Malacíi 3:5 - MAWUXÓWÉMA

⁵ Mawu Mavɔmavɔ Nǔbǐwúkpétɔ́ ɔ́ ɖɔ: ‘Un ná wá tɛ́ntin mitɔn, bó ná ɖɔ hwɛ xá mi. Un ná hwlɛndó, bó ná dó hwɛ mɛ e nɔ wa bǒ lɛ́ɛ, mɛ e nɔ lɛ aga lɛ́ɛ, mɛ e nɔ dó akpá bó má nɔ́ ɖe ǎ lɛ́ɛ, mɛ e ma nɔ sú axɔ́ azɔ̌watɔ́ ǎ lɛ́ɛ, mɛ e nɔ táfú asúkúsi kpó tɔ́cyɔvǐ kpó, abǐ mɛ e nɔ́ jɛ agɔ dó jǒnɔ lɛ́ɛ, kpódó mɛ e ma nɔ ké ya ɖěbǔ nú mì ǎ lɛ́ɛ bǐ kpó.’ ”

Malacíi 3:5 Iomraidhean Croise

Bǐbɛ́mɛ 20:11

Bɔ Ablaxámu yí gbe n'i ɖɔ: “Un mɔ ɖɔ mɛ e ɖo to élɔ́ mɛ lɛ́ɛ kún ná ɖó sísí ɖěbǔ nú Mawu ó; yě ná hu mì ɖó asi ce wú.

Bǐbɛ́mɛ 42:18

Azǎn tɔn atɔngɔ́ ɔ́ gbe ɔ́, Jozɛ́fu ɖɔ nú yě ɖɔ: “Đó nyɛ ɖó sísí nú Mawu wútu ɔ́, nǔ e mi ná wa bó ná gán ɔ́ ɖíe:

Nɛɛmíi 5:15

Lo ɔ́, tokpɔngán e jɛ nukɔn nú mì lɛ́ɛ dó tagba nú togun ɔ́ káká bó nɔ́ yí nǔɖuɖu kpó ahan kpó ɖo yě sí, bó nɔ́ lɛ́ yí akwɛ́gan kanɖé (40) ɖo yě sí d'é jí gbe ɖokpó. Mɛ e nɔ wa azɔ̌ xá tokpɔngán lɛ́ɛ lɔ nɔ táfú togun ɔ́ ɖu. Amɔ̌, nyɛ ɔ́, ɖó sísí e un ɖó nú Mawu ɔ́ wútu ɔ́, un wa nǔ gbɔn mɔ̌ gbeɖé ǎ.

Jɔ̌bu 31:12

Hwɛ e un hu ɔ́ ná nyí myɔ ɖé bó ná fyɔ́ mì bǐ, bó ná hɛn nǔ e un ɖó lɛ́ɛ bǐ gblé.

Jɔ̌bu 7:2

Gbɛ gbɛtɔ́ tɔn cí kannumɔ e ɖo hwesivɔ́ gbe bó ɖo yɛtɛn ba wɛ ɔ́ ɖɔhun; é cí azɔ̌watɔ́ e ɖo nukún ɖó azɔ̌kwɛ́ tɔn wɛ ɔ́ ɖɔhun,

Ɖɛhan 36:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi mɛsɛntɔ́ Mawu Mavɔmavɔ tɔn ɔ́ sín han wɛ.

Ɖɛhan 81:8

Adǎn ɖo gbigbo we wɛ bɔ a sú xó ylɔ́ mì, bɔ un hwlɛ́n we. Un zɔn jɔhɔn ɖaxó ɖé mɛ bó wá hwlɛ́n we gán. Un tɛ́n we kpɔ́n ɖo Mɛliba sin ɔ́ kɔn. Agbɔ̌n

Ɖɛhan 96:13

ɖo Mawu Mavɔmavɔ nukɔn, ɖó é jǎwe; é ja, bó ná ɖɔ hwɛ xá gbɛ ɔ́. É ná ɖɔ hwɛ xá gbɛ ɔ́ kpó hwɛjijɔ kpó. É ná xwedó nǔgbó dó ɖɔ hwɛ xá togun lɛ́ɛ.

Ɖɛhan 98:9

ɖo Mawu Mavɔmavɔ nukɔn, ɖó é jǎwe, bó ná wá ɖɔ hwɛ xá ayǐkúngban ɔ́; é ná ɖɔ hwɛ xá gbɛ ɔ́ ɖó sɛ́nxwi jí, bó ɖɔ hwɛ xá togun lɛ́ɛ lě e é sɔgbe gbɔn é.

