Mɛsɛ́dó 11:1 - MAWUXÓWÉMA

¹ Mɛsɛ́dó lɛ́ɛ kpódó nɔví ɖo Klísu mɛ e ɖo Judée lɛ́ɛ kpán se ɖɔ mɛ e ma nyí Jwifu ǎ lɛ́ɛ lɔmɔ̌ yí Mawuxó se.

Mɛsɛ́dó 11:1 Iomraidhean Croise

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

Ɖɛhan 22:27

Mɛ e nɔ zé yěɖée hwe lɛ́ɛ, ná ɖu nǔ gɔ́ xo. Mɛ e jó yěɖée nú Mawu Mavɔmavɔ lɛ́ɛ ná kpa susu n'i. Yě ná dɔ́ ji!

Ezayíi 11:10

Gbe énɛ́ gbe ɔ́, Jɛsée ví ɔ́ ná cí asyá e è tun te ɔ́ ɖɔhun nú togun e ɖo gbɛ ɔ́ mɛ lɛ́ɛ bǐ. Akɔta lɛ́ɛ ná nɔ́ wá ɖó xó te n'i, bó ná nɔ́ se xó ɖo nu tɔn, bɔ susu Mawu tɔn ná hɔ́n ɖo fí e é ɖe ɔ́.

Ezayíi 32:15

Ayǐ ɖokpó ná wá hɔ́n, bɔ Mawu ná kɔn yɛ tɔn dó mǐ jí. Énɛ́ ɔ́, fí e nyí axéko jí é ná húzú atínsínsɛ́ngbo, bɔ atínsínsɛ́ngbo ná húzú zungbó.

Ezayíi 42:1

Mawu ɖɔ: “Mɛsɛntɔ́ ce ɖíe; un hɛn alɔ tɔn, nyi wɛ sɔ́ ɛ, bɔ xomɛ nɔ hun mì dó wǔ tɔn; un sɔ́ yɛ ce ɖó jǐ tɔn, bɔ é ná sɔ́ hwɛjijɔ jínjɔ́n ayǐ gbɔn akɔta lɛ́ɛ mɛ.

Ezayíi 42:6

“Nyɛ Mawu Mavɔmavɔ ɔ́, un ylɔ́ we ɖó un ɖo gbejí nú xó e un ɖɔ é; un ná gǎnjɛwú we; un bló we bó ná sɔ́ we dó jɛ akɔ xá gbɛtɔ́ lɛ́ɛ; a nǎ nyí wěziza nú akɔta lɛ́ɛ.

Ezayíi 49:6

É ɖɔ nú mì ɖɔ: “Azɔ̌ e wa nú mì wɛ a ɖe, bó ɖo akɔta Jakɔ́bu tɔn lɛ́ɛ sɔ́ sí te wɛ, bó ɖo mɛ e kpo ɖo Izlayɛ́li lɛ́ɛ kplá wá wɛ ɔ́, azɔ̌ énɛ́ ɔ́ kɛ́ɖɛ́ kpé ǎ. Un lɛ́ sɔ́ we dó ɖó wěziza nú akɔta ɖě lɛ́ɛ, bónú hwlɛngán ce ná yi káká fí e gbɛ ɔ́ kponu ɖó é.”

Ezayíi 52:10

Mawu Mavɔmavɔ ɖe hlɔ̌nhlɔ́n mímɛ́ tɔn xlɛ́ ɖo akɔta lɛ́ɛ bǐ nukɔn; akɔta lɛ́ɛ bǐ ná mɔ lě e Mawu mǐtɔn nɔ́ hwlɛ́n mǐ gán gbɔn é; yě ná mɔ káká yi fí e gbɛ ɔ́ kponu ɖó é.

Ezayíi 60:3

Énɛ́ ɔ́, akɔta lɛ́ɛ ɖo zɔnlin jí ja zogbɛ́n towe nu, bɔ axɔ́sú lɛ́ɛ ɖo zɔnlin jí ja wěziza e hɔ́n dó jǐ towe ɔ́ nu.

