Mɛsɛ́dó 1:3 - MAWUXÓWÉMA

³ Mɛsɛ́dó énɛ́ lɛ́ɛ wɛ Jezu sɔ́ éɖée xlɛ́ ɖo kú tɔn gúdo, bó ɖe xlɛ́ yě gbɔn ali gěgé nu, ɖɔ émí ɖo gbɛ. Azǎn kanɖé (40) wɛ é tɔ́n dó yě jí xɔ, bó nɔ́ ɖo xó ɖɔ nú yě wɛ dó axɔ́súɖuɖu Mawu tɔn wú.

Mɛsɛ́dó 1:3 Iomraidhean Croise

1 Axɔ́sú 19:8

Bɔ Elíi fɔ́n, bó ɖu nǔ, bó nu sin, bɔ nǔɖuɖu énɛ́ ɔ́ ná ɛ hlɔ̌nhlɔ́n, bɔ é ɖi zɔnlin nú kéze kanɖé (40) zǎn kanɖé (40), bó wá jɛ Holɛ́bu, só Mawu tɔn kɔn.

Matíe 21:43

Énɛ́ ɔ́ wútu wɛ un ɖo ɖiɖɔ nú mi wɛ ɖɔ: ‘Mawu ná ɖe mi sín axɔ́súɖuto tɔn mɛ, bó ná sɔ́ akɔta e nǔwiwa yětɔn lɛ́ɛ jɛ xá axɔ́súɖuto tɔn lɛ́ɛ d'é mɛ, [

Matíe 28:9

Yě ná mɔ nǔɖé ɔ́, Jezu jɛ́n wɛ wá kpé yě ɖo alixo, bó ɖɔ: “Un dó gbe mi;” bɔ yě jɛ kpo, bó ɖó alɔ afɔ tɔn lɛ́ɛ wú bó ɖe kɔ́ n'i.

Matíe 3:2

bó nɔ́ ɖɔ: “Mi lɛ́ kɔ sín hwɛ mitɔn lɛ́ɛ gúdo, ɖó axɔ́súɖuɖu sɛ́xwé tɔn kó sɛ yá.”

Matíe 4:2

Jezu blá nu xɔ kéze kanɖé (40), zǎn kanɖé (40), énɛ́ ɔ́ gúdo ɔ́, xovɛ́ wá sín i,

Maki 16:19

Ée Aklúnɔ ɖɔ xó énɛ́ lɛ́ɛ nú yě gúdo ɔ́, è sɔ́ ɛ yi jǐnukúnsin, bɔ é jínjɔ́n ɖisíxwé nú Mawu.

Jǎan 20:26

Azǎn tɔn tántɔngɔ́ ɔ́ gbe ɔ́, ahwanvú Jezu tɔn lɛ́ɛ ko lɛ́ sú hɔn dó ta, ɖo fí ɖokpó ɔ́, bɔ Tɔmáa ɖo yě mɛ gbe énɛ́ gbe. Hɔn ɔ́ ɖo súsú có Jezu wá nɔ te ɖo tɛ́ntin yětɔn, bó ɖɔ: “Fífá ní nɔ kpɔ́ xá mi.”

Jǎan 21:1

Énɛ́ ɔ́ gúdo ɔ́, Jezu lɛ́ sɔ́ éɖée xlɛ́ ahwanvú tɔn lɛ́ɛ ɖo Tibɛliadi tɔ tó. Lě e é ka sɔ́ éɖée xlɛ́ yě gbɔn é ɖíe:

Jǎan 21:14

Sín hwenu e Jezu fɔ́n sín kú ɔ́, azɔn atɔngɔ́ ɔ́ nɛ́ é ɖo éɖée sɔ́ xlɛ́ ahwanvú tɔn lɛ́ɛ wɛ nɛ́.

Mɛsɛ́dó 13:31

bɔ é wá ɖe éɖée xlɛ́ mɛ e xwedó e sín Galilée wá Jeluzalɛ́mu lɛ́ɛ xɔ azǎn mɔ̌kpán. Mɛ énɛ́ lɛ́ɛ wɛ wá ɖo kúnnu ɖe n'i wɛ din ɖo Izlayɛ́li togun ɔ́ mɛ,

Mɛsɛ́dó 19:8

Pɔ́lu nɔ yi kplɔ́ngbasá, bó nɔ ɖo xó ɖɔ wɛ kpódó jiɖiɖe kpó káká nú sun atɔn; é nɔ ɖɔ nǔ e kan axɔ́súɖuɖu Mawu tɔn ɔ́ sín xó, bó nɔ́ tɛ́nkpɔ́n nú mɛ lɛ́ɛ ná mɔ nǔgbó nú xó e ɖɔ wɛ é ɖe é.

