Malacíi 3:15 - MAWUXÓWÉMA

¹⁵ Mi nɔ lɛ́ ɖɔ: “Mǐ mɔ din lo ɖɔ jimakplɔ́n lɛ́ɛ wɛ nǔ nyɔ́ ná, bɔ gbɛ ɔ́ nɔ́ hun ali nú nǔnyanyawatɔ́ lɛ́ɛ. Yě ná bó ɖo xó ba Mawu wɛ ɔ́, yě nɔ́ gán ɖ'é mɛ jɛ́n wɛ.”

Malacíi 3:15 Iomraidhean Croise

Ɛsitɛ́ɛ 5:10

Xomɛ sin i mɔ̌ có é ká ɖe xlɛ́ ǎ, bó yi xwé tɔn gbe, bó dó wɛn sɛ́ dó xɔ́ntɔn tɔn lɛ́ɛ kpó asi tɔn Zelɛ́ci kpó ɖɔ yě nǐ wá.

Jɔ̌bu 1:22

Nǔ énɛ́ lɛ́ɛ bǐ gbo Jɔ̌bu, có é ká hu hwɛ ɖěbǔ ǎ, é ɖɔ nǔ ɖěbǔ nyi do nú Mawu ǎ.

Jɔ̌bu 12:6

Asúfántɔ́ lɛ́ɛ nɔ́ vo fɛɛ ɖo xwé yětɔn lɛ́ɛ gbe; yě mɛ e nɔ ba xó Mawu lɛ́ɛ ɔ́, nǔɖé nɔ́ dó xɛsi nú yě ǎ, yě nɔ́ sɛn nǔɖé zɛ hlɔ̌nhlɔ́n yětɔn wú ǎ.

Jɔ̌bu 21:30

Nyladó zán gbé ɔ́, nǔɖé nɔ wa mɛdídá ǎ, xomɛsin Mawu tɔn nɔ́ jó e dó wǔ ɖíɖí aji ɖɔhun.

Jɔ̌bu 22:23

Ényí a lɛ̌ kɔ wá Nǔbǐwúkpétɔ́ ɔ́ gɔ́n ɔ́, é ná lɛ́ sɔ́ we ɖó lě e a ɖe gbɔn ɖ'ayǐ é; ɖe nǔ nyanya bǐ sín xwé towe gbe.

Ɖɛhan 10:3

Mɛdídá kpé nǔ e lin wɛ é ɖe ɔ́ wú bó wa, lobo kpa éɖée. Nǔwlóɖutɔ́ nɔ́ nyi nu do nú Mawu Mavɔmavɔ, bó nɔ́ ko e.

Ɖɛhan 106:14

Nǔ jɛ yě jló jí ɖo gbětótló mɛ, bɔ yě jɛ Mawu tɛ́nkpɔ́n jí.

Ɖɛhan 141:4

Ma lɔn nú un ɖɔ xó nyanya ɖé, abǐ un wa nǔ baɖabaɖa ɖé mɛdídá lɛ́ɛ ɖɔhun ó. Ma lɔn nú un ɖu agɔ̌ xá yě ó.

Ɖɛhan 49:18

ɖó é ɖo ɖě ná zé yi kú wɛ ǎ; dɔkun tɔn ná xwedó e byɔ́ yɔdo mɛ ǎ.

Ɖɛhan 58:2

Nu e mi ma nɔ kɛ dó nǔɖé mɛ ǎ ɔ́ wɛ nyí hwɛ e mi nɔ gbo é a? Mi gbɛtɔ́ lɛ́ɛ ɔ́, lě e mi nɔ ɖɔ hwɛjlɔ́jlɔ́ gbɔn é ná?

Ɖɛhan 73:12

Lě e mɛdídá lɛ́ɛ ɖe gbɔn é ɖíe: yě nɔ́ ɖo vivo mɛ tɛgbɛ, bó nɔ́ ɖo dɔkun jɛ dó dɔkun jí wɛ.