Tíntɔ́n 1:17

Lo ɔ́, ajinɔtɔ́ lɛ́ɛ ɖó sísí nú Mawu, bó bló nǔ e axɔ́sú ɔ́ ɖɔ yě ní bló ɔ́ ǎ; yě jó vǐ lɛ́ɛ bǐ dó nyi gbɛ.

Tíntɔ́n 18:21

Kpɔ́n togun ɔ́ bǐ mɛ, bó cyán súnnu nukúnɖéjí e nɔ ɖó sísí nú Mawu, bó yí wǎn nú nǔgbó ɖiɖɔ lobo ma nɔ yí wǎn nú nǔ ɖu ɖo nǔ mɛ ǎ lɛ́ɛ; sɔ́ yě dó ɖó gǎn ɖo togun ɔ́ nu: a nǎ sɔ́ mɛɖě ɖó gbɛtɔ́ afatɔ́n (1.000) nu, bó ná sɔ́ mɛɖě ɖó gbɛtɔ́ kanwe ko (100) nu, bó ná sɔ́ mɛɖě ɖó gbɛtɔ́ kanɖé wǒ (50) nu, bó ná sɔ́ mɛɖě ɖó gbɛtɔ́ wǒ nu.

Tíntɔ́n 20:7

Ma zé nyɛ Mawu Mavɔmavɔ, Mawu towe ɔ́ sín nyǐkɔ dó da ayihún ó, ɖó nyɛ Mawu Mavɔmavɔ ɔ́ nɔ́ gɔn tó dɔn nú mɛ e ná zé nyǐkɔ ce dó da ayihún ná ɔ́ ǎ.

Tíntɔ́n 22:20

“Mi ɖó ná dó ya nú toɖévomɛnu e ɖo to mitɔn mɛ ɔ́ ǎ, mi ma táfú i ó; mi flín ɖɔ émí lɔ ko nyí jǒnɔ ɖo Ejípu mɛ ɖěvo to mɛ kpɔ́n.

Nǔnywɛ́xó 16:6

Mɛ e nyɔ́ xomɛ bó ɖo gbejí ɔ́, è nɔ sɔ́ hwɛ kɛ ɛ; mɛ e nɔ ɖó sísí nú Mawu Mavɔmavɔ ɔ́ nɔ́ hɔn nú hwɛhuhu.

Nǔnywɛ́xó 8:13

Sísí ɖó nú Mawu Mavɔmavɔ wɛ nyí wǎn gbɛ́ nú nǔ nyanya; un gbɛ́ wǎn nú jimakplɔ́ngbedídó, un gbɛ́ wǎn nú goyíyí, un gbɛ́ wǎn nú alǎnnúwiwa, un gbɛ́ wǎn nú adingban ɖíɖó.

Ezayíi 57:3

Mawu ɖɔ: “Midɛɛ lɛ́ɛ ɔ́, mi wá fí; azětɔ́ ví e mi, afɔdógbětɔ́ e mi, agalɛtɔ́ e mi, mi wá fí.

Jelemíi 23:10

“Mɛ e nɔ dó afɔ gbě lɛ́ɛ wɛ gɔ́ to ɔ́. To ɔ́ bǐ ɖo aluwɛ mɛ, ɖó Mawu dó nu to ɔ́. Ayǐkúngban wɛnjɛ e ɖo gbětótló mɛ é bǐ xú; nǔ nyanya wiwa wɛ yě nɔ́ hwlɛ́n dó, nǔ nyanya wiwa kɛ́ɖɛ́ wú jɛ́n yě nɔ́ ván kan dó.”

Jelemíi 27:10

Nǔ e yě nɔ́ ɖɔ nú mi lɛ́ɛ ɔ́ bǐ wɛ nyí adingban; ényí mi ka ɖótó yě ɔ́, è nǎ kplá mi bɔ mi na nɔ zɔ nú to mitɔn, un ná nya mi, bɔ mi na dɔn.

Jelemíi 27:9

“Din ɔ́, midɛɛ lɛ́ɛ ɔ́, mi ma ɖótó gbeyíɖɔ mitɔn lɛ́ɛ ó, mi ma ɖótó bokɔ́nɔ mitɔn lɛ́ɛ ó, mi ma ɖótó mɛ e nɔ tín dlɔ̌ mɛ nú mi lɛ́ɛ ó, mi ma ɖótó bokantɔ́ mitɔn lɛ́ɛ ó, mi ma ɖótó majíkiblótɔ́ mitɔn lɛ́ɛ ɖěbǔ ó. Yě mɛ énɛ́ lɛ́ɛ bǐ wɛ nɔ ɖɔ mi kún ɖo Babilɔ́nu xɔ́sú ɔ́ sín acɛ mɛ ná nɔ́ wɛ ó.

