Malacíi 3:7 - MAWUXÓWÉMA

⁷ Mi hɔn nú nǔkplɔ́nmɛ ce lɛ́ɛ tɔ́gbó mitɔn lɛ́ɛ ɖɔhun, mi se tónú nú nǔkplɔ́nmɛ ce lɛ́ɛ ǎ. Mi bo lɛ́ kɔ wá gɔ̌n ce, énɛ́ ɔ́, un ná lɛ́ kɔ wá mi gɔ́n. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌. Mi ka ɖɔ: ‘Nɛ̌ mǐ ká sixú lɛ́ kɔ wá gɔ̌n towe gbɔn?’

Malacíi 3:7 Iomraidhean Croise

Nɛɛmíi 9:26

Nǔ ɖo mɔ̌ có, yě gbɛ̌ tónú se. Yě fɔ́n gǔ dó jǐ we, bó dó gǔdo sɛ́n towe. Yě hu gbeyíɖɔ towe lɛ́ɛ; gbeyíɖɔ towe lɛ́ɛ wɛ nɔ ɖɔ nú yě ɖɔ yě ní lɛ́ kɔ wá gɔ̌n towe dandan. Yě nylá jijɔ dódó.

Ezayíi 65:2

Un nɔ dlɛ́n alɔ nú togun gǔfɔ́ntɔ́ ɔ́, togun e ɖo ali nyanya jí é, togun e nǔ e wá tamɛ n'i é jɛ́n é nɔ́ bló é; un nɔ dlɛ́n alɔ n'i hwebǐnu.

Jelemíi 16:11

Yě kan mɔ̌ byɔ́ ɔ́, a nǎ yí gbe nú yě ɖɔ: ‘Mawu Mavɔmavɔ ɖɔ: Tɔ́gbó mitɔn lɛ́ɛ wɛ jó mì dó bó sɛn nǔmɛsɛn ɖěvo lɛ́ɛ. Yě nɔ́ sɛn yě, bó nɔ́ ɖe kɔ́ nú yě. Yě jǒ mì dó, yě xwe dó sɛ́n ce ǎ.

Jelemíi 16:12

Amɔ̌, midɛɛ lɛ́ɛ ɔ́, nǔ e mi dó sin lɛ́ɛ hú ée tɔ́gbó mitɔn lɛ́ɛ dó sin é. Nǔ e mi xwe ɔ́ wɛ mi nɔ wa, mi jló ná ɖótó mì ǎ.

Jelemíi 3:22

Vǐ gbejímánɔtɔ́ e mi, mi lɛ́ kɔ wá! Gbejímánɔ sín azɔn e jɛ wɛ mi ɖe ɔ́, un ná gbɔ nú mi!” Togun ɔ́ ɖɔ: “Mǐ ɖíe! Mǐ ja gɔ̌n towe ɖó hwi wɛ nyí Mawu Mavɔmavɔ, Mawu mǐtɔn.

Jelemíi 7:25

Sín gbe e gbe tɔ́gbó mitɔn lɛ́ɛ gosín Ejípu ɔ́, un fɔ́n ɔ́ un nɔ ɖo mɛsɛntɔ́ ce gbeyíɖɔ lɛ́ɛ sɛ́ dó mi wɛ káká wá jɛ égbé.

Jelemíi 7:26

Mi ká se ǎ, mi ɖótó xó ce ǎ, nǔ e mi xwe ɔ́ jɛ́n mi wa. Mi gbɛ́ hɛn hú tɔ́gbó mitɔn lɛ́ɛ.”

Ezekiyɛ́li 2:3

Énɛ́ ɔ́, mɛ ɔ́ ɖɔ nú mì ɖɔ: “Hwi gbɛtɔ́, un sɛ́ we dó Izlayɛ́li ví lɛ́ɛ gɔ́n; yě fɔ́n gǔ dó jǐ ce, yě se tónú ǎ; yě kpó tɔ́gbó yětɔn lɛ́ɛ kpó fɔ́n gǔ dó jǐ ce, bó kpo ɖo mɔ̌ káká jɛ égbé.