Ɖɛhan 73:3

Đó un mɔ nǔ ɖo nyǐnyɔ́ nú mɛ e nɔ yí go lɛ́ɛ wɛ, gbɛtɔ́ e má ɖó nǔnywɛ́ lɛ́ɛ wɛ, bɔ nǔ yětɔn su nukún ce mɛ.

Ɖɛhan 78:18

Yě syɛ́n ta káká bó tɛ́n Mawu kpɔ́n; yě byɔ́ nǔɖuɖu i dó tɛ́n ɛ kpɔ́n.

Ɖɛhan 78:41

Yě lɛ́ jɛ Mawu tɛ́nkpɔ́n jí, yě lɛ̌ jɛ agɔ jɛ dó Mɛ mímɛ́ Izlayɛ́li tɔn ɔ́ jí.

Ɖɛhan 78:56

Lo ɔ́, yě tɛ́n Mawu Ajalɔ̌nlɔn ɔ́ kpɔ́n, yě fɔ́n gǔ dó jǐ tɔn, yě sɔ́ nɔ́ nyi sɛ́n tɔn lɛ́ɛ ǎ.

Ɖɛhan 95:9

Tɔ́gbó mitɔn lɛ́ɛ tɛ́n mì kpɔ́n gbɔn fí énɛ́ lɛ́ɛ, yě ko mɔ nǔ e un nɔ jlɛ́ lɛ́ɛ có bó nɔ́ lɛ́ tɛ́n mì kpɔ́n.

Nǔnywɛ́xó 12:12

Mɛdídá ɔ́, nukún tɔn nɔ́ ɖo nǔ e mɛdídá lɛ́ɛ ɖó ɔ́ wú; mɛ e ka nɔ wa nǔ ɖó sɛ́nxwi jí ɔ́ sín ɖɔ nɔ ná nǔ ɖagbe.

Nǔnywɛ́tɔ́xó 8:14

Nǔ walá ɖokpó ɖíe, bó nɔ́ jɛ ɖo ayǐkúngban jí fí: nǔjlɔ́jlɔ́watɔ́ ɖé lɛ́ɛ tíin, bɔ nǔ e ɖó ná gbo mɛdídá lɛ́ɛ wɛ nɔ́ gbo yě. Mɛdídá ɖé lɛ́ɛ ká tíin bɔ lě e nǔ ná nɔ́ gbɔn nú nǔjlɔ́jlɔ́watɔ́ ɔ́, mɔ̌ wɛ é nɔ́ nɔ gbɔn nú yě. Un mɔ ɖɔ énɛ́ lɔ ɔ́, nǔ yǎyá wɛ.

Ezayíi 2:22

Mi ma ɖó gbɛ nú gbɛtɔ́ ó, gbɛ tɔn ɔ́, funfún kpowun wɛ. Gbɛtɔ́ nyí nǔɖé ǎ.

Jelemíi 7:10

Mi ná nɔ ɖo nǔ énɛ́ lɛ́ɛ bló wɛ, bó ká ná nɔ́ lɛ́ kɔ wá gɔ̌n ce, ɖo xwé élɔ́ e è sɔ́ ɖó vo nú mì ɔ́ gbe, bó ná nɔ́ ɖɔ: ‘Éénɛ́, mǐ gǎn!’ Mi nɔ bló mɔ̌, bó nɔ́ mɔ tɛn bó nɔ́ dó nǔ nyanya e jló mi lɛ́ɛ bǐ sin.

Daniyɛ́li 4:30

Tɛn tɔn mɛ fínɛ́ jɛ́n nǔ e é se ɔ́ jɛ ɖe. Nǔ gbó ɔ́, è nya Nabukodonɔzɔ́ɔ sín gbɛtɔ́ lɛ́ɛ mɛ, bɔ é jɛ ama ɖu jí nyibú ɖɔhun; ahǔn nɔ́ ja dó jǐ tɔn. Đa tɔn ɖi ga káká bó cí gangan sín awafún ɖɔhun. Fɛn tɔn lɛ́ɛ ɖi káká bó cí xɛfɛn ɖɔhun.

