Mɛsɛ́dó 1:15 - MAWUXÓWÉMA

¹⁵ Gbe ɖokpó wá su, bɔ yě nǔɖitɔ́ kantɔn mɔ̌ (120) kplé, bɔ Piyɛ́ɛ sí te ɖo tɛ́ntin yětɔn, bó ɖɔ:

Mɛsɛ́dó 1:15 Iomraidhean Croise

Matíe 13:31

Jezu lɛ́ dó lǒ ɖěvo nú yě bó ɖɔ: “Axɔ́súɖuto sɛ́xwé tɔn cí atínkwín wínníwínní ɖé ɖɔhun, bɔ nya ɖé dó nyi gle tɔn mɛ.

Luki 22:32

Lo ɔ́, un sa vo nú Mawu ɖó ta towe mɛ, bónú nǔɖiɖi má wá hwe dó we ó. Hwenu e a ka ná lɛ́ kɔ wá gɔ̌n ce ɔ́, dǒ wǔsyɛ́n lanmɛ nú nɔví towe lɛ́ɛ.”

Jǎan 14:12

Ma ɖɔ nǔgbó nú mi: mɛ e ɖi nǔ nú mì ɔ́ ná jlɛ́ nǔ e jlɛ́ wɛ un ɖe lɛ́ɛ, bó ná lɛ́ jlɛ́ hú mɔ̌; ɖó un ko xwe Tɔ́ ɔ́ gɔ́n.

Jǎan 21:23

Xó énɛ́ gba kpé mɛ e ɖi nǔ nú Jezu lɛ́ɛ mɛ, bɔ yě ɖɔ ahwanvú énɛ́ kun ɖo nǎ kú wɛ ó; Jezu ka ɖɔ é kún ná kú ó ǎ; lo ɔ́, é ɖɔ n'i ɖɔ: “Ényí un jló ɖɔ é ní nɔ ayǐ káká bónú ma lɛ́ kɔ wá ɔ́, ani wɛ kan we ɖ'é mɛ?”

Mɛsɛ́dó 10:23

Piyɛ́ɛ ka kplá yě byɔ́ xwé gbe, lobo ɖó tɛnmɛ nú yě. Ayǐhɔ́ngbe tɔn ɔ́, é kpódó yě kpán wá jɛ ali; nɔví e ɖo Jopée lɛ́ɛ ɖě ka xwedó e.

Mɛsɛ́dó 11:1

Mɛsɛ́dó lɛ́ɛ kpódó nɔví ɖo Klísu mɛ e ɖo Judée lɛ́ɛ kpán se ɖɔ mɛ e ma nyí Jwifu ǎ lɛ́ɛ lɔmɔ̌ yí Mawuxó se.

Mɛsɛ́dó 11:12

Yɛsinsɛn ka ɖɔ ma xwedó yě; nyɛ ní má xo kpɔ́n ó. Nɔví mǐtɔn ayizɛ́n élɔ́ lɛ́ɛ e mɔ wɛ mi ɖe din lɛ́ɛ ká kplá mì yi Sezalée, bɔ mǐ bǐ byɔ́ Kɔnɛ́yi xwé,

Mɛsɛ́dó 11:26

Ée é mɔ ɛ ɔ́, é kplá ɛ wá Antyɔ́ci, bɔ yě mɛ we lɛ́ɛ bló xwe ɖokpó kpíkpé ɖo agun mɛ e ɖi nǔ nú Jezu lɛ́ɛ tɔn e ɖo fínɛ́ ɔ́ mɛ, bó kplɔ́n nǔ mɛ gěgé. Antyɔ́ci fínɛ́ wɛ mɛ lɛ́ɛ ylɔ́ ahwanvú Jezu tɔn lɛ́ɛ ɖɔ klísusɛntɔ́ ɖe dó nukɔn.

Mɛsɛ́dó 11:29

Énɛ́ ɔ́, ahwanvú lɛ́ɛ ɖe gbeta tɔ́n, ɖɔ émí ɖokpó ɖokpó ná ná nǔ e wú émí kpé ɔ́, bɔ è nǎ sɛ́ dó nɔví émítɔn ɖo Klísu mɛ e ɖo Judée lɛ́ɛ, bó dó dó alɔ yě ná.

