Malacíi 3:6 - MAWUXÓWÉMA

⁶ “Nyɛ Mawu Mavɔmavɔ ɔ́, un nɔ húzú ǎ, midɛɛ lɛ́ɛ ɔ́, mi ka gɔn Jakɔ́bu ví titewungbe lɛ́ɛ nyí ǎ.

Malacíi 3:6 Iomraidhean Croise

Bǐbɛ́mɛ 15:18

Gbe énɛ́ ɔ́ gbe ɔ́, Mawu Mavɔmavɔ jɛ akɔ xá Ablámu bó ɖɔ: “Un ná to élɔ́ kúnkan towe, bɛ́ sín tɔsisa Ejípu tɔn ɔ́ kɔn káká yi tɔsisa ɖaxó Efláti ɔ́ kɔn.”

Bǐbɛ́mɛ 15:7

Mawu Mavɔmavɔ lɛ́ ɖɔ nú Ablámu ɖɔ: “Nyɛ wɛ nyí Mawu Mavɔmavɔ e ɖe we tɔ́n sín Wúu, ɖo Kaludée é. Un ná ná to élɔ́ e mɛ a ɖe ɔ́ we, bɔ é ná nyí towe.”

Bǐbɛ́mɛ 22:16

bó ɖɔ: “Xó e Mawu Mavɔmavɔ ɖɔ ɔ́ ɖíe: ‘A tɛ vǐɖokpónɔ towe mì ǎ. Đó a wa nǔ gbɔn mɔ̌ wútu ɔ́, un xwlé nyɛɖée nú we,

Ɖɛhan 102:26

Hwi wɛ ɖó ayǐkúngban ɔ́ ayǐ sín do, bɔ jǐxwé ɔ́ nyí alɔ towe núwiwa.

Ɖɛhan 102:27

Nǔ nɛ́ lɛ́ɛ bǐ ná vɔ, hwɛ ka ná ɖe tɛgbɛ. Bǐ wɛ ná gbi avɔ ɖɔhun; a nǎ ɖyɔ́ bǐ awu ɖɔhun, bɔ yě bǐ nǎ vɔ.

Ɖɛhan 102:28

Lo ɔ́, mɛ e a nyǐ ɔ́ jɛ́n a nyǐ tɛgbɛ; gbɛ towe ná vɔ gbeɖé ǎ.

Ɖɛhan 103:17

Amɔ̌, xomɛnyínyɔ́ Mawu Mavɔmavɔ tɔn ɔ́, é ɖe nú mɛ e nɔ ɖó sísí n'i lɛ́ɛ tɛgbɛ, bɔ gbejíninɔ tɔn nɔ́ hun káká yi vǐ yětɔn ví lɛ́ɛ jí.

Ɖɛhan 78:38

Amɔ̌, éyɛ́ ɔ́, mɛ nú nɔ́ blá wǔ n'i, bɔ é nɔ́ sɔ́ hwɛ kɛ yě, bó sú kún yětɔn dó ǎ. Hwe gěgé nu ɔ́, é nɔ́ jó xó dó; é nɔ́ lɔn bó nɔ́ sin xomɛ ǎ, é nɔ́ lɔn bó nɔ́ zé adǎn e jí é ɖe ɔ́ bǐ dó wa nǔ ná ǎ.

Ɖɛhan 78:57

Yě sɛ yi zɔ nú Mawu, yě nɔ gbejí n'i ǎ tɔ́gbó yětɔn lɛ́ɛ ɖɔhun; yě zɛ ali gǎ e má jlɔ́ ǎ é ɖɔhun.

Ezayíi 41:13

Đó nyɛ Mawu Mavɔmavɔ ɔ́, nyi wɛ nyí Mawu towe. Un hɛn alɔ towe bó ɖo ɖiɖɔ nú we wɛ ɖɔ: ‘Ma ɖi xɛsi ó, un ná gɔ́ alɔ nú we.’ ”

Ezayíi 44:6

Mawu Mavɔmavɔ, Izlayɛ́li xɔ́sú ɔ́, Mɛhwlɛ́ngántɔ́ Izlayɛ́li tɔn ɔ́, Mawu Mavɔmavɔ Nǔbǐwúkpétɔ́ ɔ́, xó e é ɖɔ ɔ́ ɖíe: “Nyi wɛ nyí bǐbɛ́mɛ, bó lɛ́ nyí vivɔnu nǔ bǐ tɔn. Nyɛ mɛvo ɔ́, Mawu ɖě sɔ́ tíin ǎ.

Ezayíi 46:4

Lě e un ɖe é jɛ́n un ná nɔ káká yi kpikpo hwenu mitɔn. Un ná hɛn mi káká bɔ ɖa mitɔn ná wé. Nyɛ wɛ bló mi, nyɛ wɛ ná hɛn mi. Nǔgbó wɛ, un ná kpé nukún dó mi wú, bó ná hwlɛ́n mi gán.

Jelemíi 32:27

“Nyɛ wɛ nyí Mawu Mavɔmavɔ, Mawu gbɛtɔ́ lɛ́ɛ bǐ tɔn. Nǔ ɖěbǔ gló mì ǎ.

