Mɛsɛ́dó 12:7 - MAWUXÓWÉMA

⁷ Azɔn ɖokpó ɔ́, wɛnsagun Aklúnɔ tɔn ɖokpó wá xwetɔ́n, bɔ wěziza hɔ́n ɖo xɔ ɔ́ mɛ. Wɛnsagun ɔ́ ka ɖó alɔ Piyɛ́ɛ wú, bó fɔ́n ɛ, lobo ɖɔ: “Sí te hawun!” Bɔ wlɔ lɛ́ɛ bǐ jɛ ayǐ sín alɔ tɔn.

Mɛsɛ́dó 12:7 Iomraidhean Croise

Mɛsɛ́dó 5:19

Lo ɔ́, ée zǎn kú ɔ́, wɛnsagun Aklúnɔ tɔn ɖokpó hun gankpá ɔ́ sín hɔn lɛ́ɛ, bó kplá yě jɛ hɔnto, bó ɖɔ nú yě ɖɔ:

Mɛsɛ́dó 16:26

Azɔn ɖokpó ɔ́, ayǐkúngban dán wǔ kpódó hlɔ̌nhlɔ́n kpó, bó húnhún gankpá ɔ́ sín dodó lɛ́ɛ bǐ; è nǎ mɔ nǔɖé kpowun ɔ́, hɔn lɛ́ɛ bǐ jɛ́n hun, bɔ gɛdɛ e è dǒ gantɔ́ lɛ́ɛ é bǐ wɛ́n kɔn nyi ayǐ.

Ɖɛhan 146:7

É nɔ́ gbo hwɛ nú mɛ e è táfú lɛ́ɛ. É nɔ́ ná nǔɖuɖu mɛ e xovɛ́ sin lɛ́ɛ; Mawu Mavɔmavɔ nɔ ɖe mɛ e è wlǐ lɛ́ɛ nyi te.

Ɖɛhan 107:14

É ɖe yě sín ganxó, é ɖe yě sín ablu mɛ, é wɛ́n wlɔ e mɛ yě ɖe é.

Ɖɛhan 34:7

Nyɛ lelenɔ ɖíe sú xó ylɔ́ Mawu Mavɔmavɔ e, bɔ é se bó hwlɛ́n mì gán ɖo nǔ e ɖo hǔn hɛn nú mì wɛ lɛ́ɛ bǐ mɛ.

Mɛsɛ́dó 10:30

Kɔnɛ́yi ka yí xó, bó ɖɔ: “Azǎn ɛnɛ ɖíe wɛ un ɖo xwé ce gbe, ɖo gan atɔn mɛ hwelɛ́kɔ lěhwenu, bó ɖo ɖɛ xo wɛ; tlóló kpowun ɔ́, nya ɖé jɛ́n wá tɔ́n ɖo nukɔn ce, bó dó awu ɖé, bɔ awu ɔ́ nɔ́ kɔ́n.

Efɛ́zinu 5:14

Đó nǔ e è ɖe gba ɖo wěziza nu lɛ́ɛ bǐ wɛ nɔ́ húzú wěziza; énɛ́ wútu wɛ è ɖɔ: “Hwi mɛ e ɖo amlɔ dɔ́ wɛ ɔ́, fɔ́n sí te sín mɛkúkú lɛ́ɛ mɛ; énɛ́ ɔ́, Klísu sín wěziza ná hɔ́n dó jǐ towe.”

Mɛsɛ́dó 2:24

lo ɔ́, Mawu fɔ́n ɛ sín kú; é hwlɛ́n ɛ sín kúgan mɛ; ɖó kú sín hlɔ̌nhlɔ́n sixú hɛn ɛ ɖó te ǎ.

Luki 24:4

Yě sɔ́ tunwun nǔ e yě ná wa é ǎ, bó ɖo nukún dó gbɛmɛ kpɔ́n dó nǔ énɛ́ wú wɛ, bɔ nya we ɖé lɛ́ɛ wá tɔ́n ɖo akpá yětɔn, bɔ awu yětɔn nɔ́ kɔ́n.

Luki 2:9

Wɛnsagun Mawu tɔn ɖokpó ká tɔ́n dó yě jí, bɔ susu Mawu tɔn sín wěziza hɔ́n dó yě jí, bɔ xɛsi ɖaxó ɖé jɛ yě bǐ jí.

