Mɛsɛ́dó 1:14 - MAWUXÓWÉMA

¹⁴ Yě bǐ sín ayi ɖo bǔ, bɔ yě nɔ́ ɖó kan dó ɖɛxixo wú, yě kpódó nyɔ̌nu lɛ́ɛ kpán, kpódó Mali Jezu sín nɔ kpó, kpódó Jezu sín nɔví lɛ́ɛ kpó.

Mɛsɛ́dó 1:14 Iomraidhean Croise

Efɛ́zinu 6:18

Mi ná nɔ xo ɖɛ tɛnmɛ tɛnmɛ, bó ná nɔ sa vo nú Mawu gbɔn Yɛsinsɛn jí hwebǐnu. Mi nɔ́ nɔ acéjí, bó nɔ́ ɖó kan d'é wú titewungbe, lobo nɔ xo ɖɛ nú mɛɖeɖóvo Mawu tɔn lɛ́ɛ bǐ.

Mɛsɛ́dó 6:4

Énɛ́ ɔ́, mǐdɛɛ lɛ́ɛ ɔ́, mǐ ná kpé nukún dó ɖɛxixo kpódó Mawuxó jlájlá kpó wú.”

Kolósinu 4:2

Mi nɔ xo ɖɛ hwɛhwɛ; mi nɔ kpé nukún dó ɖɛ e xo wɛ mi ɖe ɔ́ wú, kpódó kú dó nú Mawu kpó.

Mɛsɛ́dó 2:42

Yě nɔ́ ɖó kan dó mɛsɛ́dó lɛ́ɛ sín nǔkplɔ́nmɛ kpódó kpɔ́ninɔ ɖo nɔví mɛ kpó wú, bó nɔ́ ɖó kan dó kɔnɖókpɔ́núɖuɖu ɔ́ kpódó ɖɛxixo kpó wú.

Hlɔ̌manu 12:12

Nǔ e ɖó nukún wɛ mi ɖe ɔ́ ní dó xomɛhunhun nú mi. Mi nɔ ɖó sɔxwixwe ɖo wǔvɛ́ e mɔ wɛ mi ɖe lɛ́ɛ mɛ. Mi nɔ ɖó kan dó ɖɛxixo wú.

Luki 18:1

Énɛ́ ɔ́ gúdo ɔ́, Jezu lɛ́ dó lǒ ɖokpó nú ahwanvú tɔn lɛ́ɛ, bó dó ɖe xlɛ́ yě ɖɔ yě ɖó ná ɖó kan dó ɖɛxixo wú tɛgbɛ; awakanmɛ ní má kú yě gbeɖé ó;

Matíe 21:22

Nǔ ɖěbǔ e mi na xo ɖɛ kpódó nǔɖiɖi kpó, bó byɔ́ Mawu ɔ́, é ná ná bǐ mi.”

Mɛsɛ́dó 2:1

Pantekótu sín xwezán gbe ka wá su, bɔ nǔɖitɔ́ lɛ́ɛ bǐ kplé ɖo fí ɖokpó ɔ́.

Luki 11:13

Midɛɛ lɛ́ɛ ɔ́, lě e mi nyí mɛ nyanya sɔ é nɛ́, có mi nyɔ́ nǔ ɖagbe ná vǐ mitɔn lɛ́ɛ. Bɔ nɛ̌ Mawu Tɔ́ e ɖo sɛ́xwé ɔ́ má ka ná ná Yɛsinsɛn tɔn mɛ e byɔ́ ɛ lɛ́ɛ ǎ gbɔn?”

Mɛsɛ́dó 2:46

Ayǐhɔ́ngbe ayǐhɔ́ngbe ɔ́, yě nɔ́ yi kplé ɖo sinsɛnxɔ mɛ; yě nɔ́ ɖu nǔ ɖó kpɔ́ gbɔn xwé yětɔn lɛ́ɛ gbe xwé yětɔn lɛ́ɛ gbe, bó nɔ́ lɛ́ ɖu nǔ kpó xomɛhunhun kpó, kpó ayixa ɖokpó kpó.

