Mɛsɛ́dó 1:10 - MAWUXÓWÉMA

¹⁰ Fínɛ́ wɛ yě ɖe, bó ɖo jǐnukúnsin kpɔ́n sɛ́ dó wɛ hwenu e é ɖo yiyi wɛ ɔ́, bɔ nya we ɖé lɛ́ɛ dó awu wěwé, bó tɔ́n ɖo akpá yětɔn,

Mɛsɛ́dó 1:10 Iomraidhean Croise

2 Axɔ́sú 2:10

Elíi ɖɔ n'i ɖɔ: “Nǔ e byɔ́ wɛ a ɖe ɔ́ vɛ́ wǔ, lo ɔ́, ényí a mɔ mì hwenu e Mawu ná ɖo sísɔ́ mì sín gɔ̌n towe wɛ ɔ́, a nǎ mɔ nǔ e byɔ́ wɛ a ɖe ɔ́ yí. Nú a ma ka mɔ mì ǎ ɔ́, a nǎ mɔ yí ǎ.”

Daniyɛ́li 7:9

Un kpó ɖo nǔ e mɔ wɛ un ɖe ɔ́ kpɔ́n wɛ, bó mɔ axɔ́súzinkpo ɖé lɛ́ɛ ɖo te, bɔ degénɔ kpikpoe ɖokpó wá jínjɔ́n ayǐ. Awu e é dó lɛ́ɛ wé lawé ɖɔhun. Đa e ɖo ta tɔn lɛ́ɛ cí fɛ́ɖɛ́fɛ́ɖɛ́ avɔkanfún ɖɔhun. Axɔ́súzinkpo tɔn nɔ́ kán zo bɔ afɔ tɔn lɛ́ɛ nɔ́ kɔ́n zo hɛhɛ ɖɔhun.

Matíe 17:2

Jezu húzú agbaza ɖo nukɔn yětɔn, bɔ nukún tɔn mɛ nɔ́ kɔ́n ɖi hwesivɔ́ ɖɔhun; bɔ awu tɔn lɛ́ɛ wé pépé.

Matíe 28:3

Wɛnsagun ɔ́ nɔ́ kɔ́n jǐkɛwun ɖɔhun; bɔ awu tɔn wé tété.

Maki 16:5

Yě byɔ́ yɔdo ɔ́ mɛ, bó mɔ dɔ̌nkpɛvú ɖé ɖo ayǐjínjɔ́n ɖo ɖisíxwé, bɔ é dó awu wěwé, bɔ xɛsi ɖaxó ɖé jɛ yě jǐ.

Luki 24:4

Yě sɔ́ tunwun nǔ e yě ná wa é ǎ, bó ɖo nukún dó gbɛmɛ kpɔ́n dó nǔ énɛ́ wú wɛ, bɔ nya we ɖé lɛ́ɛ wá tɔ́n ɖo akpá yětɔn, bɔ awu yětɔn nɔ́ kɔ́n.

Jǎan 20:12

É mɔ wɛnsagun Mawu tɔn we ɖo fí e è sɔ́ Jezu sín cyɔ ɖó ɔ́, bɔ yě dǒ nǔ wěwé; mɛ ɖokpó jínjɔ́n afɔligbé, bɔ mɛ ɖokpó jínjɔ́n taligbé;

Mɛsɛ́dó 10:3

Gbe ɖokpó wá su, ɖo hwelɛ́kɔ xwe gan atɔn mɛ mɔ̌, bɔ é mɔ nǔ, bó mɔ wɛnsagun Mawu tɔn ɖokpó céɖécéɖé, bɔ wɛnsagun ɔ́ byɔ́ xwé tɔn gbe, bó ɖɔ n'i ɖɔ: “Kɔnɛ́yi.”

Mɛsɛ́dó 10:30

Kɔnɛ́yi ka yí xó, bó ɖɔ: “Azǎn ɛnɛ ɖíe wɛ un ɖo xwé ce gbe, ɖo gan atɔn mɛ hwelɛ́kɔ lěhwenu, bó ɖo ɖɛ xo wɛ; tlóló kpowun ɔ́, nya ɖé jɛ́n wá tɔ́n ɖo nukɔn ce, bó dó awu ɖé, bɔ awu ɔ́ nɔ́ kɔ́n.

Nǔɖexlɛ́mɛ 3:4

É ka ɖo mɔ̌ có, ɖo Saadu ɔ́, mɛ towe lɛ́ɛ ɖě tíin, bó hɛn awu yětɔn lɛ́ɛ blí ǎ. Yě ná dó awu wěwé, bó ná zɔn xá mì, ɖó yě nyí mɛ e jɛ xá é.

Nǔɖexlɛ́mɛ 7:14

Un yí gbe n'i ɖɔ: “Aklúnɔ ce, un ma tunwun nɛ́, hwi wɛ tunwun.” Bɔ é ɖɔ nú mì ɖɔ: “Mɛ e è dǒ ya ɖaxó ɔ́ ná lɛ́ɛ é wɛ. Yě nya awu gaga yětɔn lɛ́ɛ, bó bɛ́ dó Lɛ̌ngbɔ́ví ɔ́ sín hun mɛ, bɔ awu lɛ́ɛ wé.