Malacíi 3:12 - MAWUXÓWÉMA

¹² Akɔta lɛ́ɛ bǐ ná nɔ́ ylɔ́ mi ɖɔ nyɔ̌nánɔ, ɖó to mitɔn ná nyí awǎjijɛ sín to.’ ” Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Malacíi 3:12 Iomraidhean Croise

2 Tan 32:23

Mɛ gěgé hɛn nǔníná wá nú Mawu Mavɔmavɔ ɖo Jeluzalɛ́mu, bó lɛ́ ná nǔ ɖagbe ɖagbe lɛ́ɛ Ezekiyási Judáa xɔ́sú ɔ́, bɔ sín hwenɛ́nu ɔ́, é xɔ susu ɖo akɔta lɛ́ɛ bǐ nukɔn.

Ɖɛhan 72:17

Nyǐkɔ tɔn ní ɖo te káká sɔ́yi. Nú hwe nɔ tɔ́n jɛ́n wɛ ɔ́, nyǐkɔ tɔn ní ɖo te. È nǐ kpɔ́n lě e nǔ nyɔ́ n'i gbɔn ɔ́ dó xo nyɔ̌ná ɖɛ nú mɛɖée, akɔta lɛ́ɛ bǐ ní nɔ́ ɖɔ nǔ nyɔ̌ n'i.

Ezayíi 61:9

Akɔta lɛ́ɛ bǐ wɛ ná tunwun vǐ mitɔn lɛ́ɛ; gbɛtɔ́ nukúnɖéjí wɛ yě ná nyí gbɔn akɔta lɛ́ɛ bǐ mɛ; mɛɖé mɔ yě ɔ́, è na tunwun ɖɔ togun e jí Mawu Mavɔmavɔ xo ɖɛ dó é ɖíe.

Ezayíi 62:4

Mɛ ɖé sɔ́ ná ylɔ́ we ɖɔ “Toxo e è jǒ dó é” ǎ. È ká sɔ́ ná ylɔ́ ayǐkúngban towe ɖɔ “Ayǐkúngban e jí mɛ ɖé má ɖe ǎ é” ǎ. Lo ɔ́, è nǎ nɔ́ ylɔ́ we ɖɔ “Wǎnyínámɔ Mawu Mavɔmavɔ tɔn”, bó ná nɔ́ ylɔ́ ayǐkúngban towe ɖɔ: “Nyɔ̌nu xwési”, ɖó hwi wɛ Mawu Mavɔmavɔ ná yí wǎn ná, bɔ ayǐkúngban towe ná ɖó asú.

Ezayíi 62:5

Nǔgbó ɔ́, lě e dɔ̌nkpɛvú nɔ́ da ɖyɔ̌vǐ si ɔ́, mɔ̌ wɛ mɛ e ɖo vǐvɔ́ we bló ɖó wɛ ɔ́ ná nyí asú nú we. Lě e nyɔ̌nu yɔ̌yɔ́ nɔ́ dó xomɛhunhun nú asú tɔn gbɔn ɔ́, mɔ̌ wɛ a nǎ dó xomɛhunhun nú Mawu towe gbɔn.

Jelemíi 33:9

Hwenɛ́nu lo ɔ́, un ylɔ́ Jeluzalɛ́mu sín nyǐkɔ ɔ́, é ná nɔ́ víví nú mì. É wɛ un ná nɔ́ dó ba acɔ́ ná ɖo akɔta e ɖo ayǐkúngban ɔ́ jí lɛ́ɛ bǐ nukɔn. Hwenu e akɔta lɛ́ɛ na se ɖagbe e wa nú Jeluzalɛ́mu gbé un ja ɔ́, xɛsi ná ɖi yě, bɔ yě ná sísɔ́. Nú yě mɔ nyɔ̌ná e un ná Jeluzalɛ́mu ɔ́, kpó lě e nǔ tɔn lɛ́ɛ ɖo nukɔn yi gbɔn wɛ ɔ́ kpó ɔ́, ado ná hu yě.”

Daniyɛ́li 11:41

É ná byɔ́ to e nyɔ́ ɖɛkpɛ hú to lɛ́ɛ bǐ é mɛ, bó ná hu mɛ gěgé. Amɔ̌, Edɔ́munu lɛ́ɛ, Mɔwabunu lɛ́ɛ, kpó gǎn ɖaxó Amumɔ́ɔ ví lɛ́ɛ tɔn lɛ́ɛ kpó ná gló e.

Daniyɛ́li 8:9

Zo yɔ̌yɔ́ ɖokpó wú ɖo zo kpɛví e ɖo zo ɛnɛ lɛ́ɛ mɛ ɔ́ wú. Zo ɔ́ ɖo ga ɖi wɛ tunta tofɔligbé zǎnzǎnhwe jí, kpó to e nyɔ́ ɖɛkpɛ hú to lɛ́ɛ bǐ ɔ́ kpó.

Zakalíi 8:23

Hwenɛ́nu ɔ́, jǒnɔ wǒ ná tíin, bɔ yě mɛ ɖokpó ɖokpó ná dó gbe vovo: yě ná hɛn Jwifu ɖokpó sín awu ɖaxó sín tó majómájó bó dó hɛn ɛ ɖó te bó ná ɖɔ n'i ɖɔ: ‘Mǐ jló ná xwedó mi, ɖó mǐ se ɖɔ Mawu ɖo kpɔ́ xá mi.’ ”

Malacíi 3:13

Mawu Mavɔmavɔ ɖɔ: “Mi nɔ dó mɛmasígbe nú mì, bó ká nɔ́ ɖɔ: xó towe nyanya tɛ́ mǐ ká nɔ́ ɖɔ ɖo mǐɖée tɛ́ntin?

Luki 1:48

ɖó é nyi kɔ kpɔ́n nyɛ mɛsɛntɔ́ tɔn masɔatɛ́n ɔ́. Bɛ́ sín din ɔ́, gbɛtɔ́ lɛ́ɛ bǐ ná nɔ́ ylɔ́ mì ɖɔ nǔnyɔ́nánɔ,

Sɛ́nflínmɛ 11:12

To ɖé wɛ bɔ Mawu Mavɔmavɔ, Mawu mitɔn kpé nukún d'é wú ganjí, bɔ nukún tɔn ɖ'é wú hwebǐnu sín xwe ɔ́ sín bǐbɛ́ káká yi xwe ɔ́ sín fífó.