Mɛsɛ́dó 1:4 - MAWUXÓWÉMA

⁴ Jezu ka wá ɖo nǔ ɖu xá yě wɛ gbe ɖokpó, bó ɖɔ nú yě ɖɔ: “Mi ma sɛ tɛn sín Jeluzalɛ́mu ó, lo ɔ́, mi nɔ te kpɔ́n nǔ e sín akpá Mawu Tɔ́ ɔ́ dó, bɔ un ko ɖɔ xó tɔn nú mi é.

Mɛsɛ́dó 1:4 Iomraidhean Croise

Kɛ́nsísɔ́ 9:22

Amɔ̌, nú akpɔ́kpɔ́ ɔ́ nɔ Goxɔ ɔ́ jí nú azǎn we, abǐ nú sun ɖokpó, abǐ nú xwe ɖokpó ɔ́, Izlayɛ́li ví lɛ́ɛ nɔ́ cí fínɛ́; yě nɔ́ jɛ ali ǎ. Nú akpɔ́kpɔ́ ɔ́ wá sí te ɔ́, yě nɔ́ jɛ ali.

Matíe 10:20

Ɖó mi ɖésúnɔ wɛ ɖo xó ná ɖɔ wɛ ǎ; Yɛ Tɔ́ mitɔn tɔn wɛ ná ɖo xó ɖɔ wɛ gbɔn mi jí.

Luki 11:13

Midɛɛ lɛ́ɛ ɔ́, lě e mi nyí mɛ nyanya sɔ é nɛ́, có mi nyɔ́ nǔ ɖagbe ná vǐ mitɔn lɛ́ɛ. Bɔ nɛ̌ Mawu Tɔ́ e ɖo sɛ́xwé ɔ́ má ka ná ná Yɛsinsɛn tɔn mɛ e byɔ́ ɛ lɛ́ɛ ǎ gbɔn?”

Luki 12:12

ɖó Yɛsinsɛn ná kplɔ́n mi nǔ e mi ná ɖɔ ɔ́, ɖo gan ɔ́ mɛ.”

Luki 24:49

Nyɛ ɖésúnɔ ka ná sɛ́ nǔ e sín akpá tɔ́ ce dó ɔ́ dó mi. Mi bó nɔ to ɔ́ mɛ káká yi jɛ hwenu e hlɔ̌nhlɔ́n Mawu tɔn ná jɛ te dó mi jí é.”

Jǎan 14:16

Nyɛ ka ná sa vo nú Tɔ́ ɔ́, bɔ é ná sɛ́ gbɔdónúmɛtɔ́ ɖěvo dó mi, bɔ é ná nɔ kpɔ́ xá mi tɛgbɛ.

Jǎan 15:26

“Gbɔdónúmɛtɔ́ ɔ́ ná wá. Yɛ e nyí nǔgbó, bó gosín Tɔ́ ɔ́ gɔ́n ɔ́ wɛ. Un ná sɛ́ ɛ dó mi sín Tɔ́ ɔ́ gɔ́n. Hwenu e é ná wá ɔ́, é ná ɖe kúnnu nú mì;

Jǎan 20:22

Ée é ɖɔ mɔ̌ ɔ́, é fún funfún dó yě jí, bó ɖɔ nú yě ɖɔ: “Mi yí Yɛsinsɛn.

Jǎan 7:39

Yɛsinsɛn e mɛ e ɖi nǔ n'i lɛ́ɛ ná mɔ yí ɔ́ xó ɖɔ wɛ Jezu ɖe. Hwenɛ́nu ɔ́, Mawu ko na Yɛsinsɛn mɛɖé ǎ; ɖó Jezu ko byɔ́ susu tɔn mɛ ǎ.

Mɛsɛ́dó 10:41

Togun ɔ́ bǐ wɛ é ka ɖe e xlɛ́ ǎ; lo ɔ́, mǐ mɛ e Mawu kó cyán ɖ'ayǐ, bɔ mǐ ná nyí kúnnuɖetɔ́ tɔn lɛ́ɛ wɛ é ɖe e xlɛ́; mǐ ɖu nǔ, bó nu ahan xá ɛ hwenu e Mawu fɔ́n ɛ sín kú wá gbɛ é gúdo.

Mɛsɛ́dó 2:33

bɔ din e Mawu sɔ́ ɛ su, bó sɔ́ ɛ jínjɔ́n akpá, ɖo ɖisí tɔn xwé ɔ́, Mawu tɔ́ tɔn sɔ́ Yɛsinsɛn e sín akpá é dó nú mǐ ɔ́ jó n'i, bɔ é gba kɔn nyi mǐ jí; nǔ e mɔ wɛ mi ɖe, bó ɖo sise wɛ din ɔ́ nɛ́.