Jelemíi 29:23

Nǔ nǎ cí mɔ̌ nú yě, ɖó yě wa hɛ̌nnú ɖo Izlayɛ́li: yě ba nɔzo yětɔn sín asi, nǔ e un ma sɛ́ yě dó ɖɔ yě ní yi ɖɔ ǎ ɔ́, yě nɔ́ yi ɖɔ; adingban ka wɛ. Un mɔ do nú nǔ énɛ́ lɛ́ɛ bǐ, ɖě nyí gúdo ce nú ǎ.’ ” Mawu Mavɔmavɔ wɛ ɖɔ mɔ̌.

Jelemíi 42:5

Énɛ́ ɔ́, yě ɖɔ nú Jelemíi ɖɔ: “Mǐ yí gbe, mǐ nǎ bló nǔ e Mawu Mavɔmavɔ, Mawu towe ná ɖɔ nú we ɔ́ bǐ ɖ'é jí pɛ́pɛ́pɛ́. Mawu Mavɔmavɔ, Mawu towe ɔ́, éyɛ́ mɛ e nyí nǔgbóɖɔtɔ́, bó nyí gbejínɔtɔ́ ɔ́ ní se akpá e dó nú we wɛ mǐ ɖe é.

Jelemíi 5:2

Jelemíi ɖɔ: “Jeluzalɛ́munu lɛ́ɛ nɔ xwlé nǔ bó nɔ́ ɖɔ: ‘Mǐ xwlé Mawu Mavɔmavɔ, mɛ e ɖo gbɛ é.’ Nǔ yǎyá wɛ yě wa, adingban wɛ yě ɖó.

Jelemíi 5:29

Nǔ ɖo mɔ̌ ɔ́, un ná dɔn tó nú mɛ ǎ cé? Un ná ba hlɔn ɖó adǎka e togun énɛ́ ɔ́ xo lɛ́ɛ wú ǎ cé? Xó e nyɛ Mawu Mavɔmavɔ ɖɔ ɔ́ nɛ́.

Levíi ví 19:13

“Mi ma táfú nɔzo mitɔn ó; mi ma ka fin mɛɖé nú ó; mi ma gɔn axɔ́ sú mɛ e wa azɔ̌ nú mi é, bónú ayǐ hɔ́n dó ó.

Levíi ví 20:10

“Nú súnnu ɖé ba mɛsi ɔ́, nú súnnu ɖé ba nɔzo tɔn sín asi mɔ̌ ɔ́, è nǎ hu súnnu e ba mɛsi ɔ́ kpódó nyɔ̌nu e dó afɔ gbě ɔ́ kpó dandan.

Levíi ví 20:27

“Nú súnnu ɖé, abǐ nyɔ̌nu ɖé, nɔ́ kan bo, bó nɔ́ kan nǔ byɔ́ mɛkúkú lɛ́ɛ nú mɛ ɔ́, è ɖǒ ná hu yě; hwǎn wɛ è nǎ nyi dó hu yě ná. Yě ɖésúnɔ kɔ wɛ kú yětɔn ná nɔ.”

Levíi ví 20:6

“Nú mɛɖé nɔ́ kan bo, abǐ nɔ́ kan nǔ ɔ́, nyɛ Mawu Mavɔmavɔ ɔ́, un ná húzú kpan nukɔn mɛ ɔ́; un ná ɖe e sín Izlayɛ́li togun ɔ́ mɛ; ɖó mɛ e nɔ wa nǔ gbɔn mɔ̌ ɔ́, ɖo gbejí nú mì ǎ.

Micée 1:2

Togun lɛ́ɛ bǐ ní ɖótó; gbɛtɔ́ e ɖo ayǐkúngban jí lɛ́ɛ bǐ ní tɛ́ tó bó se. Aklúnɔ Mavɔmavɔ ná gosín tɛn tɔn mímɛ́ ɔ́ mɛ, bó ná wá dó hwɛ mi.

Xabakúku 1:12

Sín xóxó hwenu ɖokpóó ɔ́, hwi wɛ nyí Mawu Mavɔmavɔ, hwi wɛ nyí Mawu ce, Mawu mímɛ́ ce, Mawu Mavɔmavɔ ce. Áo! Mawu Mavɔmavɔ, a ɖǒ togun élɔ́ e nyí kɛntɔ́ mǐtɔn ɔ́ ayǐ, bɔ é ná nɔ ɖɔ hwɛ lě e a ba gbɔn é. Áo! Só ce, a sɔ́ ɛ bɔ é ná nɔ dɔn tó nú mɛ lě e a ba gbɔn é.