Mɛsɛ́dó 12:17

Piyɛ́ɛ ka bló alɔ nú yě ɖɔ yě ní xwɛ, bó wlí lě e Aklúnɔ ɖe e sín gankpá mɛ gbɔn ɔ́ ɖɔ nú yě. É ka lɛ́ ɖɔ nú yě ɖɔ: “Mi yi ɖɔ nú Jaki, kpódó nɔví mǐtɔn ɖo nǔɖiɖi mɛ lɛ́ɛ kpó.” Énɛ́ ɔ́ gúdo ɔ́, é tɔ́n bó ɖidó fí ɖěvo.

Mɛsɛ́dó 14:2

Lo ɔ́, Jwifu e gbɛ́ nǔ ɖi lɛ́ɛ fɔ́n hun dó jǐ nú mɛ e ma nyí Jwifu ǎ lɛ́ɛ, bó zɔ́n bɔ yě jɛ nǔ nyanya lin dó nɔví ɖo Klísu mɛ lɛ́ɛ wú jí.

Mɛsɛ́dó 15:1

Mɛ ɖé lɛ́ɛ gosín Judée gbé jí, bó wá Antyɔ́ci, bó nɔ ɖo nǔ kplɔ́n nɔví ɖo Klísu mɛ lɛ́ɛ wɛ ɖɔ: “Ényí è ma gbo ada nú mi lě e Mɔyízi sɛ́n ɔ́ zɔ́n gbɔn é ǎ ɔ́, Mawu ná hwlɛ́n mi gán ǎ.”

Mɛsɛ́dó 15:3

Nǔɖitɔ́ lɛ́ɛ nyi yě, bɔ yě wlǐ ali, bó gbɔn Fenisíi kpódó Samalíi kpán gbé jí bó nɔ́ ɖo lě e mɛ e ma nyí Jwifu ǎ lɛ́ɛ jɛ Mawu li jí gbɔn é jlá wɛ, bɔ é nɔ nyí xomɛhunhun ɖaxó nú nɔví ɖo Klísu mɛ lɛ́ɛ.

Mɛsɛ́dó 16:2

Nɔví ɖo Klísu mɛ e ɖo Lisitli kpódó Ikoniyɔ́mu kpán lɛ́ɛ ka nɔ ɖe kúnnu ɖagbe nú Timɔtée;

Mɛsɛ́dó 16:40

Đěe Pɔ́lu kpódó Silási kpán tɔ́n sín gankpá ɔ́ mɛ ɔ́, yě wǎ yi Lidíi xwé, bó mɔ nɔví ɖo Klísu mɛ lɛ́ɛ ɖo fínɛ́, bó dó wǔsyɛ́n lanmɛ nú yě, lobo ɖidó.

Mɛsɛ́dó 17:10

Ée nǔ énɛ́ lɛ́ɛ jɛ tlóló ɔ́, nɔví ɖo Klísu mɛ lɛ́ɛ nyi Pɔ́lu kpódó Silási kpán sɛ́ dó Belée gbe nɛ́ gbe zǎn mɛ. Ée yě jɛ dɔ̌n ɔ́, yě yi kplɔ́ngbasá Jwifu lɛ́ɛ tɔn.

Mɛsɛ́dó 17:14

bɔ nɔví ɖo Klísu mɛ lɛ́ɛ yá wǔ nyi Pɔ́lu sɛ́ dó xuwa jí; Silási kpódó Timɔtée kpó ká cí to ɔ́ mɛ fínɛ́.

Mɛsɛ́dó 17:6

Ée yě ma mɔ yě ǎ ɔ́, yě zɔn Jazɔ́ɔn kpódó nɔví ɖo Klísu mɛ ɖé lɛ́ɛ kpán jí, bó dɔn yě yi gǎn e ɖo to ɔ́ mɛ lɛ́ɛ nukɔn, bó sú xó ɖɔ: “Mɛ e dɔn to fúnlɛ̌n gbɔn gbɛ ɔ́ mɛ lɛ́ɛ wá ayǐkúngban mǐtɔn jí,

Mɛsɛ́dó 18:18

Pɔ́lu lɛ́ nɔ Kɔlɛ́nti xɔ azǎn gěgé; énɛ́ ɔ́ gúdo ɔ́, é jó nɔví ɖo Klísu mɛ lɛ́ɛ dó, bó dó tɔjíhún ɖidó Silíi, bɔ Plisílu kpódó Akilási kpó xwedó e; cóbónú é ka ná ɖidó ɔ́, é xwlɛ́ ɖa ɖo to e è nɔ ylɔ́ ɖɔ Sanklé ɔ́ mɛ, ɖó akpá e é kó dó nú Mawu é wú.

