Mɛsɛ́dó 10:4 - MAWUXÓWÉMA

⁴ Ée Kɔnɛ́yi mɔ wɛnsagun ɔ́, xɛsi jɛ jǐ tɔn; é ká kpɔ́n ɛ tlítlí, bó kanbyɔ́ ɛ ɖɔ: “Nɛ̌ ká gbɔn Aklúnɔ?” Bɔ wɛnsagun ɔ́ yí gbe n'i ɖɔ: “Đɛ e a nɔ xo lɛ́ɛ, kpódó nǔ e a nɔ ná wamamɔnɔ lɛ́ɛ kpán ɔ́, bǐ wɛ Mawu yí, bó flín we.

Mɛsɛ́dó 10:4 Iomraidhean Croise

2 Tan 32:24

Hwenɛ́nu ɔ́, Ezekiyási bɛ́ azɔn ɖé bó ná kú. É ka sú xó ylɔ́ Mawu Mavɔmavɔ, bó xo ɖɛ. Bɔ Mawu Mavɔmavɔ bló nǔjíwǔ ɖokpó bó ná dó ɖe xlɛ́ ɛ ɖɔ azɔn tɔn ná gbɔ.

2 Tan 6:33

nɔ jǐxwé fí e a nɔ nɔ é, bó ɖótó e, bó ná ɛ nǔ e é byɔ́ we é; a blǒ gbɔn mɔ̌ ɔ́, togun e ɖo ayǐkúngban jí lɛ́ɛ bǐ ná tunwun we, bó ná ɖó sísí nú we togun towe Izlayɛ́li ɖɔhun, bó ná tunwun ɖɔ nyǐkɔ towe wɛ ɖo xwé élɔ́ e un sá ɔ́ jí.

Ɖɛhan 141:2

Un dlɛ́n alɔ sɛ́ dó we, ɖɛ e xo wɛ un ɖe ɔ́ ní wá gɔ̌n towe zǎlínkpɔ́n sín azɔ ɖɔhun; ɖɛ ce ní wá gɔ̌n towe gbada vɔ́ ɖɔhun.

Ɖɛhan 20:3

É ní nɔ tɛn mímɛ́ tɔn mɛ dɔ̌n, bó sɛ́ alɔgɔ́ dó! É ní nɔ Sinyɔ́ɔ bó dó alɔ we!

Ezayíi 43:26

Nǔ e sín hwɛ dó mì wɛ a ɖe ɔ́, lɛ̌ vɔ́ wá jí. Mǐ ná ɖɔ hwɛ dó mǐɖée. Đɔ nǔ e ɖe xlɛ́ ɖɔ hwɛ towe jɔ e.

Ezayíi 45:19

Xó e ɖɔ wɛ un ɖe ɔ́, un ɖɔ ɖo nǔglɔ́, ɖo ablu mɛ fí ɖé ǎ. Un ɖɔ nú Jakɔ́bu ví lɛ́ɛ ɖɔ yě yi ba mì ɖo fí e nǔ ɖěbǔ má ɖe é ǎ. Nyɛ Mawu Mavɔmavɔ ɔ́, xó e sɔgbe ɔ́ wɛ un nɔ ɖɔ; xó nǔgbó wɛ un nɔ ɖɔ.”

Daniyɛ́li 10:11

Nya e mɔ wɛ un ɖe ɔ́ ɖɔ nú mì ɖɔ: ‘Daniyɛ́li, hwi mɛ e Mawu yí wǎn ná ɔ́, tɛ́nkpɔ́n bó mɔ nǔ jɛ xó e ɖɔ nú we gbé un ja é mɛ. Nɔ te ɖo fí e a ɖe ɔ́, ɖó hwi gɔ́n wɛ è sɛ́ mì dó din.’ Ée un se mɔ̌ ɔ́, un ɖo te bó ɖo sísɔ́sísɔ́ wɛ.

Levíi ví 2:2

bó ná zé wá nú Aalɔ́ɔn sín vǐ súnnu vɔ̌sánú-xwlémawutɔ́ lɛ́ɛ. È nǎ wún linfín e jí è kɔn ami dó ɔ́ alɔgogo ɖokpó, bɔ zǎlínkpɔ́n ɔ́ bǐ ná jɛ jí, bɔ vɔ̌sánú-xwlémawutɔ́ lɛ́ɛ ɖokpó ná dó zo ɖo vɔ̌sákpe ɔ́ jí, bɔ é ná nyí flǐnnú ɖé nú Mawu Mavɔmavɔ. Énɛ́ wɛ nyí vɔ̌ e è nɔ dó zo, bɔ é nɔ́ fyɔ́ bǐ, bɔ wǎn tɔn nɔ́ yi Mawu Mavɔmavɔ gɔ́n, bó nɔ́ nyɔ́ se n'i é.

Malacíi 3:16

Énɛ́ ɔ́, mɛ e nɔ hwíhwɛ́ yěɖée dó Mawu Mavɔmavɔ glɔ́ lɛ́ɛ ɖɔ xó nú yěɖée. Mawu Mavɔmavɔ ɖótó yě, é se nǔ e yě ɖɔ ɔ́. È wlǎn mɛ e tunwun Mawu Mavɔmavɔ, bó nɔ́ sí i lɛ́ɛ sín nyǐkɔ dó wěma mɛ ɖo nukɔn tɔn.

