Malacíi 3:3 - MAWUXÓWÉMA

³ É ná jɛ fínɛ́, bó ná za zunkɔ́ lɛ́ɛ, bó ná ɖe nǔ kwíji lɛ́ɛ síin. É ná slá wǔ nú Levíi ví vɔ̌sánú-xwlémawutɔ́ lɛ́ɛ bǐ dégbédégbé, lě e è nɔ́ xo zo dó siká kpódó kpatágan kpó, bó nɔ́ ɖe nǔ kwíji sín mɛ gbɔn é, bɔ vɔ̌sánú-xwlémawutɔ́ énɛ́ lɛ́ɛ ná xwlé vɔ̌sánú yětɔn lɛ́ɛ Mawu Mavɔmavɔ, lě e è nɔ́ bló gbɔn ɖ'ayǐ é.

Malacíi 3:3 Iomraidhean Croise

Ɖɛhan 116:17

Mawu Mavɔmavɔ, un ná sá vɔ̌ ɖokpó dó dó kú nú we, un ná nɔ́ xomlá nyǐkɔ towe.

Ɖɛhan 4:5

Mi sin xomɛ hǔn, mi ma hu hwɛ ó. Mi yi xɔ hǔn, kɔɖónú mitɔn ní ɖɔ xó nú mi, bónú mi nɔ abwɛ̌. Agbɔ̌n

Ɖɛhan 4:6

Mi sá vɔ̌ lě e sɛ́n ɔ́ zɔ́n gbɔn é, bó ɖeji dó Mawu Mavɔmavɔ wú.

Ɖɛhan 50:14

Vɔ̌ e a nǎ sá nú nyɛ Mawu towe ɔ́ wɛ nyí ɖɔ a nǐ tunwun nǔ e bló nú we wɛ un ɖe ɔ́ nú mì. Đe akpá e a dǒ nú nyɛ Mawu Ajalɔ̌nlɔn lɛ́ɛ.

Ɖɛhan 50:23

Mɛ e sá vɔ̌ dó tunwun nǔ e un wa n'i ɔ́ nú mì ɔ́, mɛ e sɔ́ mì su é nɛ́; mɛ e nɔ zán gbɛ ɖagbe ɔ́, un ná ɖe xlɛ́ ɛ ɖɔ nyi wɛ nyí Mɛhwlɛ́ngántɔ́.”

Ɖɛhan 51:19

Mawu ce, vɔ̌ e nɔ́ nyɔ́ nukún towe mɛ ɔ́ wɛ nyí ɖɔ hwɛ e è hu lɛ́ɛ ní vɛ́ nú mɛ ɖo ayixa mɛ. A nɔ gbɛ́ wǎn nú mɛ e hwɛ tɔn lɛ́ɛ vɛ́ n'i tlílí ɖo ayi mɛ bɔ wǔ kú ɔ́ ǎ.

Ɖɛhan 66:10

Mawu ce, a dǒ mǐ kpɔ́n. A xo zo dó mǐ kpatágan ɖɔhun.

Nǔnywɛ́xó 17:3

Siká kpó kpatágan kpó ɔ́, zo wɛ è nɔ xo dó, bó nɔ́ tunwun ɖagbe kpó nyanya kpó. Amɔ̌, gbɛtɔ́ lɛ́ɛ ɔ́, Mawu Mavɔmavɔ wɛ nɔ mɔ nǔ jɛ ayixa yětɔn mɛ, bó nɔ́ tunwun ayixa ɖagbe kpó ayixa nyanya kpó.

Nǔnywɛ́xó 25:4

È ɖe nǔ kwíji e ɖo kpatágan mɛ lɛ́ɛ sín mɛ ɔ́, nǔtuntɔ́ ná sɔ́ dó tun nǔ ɖagbe ná.

