɔ́, Mawu Mavɔmavɔ ɖe akɔta Levíi tɔn ɔ́ ɖó vo, bó zé azɔ̌ élɔ́ lɛ́ɛ dó así nú yě: yě ná nɔ hɛn akɔjijɛgbá Mawu Mavɔmavɔ tɔn, yě ná nɔ́ ɖo xwé gbe bó ná nɔ ɖo azɔ̌ tɔn wa wɛ hwebǐnu, yě ná nɔ́ xo ɖɛ dó mɛ jí, ɖo Mawu Mavɔmavɔ sín nyǐkɔ mɛ. Yě wɛ kpo ɖo azɔ̌ énɛ́ lɛ́ɛ wa wɛ káká jɛ égbé.

Kolósinu 4:17

Mi ɖɔ nú Aacípu ɖɔ é ní kpé nukún dó azɔ̌ e Aklúnɔ zɔ́n ɛ ɔ́ wú bó wa ganjí.

1 Timɔtée 2:7

Un ɖo adingban ɖó wɛ ǎ; nǔgbó ɖɔ wɛ un ɖe bó ɖɔ énɛ́ ɔ́ wútu wɛ Mawu sɔ́ mì wɛnsagun, bó sɔ́ mì mɛsɛ́dó, bó zɔ́n mì ɖɔ ma kplɔ́n nǔ e kan nǔɖiɖi kpódó nǔgbó kpó ɔ́ mɛ e ma nyí Jwifu ǎ lɛ́ɛ.

2 Timɔtée 1:11

Wɛn Ɖagbe énɛ́ ɔ́ wútu wɛ Mawu sɔ́ mì mawuxóɖɔtɔ́, bó sɔ́ mì mɛsɛ́dó, bó zɔ́n mì ɖɔ ma kplɔ́n nǔ mɛ.

2 Timɔtée 2:2

Nǔ e un ɖɔ, bɔ a se ɖo kúnnuɖetɔ́ gěgé nukɔn ɔ́, sɔ́ dó así nú mɛ e wú è ɖeji dó, bɔ yě lɔ ná sixú kplɔ́n mɛɖěvo lɛ́ɛ é.

2 Timɔtée 4:11

Luki kɛ́ɖɛ́ wɛ kpo ɖo gɔ̌n ce; kplá Maki bónú hwi kpó e kpó ní zɔn wá; ɖó é hɛn ɔ́, é ná d'alɔ mì ɖo azɔ̌ ce lɛ́ɛ mɛ.

2 Timɔtée 4:5

Amɔ̌ hwɛ ɔ́, nɔ wa nǔ bǐ dó jlɛ̌ jí; dɛ ɖo yajiji nu; wa Wɛn Ɖagbejlátɔ́ sín azɔ̌, bó wa mɛsɛntɔ́ Mawu tɔn sín azɔ̌ towe ganjí.

Eblée 5:4

Mɛ ɖěbǔ nɔ na susu e ɖo vɔ̌sánú-xwlémawutɔ́ ɖaxó nyínyí mɛ ɔ́ éɖée ǎ; lo ɔ́, Mawu wɛ nɔ ylɔ́ mɛ lě e é ylɔ́ Aalɔ́ɔn gbɔn é.

1 Samuwɛ́li 2:11

Énɛ́ ɔ́ gúdo ɔ́, Ɛlukana lɛ́ kɔ yi xwé tɔn gbe ɖo Hlama; Samuwɛ́li ká ɖo Mawu Mavɔmavɔ sín azɔ̌ wa wɛ ɖo Silóo, ɖo vɔ̌sánú-xwlémawutɔ́ Eli glɔ́.