Mɛsɛ́dó 1:2 - MAWUXÓWÉMA

² káká yi jɛ gbe e gbe Mawu sɔ́ ɛ yi jǐxwé é. Cóbónú é ná yi jǐxwé ɔ́, é kplɔ́n nǔ mɛsɛ́dó e é cyán lɛ́ɛ gbɔn Yɛsinsɛn jí.

Mɛsɛ́dó 1:2 Iomraidhean Croise

Ezayíi 42:1

Mawu ɖɔ: “Mɛsɛntɔ́ ce ɖíe; un hɛn alɔ tɔn, nyi wɛ sɔ́ ɛ, bɔ xomɛ nɔ hun mì dó wǔ tɔn; un sɔ́ yɛ ce ɖó jǐ tɔn, bɔ é ná sɔ́ hwɛjijɔ jínjɔ́n ayǐ gbɔn akɔta lɛ́ɛ mɛ.

Ezayíi 48:16

Mi sɛkpɔ́ mì bó ná se xó élɔ́: Sín bǐbɛ́mɛ ɔ́, un ko ɖɔ xó sɔ́ nyi wɛn. Sín gbe e gbe nǔ énɛ́ lɛ́ɛ bɛ́ ɔ́, un ɖo fínɛ́.” Din ɔ́, Aklúnɔ Mavɔmavɔ wɛ sɛ́ mì dó, bɔ yɛ tɔn ɖo kpɔ́ xá mì.

Ezayíi 61:1

Yɛ Aklúnɔ Mavɔmavɔ tɔn ɖo jǐ ce, ɖó Mawu Mavɔmavɔ wɛ sɔ́ mì ɖó vo; é sɛ́ mì dó ɖɔ má yi dó wɛn ɖagbe ɖé wamamɔnɔ lɛ́ɛ, má yi hɛn sɔ mɛ e ɖo wǔvɛ́ mɔ wɛ ɖo ayi mɛ lɛ́ɛ, má yi ɖɔ nú kannumɔ lɛ́ɛ ɖɔ yě jɛ yěɖée sí, má yi ɖɔ nú gantɔ́ lɛ́ɛ ɖɔ è jó yě.

Matíe 12:28

Lo ɔ́, é nyí ɖɔ Yɛ Mawu tɔn wɛ un nɔ dó nya yɛ nyanya lɛ́ɛ ná ɔ́, hǔn mi bo tunwun ɖɔ axɔ́súɖuɖu Mawu tɔn ko wá mi mɛ.

Matíe 3:16

Ée é lɛ yɛhwesin n'i fó ɔ́, Jezu tɔ́n sín tɔ ɔ́ mɛ; tlóló ɔ́, jǐnukúnsin kɛ wun, bɔ Yɛ Mawu tɔn cí ahwannɛ́ ɖɔhun, bó wá jɛ te dó jǐ tɔn.

Maki 6:30

Mɛsɛ́dó wěwe lɛ́ɛ lɛ́ kɔ wá Jezu gɔ́n, bó ɖó nǔ e yě wa lɛ́ɛ bǐ kpódó nǔ e yě kplɔ́n mɛ lɛ́ɛ bǐ kpó sín gbe n'i.

Luki 24:51

Hwenu e é ɖo ɖɛ xo dó yě jí wɛ ɔ́, é jó yě dó, bɔ Mawu sɔ́ ɛ yi jǐxwé.

Luki 9:51

Hwenu e Mawu na sɔ́ Jezu sín gbɛmɛ fí ɔ́ ɖo susu wɛ, bɔ Jezu ɖidó Jeluzalɛ́mu, kpódó akɔ́nkpinkpan kpó.

Jǎan 1:16

Nyɔ̌ná tɔn mɛ wɛ mǐ bǐ mɔ dɔkun e nyí mǐtɔn ɔ́ yí ɖe, bó mɔ fɛ́nú yí dó fɛ́nú jí.

Jǎan 13:1

Dǐndínwáyixwe kpo sɔ, bɔ Jezu tunwun ɖɔ gan e mɛ émí ná gosín gbɛ mɛ fí, bó ná yi Mawu gɔ́n dó ɔ́ xo. É yí wǎn nú mɛ e nyí étɔn ɖo gbɛ ɔ́ mɛ lɛ́ɛ bó ɖó wǎn yíyí nú yě káká yi kú.

Jǎan 13:18

Mi bǐ xó ɖɔ wɛ un ka ɖe ǎ, ɖó un tunwun mɛ e un cyán lɛ́ɛ; nǔ e Mawuxówéma ɔ́ ka ko ɖɔ ɔ́ ɖó ná jɛ. É wɛ nyí ɖɔ: ‘Mɛ e nɔ ɖu nǔɖuɖu ce ɔ́ húzú kpan nukɔn mì.’

