Mɛsɛ́dó 12:9 - MAWUXÓWÉMA

⁹ Bɔ Piyɛ́ɛ tɔ́n, bó xwedó wɛnsagun ɔ́; lo ɔ́, nǔ e wa wɛ wɛnsagun ɔ́ ɖe ɔ́, Piyɛ́ɛ ɖi ɖɔ nǔgbó wɛ é nyí ǎ; é vɛdó ɖɔ nǔ mɔ wɛ émí ɖe sín.

Mɛsɛ́dó 12:9 Iomraidhean Croise

Bǐbɛ́mɛ 45:26

Ée yě jɛ tɔ́ yětɔn gɔ́n ɔ́, yě ɖɔ n'i ɖɔ: “Jozɛ́fu kpo ɖo gbɛ; é wɛ tlɛ kpa acɛ nú Ejípu to ɔ́ bǐ.” Yě ɖɔ mɔ̌ nú Jakɔ́bu có é ɖɔ nǔɖé n'i ǎ, ɖó é ɖi nǔ nú yě ǎ.

Bǐbɛ́mɛ 6:22

Nǔ e Nɔwée wa ɔ́ nɛ́. É bló lě e Mawu ɖɔ n'i gbɔn ɔ́ pɛ́pɛ́pɛ́.

Ɖɛhan 126:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Hwenu e Mawu Mavɔmavɔ lɛ́ sɔ́ Sinyɔ́ɔ ɖó tɛn e mɛ é ɖe ɖ'ayǐ é mɛ ɔ́, é cí dlɔ̌ ɖɔhun nú mǐ.

Jǎan 2:5

Nɔ tɔn ka ɖɔ nú nǔɖuɖumátɔ́ lɛ́ɛ ɖɔ: “Mi bló nǔ e é ná zɔ́n mi lɛ́ɛ bǐ.”

Mɛsɛ́dó 10:17

Piyɛ́ɛ ɖo nǔ énɛ́ lɛ́ɛ e é mɔ lɛ́ɛ sín tínmɛ kanbyɔ́ éɖée wɛ. Énɛ́ linkpɔ́n wɛ é ɖe kɛ́ɖɛ́, bɔ mɛ e Kɔnɛ́yi sɛ́ dó e lɛ́ɛ kan Sinmɔ́ɔ xwé byɔ́, bó wá jɛ hɔntogbó jí.

Mɛsɛ́dó 10:3

Gbe ɖokpó wá su, ɖo hwelɛ́kɔ xwe gan atɔn mɛ mɔ̌, bɔ é mɔ nǔ, bó mɔ wɛnsagun Mawu tɔn ɖokpó céɖécéɖé, bɔ wɛnsagun ɔ́ byɔ́ xwé tɔn gbe, bó ɖɔ n'i ɖɔ: “Kɔnɛ́yi.”

Mɛsɛ́dó 11:5

é ɖɔ nú yě ɖɔ: “Jopée wɛ un ɖe, bó ɖo ɖɛ xo wɛ, bó byɔ́ nǔ dlɔ̌ ɖɔhun ɖé mɛ, bó mɔ nǔ avɔ ɖaxó ɖɔhun ɖé gosín jǐnukúnsin wá káká gɔ̌n ce, ɖo dodomɛ, bɔ tó tɔn ɛnɛ lɛ́ɛ ɖo sinsin;

Mɛsɛ́dó 12:8

Wɛnsagun ɔ́ ka ɖɔ n'i ɖɔ: “Sɔ́ gǒjíblánú towe sin, bó sɔ́ afɔkpa towe lɛ́ɛ dó.” Bɔ é ka bló gbɔn mɔ̌. Wɛnsagun ɔ́ ka lɛ́ ɖɔ n'i ɖɔ: “Sɔ́ awu towe ɖaxó ɔ́ dó, bó xwedó mì.”

Mɛsɛ́dó 26:19

“Axɔ́sú Aglipa e! Ée nǔ nyí mɔ̌ ɔ́, un vɛ́ tóli nú nǔ e Mawu sɔ́ xlɛ́ mì lɛ́ɛ ǎ.

Mɛsɛ́dó 9:10

Ahwanvú Jezu tɔn ɖokpó ka ɖo Damási fínɛ́, bɔ è nɔ ylɔ́ ɛ ɖɔ Ananíyasi. É mɔ nǔ, bó mɔ Aklúnɔ bɔ é ɖɔ n'i ɖɔ: “Ananíyasi.” Bɔ é yí gbe n'i ɖɔ: “Nyɛ ɖíe Aklúnɔ.”

Eblée 11:8

Nǔɖiɖi e Ablaxámu ɖó ɔ́ wɛ zɔ́n bɔ hwenu e Mawu ylɔ̌ ɛ ɔ́, é se tónú n'i, bó ɖidó to e ná ná ɛ wɛ Mawu ɖe, bɔ é ná nyí étɔn ɔ́ mɛ. É gosín to é ɖésúnɔ tɔn mɛ, bó ɖidó, ma tunwun fí e é xwe é.