Ezayíi 1:25

Jeluzalɛ́mu, alɔ ce ná lɛ́ jɛ wǔ we; un ná zé zo dó slá wǔ nú we, lě e è nɔ xo zo dó gan bó nɔ́ ɖe nǔ kwíji kwíji sín mɛ ɔ́ ɖɔhun; un ná ɖe ɖɛ zunkɔ́ towe lɛ́ɛ bǐ.

Ezayíi 48:10

Un ɖe nǔ kwíji kwíji sín mi mɛ; é ká nyí lě e è nɔ xo zo dó kpatágan bó nɔ́ ɖe nǔ kwíji kwíji sín mɛ ɔ́ ɖɔhun ǎ. Lo ɔ́, wǔvɛ́ sín zo wɛ un xo dó mi.

Ezayíi 61:6

Amɔ̌, midɛɛ lɛ́ɛ ɔ́, è nǎ nɔ́ ylɔ́ mi ɖɔ “Vɔ̌sánú-xwlémawutɔ́.” È nǎ nɔ́ ylɔ́ mi ɖɔ “Mɛsɛntɔ́ Mawu Mavɔmavɔ tɔn.” Dɔkun akɔta lɛ́ɛ tɔn ná nyí mitɔn. Mi ná nɔ́ gó, ɖó dɔkun yětɔn ɔ́, mitɔn wɛ.

Jelemíi 9:7

Đɛ̌ yětɔn cí aɖǐgá ɖɔhun. Adingban jɛ́n yě nɔ́ ɖó. Yě nɔ́ ɖɔ xó ɖagbe nú nɔzo yětɔn, ayi yětɔn mɛ ɔ́, mɔ ɖó n'i wɛ yě ká ɖe.”

Ezekiyɛ́li 20:38

Un ná ɖe mɛ e fɔ́n gǔ dó jǐ ce ɖo mi mɛ lɛ́ɛ kpó mɛ e jɛ agɔ dó mì lɛ́ɛ kpó sín mi mɛ. Un ná ɖe yě sín to ɖěvo ɖěvo e mɛ yě ɖe din lɛ́ɛ mɛ; amɔ̌, yě sɔ́ ná yi Izlayɛ́li yíkúngban ɔ́ jí ǎ. Énɛ́ ɔ́, mi ná tunwun ɖɔ nyɛ wɛ nyi Mawu Mavɔmavɔ.

Daniyɛ́li 11:35

Mɛ gěgé ná kú ɖo nǔnywɛ́tɔ́ lɛ́ɛ mɛ, bɔ kú yětɔn ná slá wǔ nú togun ɔ́, bɔ é ná mɛ́ bó ná nɔ wǐwé jí nú gbe e gbe gbɛ ná vɔ é; lo ɔ́, hwe ɔ́ nu ko nɛ́ ǎ.

Daniyɛ́li 12:10

Mɛ gěgé ná tíin bɔ è ná slá wǔ nú yě, bɔ yě ná wé, bó ná mɛ́. Mɛdídá e ma sixú mɔ nukúnnú jɛ nǔ mɛ ǎ lɛ́ɛ ná kpo ɖo nǔ nyanya yětɔn lɛ́ɛ dó sin wɛ. Amɔ̌, mɛ e ɖó nǔnywɛ́ lɛ́ɛ ná mɔ nukúnnú jɛ nǔ e ɖo jijɛ wɛ é wú.

Ozée 14:2

Izlayɛ́linu lɛ́ɛ mi, mi lɛ́ kɔ wá Mawu Mavɔmavɔ, Mawu mitɔn gɔ́n, ɖó hwɛ e mi hu lɛ́ɛ zɔ́n bɔ mi jɛ ayǐ.