Daniyɛ́li 6:26

Ée axɔ́sú Daliwúsi bló mɔ̌ ɔ́, é wlán sɛ́ dó togun lɛ́ɛ bǐ, akɔta lɛ́ɛ bǐ kpó mɛ e nɔ dó gbe alɔkpa alɔkpa ɖo gbɛ ɔ́ mɛ lɛ́ɛ kpó ɖɔ: “Fífá ní nɔ kpɔ́ xá mi bó túnflá!

Ozée 11:9

Un ná zé xomɛ ɖaxó e un sin ɔ́ dó wa nǔ xá we ǎ. Eflayímu, un sɔ́ ná sú kún towe dó ǎ. Đó Mawu wɛ un nyí, un nyí gbɛtɔ́ ǎ. Mawu mímɛ́ wɛ un nyí ɖo tɛ́ntin towe. Un ná wá kpó xomɛsin kpó ǎ.

Xabakúku 1:12

Sín xóxó hwenu ɖokpóó ɔ́, hwi wɛ nyí Mawu Mavɔmavɔ, hwi wɛ nyí Mawu ce, Mawu mímɛ́ ce, Mawu Mavɔmavɔ ce. Áo! Mawu Mavɔmavɔ, a ɖǒ togun élɔ́ e nyí kɛntɔ́ mǐtɔn ɔ́ ayǐ, bɔ é ná nɔ ɖɔ hwɛ lě e a ba gbɔn é. Áo! Só ce, a sɔ́ ɛ bɔ é ná nɔ dɔn tó nú mɛ lě e a ba gbɔn é.

Kɛ́nsísɔ́ 23:19

Mawu nyí gbɛtɔ́ bó ná ɖó adingban ǎ. É nyí gbɛtɔ́ví, bó ná lɛ́ kɔ sín nǔ e ná wa wɛ é ɖe ɔ́ gúdo ǎ. Nǔ e é ɖɔ ɔ́, é ná bló ɖ'é jí a cé? Xó e é ɖɔ ɔ́, é ná bló ɖ'é jí a cé?

Hlɔ̌manu 5:10

Kɛntɔ́ Mawu tɔn wɛ mǐ kó nyí ɖ'ayǐ; lo ɔ́, Mawu dó hwɛ gbɔ xá mǐ gbɔn kú e Vǐ tɔn kú ɔ́ gbla mɛ. Din e Mawu dó hwɛ gbɔ xá mǐ ɔ́, é ɖo gannaganna ɖɔ é ná hwlɛ́n mǐ gán gbɔn vǐ tɔn sín gbɛ gbla mɛ.

Filípunu 1:6

Un gán jɛ nǔ élɔ́ wú: Mawu e bɛ́ azɔ̌ ɖagbe énɛ́ ɖo tɛ́ntin mitɔn ɔ́ ná ɖ'é wú, káká bɔ é ná fó ɖo gbe e gbe Jezu Klísu ná lɛ́ kɔ wá dó é.

Eblée 13:8

Jezu Klísu ɔ́, nǔ e é nyí sɔ ɔ́ jɛ́n é lɛ́ nyí égbé, bó ná lɛ́ nyí káká sɔ́yi.

Eblée 6:18

Hǔn, nǔ we tíin: akpá e é dó ɔ́ kpó nǔ e é xwlé ɔ́ kpó; nǔ we énɛ́ lɛ́ɛ ɔ́, è sixú ɖyɔ́ yě ǎ, bɔ ɖo nǔ we énɛ́ lɛ́ɛ mɛ ɔ́, Mawu sixú ɖó adingban ǎ. Énɛ́ ɔ́ wú wɛ mǐ mɛ e mɔ bibɛtɛn ɖo Mawu glɔ́ lɛ́ɛ ɔ́, mǐ mɔ akɔ́nkpinkpan ɖaxó, bó ná hɛn nukúnɖíɖó e è sɔ́ ɖó te nú mǐ ɔ́ syɛ́nsyɛ́n.

Jaki 1:17

Nǔníná ɖagbe ɖagbe bǐ, kpó nǔnámɛ e nǔ vɔ ɖ'é wú ɔ́ bǐ kpó ɔ́, sɛ́xwé wɛ yě nɔ gosín; yě nɔ jɛ te sín Mawu e bló nǔ e ɖo jǐxwé bó nɔ ná wěziza lɛ́ɛ é gɔ́n; Mawu nɔ húzú ǎ; é ɖo ɖěbǔ ɔ́, é nɔ dó zǐnflú ǎ.

Nǔɖexlɛ́mɛ 1:8

Aklúnɔ Mawu Nǔbǐwúkpétɔ́ e tíin din, bó ka kó tíin ɖ'ayǐ, bó ná wá ɔ́ ɖɔ: “Un nyí Alufa, bó nyí Omɛga; un nyí bǐbɛ́, bó nyí vivɔ.”

Nǔɖexlɛ́mɛ 22:13

Un nyí Alufa, bó nyí Omɛga; mɛ nukɔn nukɔntɔn, bó nyí mɛ gǔdo gúdo tɔn; un nyí bǐbɛ́, bó nyí vivɔ.”

1 Samuwɛ́li 15:29

Mawu Mavɔmavɔ e nyí susu Izlayɛ́li tɔn ɔ́ nɔ ɖó adingban ǎ; nǔ e é ká ɖɔ ɔ́, é nɔ lɛ́ vɔ́ wá jí ǎ. Đó é nyí gbɛtɔ́, bó ná ɖɔ xó bó lɛ́ húzú ǎ.”