Mɛsɛ́dó 28:23

É kpódó yě kpó ɖó azǎn, bɔ yě sukpɔ́ d'é jí, bó wá yi mɔ ɛ, ɖo xɔ e mɛ é ɖe ɔ́. Sín zǎnzǎn káká wá jɛ gbadanu ɔ́, é tín nǔ mɛ nú yě. É ɖɔ axɔ́súɖuɖu Mawu tɔn sín xó nú yě; é sɔ́ Mɔyízi sɛ́n lɛ́ɛ kpódó nǔkplɔ́nmɛ gbeyíɖɔ Mawu tɔn lɛ́ɛ tɔn kpán dó ɖɔ xó nú yě, bó ba ná dɔn yě, nú yě na ɖi nǔ ɖɔ nǔ e ɖɔ dó Jezu wú wɛ é ɖe ɔ́ nǔgbó wɛ.

Mɛsɛ́dó 28:31

É nɔ ɖɔ axɔ́súɖuɖu Mawu tɔn sín xó, bó nɔ́ kplɔ́n nǔ mɛ dó Aklúnɔ Jezu Klísu wú, kpódó jiɖiɖe kpán, bɔ mɛ ɖěbǔ sɔ́ nɔ́ dó tagba n'i ǎ.

Mɛsɛ́dó 8:12

Lo ɔ́, hwenu e yě yǐ Wɛn Ɖagbe e jlá yě wɛ Filípu ɖe dó axɔ́súɖuɖu Mawu tɔn kpódó nyǐkɔ Jezu Klísu tɔn kpó wú ɔ́ se ɔ́, è lɛ yɛhwesin nú yě, súnnu kpódó nyɔ̌nu kpó.

Hlɔ̌manu 14:17

Đó axɔ́súɖuɖu Mawu tɔn nyí nǔɖuɖu kpó ahan kpó sín xó ɖé ǎ; hwɛjijɔ kpódó fífá kpó, kpódó awǎjijɛ e Yɛsinsɛn nɔ ná mɛ ɔ́ kpó sín xó wɛ.

Sɛ́nflínmɛ 9:18

Mɔyízi ɖɔ: “Un lɛ́ jɛ kpo fínɛ́, ɖo Mawu Mavɔmavɔ nukɔn bó nɔ mɔ̌ káká nú zǎn kanɖé (40), kéze kanɖé (40), nǔ má ɖu sin ma nu lě e un bló gbɔn ɖ'ayǐ é. Un bló mɔ̌ ɖó hwɛ e mi hu lɛ́ɛ wú. Mi hu hwɛ dó Mawu Mavɔmavɔ, bɔ é sin xomɛ n'i ɖésú.

Sɛ́nflínmɛ 9:9

Hwenɛ́nu ɔ́, un ko xá só ɔ́ jí, bó xwe awǐnnyatɛ e jí akɔ e Mawu Mavɔmavɔ jɛ xá mi é ɖe ɔ́ yí gbé. Un nɔ só ɔ́ jí xɔ zǎn kanɖé (40), kéze kanɖé (40), nǔ má ɖu, sin ma nu.

Kolósinu 1:13

Nǔgbó ɔ́, é yí mǐ sín zǐnflú sín hlɔ̌nhlɔ́n sí, bó sɔ́ mǐ ɖó Vǐ tɔn vívɛ́ná ɔ́ sín axɔ́súɖuto mɛ.

1 Tɛsalonikinu 2:12

Mǐ nɔ ɖo nǔ kplɔ́n mi wɛ, bó nɔ ɖo gbɔ dó nú mi wɛ, bó nɔ byɔ́ mi syɛ́nsyɛ́n ɖɔ gbɛzínzán mitɔn ní nyɔ́ Mawu e ylɔ́ mi dó axɔ́súɖuɖu tɔn kpó susu tɔn kpó mɛ ɔ́ sín nukún mɛ.

1 Jǎan 1:1

Nǔ e kan xó e nɔ na gbɛ mɛ ɔ́ ɖɔ sɛ́ dó mi wɛ mǐ ɖe. Xó énɛ́ ko ɖe sín bǐbɛ́mɛ nǔ lɛ́ɛ bǐ tɔn; é ɖɔ xó bɔ mǐ se, bó mɔ ɖó nukún mǐtɔn lɛ́ɛ wú; mǐ kpɔ́n bó ɖ'alɔ wú.