Matíe 26:13

Má ɖɔ nǔgbó nú mi: fí ɖěbǔ e è nǎ jlá Wɛn Ɖagbe élɔ́ gbɔn ɖo gbɛ ɔ́ bǐ mɛ ɔ́, è nǎ nɔ́ ɖɔ nǔ e nyɔ̌nu élɔ́ wa din ɔ́ sín xó, bó ná nɔ́ dó flín i ná.”

Luki 1:29

Ée Mali se mɔ̌ ɔ́, ayi tɔn gbadó, bɔ é ɖo kinkanbyɔ́ éɖée wɛ ɖɔ: “Gbedómɛ alɔkpa tɛ́ ká ɖíe?”

Luki 24:5

Xɛsi jɛ nyɔ̌nu lɛ́ɛ jí, bɔ yě dǒ kɔ do; nya we lɛ́ɛ ká ɖɔ nú yě ɖɔ: “Étɛ́wú mi ka ɖo mɛ e ɖo gbɛ é ba wɛ ɖo mɛkúkú lɛ́ɛ mɛ?

Mɛsɛ́dó 10:31

Nya ɔ́ ɖɔ nú mì ɖɔ: ‘Kɔnɛ́yi, Mawu yí ɖɛ towe, bó flín nǔ e a nɔ ná wamamɔnɔ lɛ́ɛ é.

Mɛsɛ́dó 14:9

É ɖo xó e ɖɔ wɛ Pɔ́lu ɖe ɔ́ ɖótó wɛ. Pɔ́lu sín nukún wá yi jɛ jǐ tɔn, bɔ é kpɔ́n ɛ tlítlí, bó mɔ ɖɔ nya énɛ́ ɖó nǔɖiɖi e ná zɔ́n bɔ azɔn tɔn ná gbɔ é.

Mɛsɛ́dó 22:10

Un ka lɛ́ kanbyɔ́ mɛ e ɖo xó ɖɔ nú mì wɛ ɔ́ ɖɔ: ‘Ani un ɖó ná wa Aklúnɔ?’ Aklúnɔ ɔ́ ká ɖɔ nú mì ɖɔ: ‘Sí te, yi Damási; a ko yi dɔ̌n ɔ́, è nǎ ɖɔ nǔ e Mawu ɖɔ hwi ná wa ɔ́ bǐ nú we.’

Mɛsɛ́dó 3:4

Yě ka bɔ nukún nyi wǔ tɔn, bɔ Piyɛ́ɛ ɖɔ n'i ɖɔ jí: “Kpɔ́n mǐ.”

Filípunu 4:18

Un mɔ nǔ e mi sɛ́ dó mì lɛ́ɛ bǐ, bɔ é kpé mì kpo; din e Epafloditi hɛn nǔ e mi ná mì lɛ́ɛ wá nú mì ɔ́, nǔ e ɖo tají nú mì lɛ́ɛ bǐ ɖo así ce; nǔ e mi ná mì lɛ́ɛ cí vɔ̌sánú wǎnɖagbenɔ ɖɔhun, bó cí vɔ̌sísá e nɔ nyɔ́ Mawu nukún mɛ, bɔ é nɔ yí gbe ná ɔ́ ɖɔhun.

Filípunu 4:6

Ado ma hu mi dó nǔ ɖěbǔ wú ó; lo ɔ́, mi ɖo ninɔmɛ ɖěbǔ mɛ hǔn, mi ní nɔ sɔ́ kúdónúmɛ sín ayixa dó xo ɖɛ, bó byɔ́ nǔ e hudó mi lɛ́ɛ Mawu.

Eblée 13:16

Mi ma wɔn bó gɔn ɖagbe wa ó; mi ma wɔn bó gɔn nǔ e ɖo mi sí lɛ́ɛ má xá miɖée ó, ɖó vɔ̌sísá mɔ̌hunkɔtɔn lɛ́ɛ wɛ nɔ́ nyɔ́ Mawu nukún mɛ.

Eblée 6:10

Mawu nɔ dó hwɛ agɔ ǎ; é ná wɔn azɔ̌ e mi wa é ǎ; wǎn yíyí e mi ɖe xlɛ́ ɛ gbɔn alɔ e mi dó nɔví klísusɛntɔ́ lɛ́ɛ é gbla mɛ, bó ka lɛ́ kpo ɖo dǐdó yě wɛ ɔ́, é ná wɔn ǎ.

Nǔɖexlɛ́mɛ 8:4

Zǎlínkpɔ́n ɔ́ sín azizɔ nɔ sí sín wɛnsagun ɔ́ sín alɔ mɛ, bɔ azizɔ ɔ́ kpó mɛɖeɖóvo Mawu tɔn lɛ́ɛ sín ɖɛ kpó nɔ yi jǐ ɖo Mawu nukɔn.

1 Samuwɛ́li 3:10

Mawu Mavɔmavɔ wá Samuwɛ́li gɔ́n, bó ylɔ́ ɛ lě e é ko nɔ ylɔ́ ɛ gbɔn é; é ɖɔ: “Samuwɛ́li! Samuwɛ́li!” Samuwɛ́li yí gbe ɖɔ: “Đɔ xó, nyɛ mɛsɛntɔ́ towe ɖo tó ɖó we wɛ.”