Mɛsɛ́dó 1:6 - MAWUXÓWÉMA

⁶ Kplékplé mɛ yětɔn kanbyɔ́ Jezu ɖɔ: “Aklúnɔ, hwenɛ́nu wɛ a nǎ lɛ́ vɔ́ axɔ́súɖuɖu Izlayɛ́li tɔn ɔ́ sɔ́ dó alɔ mɛ nú Izlayɛ́li a?”

Mɛsɛ́dó 1:6 Iomraidhean Croise

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

Ezayíi 1:26

Un ná zé hwɛɖɔtɔ́ towe lɛ́ɛ dó húzú hwɛɖɔtɔ́ ɖ'ayǐ tɔn lɛ́ɛ, un ná zé azaglɔ́gán towe lɛ́ɛ dó húzú azaglɔ́gán xóxó tɔn lɛ́ɛ; énɛ́ ɔ́, è nǎ nɔ́ ylɔ́ we ɖɔ ‘Toxo hwɛjijɔ tɔn’ ‘Toxo gbejínɔtɔ́.’ ”

Jelemíi 33:26

Ée nǔ ɖo mɔ̌ ɔ́, è sixú lin ɖɔ nyi ná jó Jakɔ́bu sín vǐ lɛ́ɛ kpó mɛsɛntɔ́ ce Davídi sín ví lɛ́ɛ kpó dó a? Abǐ è sixú lin ɖɔ gǎn e ná kpa acɛ dó Ablaxámu ví lɛ́ɛ, Izáki ví lɛ́ɛ kpó Jakɔ́bu ví lɛ́ɛ kpó nu lɛ́ɛ ɔ́, un kún ná zé ɖo yě mɛ ó a? “Un sixú bló mɔ̌ gbeɖé kpɔ́n ǎ! Un yí wǎn nú yě ɖésú. Un ná lɛ́ sɔ́ yě ɖó lě e yě kó ɖe ɖ'ayǐ é.”

Daniyɛ́li 7:27

Axɔ́súɖuto e ɖo ayǐkúngban ɔ́ jí lɛ́ɛ bǐ sín axɔ́súɖuɖu kpó acɛkpikpa kpó, kpódó susu yětɔn kpó ná húzú togun mímɛ́ Mawu Ajalɔ̌nlɔn tɔn ɔ́ tɔn. Togun mímɛ́ ɔ́ ná ɖu axɔ́sú káká yi mavɔ mavɔ, bɔ hlɔ̌nhlɔ́n e ɖo gbɛ ɔ́ mɛ lɛ́ɛ bǐ ná nɔ acɛ tɔn mɛ, bó ná nɔ́ se tónú n'i, bó ná nɔ́ sɛn ɛ.’

Ozée 3:4

Đó Izlayɛ́li ví lɛ́ɛ ná nɔ axɔ́sú kpó gǎn kpó má ɖó xɔ xwe gěgé; yě ná gɔn vɔ̌ sá xɔ xwe gěgé, bó ná gɔn awǐnnya e yě sɔ́ dó ɖó vodún ná ɔ́ sɛn xɔ xwe gěgé. Yě ná gɔn nǔ e è nɔ dó kan nǔ byɔ́ Mawu lɛ́ɛ ɖó xɔ xwe gěgé.

Amɔ́si 9:11

Mawu Mavɔmavɔ ɖɔ: “É wá yá ɔ́, un ná fɔ́n Davídi sín xwé e mu ɔ́ ɖó te. Un ná bló dǒ e zɛ lɛ́ɛ ɖó. Un ná bló nǔ e gba hánnyá lɛ́ɛ ɖó. Un ná vɔ́ xwé ɔ́ bló ɖó lě e é kó ɖe gbɔn ɖ'ayǐ é.

