Biblia Todo Logo
Bìoball air-loidhne

- Sanasan -




Mɛsɛ́dó 1:13 - MAWUXÓWÉMA

13 Ée yě wá toxo ɔ́ mɛ ɔ́, yě byɔ́ xɔ e mɛ yě ko nɔ́ nɔ ɖ'ayǐ é mɛ, ɖo síngbó ɖé jí. Yě mɛ e wɛ lɛ́ɛ ɖíe: Piyɛ́ɛ, Jǎan, Jaki, Andlé, Filípu, Tɔmáa, Baatelemíi, Matíe, Jaki Alufée ví ɔ́, Sinmɔ́ɔ hunjɛdótojítɔ́ ɔ́ , kpódó Judi Jaki ví ɔ́ kpó.

Faic an caibideil Dèan lethbhreac




Mɛsɛ́dó 1:13
45 Iomraidhean Croise  

Ée Jezu gosín fínɛ́ ɔ́, é ɖidó, bó sɛ yi zaan, bó mɔ nya tokwɛ́yítɔ́ ɖé ɖo ayǐjínjɔ́n ɖo denuzɔ́watɔ́ lɛ́ɛ xɔsá. Nya ɔ́ nɔ nyí Matíe. Jezu ɖɔ n'i ɖɔ: “Xwedó mì;” bɔ é sí te, bó xwedó e.


Mi ɖɔ mɔ̌ ɔ́, é ná xlɛ́ xɔ ɖaxó ɖé mi ɖo síngbó jí, bɔ nǔ bǐ sɔgbe ɖ'é mɛ; fínɛ́ wɛ mi ná sɔ́ xwe ɔ́ sín nǔ ɖ'ayǐ nú mǐ ɖe.”


É ka kplá Piyɛ́ɛ kpódó Jaki kpó, kpódó Jǎan kpán. Xɛsi ɖaxó ɖé jɛ jǐ tɔn, bɔ ado jɛ huhu i jí.


Ée Jezu ɖidó ɔ́, é mɔ Levíi Alufée ví ɔ́ ɖo ayǐjínjɔ́n ɖo denuzɔ́watɔ́ lɛ́ɛ xɔsá, bó ɖɔ n'i ɖɔ: “Xwedó mì.” Bɔ é sí te, bó xwedó e.


Jezu ka lɔn bónú mɛɖé xwedó e zɛ Piyɛ́ɛ kpódó Jaki kpó, kpódó Jaki nɔví Jǎan kpán wú ǎ.


Jezu ɖɔ xó énɛ́ nú yě, bɔ azǎn tɔn ayizɛ́n gúdo ɔ́, é kplá Piyɛ́ɛ, Jaki kpódó Jǎan kpán jɛ vo ɖo só ɖaxó ɖé jí, bɔ ninɔmɛ tɔn húzú ɖo nukɔn yětɔn.


Énɛ́ ɔ́, xwétɔ́ ɔ́ ná xlɛ́ xɔ ɖaxó ɖé mi ɖo síngbó jí, bɔ nǔ bǐ ko sɔgbe ɖ'é mɛ; fínɛ́ wɛ mi ná sɔ́ xwe ɔ́ sín nǔ ɖ'ayǐ ɖe.”


Hwenɛ́nu ɔ́, Tɔmáa e è nɔ lɛ́ ylɔ́ ɖɔ hǒxo ɔ́ ɖɔ nú ahwanvú ɖě lɛ́ɛ ɖɔ: “Mi nú mǐ lɔmɔ̌ ná xwedó e hɛn yi, bó ná yi kú xá ɛ.”


Judi ka kanbyɔ́ Jezu ɖɔ: “Aklúnɔ, nɛ̌ ka gbɔn bɔ mǐdɛɛ lɛ́ɛ kɛ́ɖɛ́ jɛ́n a nǎ ɖe hwiɖée xlɛ́, bó ma ka ná ɖe hwiɖée xlɛ́ gbɛtɔ́ lɛ́ɛ bǐ ǎ?” (É ka nyí Judási Isikaliɔ́ti wɛ ǎ).


Nyɔ̌nu hɔnjínɔtɔ́ ɔ́ ka kanbyɔ́ Piyɛ́ɛ ɖɔ: “Hwi lɔmɔ̌ ma ɖo nya énɛ́ sín ahwanvú lɛ́ɛ mɛ ǎ cé?” Bɔ Piyɛ́ɛ gbɛ́ n'i, bó ɖɔ: “Éeǒ, nyɛ ɖo yě mɛ ǎ.”


Sinmɔ́ɔ Piyɛ́ɛ, Tɔmáa e è nɔ ylɔ́ ɖɔ hǒxo ɔ́, Natanayɛ́li e gosín Kana Galilée yíkúngban jí é, Zebeɖée ví súnnu we lɛ́ɛ, kpódó ahwanvú Jezu tɔn we ɖěvo lɛ́ɛ kpó ɖo kpɔ́.


Piyɛ́ɛ ka bló alɔ nú yě ɖɔ yě ní xwɛ, bó wlí lě e Aklúnɔ ɖe e sín gankpá mɛ gbɔn ɔ́ ɖɔ nú yě. É ka lɛ́ ɖɔ nú yě ɖɔ: “Mi yi ɖɔ nú Jaki, kpódó nɔví mǐtɔn ɖo nǔɖiɖi mɛ lɛ́ɛ kpó.” Énɛ́ ɔ́ gúdo ɔ́, é tɔ́n bó ɖidó fí ɖěvo.