Ezekiyɛ́li 20:13

Lo ɔ́, yě fɔ́n gǔ dó jǐ ce ɖo gbětótló mɛ. Yě nɔ́ dó vɛ̌ nú sɛ́n ce lɛ́ɛ kpó nǔ e un zɔ́n bɔ mɛ ɖé xwedó ɔ́, mɛ ɔ́ ná nɔ gbɛ lɛ́ɛ kpó. Yě ɖu su nú gbɔjɛzán ɔ́ hwebǐnu lě e é jló yě gbɔn é; énɛ́ ɔ́, un lin ɖɔ un ná ɖe xomɛsin ce xlɛ́ yě ɖo gbětótló ɔ́ mɛ, bó ná sú kún yětɔn dó.

Ezekiyɛ́li 20:21

Lo ɔ́, vǐ yětɔn énɛ́ lɛ́ɛ lɔ fɔ́n gǔ dó jǐ ce; yě nyi sɛ́n ce lɛ́ɛ ǎ; yě bló nǔ e zɔ́n lɛ́ɛ ǎ; sɛ́n énɛ́ lɛ́ɛ wɛ gbɛtɔ́ ká ɖó ná nyi bó ná nɔ gbɛ. Yě lɛ́ nyi gbɔjɛzánsɛ́n ɔ́ ǎ. Énɛ́ ɔ́, un tunwun ɖɔ un ná ɖe adǎn e jí un ɖe ɔ́ xlɛ́ yě; un ná ɖe xomɛsin e jí un ɖe ɔ́ xlɛ́ yě ɖo gbětótló ɔ́ mɛ bɔ é ná jɛ mɛ nú mì.

Ezekiyɛ́li 20:28

Un kplá yě yi to e sín akpá un dó nú yě ɔ́ mɛ. Ée yě jɛ dɔ̌n ɔ́, yě mɔ só ɖé abǐ atín ɖé nú é dó ama ɔ́, yě nɔ́ ná nǔɖuɖu vodún yětɔn lɛ́ɛ ɖo fínɛ́, bó nɔ́ dó nǔ wǎnɖagbenɔ zo nú yě, lobo nɔ ba ahan nú yě ɖo fínɛ́, bó nɔ́ dó xomɛsin nú mì.

Ezekiyɛ́li 20:8

“Lo ɔ́, tɔ́gbó mitɔn lɛ́ɛ fɔ́n gǔ dó jǐ ce; yě jló ná ɖótó mì ǎ; mɛ ɖěbǔ ɖo yě mɛ bó jó nǔmɛsɛn dó ǎ; yě ɖě jó nǔ baɖabaɖa énɛ́ lɛ́ɛ e nɔ́ dɔn yě lɛ́ɛ dó ǎ; yě jó Ejípu vodún lɛ́ɛ dó ǎ. Énɛ́ ɔ́, un tunwun ɖɔ un ná ɖe adǎn e jí un ɖe ɔ́ xlɛ́ yě; un ná ɖe xomɛsin e jí un ɖe ɔ́ xlɛ́ yě ɖo Ejípu bɔ é ná jɛ mɛ nú mì.

Ozée 14:1

È nǎ dɔn tó nú Samalíinu lɛ́ɛ ɖó yě fɔ́n gǔ dó Mawu yětɔn jí. Ahwan ná gba yě; è nǎ hu vǐ yětɔn lɛ́ɛ bó ná zɛ nyɔ̌nu yětɔn e ɖo xo lɛ́ɛ.

Zakalíi 1:3

“Mawu Mavɔmavɔ Nǔbǐwúkpétɔ́ ɔ́ ɖɔ: ‘Mi lɛ́ kɔ wá gɔ̌n ce, bónú má lɛ́ kɔ wá mi gɔ́n.