Micée 7:9

Đó un hu hwɛ dó Mawu Mavɔmavɔ wútu ɔ́, un ná ɖo didɛ wɛ ɖo xomɛsin tɔn nu káká, bɔ é ná mɔ hwɛjijɔ nú mì. É ná lɛ́ kplá mì wá wěziza nu, bó ná kɔn nyɔ̌ná tɔn lɛ́ɛ dó jǐ ce.

Daniyɛ́li 6:22

Daniyɛ́li yí gbe nú axɔ́sú ɔ́ bó ɖɔ: “Sɛ́mɛɖó, jidɔ́ mɛtɔn ní nyí káká.

1 Axɔ́sú 19:7

Wɛnsagun Mawu Mavɔmavɔ tɔn ɔ́ lɛ́ wá azɔn wegɔ́ ɔ́ bó ɖó alɔ wǔ tɔn, bó ɖɔ n'i ɖɔ: “Fɔ́n bó ɖu nǔ, ɖó ali towe lín ga ɖésú.”

Mɛsɛ́dó 12:23

Lo ɔ́, tlóló tɛn tɔn mɛ ɔ́, wɛnsagun Aklúnɔ tɔn sín alɔ jɛ wǔ tɔn, ɖó é sɔ́ Mawu su ǎ wútu; bɔ wě ɖu i káká bɔ é kú.

Mɛsɛ́dó 9:3

Dɔ̌n ɔ́ yi wɛ é ɖe, bó kó sɛ yá Damási to ɔ́, bɔ tlóló ɔ́, wěziza ɖé gosín jǐxwé wá hɔ́n lɛ́ lɛ̌ dó e,

Xabakúku 3:4

É nɔ hɔ́n jǐkɛwun ɖɔhun, jǐ nɔ́ kɛwun sín alɔ tɔn mɛ. Alɔ tɔn mɛ wɛ hlɔ̌nhlɔ́n tɔn ɖe.

Ezekiyɛ́li 43:2

Kpowun ɔ́, un mɔ susu Mawu Izlayɛ́li tɔn ɔ́ tɔn, bɔ é ja sín zǎnzǎnhwe jí. É jǎwe kpó zǐngídi ɖé kpó, bɔ é cí xu wɛ ɖo adǎn jí ɖɔhun; susu tɔn za wě gbɔn ayǐkúngban ɔ́ bǐ jí.

Ezayíi 60:1

Jeluzalɛ́mu, sí te, kɔ́n hwe ɖɔhun, ɖó wěziza towe wá, susu Mawu Mavɔmavɔ tɔn tɔ́n dó jǐ towe.

Ɖɛhan 116:16

Mawu Mavɔmavɔ, mɛsɛntɔ́ towe wɛ un nyí, mɛsɛntɔ́ towe nyɔ̌nu sín vǐ wɛ un nyí, a tún mì sín wlɔ mɛ.

1 Axɔ́sú 19:5

Ée é ɖɔ mɔ̌ ɔ́, é mlɔ́ ayǐ, bó dɔ́ amlɔ ɖo atín ɔ́ sá. Lo ɔ́, wɛnsagun Mawu Mavɔmavɔ tɔn ɖokpó wá ɖó alɔ wǔ tɔn, bó ɖɔ n'i ɖɔ: “Fɔ́n bó ɖu nǔ.”

Nǔɖexlɛ́mɛ 18:1

Énɛ́ ɔ́ gúdo ɔ́, un mɔ wɛnsagun ɖěvo ɖo te jɛ sín jǐxwé wɛ. É ɖó acɛ ɖaxó ɖé; susu tɔn hɔ́n dó ayǐkúngban ɔ́ bǐ jǐ.

Eblée 1:14

Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

Mɛsɛ́dó 12:6

Ée é kpo sɔ bɔ Elódu ná kplá Piyɛ́ɛ wá togun ɔ́ nukɔn, bó ná ɖɔ hwɛ xá ɛ ɔ́, Piyɛ́ɛ ɖo amlɔ dɔ́ wɛ zǎn mɛ, ɖo sɔ́ja we tɛ́ntin; wlɔ we wɛ è dó e, bɔ sɔ́ja ɖěvo lɛ́ɛ ka ɖo te ɖo hɔn ɔ́ jí, bó ɖo gankpá ɔ́ cɔ́ wɛ.