Jǎan 13:3

Ée Jezu ka tunwun ɖɔ Mawu ko sɔ́ nǔ bǐ dó alɔ mɛ nú émí, bɔ gɔ̌n tɔn wɛ e mi gosín, bó ka lɛ́ lɛ́ kɔ xwe gɔ̌n tɔn ɔ́,

Jǎan 16:28

Un gosín Tɔ́ ɔ́ gɔ́n, bó wá gbɛ mɛ fí; din ɔ́, un ɖo gbɛ ɔ́ mɛ gosín wɛ, bó xwe Tɔ́ ɔ́ gɔ́n.”

Jǎan 17:13

Un ko ja gɔ̌n towe; amɔ̌ din e un kpo ɖo gbɛ ɔ́ mɛ ɔ́, un ɖɔ xó énɛ́ lɛ́ɛ nú yě, bónú xomɛhunhun ce ma ɖó blɔ̌ ɔ́ ní nɔ yě mɛ.

Jǎan 20:17

Jezu ɖɔ n'i ɖɔ: “Ma hɛn mì ɖó te ó, ɖó un ko yi Tɔ́ ɔ́ gɔ́n ɖo sɛ́xwé ǎ; lo ɔ́, yi ɖɔ nú nɔví ce lɛ́ɛ ɖɔ un xwe Tɔ́ ce e nyí Tɔ́ mi lɔ tɔn é gɔ́n; un xwe Mawu ce e nyí Mawu mi lɔ tɔn é gɔ́n.”

Jǎan 20:21

Jezu lɛ́ vɔ́ ɖɔ nú yě ɖɔ: “Fífá ní nɔ kpɔ́ xá mi. Lě e Tɔ́ ɔ́ sɛ́ mì dó ɔ́, nyi lɔ sɛ́ mi dó.”

Jǎan 3:34

Mɛ e Mawu sɛ́ dó ɔ́, Mawuxó wɛ é nɔ ɖɔ; ɖó Mawu nɔ ɖó jlɛ̌ nú Yɛ tɔn e é nɔ ná mɛ e é sɛ́ dó ɔ́ ǎ.

Jǎan 6:62

Ényí mi ka wá mɔ Gbɛtɔ́ví ɔ́ xwe jǐxwé fí e é ko ɖe ɖ'ayǐ ɔ́, nɛ̌ ka ná cí gbɔn nú mi lo?

Jǎan 6:70

Jezu ka lɛ́ ɖɔ nú yě ɖɔ jí: “Nyɛ ɖésú wɛ cyán mi mɛ wěwe lɛ́ɛ, cóbɔ mɛ ɖokpó ka ɖo mi mɛ bó nyí awǒvigbɛtɔ́.”

Mɛsɛ́dó 1:11

bo ɖɔ nú yě ɖɔ: “Galiléenu e mi! Étɛ́ sín te wɛ mi ka kpo ɖe ɖo fí, bó ɖo jǐnukúnsin kpɔ́n sɛ́ dó wɛ mɔ̌? Jezu énɛ́ e è sɔ́ sín tɛ́ntin mitɔn yi jǐxwé ɔ́ ná lɛ́ wá lě e mi mɔ ɛ, bɔ é yi jǐxwé gbɔn é.”

Mɛsɛ́dó 1:13

Ée yě wá toxo ɔ́ mɛ ɔ́, yě byɔ́ xɔ e mɛ yě ko nɔ́ nɔ ɖ'ayǐ é mɛ, ɖo síngbó ɖé jí. Yě mɛ e wɛ lɛ́ɛ ɖíe: Piyɛ́ɛ, Jǎan, Jaki, Andlé, Filípu, Tɔmáa, Baatelemíi, Matíe, Jaki Alufée ví ɔ́, Sinmɔ́ɔ hunjɛdótojítɔ́ ɔ́ , kpódó Judi Jaki ví ɔ́ kpó.

Mɛsɛ́dó 1:9

Ée Jezu ɖɔ xó énɛ́ lɛ́ɛ gúdo ɔ́, yě ɖo kpínkpɔ́n ɛ wɛ, bɔ è sɔ́ ɛ ɖidó jǐ bɔ akpɔ́kpɔ́ ɖé wá bú i.

Mɛsɛ́dó 10:38

Mi tunwun lě e Mawu gba Yɛsinsɛn sín hlɔ̌nhlɔ́n dó Jezu Nazalɛ́tinu ɔ́ jí gbɔn é; mi lɛ́ tunwun lě e Jezu gbɔn to ɔ́ mɛ, bó wa ɖagbe nú mɛ lɛ́ɛ, bó gbɔ azɔn nú mɛ e ɖo awǒvi sín acɛ mɛ lɛ́ɛ bǐ gbɔn é, ɖó Mawu ɖo kpɔ́ xá ɛ.

Galatinu 1:1

Nyɛ Pɔ́lu, mɛsɛ́dó Jezu Klísu tɔn, mɛsɛ́dó Mawu Tɔ́ mǐtɔn e fɔ́n ɛ sín kú ɔ́ tɔn wɛ ɖo wěma élɔ́ sɛ́ dó mi wɛ. Un nyí mɛsɛ́dó gbɛtɔ́ lɛ́ɛ tɔn ǎ; gbɛtɔ́ ɖé wɛ sɛ́ mì dó ǎ.

