Mɛsɛ́dó 1:8 - MAWUXÓWÉMA

⁸ Lo ɔ́, mi ná mɔ acɛ yí hwenu e Yɛsinsɛn ná jɛ te wá mi jí é, bɔ mi na nyí kúnnuɖetɔ́ ce, ɖo Jeluzalɛ́mu, gbɔn Judée gbé ɔ́ bǐ jí, kpódó Samalíi kpán, káká yi jɛ fí e gbɛ ɔ́ kponu ɖó é.”

Mɛsɛ́dó 1:8 Iomraidhean Croise

Ɖɛhan 22:27

Mɛ e nɔ zé yěɖée hwe lɛ́ɛ, ná ɖu nǔ gɔ́ xo. Mɛ e jó yěɖée nú Mawu Mavɔmavɔ lɛ́ɛ ná kpa susu n'i. Yě ná dɔ́ ji!

Ɖɛhan 98:3

É flín lě e é nyɔ́ xomɛ dó Izlayɛ́li togun ɔ́ wú gbɔn é, é flín lě e é ɖo gbejí nú Izlayɛ́li togun ɔ́ gbɔn é. Mɛ e ɖo ayǐkúngban ɔ́ jí káká yi fí e gbɛ ɔ́ kponu ɖó lɛ́ɛ bǐ mɔ ɖɔ Mawu mǐtɔn hwlɛ́n mǐ gán.

Ezayíi 42:10

Mi ji han yɔ̌yɔ́ ɖokpó dó sɔ́ Mawu Mavɔmavɔ su. Mi mɛ e nɔ gbɔn xu jí xu jí lɛ́ɛ mi, nǔɖogbɛ e nɔ́ nɔ xu mɛ lɛ́ɛ mi, togun e gbɔn zɔ zɔ lɛ́ɛ mi, mi kpa susu n'i sín fí e gbɛ ɔ́ kponu ɖó é.

Ezayíi 49:6

É ɖɔ nú mì ɖɔ: “Azɔ̌ e wa nú mì wɛ a ɖe, bó ɖo akɔta Jakɔ́bu tɔn lɛ́ɛ sɔ́ sí te wɛ, bó ɖo mɛ e kpo ɖo Izlayɛ́li lɛ́ɛ kplá wá wɛ ɔ́, azɔ̌ énɛ́ ɔ́ kɛ́ɖɛ́ kpé ǎ. Un lɛ́ sɔ́ we dó ɖó wěziza nú akɔta ɖě lɛ́ɛ, bónú hwlɛngán ce ná yi káká fí e gbɛ ɔ́ kponu ɖó é.”

Ezayíi 52:10

Mawu Mavɔmavɔ ɖe hlɔ̌nhlɔ́n mímɛ́ tɔn xlɛ́ ɖo akɔta lɛ́ɛ bǐ nukɔn; akɔta lɛ́ɛ bǐ ná mɔ lě e Mawu mǐtɔn nɔ́ hwlɛ́n mǐ gán gbɔn é; yě ná mɔ káká yi fí e gbɛ ɔ́ kponu ɖó é.

Ezayíi 66:19

Un ná sɔ́ wuntun ɖé ɖó tɛ́ntin yětɔn. Mɛ e ná gán ɖo hwɛ e un ná ɖɔ xá yě ɔ́ mɛ lɛ́ɛ ɔ́, un nǎ sɛ́ yě dó togun Taasísi tɔn mɛ, un nǎ sɛ́ yě dó togun Púti tɔn mɛ, bó ná sɛ́ yě dó togun Lǔdi tɔn mɛ. Mɛ énɛ́ lɛ́ɛ nyɔ́ gǎ da mɔ̌hunkɔtɔn. Un ná sɛ́ yě dó mɛ e ɖo Tubalu lɛ́ɛ gɔ́n, un nǎ sɛ́ yě dó mɛ e ɖo Glɛ̌si lɛ́ɛ gɔ́n, bó ná sɛ́ yě dó tɔtɛ́ntinto e ɖo to ɖé má yá to ɖé mɛ, bó má se xó ce kpɔ́n gbeɖé ǎ lɛ́ɛ gɔ́n; è mɔ susu ce ɖo fí énɛ́ lɛ́ɛ gbeɖé ǎ; yě ná ɖe susu ce xlɛ́ togun énɛ́ lɛ́ɛ.

