Mɛsɛ́dó 1:7 - MAWUXÓWÉMA

⁷ É ka yí gbe nú yě ɖɔ: “Hwenu e é ná nyí ɔ́, gan e mɛ ka wɛ ɔ́, Mawu Tɔ́ ɔ́ ko to kpódó acɛ tɔn kpán; é nyí xó mitɔn ɖé ǎ.

Mɛsɛ́dó 1:7 Iomraidhean Croise

Jɔ̌bu 24:1

Nɛ̌ ká gbɔn bɔ Nǔbǐwúkpétɔ́ ɔ́ má zé azǎn ɖé lɛ́ɛ ɖó vo, bó ná nɔ́ dó ɖɔ hwɛ ǎ? Nɛ̌ ká gbɔn bɔ mɛ e tunwun i lɛ́ɛ má nɔ mɔ ɖɔ é ɖo hwɛ ɖɔ wɛ nǔgbó a?

Daniyɛ́li 2:21

É wɛ nɔ́ húzú hwenu lɛ́ɛ. É wɛ nɔ́ húzú nǔ e ɖo jijɛ wɛ lɛ́ɛ. É wɛ nɔ́ ɖe axɔ́sú sín gǎnzinkpo jí. É wɛ nɔ́ zé mɛ axɔ́sú. É wɛ nɔ́ ná nǔnywɛ́ nǔnywɛ́tɔ́ lɛ́ɛ. É wɛ nɔ́ ná nukúnnú-mɔjɛnǔmɛ nukúnnú-mɔjɛnǔmɛtɔ́ lɛ́ɛ.

Matíe 20:23

Jezu ka ɖɔ nú yě ɖɔ: “Mi ná wá nu wǔvɛ́ kɔ́fu ce énɛ́ ɔ́ nǔgbó; amɔ̌, ɖisíxwé ce kpódó amyɔxwé ce kpó ná jínjɔ́n ɔ́, nyɛ wɛ ná ná ǎ; mɛ e Mawu ko bló tɛnmɛ énɛ́ lɛ́ɛ ɖ'ayǐ ná lɛ́ɛ tɔn wɛ.”

Matíe 24:36

“Mɛ ɖé tunwun azǎn ɔ́ ǎ; mɛɖé ka tunwun gan ɔ́ mɛ ǎ; wɛnsagun Mawu tɔn lɛ́ɛ tunwun ǎ; nyɛ Mawu ví ɔ́ ɖésú tunwun ǎ; Tɔ́ ɔ́ ɖokpónɔ géé wɛ tunwun.

Maki 10:40

Amɔ̌, ɖisí ce xwé abǐ amyɔ ce xwé ninɔ ɔ́, nyɛ wɛ ná ná ǎ. Mɛ e Mawu kó bló tɛnmɛ énɛ́ lɛ́ɛ ɖ'ayǐ ná lɛ́ɛ tɔn wɛ.”

Maki 13:32

“Mɛ ɖé tunwun azǎn ɔ́ ǎ; mɛɖé ka tunwun gan ɔ́ mɛ ǎ; wɛnsagun Mawu tɔn lɛ́ɛ tunwun ǎ; nyɛ Mawu ví ɔ́ ɖésú tunwun ǎ; Tɔ́ ɔ́ ɖokpónɔ géé wɛ tunwun.

Luki 21:24

Yě ná kú hwǐ kú; ahwan ná wlí kannumɔ yětɔn yi to lɛ́ɛ mɛ to lɛ́ɛ mɛ, bɔ mɛ e ma nɔ sɛn Mawu ǎ lɛ́ɛ ná gbídí Jeluzalɛ́mu dó afɔ wú, káká yi jɛ hwenu e gan mɛ yětɔn ná vɔ dó é.”

Mɛsɛ́dó 17:26

Gbɛtɔ́ ɖokpó géé jí wɛ é ɖó togun lɛ́ɛ bǐ gbɔn, bó ma yě kpé ayǐkúngban ɔ́ bǐ sésé jí; é ɖó hwenu lɛ́ɛ, bó ka ɖó dogbó nú nɔtɛn togun lɛ́ɛ tɔn ɖokpó ɖokpó.

Efɛ́zinu 1:10

Tito énɛ́ e Mawu bló fó ɖo hwe tɔn nu ɔ́ wɛ nyí ɖɔ nǔ e ɖo jǐnukúnsin lɛ́ɛ, kpó ée ɖo ayǐkúngban jí lɛ́ɛ bǐ kpó ná kplé ɖo gǎn ɖokpó géé glɔ́; Gǎn énɛ́ wɛ nyí Klísu.

1 Timɔtée 6:15

Nú hwe ɔ́ nu wá su ɔ́, Mawu nyɔ̌nábǐnɔ ɔ́, Mawu ɖokpó géé e hú gǎn nǔ bǐ é, ée nyí Axɔ́sú axɔ́sú lɛ́ɛ tɔn, bó nyí Aklúnɔ aklúnɔ lɛ́ɛ tɔn ɔ́, ná ɖe hwenu e Jezu Klísu na lɛ́ kɔ wá ɔ́ xlɛ́.

2 Timɔtée 3:1

Ka lɛ́ nywɛ́ ɖɔ hwenu vɛ́ wǔ lɛ́ɛ ná tíin ɖo azǎn gǔdo gúdo tɔn lɛ́ɛ mɛ.