Matíe 4:3 - MAWUXÓWÉMA

³ bɔ mɛtɛ́nkpɔ́ntɔ́ ɔ́ sɛ yá ɛ, bó ɖɔ n'i ɖɔ: “Nú Mawu ví jɛ́n wɛ a nyǐ nǔgbó hǔn, ɖe gbe nú awǐnnya élɔ́ lɛ́ɛ, nú yě ní húzú nǔɖuɖu.”

Matíe 4:3 Iomraidhean Croise

Tíntɔ́n 16:3

Izlayɛ́li ví lɛ́ɛ ɖɔ nú yě ɖɔ: “Hwenu e mǐ nɔ xá dó lanzɛ́n bó nɔ́ ɖu nǔ gɔ́ xo ɖo Ejípu ɔ́, é nyí Mawu Mavɔmavɔ ko hu mǐ hwenɛ́nu wɛ ɔ́, é nyɔ́ hú. Đó mi kplá mǐ wá gbětótló élɔ́ mɛ, bó ná jó mǐ mɛ tobutóbú élɔ́ lɛ́ɛ dó, bɔ mǐ ná kú adɔ.”

Matíe 14:33

Mɛ e ɖo tɔjíhún ɔ́ mɛ lɛ́ɛ wá jɛ kpo ɖo Jezu nukɔn, bó ɖɔ: “Mawu ví wɛ a nyǐ nǔgbó.”

Matíe 16:16

Sinmɔ́ɔ Piyɛ́ɛ ka yí gbe n'i ɖɔ: “Hwi wɛ nyí Klísu Mawu gbɛɖe ɔ́ sín Vǐ.”

Matíe 26:63

Jezu ka tin d'é mɛ n'i. Vɔ̌sánú-xwlémawutɔ́ ɖaxó ɔ́ ka ɖɔ n'i ɖɔ: “Ɖo Mawu gbɛɖe ɔ́ sín nyǐkɔ mɛ ɔ́, ényí hwi wɛ nyí Klísu, Mawu ví ɔ́ nǔgbó hǔn, ɖɔ nú mǐ.”

Matíe 3:17

Tlóló ɔ́, è se gbe ɖé sín jǐxwé bɔ é ɖɔ: “Vǐ ce vívɛ́ná wɛ mɛ élɔ́ nyí; xomɛ nɔ hun mì dó wǔtu tɔn tlala.”

Maki 1:1

Fí e Wɛn Ɖagbe e ɖɔ xó dó Jezu Klísu Mawu ví ɔ́ wú ɔ́ bɛ́ sín ɔ́ ɖíe.

Maki 3:11

Yɛ nyanya lɛ́ɛ mɔ ɛ hweɖěbǔnu ɔ́, yě nɔ́ ɖe kɔ́ n'i, bó nɔ́ sú xó ɖɔ: “Mawu ví wɛ a nyǐ!”

Maki 5:7

bó sú xó, bó ɖɔ: “Étɛ́ wɛ nyɛ kpódó hwi kpán kpédó, Jezu Mawu Ajalɔ̌nlɔn ví? Un sɔ́ Mawu ɖó afɔ nú we, ma dó ya nú mì ó.”

Luki 1:35

Wɛnsagun ɔ́ ká yí gbe n'i ɖɔ: “Yɛsinsɛn ná wá jǐ towe, bó ná ɖe hlɔ̌nhlɔ́n Mawu tɔn xlɛ́; énɛ́ ɔ́ wú wɛ vǐ e a nǎ ji ɔ́, è nǎ nɔ́ ylɔ́ ɛ ɖɔ mɛɖeɖóvo Mawu tɔn, bó ná nɔ́ ylɔ́ ɛ ɖɔ Mawu ví.

Luki 22:70

Yě bǐ ka ɖɔ: “Hǔn Mawu ví wɛ nú we nɛ́ hǔn?” É ká yí gbe nú yě ɖɔ: “É jɛ́n nɛ́ mi ɖɔ nɛ́.”

Luki 4:3

Awǒvi ka ɖɔ n'i ɖɔ: “Ényí Mawu ví jɛ́n a nyǐ nǔgbó hǔn, ɖe gbe dó awǐnnya élɔ́ ní húzú nǔɖuɖu.”

Luki 4:41

Yɛ nyanya lɛ́ɛ lɔmɔ̌ gosín mɛ gěgé jí, bó nɔ́ sú xó ɖɔ: “Mawu ví wɛ a nyǐ.” Lo ɔ́, Jezu nɔ wa adǎn dó yě, bó nɔ́ lɔn nú yě ní ɖɔ xó ǎ, ɖó yě tunwun ɖɔ é wɛ nyí Klísu ɔ́.

Luki 4:9

Awǒvi ka lɛ́ kplá Jezu yi Jeluzalɛ́mu, bó sɔ́ ɛ ɖó sinsɛnxɔ ɔ́ ta aga ɖéé, bó ɖɔ n'i ɖɔ: “Mawu ví jɛ́n a nyǐ nǔgbó hǔn, lɔ̌n sín fí yi jɛ dodomɛ;

Jǎan 1:34

Nyi ɖésú wɛ mɔ nǔ e jɛ ɔ́, bó ɖe kúnnu ná ɖɔ é wɛ nyí Mawu ví.”