Ée Pɔ́lu kpódó Baanabási kpó ɖɔ xó vɔ ɔ́, Jaki yí xó, bó ɖɔ: “Nɔví ce lɛ́ɛ e mi, mi ɖótó mì.


Piyɛ́ɛ ka sí te, é kpódó hǎgbɛ́ tɔn wǒ-ɖokpó lɛ́ɛ kpán, bó zé gbe yi jǐ, bó ɖɔ nú mɛ lɛ́ɛ ɖɔ: “Mi Judéenu lɛ́ɛ kpódó mi mɛ e ɖo Jeluzalɛ́mu lɛ́ɛ bǐ sésé kpó, mi ní mɔ nukúnnú jɛ nǔ élɔ́ wú, bó lɛ́ ɖótó xó e ɖɔ gbé un ja é.


Piyɛ́ɛ ka yí gbe nú yě ɖɔ: “Mi lɛ́ kɔ sín hwɛ mitɔn lɛ́ɛ gúdo; ɖokpó ɖokpó mitɔn ní lɛ yɛhwesin ɖo Jezu Klísu nyǐkɔ mɛ, bónú Mawu ná sɔ́ hwɛ mitɔn lɛ́ɛ kɛ mi, bɔ mi ná mɔ Yɛsinsɛn e nyí nǔníná Mawu tɔn ɔ́ yí.


Zogbɛ́n gěgé ɖo títá ɖo xɔ e mɛ mǐ kplé ɖe ɖo síngbó jí é.


Mɛ e ɖo toxóɖɔgbɛ́ ɔ́ mɛ lɛ́ɛ mɔ ɖɔ Piyɛ́ɛ kpódó Jǎan kpán ɔ́, gbɛtɔ́ yǎyá ɖé kpowun wɛ yě nyí; yě kún se wěma ɖé ó; lě e yě ka gbó adɔ, bó ɖo xó ɖɔ gbɔn wɛ ɔ́ nyí nǔɖé, bó kpácá yě tlala. Yě ka mɔ nǔ jɛ yě wú ganjí ɖɔ yě mɛ e ko zɔn xá Jezu lɛ́ɛ ɖěe wɛ.


Piyɛ́ɛ kpódó Jǎan kpán ka yí xó, bó ɖɔ nú yě ɖɔ: “Mi ɖésú mi kpɔ́n ɖɔ é sɔgbe ɖo Mawu nukɔn ɖɔ è nǐ se tónú nú mi hú è nǐ se tónú nú Mawu ají.


Énɛ́ ɔ́ gúdo ɔ́, é sɔ́ éɖée xlɛ́ Jaki, bó wá sɔ́ éɖée xlɛ́ mɛsɛ́dó lɛ́ɛ bǐ.


Lo ɔ́, un sɔ́ mɔ mɛsɛ́dó ɖěvo ǎ; Jaki Aklúnɔ sín nɔví ɔ́ jɛ́n un mɔ.


Jaki kpódó Sefási kpó, kpódó Jǎan kpán wɛ è nɔ mɔ ɖɔ yě nyí sósyɛ́n nú agun lɛ́ɛ; ée yě mɔ ɖɔ Mawu sɔ́ azɔ̌ énɛ́ dó así nú mì ɔ́, yě ná alɔ nyɛ kpódó Baanabási kpó, bó dó ɖe xlɛ́ ɖɔ azɔ̌ ɖokpó ɔ́ wa wɛ mǐ ɖe. Énɛ́ ɔ́, mǐ bǐ ɖó gbe kpɔ́, bɔ nyɛ kpódó Baanabási kpó ná yi mɛ e ma nyí Jwifu ǎ lɛ́ɛ gɔ́n, bɔ yědɛɛ lɛ́ɛ ná yi mɛ e nyí Jwifu lɛ́ɛ gɔ́n.


Nyɛ Jaki e nyí azɔ̌watɔ́ Mawu tɔn, bó nyí azɔ̌watɔ́ Aklúnɔ Jezu Klísu tɔn ɔ́ wɛ wlán wěma élɔ́ sɛ́ dó Jwifu klísusɛntɔ́ e gba kpé gbɛ ɔ́ bǐ mɛ lɛ́ɛ é, bó ɖo gbe dó sɛ́ dó yě wɛ.


Nyɛ Agunmɛxó ɔ́ wɛ ɖo wěma élɔ́ wlán sɛ́ dó Nyɔ̌nu e Mawu sɔ́ é wɛ; hwi kpódó vǐ towe lɛ́ɛ kpó wɛ un sɛ́ wěma ɔ́ dó . Wǎn yíyí nǔgbó nǔgbó wɛ un ɖó nú mi. É ka nyí nyɛ ɖokpónɔ wɛ yí wǎn nú mi ǎ; mɛ e tunwun nǔgbó ɔ́ lɛ́ɛ bǐ wɛ yí wǎn nú mi.


Nyɛ Judi mɛsɛntɔ́ Jezu Klísu tɔn, Jaki sín nɔví ɔ́ wɛ ɖo wěma élɔ́ wlán wɛ; nyɛ wɛ ɖo wěma élɔ́ wlán sɛ́ dó mɛ e Mawu Tɔ́ ɔ́ ylɔ́ bɔ yě ɖo gbɛ ɖo wǎn yíyí tɔn mɛ, bɔ Jezu Klísu ɖo yě hɛn wɛ lɛ́ɛ wɛ.


Lean sinn:

Sanasan


Sanasan