Daniyɛ́li 6:16

Daniyɛ́li kɛntɔ́ lɛ́ɛ zɔn adǎn jí, bó wá mɔ axɔ́sú ɔ́ bó ɖɔ: “Sɛ́mɛɖó, mɛ tunwun ganjí ɖɔ Mɛdinu lɛ́ɛ kpó Pɛ́sinu lɛ́ɛ kpó sín sɛ́n ɖɔhun wɛ sɛ́n e mɛ dó ɔ́ kpó gbeta e mɛ ɖe tɔ́n ɔ́ kpó cí, bɔ mɛɖé nɔ́ húzú ǎ.”

Malacíi 2:17

Xó mitɔn lɛ́ɛ nɔ́ kpé agbɔ̌n nú Mawu Mavɔmavɔ; mi ka nɔ kanbyɔ́ ɖɔ: “Xó tɛ́ e tɛ́ é mǐ ká nɔ́ ɖɔ bɔ é nɔ́ kpé agbɔ̌n n'i?” Éɖíe, má ɖɔ nú mi. Xó élɔ́ lɛ́ɛ e mi nɔ ɖɔ ɔ́ wɛ nɔ́ kpé agbɔ̌n nú mì. Mi nɔ ɖɔ: “Mawu Mavɔmavɔ nɔ́ sɔ́ nukún ɖagbe dó kpɔ́n mɛ e nɔ wa nǔ nyanya lɛ́ɛ. Mɛ mɔ̌hunkɔ lɛ́ɛ sín nǔ wɛ nɔ́ nyɔ́ nukún tɔn mɛ.” Mi nɔ lɛ́ ɖɔ: “Fítɛ́ Mawu hwɛjijɔnɔ ɔ́ ka ɖe?”

Mɛsɛ́dó 12:21

Ée kplézán ɔ́ sɔgbe ɔ́, Elódu dó axɔ́súwu tɔn lɛ́ɛ, bó jínjɔ́n axɔ́súzinkpo tɔn jí, bó ɖɔ xó nú yě agbawungba,

Mɛsɛ́dó 5:9

Ée é ɖɔ mɔ̌ ɔ́, Piyɛ́ɛ ɖɔ n'i ɖɔ: “Nɛ̌ ka gbɔn bɔ hwi kpódó asú towe kpó blá ɖɔ, bó jló ná ba do nú Yɛ Aklúnɔ tɔn kpɔ́n mɔ̌? Đǒtó; mɛ e ɖi asú towe lɛ́ɛ nɛ́ ɖo xwé gbe byɔ́ wɛ nɛ́; yě ná sɔ́ hwi lɔmɔ̌ yi ɖi.”

1 Kɔlɛ́ntinu 10:9

Mǐ ɖó ná tɛ́n Aklúnɔ kpɔ́n, lě e mɛɖé lɛ́ɛ bló gbɔn ɖo yě mɛ, bɔ dan ɖu yě bɔ yě kú é ǎ.

Eblée 3:9

Tɔ́gbó mitɔn lɛ́ɛ tɛ́n mì kpɔ́n ɖo fínɛ́, có yě ká mɔ nǔwiwa ce lɛ́ɛ káká nú xwe kanɖé (40).

1 Piyɛ́ɛ 5:5

Mɔ̌ ɖokpó ɔ́, mi mɛwínnyáwínnyá lɛ́ɛ mi, mi ɖó ná nɔ́ hwíhwɛ́ miɖée dó mɛ e nyí mɛxó nú mi lɛ́ɛ glɔ́; mi bǐ ní nɔ sɔ́ miɖée hwe, bó ná nɔ wa azɔ̌ nú miɖée, ɖó Mawuxówéma ɔ́ ɖɔ: “Mawu nɔ ɖe kɔ dó goyítɔ́ lɛ́ɛ; lo ɔ́, é nɔ nyɔ́ xomɛ dó mɛ e nɔ sɔ́ yěɖée hwe lɛ́ɛ wú.”