Mɛsɛ́dó 13:10 - MAWUXÓWÉMA

¹⁰ bó ɖɔ: “Ayi hízíhízí, ayidídánɔ wɛ nú we; awǒvi sín vǐ wɛ a nyǐ, bó nyí nǔ ɖagbe lɛ́ɛ sín kɛntɔ́; káká yi jɛ hwetɛ́nu a ka ná gɔn avaja dó tito Aklúnɔ tɔn lɛ́ɛ mɛ dó?

Mɛsɛ́dó 13:10 Iomraidhean Croise

Bǐbɛ́mɛ 18:19

Un sɔ́ ɛ, bónú é ná ɖɔ nú vǐ súnnu tɔn lɛ́ɛ kpó vǐvú vivu tɔn e ná jɔ sɔ lɛ́ɛ kpó ɖɔ yě ní nyi sɛ́n ce lɛ́ɛ: yě ní zán gbɛ ɖagbe, bó zán gbɛ jlɔ́jlɔ́. Énɛ́ ɔ́, nyɛ Mawu Mavɔmavɔ ɔ́ ná ɖe akpá e un dó nú Ablaxámu lɛ́ɛ.”

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

2 Tan 17:6

Mawu Mavɔmavɔ sín jlǒ wiwa wɛ nɔ́ myá nukún n'i, bɔ é ɖe vodún xwé e gbɔn só jí só jí lɛ́ɛ kpódó vodún Acela lɛ́ɛ kpó sín axɔ́súɖuto Judáa tɔn mɛ.

Nǔnywɛ́tɔ́xó 9:3

Nǔ e nylá hú nǔ bǐ ɖo hwe glɔ́ fí lɛ́ɛ ɔ́ ɖokpó nɛ́ nyí nǔ ɖokpó ɔ́ e nɔ́ jɛ dó gbɛtɔ́ lɛ́ɛ bǐ jí é nɛ́. Énɛ́ wɛ zɔ́n bɔ dǎkaxixo kpó nǔ agɔ agɔ wiwa kpó nɔ́ gɔ́ gbɛtɔ́ sín ayi mɛ hwebǐnu. Énɛ́ ɔ́ gúdo ɔ́, gbɛtɔ́ nɔ́ yi maɖɔnǔxwɛ.

Jelemíi 23:36

Mɛ ɖé sɔ́ ná ɖɔ: ‘Mawu Mavɔmavɔ sín xó wɛ nyí agban bo ɖo kpinkpɛn émí wɛ’ ǎ. É má nyí mɔ̌ ǎ ɔ́, xó e mɛ ɔ́ ɖɔ ɔ́ ná húzú agban bo kpɛn mɛ ɔ́, ɖó mi húzú ada nú xó nyɛ Mawu gbɛɖe ɔ́ tɔn. Mi flí nyɛ Mawu Nǔbǐwúkpétɔ́, Mawu mitɔn ɔ́ sín xó xwe.

Ozée 14:9

Ani wɛ Eflayímunu lɛ́ɛ kpó vodún lɛ́ɛ kpó kpé dó? Nyɛ wɛ nɔ yí gbe nú ɖɛ e xo wɛ yě ɖe ɔ́, bó ná cyɔ́n alɔ yě jí. Nyɛ ɔ́, siplɛ́tín ɖɔhun wɛ un cí, bó nɔ ɖo mǔ hwebǐnu . Nyɛ wɛ nɔ zɔ́n bɔ yě nɔ́ mɔ jinukún.”

Matíe 13:38

gle ɔ́ wɛ nyí gbɛ ɔ́; nǔkún ɖagbe ɔ́ wɛ nyí axɔ́súɖuto Mawu tɔn sín vǐ lɛ́ɛ; gběhan nyanya ɔ́ wɛ nyí awǒvi sín vǐ lɛ́ɛ.

Matíe 15:19

ɖó ayi mɛ wɛ nǔ nyanya tɛnmɛ tɛnmɛ lɛ́ɛ nɔ́ gosín: mɛhuhu, agalilɛ, nǔblíblí wiwa, ajojija, kúnnu agɔ ɖiɖe, hɛ̌ndómɛ.

Matíe 23:13

Jezu ka lɛ́ ɖɔ: “Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Ɖó mi nɔ sú axɔ́súɖuto sɛ́xwé tɔn sín ali dó mɛ lɛ́ɛ, mi ɖésú ka nɔ byɔ́ ɛ mɛ ǎ; mi ka nɔ ná tɛn mɛ e jló ná byɔ́ ɛ mɛ lɛ́ɛ ǎ. [

Matíe 3:7

Ée é mɔ Falizyɛn lɛ́ɛ kpódó Saduseɛn lɛ́ɛ gěgé kpó wá yɛhwesin lɛ gbé ɔ́, é ɖɔ nú yě ɖɔ: “Jakpata kúnkan e mi! Mɛ̌ ka kplɔ́n mi ɖɔ mi ní hɔn nú xomɛsin Mawu tɔn e jǎwe ɔ́?”