Luki 24:53

Yě nɔ ɖo sinsɛnxɔ mɛ hwebǐnu, bó nɔ ɖo susu kpa nú Mawu wɛ.

Matíe 12:46

Jezu kpo ɖo xó ɖɔ nú togun ɔ́ wɛ, bɔ nɔ tɔn kpódó nɔví tɔn lɛ́ɛ kpó wá, bó ɖo te ɖo hɔnto, bó jló ná ɖɔ xó n'i; [

Luki 24:10

Nyɔ̌nu e ɖɔ nǔ énɛ́ lɛ́ɛ nú mɛsɛ́dó lɛ́ɛ ɔ́, yě ɖíe: Mali Magidalanu ɔ́, Jani kpódó Mali Jakinɔ ɔ́ kpán, kpódó nyɔ̌nu e kpó yě kpó zɔn lɛ́ɛ kpán.

Luki 23:55

Nyɔ̌nu e kplá Jezu sín Galilée lɛ́ɛ xwedó Jozɛ́fu, bó kpɔ́n yɔdo ɔ́ mɛ, bó mɔ lě e è sɔ́ Jezu sín cyɔ ɖó é.

Luki 23:49

Jezu sín xɔ́ntɔn lɛ́ɛ bǐ, kpódó nyɔ̌nu e xwedó e sín Galilée lɛ́ɛ bǐ kpan ka nɔ te ɖo zɔ, bó ɖo nǔ e ɖo jijɛ wɛ lɛ́ɛ kpɔ́n wɛ.

Maki 16:1

Ée gbɔjɛzán Jwifu lɛ́ɛ tɔn wá yi ɔ́, Mali Magidalanu ɔ́ kpódó Mali Jaki sín nɔ ɔ́ kpó, kpódó Salomɛ́ɛ kpó, xɔ nǔsáwǔ wǎnɖagbenɔ, bó ná yi sá nú Jezu sín cyɔ.

Maki 15:40

Nyɔ̌nu ɖé lɛ́ɛ lɔmɔ̌ ɖo te ɖo zɔga, bó ɖo nǔ e ɖo jijɛ wɛ ɔ́ kpɔ́n sɛ́ dó wɛ. Mali Magidalanu ɔ́ kpódó Mali e nyí Jaki kpɛví ɔ́ kpódó Jozée kpó sín nɔ ɔ́ kpó, kpódó Salomɛ́ɛ kpó ɖo nyɔ̌nu énɛ́ lɛ́ɛ mɛ.

Matíe 27:55

Nyɔ̌nu e nɔ xwedó Jezu bó nɔ dó alɔ ɛ lɛ́ɛ gěgé xwedó e sín Galilée wá fínɛ́. Yě ɖo te, bó ɖo nǔ e ɖo jijɛ wɛ lɛ́ɛ kpɔ́n sɛ́ dó wɛ.

Luki 24:33

Énɛ́ ɔ́, yě sí te tlóló, bó lɛ́ kɔ yi Jeluzalɛ́mu, bó mɔ mɛsɛ́dó wǒ-ɖokpó lɛ́ɛ kplé, kpódó gbɛ̌ yětɔn lɛ́ɛ kpó.

Luki 8:20

Mɛ ɖé ka wá ɖɔ nú Jezu ɖɔ: “Nɔ towe kpódó nɔví towe lɛ́ɛ kpó ɖo hɔnto, bó ɖo biba we wɛ.”

1 Kɔlɛ́ntinu 14:13

Énɛ́ ɔ́ wú ɔ́, mɛ e ɖo xó ɖɔ dó gbe tɛnmɛ tɛnmɛ mɛ wɛ ɔ́ ɖó ná byɔ́ Mawu ɖɔ ní ná émí, bónú émí ná nɔ sixú tín gbe énɛ́ lɛ́ɛ mɛ.