Jelemíi 16:19

Mawu Mavɔmavɔ wɛ nyí gǎnjɛwú ce, é wɛ nyí sósyɛ́n ce. Adǎngbomɛ hwenu ɔ́, é wɛ nɔ́ nyí bibɛtɛn ce. Akɔta akɔta lɛ́ɛ ná gosín wɛ̌kɛ́zo ɛnɛ lɛ́ɛ bǐ jí wá mɔ we, bó ná ɖɔ nú we ɖɔ: “Nǔ e tɔ́gbó mǐtɔn lɛ́ɛ nɔ́ sɛn lɛ́ɛ bǐ wɛ nyí awo, nǔ yǎyá wɛ, yě kpé nǔɖé wú ǎ.

Micée 3:8

Amɔ̌, nyɛ ɔ́, Mawu Mavɔmavɔ ná hlɔ̌nhlɔ́n tɔn mì; é ná Yɛ tɔn mì; é ná mì nǔjlɔ́jlɔ́wiwa, bó ná mì, bɔ un ná dó sixú ɖe gbejímánɔ kpódó gǔfínfɔ́n Izlayɛ́li ví lɛ́ɛ tɔn kpó gba.

Matíe 24:14

È nǎ jlá axɔ́súɖuɖu Mawu tɔn sín Wɛn Ɖagbe gbɔn gbɛ ɔ́ bǐ mɛ, bónú é ná nyí kúnnuɖiɖe nú gbɛtɔ́ lɛ́ɛ bǐ. Énɛ́ ɔ́ gúdo ɔ́, gbɛ ɔ́ ná vɔ.

Matíe 28:19

Hǔn, mi yi bó kplɔ́n nǔ akɔta lɛ́ɛ bǐ, bónú yě ní húzú ahwanvú ce. Mi ylɔ́ Tɔ́ ɔ́, Vǐ ɔ́, kpódó Yɛsinsɛn ɔ́ kpó sín nyǐkɔ dó lɛ yɛhwesin nú yě.

Maki 16:15

É ka ɖɔ nú yě ɖɔ: “Mi gbɔn gbɛ ɔ́ bǐ mɛ, bo jlá Wɛn Ɖagbe Mawu tɔn ɔ́ gbɛtɔ́ lɛ́ɛ bǐ.

Luki 1:35

Wɛnsagun ɔ́ ká yí gbe n'i ɖɔ: “Yɛsinsɛn ná wá jǐ towe, bó ná ɖe hlɔ̌nhlɔ́n Mawu tɔn xlɛ́; énɛ́ ɔ́ wú wɛ vǐ e a nǎ ji ɔ́, è nǎ nɔ́ ylɔ́ ɛ ɖɔ mɛɖeɖóvo Mawu tɔn, bó ná nɔ́ ylɔ́ ɛ ɖɔ Mawu ví.

Luki 10:19

Un ná acɛ mi, bɔ mi ná ɖi zɔnlin gbɔn dan jí, bó ná ɖi zɔnlin gbɔn hɔnkéklě jí, bó ná ɖu ɖo awǒvi sín hlɔ̌nhlɔ́n lɛ́ɛ bǐ jí, lobɔ nǔ ɖěbǔ ná kpé mi wú ǎ.

Luki 24:29

lo ɔ́, yě ɖó e te, bó ɖɔ n'i ɖɔ: “Nɔ mǐ gɔ̌n, zǎn kó ɖo nǎ kú wɛ, ɖó hwe kó jɛ do.” É ka byɔ́ xwé gbe, bó nɔ yě gɔ̌n.

Jǎan 15:27

bɔ mi lɔmɔ̌ ná ɖe kúnnu nú mì, ɖó mi ko ɖo kpɔ́ xá mì sín bǐbɛ́mɛ.

Mɛsɛ́dó 1:5

Đó Jǎan ɔ́, sin wɛ é sɔ́ dó lɛ yɛhwesin nú mɛ; lo ɔ́, midɛɛ lɛ́ɛ ɔ́, ɖo malín málín mɛ din ɔ́, Yɛsinsɛn wɛ è nǎ sɔ́ dó lɛ yɛhwesin nú mi.”

