Mɛsɛ́dó 12:5 - MAWUXÓWÉMA

⁵ Lo ɔ́, hwenu e Piyɛ́ɛ ɖo ganxó ɔ́, agun ɔ́ nɔ́ ɖo ɖɛ xo wɛ syɛ́nsyɛ́n dó ta tɔn mɛ.

Mɛsɛ́dó 12:5 Iomraidhean Croise

Matíe 18:19

“Mɔ̌ ɖokpó ɔ́, un lɛ́ ɖo ɖiɖɔ nú mi wɛ: ényí mɛ we ɖó gbe kpɔ́ ɖo ayǐkúngban jí, bó byɔ́ nǔ ɖěbǔ Tɔ́ ce e ɖo sɛ́xwé ɔ́, é ná ná nǔ e yě byɔ́ lɛ́ɛ yě.

Luki 18:1

Énɛ́ ɔ́ gúdo ɔ́, Jezu lɛ́ dó lǒ ɖokpó nú ahwanvú tɔn lɛ́ɛ, bó dó ɖe xlɛ́ yě ɖɔ yě ɖó ná ɖó kan dó ɖɛxixo wú tɛgbɛ; awakanmɛ ní má kú yě gbeɖé ó;

Mɛsɛ́dó 12:12

Ée é mɔ mɔ̌ ɔ́, é ɖidó Mali e nyí Jǎan e è nɔ lɛ́ ylɔ́ ɖɔ Maki ɔ́ sín nɔ xwé. Mɛ gěgé ko kplé ɖo fínɛ́, bó ɖo ɖɛ xo wɛ.

Mɛsɛ́dó 12:4

Ée Elódu wlí Piyɛ́ɛ ɔ́, é sú i dó gankpá mɛ, bó sɔ́ ɛ dó alɔ mɛ nú sɔ́ja ɛnɛ ɛnɛ gbɛ́ donu ɛnɛ, nú yě ná cɔ́ ɛ, bó ɖo linlin wɛ ɖɔ Dǐndínwáyixwe ɔ́ gúdo ɔ́, émí ná dɔn ɛ wá togun ɔ́ nukɔn, bó ná ɖɔ hwɛ xá ɛ.

Mɛsɛ́dó 12:6

Ée é kpo sɔ bɔ Elódu ná kplá Piyɛ́ɛ wá togun ɔ́ nukɔn, bó ná ɖɔ hwɛ xá ɛ ɔ́, Piyɛ́ɛ ɖo amlɔ dɔ́ wɛ zǎn mɛ, ɖo sɔ́ja we tɛ́ntin; wlɔ we wɛ è dó e, bɔ sɔ́ja ɖěvo lɛ́ɛ ka ɖo te ɖo hɔn ɔ́ jí, bó ɖo gankpá ɔ́ cɔ́ wɛ.

1 Kɔlɛ́ntinu 12:26

Nú agbaza ɔ́ sín wǔjɔnú ɖé ɖo wǔvɛ́ mɔ wɛ ɔ́, wǔjɔnú ɖě lɛ́ɛ bǐ wɛ nɔ mɔ wǔvɛ́ xá ɛ; ényí è ka wlí yɛ̌yi nú ɖokpó ɔ́, ɖě lɛ́ɛ bǐ wɛ nɔ j'awǎ xá ɛ.

2 Kɔlɛ́ntinu 1:11

ɖó mi ɖésúnɔ ɔ́, mi ná dó alɔ mǐ ɖo ɖɛ e mi nɔ xo nú mǐ lɛ́ɛ gbla mɛ. Énɛ́ ɔ́, Mawu ná yí ɖɛ e mɛ gěgé nɔ xo dó ta mǐtɔn mɛ lɛ́ɛ é; é ná wa ɖagbe énɛ́ nú mǐ, gbɔn hwlɛ́n e é ná hwlɛ́n mǐ gán ɔ́ gbla mɛ, bɔ mɛ gěgé ná nɔ dó kú n'i ɖó mǐ wú.

1 Tɛsalonikinu 5:17

Mi nɔ xo ɖɛ hwebǐnu.

Eblée 13:3

Mi flín mɛ e ɖo ganxó lɛ́ɛ, mi ɖésúnɔ wɛ ɖo ganxó ɖɔhun. Mi flín mɛ e è ɖo ya dó ná wɛ lɛ́ɛ, ɖó mi ɖésú ɖó agbaza.

Jaki 5:16

Hǔn, mi bo ɖɔ hwɛ e mi hu lɛ́ɛ nú miɖée, bó xo ɖɛ nú miɖée, bónú azɔn mitɔn ná gbɔ. Đɛ e hwɛjijɔnɔ nɔ xo ɔ́ nɔ ɖó hlɔ̌nhlɔ́n ɖésú.