Malacíi 3:8 - MAWUXÓWÉMA

⁸ Gbe e un ná yí nú mi ɔ́ ɖíe: Nǔ ɖagbe wɛ é nyí ɖɔ è nǐ jɛ ajo dó Mawu a? Mi ka nɔ jɛ ajo dó mì, bó nɔ́ kanbyɔ́ mì ɖɔ: ‘Étɛ́ wɛ mǐ fin dó we?’ Mǎɖówǒ kpó vɔ̌sánú lɛ́ɛ kpó wɛ mi fin dó mì.

Malacíi 3:8 Iomraidhean Croise

Ɖɛhan 29:2

Mi kpa susu e jɛ xá nyǐkɔ tɔn é n'i. Mi ɖe kɔ́ n'i kpó acɔ́ɖónú sinsɛn tɔn lɛ́ɛ kpó.

Nǔnywɛ́xó 11:24

Mɛ e nɔ hun alɔ bó nɔ́ ná nǔ mɛ ɔ́ nɔ́ jɛ dɔkun dó dɔkun jí; mɛ e ka nɔ sɛ nǔ xwe zɛ xwé wú ɔ́, ya wɛ é nɔ́ ji.

Ezayíi 43:23

Nyɛ wɛ a nɔ hu lɛ̌ngbɔ́ví ná ǎ. Nyɛ wɛ a nɔ wlí yɛ̌yi ná ǎ. È ɖɔ nyi sɔ́ we dó ɖó kannumɔ, bó nɔ́ ɖɔ dandan hwi ní ná nǔ mì, abǐ un nɔ cí kɔ jí nú we, bó nɔ́ ɖɔ hwi ní dó zǎlínkpɔ́n zo nú mì; adingban wɛ.

Levíi ví 19:25

Xwe atɔ́ɔ́ngɔ́ ɔ́ mɛ ɔ́, sínsɛ́n e mi ná gbɛ lɛ́ɛ ná nyí mi ɖésúnɔ tɔn. Mi bló mɔ̌ ɔ́, ji ná nɔ́ ɖo jijɛ nú mi d'é jí wɛ. Nyɛ wɛ nyí Mawu Mavɔmavɔ, Mawu mitɔn.

Zakalíi 5:3

Bɔ é ɖɔ nú mì ɖɔ: “Nu e è dǒ to ɔ́ bǐ é sín wěma wɛ. É wlán dó wěma ɔ́ sín akpá ɖé xwé ɖɔ è ná nya ajotɔ́ lɛ́ɛ bǐ sín to ɔ́ mɛ, bó wlán dó akpá ɖě ɔ́ xwé ɖɔ è nǎ nya mɛ e nɔ ɖó adingban bo nɔ xwlé nǔ d'é jí lɛ́ɛ lɔ bǐ sín to ɔ́ mɛ.”

Malacíi 1:13

Mi nɔ ɖɔ: ‘Azɔ̌bamɛ ɖésú wɛ.’ Awɔntín nyɛ́ dó ta nú nyɛ Mawu Mavɔmavɔ Nǔbǐwúkpétɔ́ ɔ́ wɛ mi ɖe. Mi nɔ ná kanlin e mi fin lɛ́ɛ mì. Kanlin e lɔ́ gǒ, abǐ éé ɖo azɔn jɛ wɛ lɛ́ɛ wɛ mi nɔ ná mì. Nɛ̌ un ka sixú yí gbe nú vɔ̌sánú mɔ̌hunkɔtɔn lɛ́ɛ gbɔn? Nǔ wɛ nyí bɔ un kanbyɔ́ mi.

Malacíi 1:8

Ée mi nɔ hɛn kanlin nukúntíntɔ́nnɔ, kanlin gǒ lílɔ́ ɖé, abǐ kanlin azinzɔnnɔ wá xwlé mì ɔ́, nǔ sɔgbe wa wɛ mi ɖe bó vɛdó a? Ényí mi yi ná kanlin mɔ̌hunkɔtɔn tokpɔngán ɔ́, é ná víví n'i bɔ é na ɖo gbesisɔ mɛ bo ná ná nǔ e ba wɛ mi ɖe ɔ́ mi wɛ mi vɛdó a? Nǔ wɛ nyí bɔ nyɛ Mawu Mavɔmavɔ Nǔbǐwúkpétɔ́ ɔ́ ɖo kinkanbyɔ́ mi wɛ.

Matíe 22:21

Yě yí gbe n'i ɖɔ: “Dadá Hlɔ̌ma tɔn tɔn wɛ.” Jezu ka ɖɔ nú yě ɖɔ: “Mi bo sɔ́ nǔ e nyí Dadá Hlɔ̌ma tɔn tɔn ɔ́ jó nú Dadá Hlɔ̌ma tɔn, bó sɔ́ nǔ e nyí Mawu tɔn ɔ́ jó nú Mawu.”

Maki 12:17

Bɔ Jezu ɖɔ nú yě ɖɔ: “Mi bo sɔ́ nǔ e nyí Dadá Hlɔ̌ma tɔn tɔn ɔ́ jó nú Dadá Hlɔ̌ma tɔn, bó sɔ́ nǔ e nyí Mawu tɔn ɔ́ jó nú Mawu.” Xósin énɛ́ e Jezu ná yě ɔ́ kpácá yě tlala.

Luki 20:25

Bɔ Jezu ɖɔ nú yě ɖɔ: “Mi bó sɔ́ nǔ e nyí Dadá Hlɔ̌ma tɔn tɔn ɔ́ jó nú Dadá Hlɔ̌ma tɔn, bó sɔ́ nǔ e nyí Mawu tɔn ɔ́ jó nú Mawu.”

Hlɔ̌manu 13:7

Nǔ e sín axɔ́ mi ɖu lɛ́ɛ ɔ́, mi sú mɛ e mi ɖu dó lɛ́ɛ bǐ. Mi sú kuzú mɛ e mi ɖu kuzú sín axɔ́ dó lɛ́ɛ; mi sú tokwɛ́ mɛ e mi ɖu tokwɛ́ sín axɔ́ dó lɛ́ɛ. Mi sí mɛ e mi ɖó ná sí é; mi wlí yɛ̌yi nú mɛ mi ɖó ná wlí yɛ̌yi ná é.

Hlɔ̌manu 2:22

Hwi mɛ e nɔ ɖɔ è kún ɖó ná lɛ aga ó ɔ́, étɛ́ wú hwi ɖésúnɔ ka nɔ lɛ aga? Hwi mɛ e gbɛ́ wǎn nú vodún lɛ́ɛ bo ɖɔ ɔ́, étɛ́ wú a ka nɔ fin nǔ e ɖo xɔ yětɔn mɛ lɛ́ɛ bɛ́?

Jozuwée 7:11

Hwɛ wɛ Izlayɛ́li ví lɛ́ɛ hu. Yě nɔ gbejí nú akɔ e un jɛ xá yě ɔ́ ǎ. Yě bɛ́ dɔkun e un gbɛ́ nú yě ɖɔ yě ní má bɛ́ ɖo to ɔ́ mɛ ó lɛ́ɛ. Yě fin dɔkun lɛ́ɛ bó bɛ́ hwlá dó nǔ yětɔn lɛ́ɛ mɛ.