Xabakúku 3:11

Hwe kpó sun kpó mɔ gǎ towe lɛ́ɛ sín wěziza ɖo jɔhɔn mɛ ɔ́, yě nɔ́ nɔ te. Yě mɔ hwǎn towe ɖo kinkɛn wɛ, bó ɖo nukún gba mɛ wɛ ɔ́, yě nɔ́ nɔ te ɖo fí e yě ɖe é.

Ezayíi 37:30

“Amɔ̌, hwɛ ɔ́, Ezekiyási, nǔ e ná nyí xlɛ̌ nú we ɔ́ ɖíe: Xwe élɔ́ mɛ ɔ́, nǔkún flá lɛ́ɛ wɛ è nǎ ɖu; xwe wegɔ́ ɔ́ mɛ ɔ́, è nǎ ɖu nǔ ɖokpó ɔ́. Amɔ̌, xwe atɔngɔ́ ɔ́ mɛ ɔ́, nǔ e mi ɖésúnɔ ná dó ɔ́ wɛ mi ná ɖu. Mi ná dó nǔkún bó ná ya; mi ná tun vǐwuntín bɔ é ná sɛ́n, bɔ mi ná ɖu.

2 Samuwɛ́li 22:29

Nǔgbó wɛ Mawu Mavɔmavɔ, hwi wɛ nyí wěziza ce, hwi wɛ nɔ ná wěziza mì ɖo ablu mɛ.

Ɖɛhan 68:6

Mawu ɖo nɔtɛn mímɛ́ tɔn, bó nyí tɔ́ nú tɔ́cyɔvǐ lɛ́ɛ, bó nyí xɛnyaɖomɛjítɔ́ nú asúkúsi lɛ́ɛ.

Jelemíi 40:1

Nɛbuzaladáni, sɔ́ja e nɔ cɔ́ Babilɔ́nu xɔ́sú ɔ́ lɛ́ɛ sín gǎn ɔ́ jó Jelemíi ɖo Hlama. Énɛ́ gúdo wɛ Mawu Mavɔmavɔ lɛ́ ɖɔ xó nú Jelemíi. Wɔlɔ mɛ wɛ é ɖe bɔ è kplá yi dɔ̌n; é kpó mɛ e ahwan wlí sín Jeluzalɛ́mu lɛ́ɛ kpó, kpó mɛ e ahwan wlí sín Judáa toxo ɖě lɛ́ɛ mɛ lɛ́ɛ kpó wɛ è kplá ɛ yi dɔ̌n. Babilɔ́nu wɛ è jlǒ ná kplá ahwankannumɔ énɛ́ lɛ́ɛ yi.

Daniyɛ́li 3:28

Bɔ axɔ́sú ɔ́ sú xó bó ɖɔ: “Susu nú Mawu Cadlaki kpó Mɛcáki kpó Abɛ́di-Nɛgó kpó tɔn. Mawu yětɔn sɛ́ wɛnsagun tɔn dó, bɔ é wá hwlɛ́n mɛsɛntɔ́ tɔn lɛ́ɛ gán, ɖó é wú wɛ yě gán jɛ, bó má se tónú nú gbeta e un ɖe tɔ́n é ǎ. Yě yí gbe nú wǔvɛ́mimɔ hú yě ní sɛn vodún, bó ɖe kɔ́ ná, lobo ná jó Mawu yětɔn dó.

Matíe 2:13

Ée nǔnywɛ́tɔ́ énɛ́ lɛ́ɛ yi gúdo ɔ́, wɛnsagun Aklúnɔ tɔn wá xo dlɔ̌ Jozɛ́fu bó ɖɔ n'i ɖɔ: “Sí te, zě vǐ ɔ́, kplá nɔ tɔn, bó hɔn yi Ejípu; nɔ dɔ̌n káká yi jɛ hwenu e un ná lɛ́ wá ɖɔ xó nú we dó é. Ɖó Elódu ɖo vǐ ɔ́ ba ná hu wɛ.”

Mɛsɛ́dó 12:8

Wɛnsagun ɔ́ ka ɖɔ n'i ɖɔ: “Sɔ́ gǒjíblánú towe sin, bó sɔ́ afɔkpa towe lɛ́ɛ dó.” Bɔ é ka bló gbɔn mɔ̌. Wɛnsagun ɔ́ ka lɛ́ ɖɔ n'i ɖɔ: “Sɔ́ awu towe ɖaxó ɔ́ dó, bó xwedó mì.”