Zakalíi 11:12

Énɛ́ ɔ́, un ɖɔ nú yě ɖɔ: “Ényí é jló mi, nú mi ná sú azɔ̌ e un wa ɔ́ sín axɔ́ mì hǔn, mi sú mì. Mi ma ka ná sú mì ǎ hǔn, mi gbɔ.” Ée un ɖɔ mɔ̌ ɔ́, yě xa kpatágankwɛ́ gban (30), bó dó sú azɔ̌ e un wa ɔ́ sín axɔ́ mì.

Malacíi 1:6

Mawu Mavɔmavɔ Nǔbǐwúkpétɔ́ ɔ́ ɖɔ nú vɔ̌sánú-xwlémawutɔ́ lɛ́ɛ ɖɔ: “Vǐ súnnu nɔ gbo gbě nú tɔ́ tɔn, bɔ mɛsɛntɔ́ nɔ gbo gbě nú gǎn tɔn. Nyɛ ɔ́, é ma ka nyí tɔ́ wɛ un nyí nú mi bo lɛ́ nyí gǎn nú mi ǎ cé? Bɔ étɛ́wú mi ma ka nɔ gbo gbě nú mì ǎ? Étɛ́wú wɛ mi ma ka nɔ sí mì ǎ? Mi nɔ ké ya nú mì ǎ, bó ká nɔ́ kanbyɔ́ mì ɖɔ: ‘Étɛ́ mɛ wɛ mǐ dó vɛ̌ nú we ɖe?’

Malacíi 2:14

Énɛ́ ɔ́, mi nɔ kanbyɔ́ ɖɔ étɛ́wú ká wɛ? Nǔ e wú wɛ ɔ́ ɖíe: mi dó akpá ɖo Mawu Mavɔmavɔ nukɔn ɖɔ émí ná nɔ gbejí nú asi e mi da ɖo wǐnnyáwínnyá mɛ é. Asi mitɔn wɛ é nyí, mi wɛ da cóbó ka lɛ́ jó e dó.

Malacíi 2:17

Xó mitɔn lɛ́ɛ nɔ́ kpé agbɔ̌n nú Mawu Mavɔmavɔ; mi ka nɔ kanbyɔ́ ɖɔ: “Xó tɛ́ e tɛ́ é mǐ ká nɔ́ ɖɔ bɔ é nɔ́ kpé agbɔ̌n n'i?” Éɖíe, má ɖɔ nú mi. Xó élɔ́ lɛ́ɛ e mi nɔ ɖɔ ɔ́ wɛ nɔ́ kpé agbɔ̌n nú mì. Mi nɔ ɖɔ: “Mawu Mavɔmavɔ nɔ́ sɔ́ nukún ɖagbe dó kpɔ́n mɛ e nɔ wa nǔ nyanya lɛ́ɛ. Mɛ mɔ̌hunkɔ lɛ́ɛ sín nǔ wɛ nɔ́ nyɔ́ nukún tɔn mɛ.” Mi nɔ lɛ́ ɖɔ: “Fítɛ́ Mawu hwɛjijɔnɔ ɔ́ ka ɖe?”

Luki 23:40

Lo ɔ́, mɛ ɖě ɔ́ gbɛ́ nǔ n'i, bó ɖɔ: “Hwɛ nɔ sí Mawu ǎ wɛ a? Hwi mɛ e kpó é kpó è ɖǒ kúhwɛ ɖokpó ɔ́ na é.

Hlɔ̌manu 3:8

Ényí mɔ̌ wɛ é nyí ɔ́, étɛ́wú mǐ ma ka ná ɖɔ mi wá nú mǐ ná wa nǔ nyanya bónú nǔ ɖagbe ná tɔ́n sín mɛ ǎ? Mɛ e jló ná ɖɔ xó ce nyanya lɛ́ɛ nɔ́ ɖɔ mɔ̌ wɛ nyi nɔ ɖɔ. Mɛ énɛ́ lɛ́ɛ ɔ́, è nǎ ɖó hwɛ nú yě; nǔ e yě wa é ka byɔ́ mɔ̌.

Sɛ́nflínmɛ 15:13

Mi ka ná jó e dó bɔ é ná yi asígbá alɔgbá ǎ.