Ezayíi 62:2

Énɛ́ ɔ́, akɔta lɛ́ɛ bǐ ná mɔ ɖɔ Mawu Mavɔmavɔ hwlɛ́n we, axɔ́sú lɛ́ɛ bǐ ná mɔ susu e a xɔ é. Mawu Mavɔmavɔ ná ná nyǐkɔ yɔ̌yɔ́ we, bɔ nyǐkɔ énɛ́ wɛ è nǎ nɔ́ ylɔ́ we.

Jelemíi 16:19

Mawu Mavɔmavɔ wɛ nyí gǎnjɛwú ce, é wɛ nyí sósyɛ́n ce. Adǎngbomɛ hwenu ɔ́, é wɛ nɔ́ nyí bibɛtɛn ce. Akɔta akɔta lɛ́ɛ ná gosín wɛ̌kɛ́zo ɛnɛ lɛ́ɛ bǐ jí wá mɔ we, bó ná ɖɔ nú we ɖɔ: “Nǔ e tɔ́gbó mǐtɔn lɛ́ɛ nɔ́ sɛn lɛ́ɛ bǐ wɛ nyí awo, nǔ yǎyá wɛ, yě kpé nǔɖé wú ǎ.

Ozée 2:23

Gbe énɛ́ ɔ́ gbe ɔ́, mi ná mɔ ɖɔ nyɛ Mawu Mavɔmavɔ nɔ́ yí ɖɛ. Un ná ná nǔ e ba wɛ jǐxwé ɖe lɛ́ɛ jǐxwé, bɔ jǐxwé ná ná nǔ e ba wɛ ayǐkúngban ɖe lɛ́ɛ ayǐkúngban .

Micée 5:7

Izlayɛ́li ví e kpo ɖo gbɛ ɖo akɔta gěgé tɛ́ntin lɛ́ɛ ná dó hlɔ̌nhlɔ́n kinnikínní ɖɔhun, ɖo kanlin e ɖo zungbó mɛ lɛ́ɛ tɛ́ntin, abǐ ée ɖo lɛ̌ngbɔ́hwan tɛ́ntin é ɖɔhun. É gbɔn fí ɖěbǔ ɔ́, é nɔ́ wlí nǔ, bó nɔ ɖo vǔnvún ɖu wɛ; mɛ ɖěbǔ ká sixú yí nǔ e é wlí ɔ́ sín así tɔn ǎ.

Sofoníi 2:11

Mawu Mavɔmavɔ ná ɖó adohu nú yě, ɖó é ná sɔ́ vodún e ɖo ayǐkúngban jí lɛ́ɛ bǐ dó húzú nǔ yǎyá. Énɛ́ ɔ́, akɔta e ɖo fí má yá fí lɛ́ɛ bǐ ná nɔ sɛn ɛ. Akɔta lɛ́ɛ ɖokpó ɖokpó ná nɔ sɛn ɛ ɖo ayǐkúngban yětɔn yětɔn jí.

Sofoníi 3:9

“Énɛ́ ɔ́ gúdo ɔ́, un ná húzú togun lɛ́ɛ; un ná lɛ nu yětɔn wé: Yě ná xo mlá nyɛ Mawu Mavɔmavɔ ɔ́ sín nyǐkɔ; yě ná ɖó gbe kpɔ́ bó ná sɛn mì.

Zakalíi 2:11

Jeluzalɛ́munu e ɖo kannumɔgbénu ɖo Babilɔ́nu lɛ́ɛ é mi, mi yá wǔ hɔn.”

Malacíi 1:11

Sín zǎnzǎnhwe jí káká wá yi gbadahwe jí ɔ́, gbɛtɔ́ e ɖo ayǐkúngban ɔ́ jí lɛ́ɛ bǐ wɛ tunwun susu ce. Fí bǐ wɛ è nɔ dó zǎlínkpɔ́n zo ɖe dó ta ce mɛ, bó nɔ́ hɛn vɔ̌sánú e jɛ xá mì lɛ́ɛ wá nú mì ɖe. Nǔgbó wɛ, akɔta lɛ́ɛ tunwun susu ce.