Zakalíi 13:9

Un ná zé atɔnvlɔ́ɖó énɛ́ ɔ́ dó myɔ mɛ, bó ná ɖe nǔ kwíji e ɖo yě wú ɔ́ síin, lě e è nɔ zé kpatágan dó myɔ mɛ bó nɔ ɖe nǔ blíblí e ɖ'é mɛ lɛ́ɛ síin é ɖɔhun. Un ná tɛ́n yě kpɔ́n lě e è nɔ tɛ́n siká kpɔ́n gbɔn ɖo myɔ mɛ é. Énɛ́ ɔ́, yě ná sú xó ylɔ́ mì, bɔ un ná yí gbe nú yě. Un ná ɖɔ: ‘Togun ce wɛ mi nyí’, bɔ yě ná nɔ yí gbe ɖɔ: ‘Nǔgbó wɛ Mawu Mavɔmavɔ, hwi wɛ nyí Mawu mǐtɔn!’ ”

Kɛ́nsísɔ́ 8:6

“Đe Levíi ví lɛ́ɛ sín Izlayɛ́li ví ɖě lɛ́ɛ mɛ, bó slá wǔ nú yě.

Luki 3:16

Jǎan ka yí xó, bó ɖɔ nú yě ɖɔ: “Nyɛ ɔ́, sin wɛ un sɔ́ dó ɖo yɛhwesin lɛ nú mi wɛ; amɔ̌, mɛɖé ɖo gǔdo ce jǎwe; mɛ énɛ́ ɔ́ hú gǎn mì, bɔ un nyí mɛɖé, bó ná sixú tún afɔkpakan tɔn lɛ́ɛ vɔ́vɔ́ ǎ; éyɛ́ ɔ́, Yɛsinsɛn kpódó zo kpán wɛ é ná sɔ́ dó lɛ yɛhwesin nú mi.

Hlɔ̌manu 12:1

Nɔví ce lɛ́ɛ mi, ée Mawu ɖe xomɛnyínyɔ́ tɔn xlɛ́ mi mɔ̌ é ɔ́, un ɖo vo sa nú mi wɛ ɖɔ mi ní sɔ́ mi ɖésúnɔ bǐ jǒ, vɔ̌sánú gbɛɖe e è sɔ́ ɖ'ayǐ nú Mawu, bɔ é nyɔ́ nukún tɔn mɛ é ɖɔhun. Lě e mi ná sɛn ɛ gbɔn, bɔ é ná nyí sinsɛn titewungbe ɔ́ é nɛ́.

Hlɔ̌manu 15:16

bɔ un nyí mɛsɛntɔ́ Klísu Jezu tɔn ɖo togun e ma nyí Jwifu ǎ lɛ́ɛ tɛ́ntin ɔ́ wútu. Wɛn Ɖagbe Mawu tɔn e jlá wɛ un ɖe ɔ́, vɔ̌sánú-xwlémawutɔ́zɔ́ dó wa ná wɛ un ɖe, bó ɖo wiwa wɛ, bónú togun e ma nyí Jwifu ǎ lɛ́ɛ ná húzú vɔ̌sánú e nɔ́ nyɔ́ Mawu nukún mɛ, bɔ Yɛsinsɛn sɔ́ ɖó vo nú Mawu é.

Filípunu 2:17

É ná bó byɔ́ ɖɔ è nǎ hu mì dó sá vɔ̌ ná gɔ́ nú vɔ̌ e sá nú Mawu wɛ mi ɖe gbɔn nǔɖiɖi mitɔn gbla mɛ ɔ́, awǎjijɛ wɛ é nyí nú mì, bɔ mi mɛ bǐ ná jɛ awǎ xá mì.

Filípunu 4:18

Un mɔ nǔ e mi sɛ́ dó mì lɛ́ɛ bǐ, bɔ é kpé mì kpo; din e Epafloditi hɛn nǔ e mi ná mì lɛ́ɛ wá nú mì ɔ́, nǔ e ɖo tají nú mì lɛ́ɛ bǐ ɖo así ce; nǔ e mi ná mì lɛ́ɛ cí vɔ̌sánú wǎnɖagbenɔ ɖɔhun, bó cí vɔ̌sísá e nɔ nyɔ́ Mawu nukún mɛ, bɔ é nɔ yí gbe ná ɔ́ ɖɔhun.