Sɛ́nflínmɛ 18:10

Mɛ ɖěbǔ ní má ɖo mi mɛ, bó dó vǐ tɔn súnnu abǐ nyɔ̌nu zo nú vodún ó; mɛ ɖěbǔ ní má bló majíki abǐ é ní kan fá ó, mɛ ɖěbǔ ní má kan amɔɛ abǐ é ní ɖu azě ó;

Sɛ́nflínmɛ 24:17

Mi ma dó hwɛ agɔ nú jǒnɔ e ɖo to mitɔn mɛ lɛ́ɛ ɖě, abǐ tɔ́cyɔvǐ ɖé ó. Mi ma yí avɔ asúkúsi tɔn ɖó gbanu ó.

Sɛ́nflínmɛ 27:19

“Heelú mɛ e nɔ dó hwɛ agɔ nú jǒnɔ abǐ tɔ́cyɔvǐ, abǐ asúkúsi é!” Bɔ togun ɔ́ bǐ ná ɖɔ: “Amǐ.”

Sɛ́nflínmɛ 5:11

Ma zé nyɛ Mawu Mavɔmavɔ, Mawu towe ɔ́ sín nyǐkɔ dó da ayihún ó, ɖó nyɛ Mawu Mavɔmavɔ ɔ́, un nɔ gɔn tó dɔn nú mɛ e ná zé nyǐkɔ ce dó da ayihún ná é ǎ.

1 Tɛsalonikinu 4:6

Mɛɖěbǔ ní ma wa nǔ nyi do nú nɔví tɔn, abǐ ní hízí i ɖo xó énɛ́ ɔ́ mɛ ó; ɖó Mawu ná ba hlɔn nǔ mɔ̌hun lɛ́ɛ bǐ tɔn, lě e mǐ kó ɖɔ nú mi syɛ́nsyɛ́n gbɔn é.

Eblée 13:4

Asi dida abǐ asú dida ní nyí nǔsísí; asú kpó asi kpó ní nɔ gbejí nú yěɖée. Mawu ná ɖó hwɛ nú mɛ e nɔ ɖo nǔblíblí wa wɛ lɛ́ɛ kpódó mɛ e nɔ ɖo aga lɛ wɛ lɛ́ɛ kpó.

Jaki 5:12

Nɔví ce lɛ́ɛ mi, ɖo tají ɔ́, mi ma xwlé nǔ ó; mi ma xwlé jǐnukúnsin ó, mi ma xwlé ayǐkúngban ó, mi ma ka xwlé nǔ gbɔn alɔkpa ɖěvo ɖěbǔ mɛ ó. Ényí xó mitɔn ɔ́, ɛɛn wɛ é nyí hǔn, mi ɖɔ “ɛɛn” kpowun; é ka nyí éeǒ wɛ é nyí hǔn, mi ɖɔ “éeǒ” kpowun, bónú Mawu ma wá ɖó hwɛ nú mi ó.

Jaki 5:4

Mi sú axɔ́ azɔ̌watɔ́ e ɖo azɔ̌ wa wɛ ɖo gle mitɔn mɛ lɛ́ɛ ǎ. Mi ɖótó vo e sa wɛ yě ɖe ɔ́! Mɛ e ɖo jinukún mitɔn lɛ́ɛ bɛ́ yi xwé gbe nú mi wɛ lɛ́ɛ sín xósúsú hun káká wá jɛ Aklúnɔ Nǔbǐwúkpétɔ́ ɔ́ sín tómɛ.

Nǔɖexlɛ́mɛ 21:8

Amɔ̌ nǔvɔ́nɔ lɛ́ɛ ɔ́, nǔmaɖitɔ́ lɛ́ɛ ɔ́, suɖutɔ́ lɛ́ɛ ɔ́, mɛhutɔ́ lɛ́ɛ ɔ́, agalɛtɔ́ lɛ́ɛ ɔ́, majíkiblótɔ́ lɛ́ɛ ɔ́, vodúnsɛntɔ́ lɛ́ɛ kpódó adingbannɔ lɛ́ɛ bǐ kpán ɔ́, tɛn yětɔn ná nɔ myɔ togotogo e mɛ hwemí ɖo jiji ɖe wɛ é mɛ; é wɛ nyí kú wegɔ́ ɔ́.”

Nǔɖexlɛ́mɛ 22:15

Amɔ̌, avǔn lɛ́ɛ, majíkiblótɔ́ lɛ́ɛ, agalɛtɔ́ lɛ́ɛ, mɛhutɔ́ lɛ́ɛ, vodúnsɛntɔ́ lɛ́ɛ, kpó mɛ e yí wǎn nú adingban, bó nɔ wa adingbanzɔ́ lɛ́ɛ bǐ kpó ná nɔ toxo ɔ́ gúdo!