Matíe 2:1

È ji Jezu ɖo Bɛteleyɛ́mu ɖo Juda yíkúngban jí, axɔ́sú Elódu hwenu; nǔnywɛ́tɔ́ e nɔ́ mɔ nǔ jɛ sun sín wuntun wú lɛ́ɛ ɖěe gosín zǎnzǎnhwe jí wá Jeluzalɛ́mu.

Matíe 8:11

Lo ɔ́, un ɖo ɖiɖɔ nú mi wɛ ɖɔ mɛ gěgé ná gosín zǎnzǎnhwe jí, bó ná gosín gbadahwe jí wá, bó ná jínjɔ́n ayǐ, bó ɖu nǔ xá Ablaxámu kpódó Izáki kpó, kpódó Jakɔ́bu kpán, ɖo axɔ́súɖuto sɛ́xwé tɔn mɛ.

Maki 16:5

Yě byɔ́ yɔdo ɔ́ mɛ, bó mɔ dɔ̌nkpɛvú ɖé ɖo ayǐjínjɔ́n ɖo ɖisíxwé, bɔ é dó awu wěwé, bɔ xɛsi ɖaxó ɖé jɛ yě jǐ.

Luki 2:32

é wɛ nyí wěziza e ná ɖe we xlɛ́ akɔta lɛ́ɛ bǐ, bó ká ná nyí susu nú togun towe Izlayɛ́li é.”

Mɛsɛ́dó 1:15

Gbe ɖokpó wá su, bɔ yě nǔɖitɔ́ kantɔn mɔ̌ (120) kplé, bɔ Piyɛ́ɛ sí te ɖo tɛ́ntin yětɔn, bó ɖɔ:

Mɛsɛ́dó 11:29

Énɛ́ ɔ́, ahwanvú lɛ́ɛ ɖe gbeta tɔ́n, ɖɔ émí ɖokpó ɖokpó ná ná nǔ e wú émí kpé ɔ́, bɔ è nǎ sɛ́ dó nɔví émítɔn ɖo Klísu mɛ e ɖo Judée lɛ́ɛ, bó dó dó alɔ yě ná.

Mɛsɛ́dó 14:27

Ée yě wá Antyɔ́ci ɔ́, yě kplé agun Klísu tɔn e ɖo fínɛ́ lɛ́ɛ, bó ɖɔ nǔ e Mawu wa gbɔn yě jí ɔ́ bǐ nú yě, bó ka lɛ́ ɖɔ lě e Mawu hun ali nú mɛ e ma nyí Jwifu ǎ lɛ́ɛ gbɔn, bónú yě lɔ na sixú ɖi nǔ nú Jezu é nú yě.

Mɛsɛ́dó 15:3

Nǔɖitɔ́ lɛ́ɛ nyi yě, bɔ yě wlǐ ali, bó gbɔn Fenisíi kpódó Samalíi kpán gbé jí bó nɔ́ ɖo lě e mɛ e ma nyí Jwifu ǎ lɛ́ɛ jɛ Mawu li jí gbɔn é jlá wɛ, bɔ é nɔ nyí xomɛhunhun ɖaxó nú nɔví ɖo Klísu mɛ lɛ́ɛ.

Mɛsɛ́dó 28:15

Nɔví mǐtɔn ɖo Klísu mɛ e ɖo Hlɔ̌ma lɛ́ɛ kó se ɖɔ mǐ jǎwe, bó wá kpé mǐ ɖo alixo; mɛɖé lɛ́ɛ wá nɔ te kpɔ́n mǐ ɖo Jǒnɔyítɛn Atɔn lɛ́ɛ nukɔn; mɛɖé lɛ́ɛ hun káká wá kpé mǐ ɖo Apiwúsixi mɛ. Ée Pɔ́lu mɔ yě ɔ́, é dó kú nú Mawu, bɔ wǔ yá ɛ.