Mɛsɛ́dó 1:9 - MAWUXÓWÉMA

⁹ Ée Jezu ɖɔ xó énɛ́ lɛ́ɛ gúdo ɔ́, yě ɖo kpínkpɔ́n ɛ wɛ, bɔ è sɔ́ ɛ ɖidó jǐ bɔ akpɔ́kpɔ́ ɖé wá bú i.

Mɛsɛ́dó 1:9 Iomraidhean Croise

Ɖɛhan 68:18

Ahwankɛkɛ́ Mawu tɔn lɛ́ɛ sukpɔ́ lóóo! Afatɔ́n (1.000) afatɔ́n wɛ è nɔ xa. Aklúnɔ kpó ahwankɛkɛ́ tɔn lɛ́ɛ kpó wá, Sinayíi só ɔ́ ɖo tɛn mímɛ́ ɔ́ mɛ.

Tíntɔ́n 19:9

Ée é yi ɔ́, Mawu Mavɔmavɔ ɖɔ n'i ɖɔ: “Un ná zɔn akpɔ́kpɔ́ wiwi ɖé mɛ wá gɔ̌n towe, bónú Izlayɛ́li ví lɛ́ɛ ná se gbe ce hwenu e un ná ɖo xó ɖɔ xá we wɛ é, bó ná nɔ ɖeji dó wǔ towe hwebǐnu.” Mɔyízi ɖɔ xó e togun ɔ́ ɖɔ lɛ́ɛ nú Mawu Mavɔmavɔ.

Tíntɔ́n 34:5

Mawu Mavɔmavɔ jɛ te ɖo akpɔ́kpɔ́ mɛ, bó wá nɔ te akpá tɔn, bó ɖɔ mɛ e é nyí ɔ́ nú Mɔyízi.

Ezayíi 19:1

Xó e Mawu ɖɔ dó Ejípu jí é ɖíe: Mawu Mavɔmavɔ ɖíe zɔn akpɔ́kpɔ́ ɖé jí ja Ejípu e! Akpɔ́kpɔ́ e jí é ɖe é ɖo wezun jí. Vodún Ejípu tɔn lɛ́ɛ ɖo sísɔ́sísɔ́ wɛ ɖo nukɔn tɔn, bɔ awakanmɛ kú Ejípunu lɛ́ɛ bǐ.

Daniyɛ́li 7:13

Un ɖo nǔ e mɔ wɛ un ɖe zǎn ɔ́ mɛ ɖo amlɔ mɛ ɔ́ kpɔ́n wɛ, bó mɔ nǔ gbɛtɔ́ ɖɔhun ɖé ɖo akpɔ́kpɔ́ mɛ jǎwe. É ɖidó degénɔ e nukɔn è kplá ɛ xwe ɔ́ gɔ́n.

Maki 16:19

Ée Aklúnɔ ɖɔ xó énɛ́ lɛ́ɛ nú yě gúdo ɔ́, è sɔ́ ɛ yi jǐnukúnsin, bɔ é jínjɔ́n ɖisíxwé nú Mawu.

Luki 21:27

Énɛ́ ɔ́, è nǎ mɔ Gbɛtɔ́ví ɔ́ ɖo akpɔ́kpɔ́ mɛ jǎwe, kpódó hlɔ̌nhlɔ́n kpán, ɖo susu ɖaxó ɖé mɛ.

Jǎan 6:62

Ényí mi ka wá mɔ Gbɛtɔ́ví ɔ́ xwe jǐxwé fí e é ko ɖe ɖ'ayǐ ɔ́, nɛ̌ ka ná cí gbɔn nú mi lo?

Mɛsɛ́dó 1:11

bo ɖɔ nú yě ɖɔ: “Galiléenu e mi! Étɛ́ sín te wɛ mi ka kpo ɖe ɖo fí, bó ɖo jǐnukúnsin kpɔ́n sɛ́ dó wɛ mɔ̌? Jezu énɛ́ e è sɔ́ sín tɛ́ntin mitɔn yi jǐxwé ɔ́ ná lɛ́ wá lě e mi mɔ ɛ, bɔ é yi jǐxwé gbɔn é.”

Mɛsɛ́dó 1:2

káká yi jɛ gbe e gbe Mawu sɔ́ ɛ yi jǐxwé é. Cóbónú é ná yi jǐxwé ɔ́, é kplɔ́n nǔ mɛsɛ́dó e é cyán lɛ́ɛ gbɔn Yɛsinsɛn jí.

1 Tɛsalonikinu 4:17

Énɛ́ ɔ́ gúdo ɔ́, mǐ mɛ e ná kpo ɖo gbɛ hwenɛ́nu lɛ́ɛ ɔ́, Mawu ná zé mǐ kpó yě kpó zɛ̌ɛ́n yi jǐ, ɖo akpɔ́kpɔ́ mɛ, bɔ mǐ ná yi kpé Aklúnɔ ɔ́ ɖo jɔhɔn mɛ; bɔ énɛ́ ɔ́, mǐ ná nɔ kpɔ́ xá Aklúnɔ ɔ́ hwebǐnu.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

Nǔɖexlɛ́mɛ 1:7

Mi kpɔ́n! É jǎwe ɖo akpɔ́kpɔ́ mɛ! Mɛ bǐ ná mɔ ɛ; mɛ e sɔ́ hwǎn ɛ lɛ́ɛ lɔ ná mɔ ɛ. Akɔta e ɖo ayǐkúngban jí lɛ́ɛ bǐ ná ná alě ɖó éyɛ́ wú. Nǔgbó wɛ, é ná nyí mɔ̌! Amǐ.

Nǔɖexlɛ́mɛ 11:12

Gbeyíɖɔ we lɛ́ɛ se gbe ɖaxó ɖé ɖi sín jǐxwé, bɔ gbe ɔ́ ɖɔ nú yě ɖɔ: “Mi xá jǐ fí.” Bɔ hwenu e kɛntɔ́ yětɔn lɛ́ɛ ɖo yě kpɔ́n wɛ ɔ́, yě zɔn akpɔ́kpɔ́ ɖé mɛ yi jǐxwé.

Nǔɖexlɛ́mɛ 14:4

Mɛ énɛ́ lɛ́ɛ hɛn yěɖée blí kpó nyɔ̌nu kpó ǎ; ɖó yě tunwun nyɔ̌nu kpɔ́n ǎ; yě hɛn yěɖée ɖó mǐmɛ́ jí; yě nɔ xwedó Lɛ̌ngbɔ́ví ɔ́ gbɔn fí e é xwe ɔ́ bǐ; é vɔ́ yě xɔ sín gbɛtɔ́ lɛ́ɛ mɛ, bónú yě ná nyí mɛ nukɔntɔn e è nǎ Mawu kpó Lɛ̌ngbɔ́ví ɔ́ kpó é.