Jǎan 1:49

Natanayɛ́li yí gbe n'i ɖɔ: “Mɛ̌si, hwi wɛ nyí Mawu ví ɔ́ nǔgbó; hwi wɛ nyí Izlayɛ́li xɔ́sú.”

Jǎan 20:31

Amɔ̌, è wlǎn élɔ́ lɛ́ɛ, bónú mi ná ɖi nǔ ɖɔ Jezu wɛ nyí Klísu Mawu ví ɔ́, bónú mi ɖi nǔ ɔ́, mi ná mɔ gbɛ gbɔn jǐ tɔn.

Jǎan 9:35

Ée Jezu se ɖɔ yě ɖe dǎwe e é hun nukún ná ɔ́ sín agun yětɔn mɛ ɔ́, é wá yi kpé e ɖo alixo, bó kanbyɔ́ ɛ ɖɔ: “A ɖi nǔ nú Gbɛtɔ́ví ɔ́ a?”

Mɛsɛ́dó 9:20

É ka jɛ kplɔ́ngbasá lɛ́ɛ gbɔn jí azɔn ɖokpó, bó nɔ́ ɖo Jezu xó ɖɔ nú mɛ lɛ́ɛ wɛ, ɖɔ Mawu ví wɛ é nyí.

2 Kɔlɛ́ntinu 1:19

Đó Klísu Jezu, Mawu ví e xó nyɛ kpó Silási kpó, kpódó Timɔtée kpó, ɖɔ nú mi ɔ́ wá, bó ná nyí “ɛɛn”, bó ná lɛ́ nyí “éeǒ” ǎ. É nyɔ́ wa ɔ́, “ɛɛn” Mawu tɔn wɛ é nyí.

Galatinu 2:20

Gbɛ e un ka ɖe din ɔ́, nyɛ ɖésúnɔ wɛ ɖo gbɛ ǎ, Klísu wɛ ɖo gbɛ ɖo nyɛ mɛ, bɔ gbɛ e un ɖe din ɖo agbaza mɛ ɔ́, nǔɖiɖi e un ɖó nú Mawu ví e yí wǎn nú mì, bó kú dó ta ce mɛ ɔ́ wú wɛ un ɖo gbɛ.

1 Tɛsalonikinu 3:5

Énɛ́ ɔ́ wútu ɔ́, ée un ma sɔ́ sixú nɔ te ǎ ɔ́, un sɛ́ Timɔtée dó mi, bónú é ná wá kpɔ́n lě e nǔɖiɖi mitɔn ɖe gbɔn é, ɖó un ɖo xɛsi ɖi wɛ ɖɔ awǒvi ní ma wá tɛ́n mi kpɔ́n nú mi jɛ mɔɖónúmɛ tɔn lɛ́ɛ mɛ, bónú azɔ̌ e mǐ wa ɖo tɛ́ntin mitɔn ɔ́ nyí nǔ yǎyá ó.

Eblée 12:16

Mɛ ɖé ní ma nyí agalɛtɔ́ abǐ suɖunúmawutɔ́ Esawu ɖɔhun ó; Esawu e kpɔ́n dó nǔɖuɖu ká ɖokpó wú, bó sa vǐɖaxó sín acɛ e é ɖó é.

Eblée 4:14

Hǔn, mi bo nú mǐ ná hɛn nǔɖiɖixó e ɖɔ wɛ mǐ ɖe ɔ́ syɛ́nsyɛ́n. Nǔgbó ɔ́, mǐ ɖó vɔ̌sánú-xwlémawutɔ́gán ɖaxó ɖokpó; Jezu Mawu ví ɔ́ wɛ; é hun káká yi Mawu ɖésú nukɔn.

Eblée 7:3

Mɛlukisedɛ́ki ɔ́, è tunwun tɔ́ tɔn ǎ, è tunwun nɔ tɔn ǎ; è tunwun tɔ́gbó tɔn ɖěbǔ ǎ; è ka ɖɔ jiji tɔn abǐ kú tɔn xó ɖo fí ɖěbǔ ǎ; é cí Mawu ví ɔ́ ɖɔhun; é nyí vɔ̌sánú-xwlémawutɔ́ káká sɔ́yi.

1 Jǎan 3:8

Mɛ e nɔ ɖo hwɛ hu wɛ ɔ́, awǒvi tɔn wɛ é nyí, ɖó awǒvi ɔ́ ko ɖo hwɛ hu wɛ sín do, bɔ Mawu ví ɔ́ ka wá, bó ná sú awǒvi sín nǔwiwa lɛ́ɛ sín kún dó.

Nǔɖexlɛ́mɛ 2:10

Wǔvɛ́ e a nǎ mɔ ɔ́ ní ma dó xɛsi nú we ó. Đǒtó: Awǒvi ná bɛ́ mɛ gěgé ɖo mi mɛ dó gankpá mɛ, bó ná dó tɛ́n mi kpɔ́n; mi ná mɔ wǔvɛ́ xɔ azǎn wǒ. Nɔ gbejí káká yi kú; énɛ́ ɔ́, un ná ná we gbɛ bɔ é ná cí axɔ́súgbákún e nɔ́ ná gbɛ mɛ é ɖɔhun.