Mɛsɛ́dó 13:31

bɔ é wá ɖe éɖée xlɛ́ mɛ e xwedó e sín Galilée wá Jeluzalɛ́mu lɛ́ɛ xɔ azǎn mɔ̌kpán. Mɛ énɛ́ lɛ́ɛ wɛ wá ɖo kúnnu ɖe n'i wɛ din ɖo Izlayɛ́li togun ɔ́ mɛ,

Mɛsɛ́dó 2:32

Jezu énɛ́ wɛ Mawu fɔ́n sín kú; mǐ bǐ wɛ mɔ;

Mɛsɛ́dó 22:15

Đó a ɖǒ na nyí kúnnuɖetɔ́ tɔn, bó ná ɖɔ nǔ e a mɔ, bó se ɔ́, ɖo gbɛtɔ́ lɛ́ɛ bǐ nukɔn.

Mɛsɛ́dó 3:15

Mi zɔ́n bɔ è hu mɛ e nyí gbɛnámɛtɔ́ ɔ́. Mawu ka fɔ́n ɛ sín kú, bɔ mǐ ɖo kúnnu ɖe ná wɛ.

Mɛsɛ́dó 4:33

Mɛsɛ́dó lɛ́ɛ ka nɔ́ ɖe kúnnu nú fínfɔ́n sín kú Aklúnɔ Jezu tɔn, kpódó jiɖiɖe kpó, bɔ Mawu tún acɛ dó yě mɛ bǐ jǐ.

Mɛsɛ́dó 5:32

Mǐ nyí kúnnuɖetɔ́ nǔ énɛ́ lɛ́ɛ tɔn; mǐ kpódó Yɛsinsɛn e Mawu nɔ́ ná mɛ e nɔ se tónú n'i lɛ́ɛ é kpán.”

Mɛsɛ́dó 6:8

Mawu tún acɛ dó Etyɛ́ni jí, bó ná ɛ hlɔ̌nhlɔ́n, bɔ é nɔ́ ɖo nǔdábaɖa ɖe tɔ́n wɛ, bó nɔ́ ɖo nǔ ɖaxó ɖaxó lɛ́ɛ jlɛ́ wɛ ɖo togun ɔ́ tɛ́ntin.

Mɛsɛ́dó 8:1

Etyɛ́ni e è hu ɔ́ nyɔ́ Sólu nukún mɛ. Gbe énɛ́ gbe e è hu Etyɛ́ni ɔ́, mɛ lɛ́ɛ jɛ ya dó nú agun Jezu tɔn e ɖo Jeluzalɛ́mu ɔ́ jí, bɔ yě bǐ gba kpé Judée kpódó Samalíi kpán gbejí. Mɛsɛ́dó lɛ́ɛ kɛ́ɖɛ́ jɛ́n ma hɔn yi ɖě ǎ.

Hlɔ̌manu 10:18

Lo ɔ́, un nɔ kanbyɔ́ ɖɔ: “Yě ka se Mawuxó ɔ́ ǎ wɛ a?” Ɛɛn, yě se ganjí. Đó Mawuxówéma ɔ́ ɖɔ: “Yě ɖɔ xó bɔ è se gbɔn ayǐkúngban ɔ́ bǐ jǐ, bɔ xó e yě ɖɔ ɔ́ yi káká fí e gbɛ ɔ́ kponu ɖó é.”

Hlɔ̌manu 15:19

gbɔn nǔjíjlɛ́ lɛ́ɛ kpódó nǔdábaɖa lɛ́ɛ kpó sín hlɔ̌nhlɔ́n mɛ; gbɔn Yɛsinsɛn sín hlɔ̌nhlɔ́n mɛ. Lě e un gbɔn fí bǐ bɛ́ sín Jeluzalɛ́mu káká yi Ililíi gbé jí, bó jlá Wɛn Ɖagbe e ɖɔ xó dó Klísu wú ɔ́ kpíkpé tɔn gbɔn é nɛ́.

Kolósinu 1:23

É ɖo mɔ̌ có, mi ka ɖó ná nɔ nǔɖiɖi mɛ, bó ná syɛ́nlǐn ɖo dodó syɛ́nsyɛ́n jí; mi ma jó miɖée dó bónú mɛɖé ní sɛ tɛn nú mi sín nǔ e ɖó nukún wɛ mi ɖe sín hwenu e mi ko se Wɛn Ɖagbe ɔ́ dó ɔ́ kɔn ó. Wɛn Ɖagbe énɛ́ wɛ è dǒ nǔ e Mawu bló ɖo gbɛ ɔ́ mɛ lɛ́ɛ é; é wɛ nyí ɖěe nyɛ Pɔ́lu, un húzú mɛsɛntɔ́ ná é.