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Zakalíi 9:9

Sinyɔ́ɔnu lɛ́ɛ mi, mi j'awǎ! Jeluzalɛ́munu lɛ́ɛ mi, mi j'awǎ kpó awǒbóbó kpó. Axɔ́sú mitɔn ɖíe ja gɔ̌n mitɔn e. Nǔjlɔ́jlɔ́watɔ́ ɖé wɛ, é ɖu ɖ'é jí. É sɔ́ éɖée hwe, é jínjɔ́n tócí ɖé jí, tócí ví ɖé jí.

Matíe 17:11

Jezu ka yí gbe nú yě ɖɔ: “Nǔgbó wɛ, Elíi ɖó ná wá jɛ nukɔn, bó ná to nǔ lɛ́ɛ bǐ ɖó alɔ jí.

Matíe 20:21

Ée Jezu mɔ ɛ mɔ̌ ɔ́, é kanbyɔ́ ɛ ɖɔ: “Étɛ́ wɛ a jlǒ?” Nyɔ̌nu ɔ́ ka yí gbe n'i ɖɔ: “Un jló ɖɔ a nǐ ná mì gǎnjɛwú ɖɔ vǐ ce we élɔ́ lɛ́ɛ ná jínjɔ́n akpá towe hwenu e a nǎ wá ɖu axɔ́sú é. Mɛɖě ná jínjɔ́n ɖisíxwé, bɔ mɛ ɖě ná jínjɔ́n amyɔxwé.”

Matíe 24:3

Jezu ka wá jínjɔ́n ayǐ ɖo olívutín só ɔ́ jí, bɔ ahwanvú tɔn lɛ́ɛ ɖokpónɔ yi mɔ ɛ, bó kanbyɔ́ ɛ ɖɔ: “Hwetɛ́nu wɛ nǔ e a ɖɔ nɛ́ ɔ́ ná wá jɛ dó? Ani wɛ ka ná ɖe hwenu e a nǎ lɛ́ kɔ wá ayǐkúngban jí fí ɔ́, kpódó hwenu e gbɛ élɔ́ ná vɔ dó ɔ́ kpán xlɛ́ mǐ? Ɖɔ nú mǐ ná se.”

Maki 9:12

É ka yí gbe nú yě ɖɔ: “Nǔgbó wɛ, Elíi ɖó ná wá hwɛ̌, bó ná sɔ́ nǔ lɛ́ɛ ɖó tɛn yětɔn yětɔn mɛ. Lo ɔ́, nɛ̌ ka gbɔn bɔ è wlǎn ɖ'ayǐ ɖɔ Gbɛtɔ́ví ɔ́ ɖó ná ji ya ɖésú, bɔ yě ná sɔ́ ɛ dó ylɔ́ nǔɖé ná ǎ?

Luki 17:20

Falizyɛn lɛ́ɛ ka wá kan nǔ byɔ́ Jezu dó hwenu e axɔ́súɖuɖu Mawu tɔn na wa dó é wu, bɔ é yí gbe nú yě ɖɔ: “Axɔ́súɖuɖu Mawu tɔn nyí nǔ e è nǎ sixú mɔ dó nukún wú ɔ́ ǎ.

Luki 19:11

Ée mɛ lɛ́ɛ ɖo xó énɛ́ lɛ́ɛ ɖótó wɛ ɔ́, Jezu lɛ́ dó lǒ ɖěvo nú yě, ɖó é ko sɛ yá Jeluzalɛ́mu, bɔ mɛ lɛ́ɛ ka vɛdó ɖɔ tlóló din wɛ axɔ́súɖuɖu Mawu tɔn ná bɛ́ sín.

Luki 22:29

Énɛ́ wú ɔ́, nyɛ ɔ́, un sɔ́ axɔ́súɖuto ɔ́ ɖó te nú mi, lě e Tɔ́ ce sɔ́ ɖó te nú nyɛ gbɔn é,

Jǎan 21:21

Ée Piyɛ́ɛ mɔ ahwanvú énɛ́ ɔ́, é kanbyɔ́ Jezu ɖɔ: “Aklúnɔ, mɛ élɔ́ ka lo? Étɛ́ ka ná jɛ dó éyɛ́ jí?”