Mɛsɛ́dó 18:27

Ée Apolosu jló ná yi Akáyi ɔ́, nɔví ɖo Klísu mɛ lɛ́ɛ na ɛ akɔ́nkpinkpan, bó wlán wěma sɛ́ dó ahwanvú Jezu tɔn e ɖo dɔ̌n lɛ́ɛ, nú yě ní yí i ganjí. Ée é wá jɛ fínɛ́ ɔ́, é dó alɔ mɛ e ɖi nǔ nú Jezu gbɔn fɛ́nú Mawu tɔn mɛ lɛ́ɛ ɖésú.

Mɛsɛ́dó 21:17

Đěe mǐ wá Jeluzalɛ́mu ɔ́, nɔví mǐtɔn ɖo nǔɖiɖi mɛ lɛ́ɛ yí mǐ kpódó xomɛhunhun kpán.

Mɛsɛ́dó 21:20

Ée yě se xó nɛ́ lɛ́ɛ ɔ́, yě bǐ kpa susu nú Mawu, bó ka ɖɔ nú Pɔ́lu ɖɔ: “A mɔ a nɔví? Jwifu lɛ́ɛ afatɔ́n afatɔ́n donu nabí ɖé wɛ ɖi nǔ; yě bǐ ka lɛ́ ɖó kan dó Mɔyízi sɛ́n ɔ́ wú.

Mɛsɛ́dó 21:7

Ée mǐ gosín Tíi ɔ́, Putolemayísi wɛ mǐ wá glín hǔn dó, bɔ tɔjígbingbɔn yi tomɛ mǐtɔn nɔ te ɖo fínɛ́. Mǐ dó gbe nɔví mǐtɔn ɖo nǔɖiɖi mɛ lɛ́ɛ, bó nɔ kpɔ́ xá yě gbe énɛ́ gbe.

Mɛsɛ́dó 22:5

Vɔ̌sánú-xwlémawutɔ́ ɖaxó ɔ́ kpódó kplékplé agunnukɔntɔ́ lɛ́ɛ tɔn kpán hɛn ɔ́, yě nǎ ɖe kúnnu nú mì ɖɔ nǔgbó wɛ un ɖɔ; un tlɛ yí wěma ɖo yě sí nú nɔví ce Jwifu e ɖo Damási lɛ́ɛ; fínɛ́ wɛ un xwe, bó ná wlí nǔɖitɔ́ e ɖo dɔ̌n lɛ́ɛ, lobo ná kplá yě wá Jeluzalɛ́mu, bónú è nǎ dɔn tó nú yě.”

Mɛsɛ́dó 28:14

Mǐ mɔ nɔví mǐtɔn ɖo Klísu mɛ e ɖo fínɛ́ lɛ́ɛ, bɔ yě sa vo nú mǐ ɖɔ mǐ ní nɔ émí gɔ́n nú azǎn tɛ́nwe, bɔ mǐ nɔ yě gɔ̌n. Fínɛ́ wɛ mǐ gosín bó yi Hlɔ̌ma.

1 Kɔlɛ́ntinu 15:6

Énɛ́ ɔ́ gúdo ɔ́, é sɔ́ éɖée xlɛ́ nɔví ɖo Klísu mɛ afɔwe kanwe ko (500) jɛjí zɛ̌ɛ́n. Yě mɛ gěgé lɛ́ kpo ɖo gbɛ, mɛ ɖě ká kó kú.

Nǔɖexlɛ́mɛ 11:13

Hwenɛ́nu ɖokpó ɔ́, ayǐkúngban dán wǔ kpódó zǐngídi kpó, bɔ toxo ɔ́ sín wǒvlɔ́ɖó mu; ayǐkúngban énɛ́ e dán wǔ ɔ́ hu gbɛtɔ́ děgba ɖě afɔwó-afatɔ́n (7.000); énɛ́ ɔ́, xɛsi jɛ mɛ ɖě lɛ́ɛ jí, bɔ yě nɔ kpa susu nú Mawu jǐxwé tɔn.

Nǔɖexlɛ́mɛ 3:4

É ka ɖo mɔ̌ có, ɖo Saadu ɔ́, mɛ towe lɛ́ɛ ɖě tíin, bó hɛn awu yětɔn lɛ́ɛ blí ǎ. Yě ná dó awu wěwé, bó ná zɔn xá mì, ɖó yě nyí mɛ e jɛ xá é.