Luki 11:39

Lo ɔ́, Aklúnɔ ɔ́ ɖɔ n'i ɖɔ: “Mi Falizyɛn lɛ́ɛ ɖíe nǔgbó; mi nɔ klɔ́ kɔ́fu kpódó agbǎn kpó gúdo; lo ɔ́, dǎka kpódó ajo kpó wɛ gɔ́ xo mitɔn mɛ.

Luki 11:52

“Heelú mi sɛ́nkplɔ́nmɛtɔ́ lɛ́ɛ, ɖó mi sɔ́ nǔnywɛ́xwé sín cávi ɔ́; mi ɖésúnɔ ɔ́, mi byɔ́ mɛ ǎ; mɛ e ka jló ná byɔ́ mɛ lɛ́ɛ ɔ́, mi nɔ lɛ́ sú ali tɔn dó yě!”

Jǎan 1:23

Jǎan yí gbe nú yě ɖɔ: “Nyɛ wɛ nyí mɛ e ɖo xó sú wɛ ɖo gbětótló mɛ é: ‘Mi bló Aklúnɔ sín ali ɖó.’ ” (Nǔ e gbeyíɖɔ Mawu tɔn Ezayíi ɖɔ é nɛ́.)

Jǎan 8:44

Awǒvi wɛ nyí tɔ́ mitɔn, bɔ nǔ e nɔ jló e lɛ́ɛ wiwa wɛ nɔ myá nukún nú mi. Mɛhutɔ́ wɛ é ko nyí sín do, é yí wǎn nú nǔgbó ǎ, ɖó nǔgbó ɖě ɖo nu tɔn ǎ; é ná ɖó nǔvú ɔ́, nǔ ɖo gaan wɛ, ɖó é ɖésúnɔ bǐ wɛ ko nyí adingbannɔ, bo nyí adingbannɔ lɛ́ɛ sín tɔ́.

Mɛsɛ́dó 20:30

Đo mi ɖésúnɔ mɛ ɔ́, mɛɖé lɛ́ɛ na wá sí te, bó jɛ nǔ e ma sɔgbe xá Wɛn Ɖagbe ɔ́ ǎ lɛ́ɛ kplɔ́n mɛ jí, bɔ mɛ gěgé ná xwedó yě ɖo mɛ e ɖi nǔ nú Jezu lɛ́ɛ mɛ.

2 Kɔlɛ́ntinu 11:3

Lo ɔ́, un ɖo xɛsi ɖi wɛ ɖɔ lě e mi tɛ́ dó Klísu wú ɖo gbejíninɔ kpódó mǐmɛ́ kpán mɛ gbɔn ɔ́, nǔɖé ní ma flú ayixa mitɔn, bónú mi ná jó Klísu dó, lě e Ɛvu jó éɖée dó, bɔ dan sɔ́ bǐbí ɖó nukɔn, bó ɖó nǔvú dó flú i é ɖɔhun ó.

Galatinu 1:7

É ka nyí ɖɔ Wɛn Ɖagbe ɖěvo tíin wɛ ǎ; lo ɔ́, mɛɖé lɛ́ɛ wɛ ɖo ayi gbadó nú mi wɛ, bó jló ná hɛn Wɛn Ɖagbe Klísu tɔn gblé.

Efɛ́zinu 4:14

Énɛ́ ɔ́, mǐ sɔ́ ná cí yɔkpɔ́vú lɛ́ɛ ɖɔhun, bɔ mɛblɛ́ɖutɔ́ lɛ́ɛ ná sɔ́ nǔkplɔ́nmɛ yětɔn lɛ́ɛ dó gba ayi dó nú mǐ, bɔ mǐ ná nɔ xo yi aɖisí, bó ná nɔ́ xo yi amyɔ, lě e aslɔkɛ́ kpó jɔhɔn kpó nɔ́ dó ya nú tɔjíhún gbɔn ɖo tɔjí é ɖɔhun ǎ. Đó mɛblɛ́ɖutɔ́ lɛ́ɛ ɔ́, nǔ e yě sɔ́ sísɛ́ yětɔn dó wa é wɛ yě nɔ́ zé dó dɔn mɛ dó nǔ nyanya mɛ.

2 Piyɛ́ɛ 2:15

Yě gosín ali jlɔ́jlɔ́ ɔ́ jí, bó yi bú; Bosɔ́ɔ sín vǐ Baláamu e yí wǎn nú nǔ nyanya wiwa dó ɖu le ɔ́, ali e é gbɔn ɔ́ wɛ yě wlǐ.

1 Jǎan 3:8

Mɛ e nɔ ɖo hwɛ hu wɛ ɔ́, awǒvi tɔn wɛ é nyí, ɖó awǒvi ɔ́ ko ɖo hwɛ hu wɛ sín do, bɔ Mawu ví ɔ́ ka wá, bó ná sú awǒvi sín nǔwiwa lɛ́ɛ sín kún dó.