Malacíi 1:6

Mawu Mavɔmavɔ Nǔbǐwúkpétɔ́ ɔ́ ɖɔ nú vɔ̌sánú-xwlémawutɔ́ lɛ́ɛ ɖɔ: “Vǐ súnnu nɔ gbo gbě nú tɔ́ tɔn, bɔ mɛsɛntɔ́ nɔ gbo gbě nú gǎn tɔn. Nyɛ ɔ́, é ma ka nyí tɔ́ wɛ un nyí nú mi bo lɛ́ nyí gǎn nú mi ǎ cé? Bɔ étɛ́wú mi ma ka nɔ gbo gbě nú mì ǎ? Étɛ́wú wɛ mi ma ka nɔ sí mì ǎ? Mi nɔ ké ya nú mì ǎ, bó ká nɔ́ kanbyɔ́ mì ɖɔ: ‘Étɛ́ mɛ wɛ mǐ dó vɛ̌ nú we ɖe?’

Malacíi 3:13

Mawu Mavɔmavɔ ɖɔ: “Mi nɔ dó mɛmasígbe nú mì, bó ká nɔ́ ɖɔ: xó towe nyanya tɛ́ mǐ ká nɔ́ ɖɔ ɖo mǐɖée tɛ́ntin?

Matíe 23:27

“Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó! Yɛmɛnúwatɔ́ e mi! Ɖó mi cí yɔta ɖěe è sá nǔ wěwé dó, bɔ é nyɔ́ ɖɛkpɛ ɖo wěxo ɔ́ ɖɔhun. Lo ɔ́, xo tɔn mɛ gɔ́ nú xúgloxú kpódó nǔ nyinyɔ kpán.

Luki 15:16

Nǔɖuɖu e aglǔza lɛ́ɛ nɔ ɖu ɔ́, ɖuɖu tɔn nɔ jló e, mɛɖé ka nɔ ná ɛ ǎ.

Hlɔ̌manu 10:21

Lo ɔ́, nǔ e é ɖɔ dó Izlayɛ́li wú ɔ́ ɖíe: “Tɛgbɛ tɛgbɛ wɛ un nɔ dlɛ́n alɔ nú togun e nɔ vɛ́ tóli, togun e nɔ fɔ́n gǔ é.”

Hlɔ̌manu 10:3

Nǔgbó ɔ́, yě mɔ nukúnnú jɛ lě e Mawu nɔ sɔ́ gbɛtɔ́ dó húzú hwɛjijɔnɔ gbɔn ɔ́ wú ǎ, bó ba ali yě ɖésúnɔ tɔn, bó ná dó húzú hwɛjijɔnɔ ɖo Mawu nukɔn; énɛ́ ɔ́, yě sɔ́ gbɔn ali e Mawu ɖe bɔ gbɛtɔ́ lɛ́ɛ ná gbɔn, bɔ Mawu ná sɔ́ yě dó húzú hwɛjijɔnɔ ná é ǎ.

Hlɔ̌manu 7:9

Đ'ayǐ ɔ́, hwenu e sɛ́n ɔ́ ma ɖe ǎ ɔ́, un ɖo gbɛ; amɔ̌, ée sɛ́n ɔ́ wá jɛ nǔ e è ma ɖó ná wa ǎ lɛ́ɛ ɖe tɔ́n jí ɔ́, hwɛhuhu ɔ́ bɛ́ azɔ̌wiwa,

Sɛ́nflínmɛ 31:20

Đó un ná kplá yě yi to e sín akpá un dó nú tɔ́gbó yětɔn lɛ́ɛ bɔ anɔ̌sin kpó wǐin kpó nɔ́ sa ɖe ɔ́ mɛ. Yě ná mɔ nǔ bó ɖu, bó gɔ́ xo, bó ná vo. Yě ká ná sɛn nǔ ɖěvo lɛ́ɛ. Yě ná gbɛ́ wǎn nú mì, bó ná hɛn akɔ e un jɛ xá yě é gblé.

Jaki 4:8

Mi sɛkpɔ́ Mawu; énɛ́ ɔ́ é ná sɛkpɔ́ mi. Mi hwɛhutɔ́ lɛ́ɛ, mi klɔ́ alɔ mitɔn lɛ́ɛ; mi yɛmɛnúwatɔ́ lɛ́ɛ, mi slá wǔ nú ayixa mitɔn lɛ́ɛ!