2 Timɔtée 4:6

Nyɛ ɔ́, hwenu e è nǎ sɔ́ mì dó sá vɔ̌ ná ɔ́ su; hwenu e un ná gosín gbɛ élɔ́ mɛ ɔ́ su.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Eblée 12:10

Tɔ́ mǐtɔn ayǐkúngban jí tɔn lɛ́ɛ nɔ kplɔ́n mǐ nú hwenu kpɛɖé, lě e yě mɔ ɖɔ é sɔgbe gbɔn é. Lo ɔ́, Mawu nɔ kplɔ́n mǐ ɖó ɖagbe mǐ ɖésúnɔ tɔn wú, bónú mǐ ná sixú ɖó ɖo mǐmá Mawu tɔn mɛ.

1 Piyɛ́ɛ 1:7

Nǔ énɛ́ lɛ́ɛ ɖo mi gbo wɛ nú è nǎ tɛ́n lě e nǔɖiɖi mitɔn jínjɔ́n ayǐ gbɔn ɔ́ kpɔ́n. Siká ɔ́, nǔ wɛ é nyí bó ná vɔ, có è ka nɔ tɛ́n ɛ kpɔ́n gbɔn myɔ nu; mɔ̌ ɖokpó ɔ́, nǔɖiɖi mitɔn e xɔ akwɛ́ ɖaxó hú siká ɔ́, è nɔ tɛ́n ɛ kpɔ́n, bó ná dó kpɔ́n lě e é lí dǒ gbɔn é. Bɔ énɛ́ ɔ́, hwenu e Jezu Klísu ná ɖe éɖée xlɛ́ ɔ́, è nǎ sixú mlá mi; è nǎ sixú kpa susu nú mi, bó ná sixú wlí yɛ̌yi nú mi.

1 Piyɛ́ɛ 2:5

bónú mi lɔmɔ̌ ɔ́, ɖi awǐnnya gbɛɖe ɖɔhun ɔ́, è nǎ zé mi dó gbá sinsɛnxɔ Yɛsinsɛn tɔn ɔ́ ná. Mi ná nyí vɔ̌sánú-xwlémawutɔ́ mímɛ́ sín gbɛ̌ta, bó ná nɔ xwlé vɔ̌sánú Yɛsinsɛn tɔn ɔ́ Mawu; vɔ̌sánú Yɛsinsɛn tɔn e nɔ nyɔ́ Mawu nukún mɛ, gbɔn Jezu Klísu jí é.

1 Piyɛ́ɛ 2:9

Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.

Nǔɖexlɛ́mɛ 1:6

bó zé mǐ dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú mǐ ná nɔ wa azɔ̌ nú Tɔ́ tɔn Mawu. Susu kpó hlɔ̌nhlɔ́n kpó ní nyí étɔn káká sɔ́yi mavɔ mavɔ! Amǐ.

Nǔɖexlɛ́mɛ 3:18

Énɛ́ ɔ́ wú wɛ un ɖo nǔ kplɔ́n we wɛ ɖɔ hwi ní xɔ siká e è ko zé dó myɔ mɛ, bɔ nǔblíblí ɖé ma sɔ́ ɖ'é mɛ ǎ ɔ́ ɖo así ce, bó ná dó nyí dɔkunnɔ. Xɔ awu wěwé lɛ́ɛ lɔ ɖo así ce, bó ná dó, dó mɛ̌ towe e ɖo winnyá hu nú we wɛ ɔ́ jí. Mɔ̌ ɖokpó ɔ́, xɔ nukúntínkɛn ɖo así ce, bó ná dó nukún towe lɛ́ɛ jí, bó ná sixú mɔ nukúnnú.

Nǔɖexlɛ́mɛ 5:10

A sɔ́ yě dó bló axɔ́súɖuto, bó sɔ́ yě dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú yě ná wa azɔ̌ nú Mawu mǐtɔn, bó ná ɖu axɔ́sú ɖo ayǐkúngban jí.”