Efɛ́zinu 2:20

Nú è nǎ jlɛ́ mɛɖeɖóvo Mawu tɔn lɛ́ɛ dó nǔɖé wú ɔ́, xɔ wɛ yě nyí, bɔ midɛɛ lɛ́ɛ ɔ́, mi nyí blǐki e è dǒ mɛ xɔ ɔ́ ná é, bɔ mɛsɛ́dó lɛ́ɛ kpódó gbeyíɖɔ Mawu tɔn lɛ́ɛ kpó nyí awǐnnya dodó ɔ́, bɔ mi jínjɔ́n jí; bɔ Klísu Jezu ɖésú nyí awǐnnya e ɖo tají é.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

Eblée 9:24

Đó Tɛn mímɛ́ e mɛ Klísu byɔ́ ɔ́ nyí Tɛn mímɛ́ ɖé kpowun bɔ gbɛtɔ́ lɛ́ɛ bló, bɔ é nyí xlɛ́ Tɛn mímɛ́ titewungbe ɔ́ tɔn ǎ; lo ɔ́, sɛ́xwé ɖésú wɛ é yi. Fínɛ́ wɛ é ɖo Mawu nukɔn ɖe din, dó ta mǐtɔn mɛ.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.

2 Piyɛ́ɛ 3:2

Un jló ɖɔ mi ná nɔ flín xó e gbeyíɖɔ mímɛ́ Mawu tɔn lɛ́ɛ ɖɔ ɖ'ayǐ xóxó lɛ́ɛ kpódó nǔ e Aklúnɔ Mɛhwlɛ́ngántɔ́ zɔ́n ɖɔ mi ní wa, bɔ mɛsɛ́dó mitɔn lɛ́ɛ kplɔ́n mi ɔ́ kpán.

Nǔɖexlɛ́mɛ 1:1

Nǔ e ɖo hwlǎhwlá, bɔ Jezu Klísu ɖe xlɛ́ céɖécéɖé lɛ́ɛ wɛ ɖo wěma élɔ́ mɛ. Mawu ɖe nǔ énɛ́ lɛ́ɛ xlɛ́ ɛ, bónú é ná xlɛ́ nǔ e ná jɛ ɖo malín málín mɛ lɛ́ɛ mɛsɛntɔ́ tɔn lɛ́ɛ. Jezu Klísu sɛ́ wɛnsagun tɔn dó mɛsɛntɔ́ tɔn Jǎan, bó ɖe nǔ lɛ́ɛ xlɛ́ ɛ.

Nǔɖexlɛ́mɛ 2:11

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́ ná kú kú wegɔ́ ɔ́ ǎ.”

Nǔɖexlɛ́mɛ 2:17

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́, un ná ná ɛ nǔɖuɖu e è nɔ ylɔ́ ɖɔ mǎna bɔ é ɖo hwlǎhwlá ɔ́. Un ná lɛ́ ná ɛ awǐnnya wěwé e jí è wlǎn nyǐkɔ yɔ̌yɔ́ ɖé dó ɔ́; mɛ ɖěbǔ tunwun nyǐkɔ énɛ́ zɛ mɛ e yí awǐnnya énɛ́ é wú ǎ.”

Nǔɖexlɛ́mɛ 2:29

“Mɛ e ɖó tó, bó ná dó se nǔ ɔ́ ní se nǔ jɛ nǔ e ɖɔ nú agun lɛ́ɛ wɛ Yɛsinsɛn ɖe ɔ́ mɛ ganjí!”

Nǔɖexlɛ́mɛ 2:7

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́, un ná ná ɛ gbe, bɔ é ná ɖu atín e nɔ ná gbɛ jɔ gbɛ mɛ, bó ɖo Mawu sín jikpá mɛ ɔ́ sín sínsɛ́n.”

Nǔɖexlɛ́mɛ 21:14

Dǒ ɖaxó e è mɛ lɛ́ lɛ̌ dó toxo ɔ́, awǐnnya wěwe jí wɛ è dǒ do ɖó, bó wlǎn Lɛ̌ngbɔ́ví ɔ́ sín mɛsɛ́dó wěwe lɛ́ɛ sín nyǐkɔ dó awǐnnya énɛ́ lɛ́ɛ wú.

Nǔɖexlɛ́mɛ 3:13

“Mɛ e ɖó tó bó ná dó se nǔ ɔ́ ní mɔ nǔ jɛ nǔ e ɖɔ nú agun Klísu tɔn lɛ́ɛ wɛ Yɛsinsɛn ɖe ɔ́ mɛ ganjí.”

Nǔɖexlɛ́mɛ 3:16

Lo ɔ́, ée é ka nyí ɖɔ gblɔ̌ wɛ a gblɔ̌ xɛ́ɛ́ ɔ́, a hun zo ǎ, a ka fá ǎ; un ná vi we sín kɔ!

Nǔɖexlɛ́mɛ 3:22

“Mɛ e ɖó tó bó ná dó se nǔ ɔ́ ní se nǔ e ɖɔ nú agun Klísu tɔn lɛ́ɛ wɛ Yɛsinsɛn ɖe ɔ́ ganjí.”