Malacíi 3:11 - MAWUXÓWÉMA

¹¹ Un ná sú ali dó nǔvínúví lɛ́ɛ bɔ yě ná ɖu nǔ e mi dó lɛ́ɛ ǎ; bɔ vǐwuntín mitɔn lɛ́ɛ ná gɔn sínsɛ́n ǎ. Akpá tɔn wɛ un dó nú mi.

Malacíi 3:11 Iomraidhean Croise

Jelemíi 8:13

Mawu Mavɔmavɔ ɖɔ: “Nú un ɖo nǔɖé ba ɖo yě gɔ́n wɛ ɔ́, un nɔ mɔ ǎ. Un nɔ mɔ vǐwun ɖěbǔ ɖo vǐwungbo lɛ́ɛ mɛ ǎ; un mɔ fígi ɖěbǔ ɖo fígitín lɛ́ɛ jí ǎ; atín bǐ wɛ mlú ɖa. Un gbɔ bo jó bǐ nú aligbɔntɔ́ lɛ́ɛ.”

Ozée 2:21

Un ná da we bɔ a nǎ nyí asi ce káká sɔ́yi. Agban e un ná ná nú we ɔ́ ɖíe: un ná wa nǔ ɖó sɛ́nxwi jí nú we, un ná wa nǔ ɖó hwɛjijɔ jí nú we, un ná yí wǎn nú we, un ná ɖó xomɛfífá dó wǔtu towe.

Jowɛ́li 1:12

Vǐwungbo bǐ xú, fígitín bǐ mlú ɖa. Glenádi kpó dětín kpó, kpó aslɔ́tín kpó bǐ mlú ɖa. Atín e ɖo gle mɛ lɛ́ɛ bǐ mlú ɖa. Awǎjijɛ ɖěbǔ sɔ́ ɖo gbɛtɔ́ lɛ́ɛ tɛ́ntin ǎ.

Jowɛ́li 1:4

Nǔ ɖu gle lɛ́ɛ bǐ. Nǔ e wǎnvú lɛ́ɛ ɖu kpo ɔ́, wɛn lɛ́ɛ ɖu. Nǔ e wɛn lɛ́ɛ ɖu kpo ɔ́, vɛɛn lɛ́ɛ ɖu, nǔ e vɛɛn lɛ́ɛ ɖu kpo ɔ́, kle lɛ́ɛ ɖu.

Jowɛ́li 1:7

Yě vɔ vǐwungbo mitɔn, yě já fígitín mitɔn wínníwínní, bó ɖu fló tɔn bǐ, lobo zin dó ayǐ. Vǐwun sín ala lɛ́ɛ wé tété.

Jowɛ́li 2:20

Un ná nya kɛntɔ́ mitɔn e gosín totaligbé lɛ́ɛ dó zɔ nú mi. Un ná nya yě sɛ́ dó ayǐkúngban e ko sá bɔ mɛ ɖé má sɔ́ ɖ'é jí ǎ é jí. Un ná nya mɛ e ɖo nukɔn nú kɛntɔ́ mitɔn lɛ́ɛ dó Xu Kúkú ɔ́ mɛ, bó ná nya mɛ e ɖo gǔdo nú yě lɛ́ɛ dó Mɛditɛlanɛ́ɛ xu ɔ́ mɛ. Cyɔ yětɔn lɛ́ɛ ná dó cyɔ, bɔ wǎn ná vun blá fí bǐ; lě e mɛ e dó nǔ sin xá mi sɔ mɔ̌ lɛ́ɛ ná vɔ gbɔn é nɛ́.

Jowɛ́li 2:22

Gběkanlin lɛ́ɛ mi, mi ma ɖi xɛsi ó, ɖó gběhan ná lɛ́ wú ɖo ayǐkúngban wɛnjɛ e ɖo gbětótló mɛ lɛ́ɛ jí; atín lɛ́ɛ ná lɛ́ sɛ́n. Fígitín lɛ́ɛ kpó vǐwun lɛ́ɛ kpó ná lɛ́ sɛ́n kɔn nyi kpɔ́.

Jowɛ́li 2:25

Jinukún mitɔn e un sɛ́ wɛn lɛ́ɛ, vɛɛn lɛ́ɛ, kle lɛ́ɛ, kpódó wǎnvú lɛ́ɛ kpó nǔvínúvíhwan énɛ́ lɛ́ɛ kpó dó, bɔ yě wǎ hɛn bǐ gblé ɔ́, un ná sú axɔ́ tɔn mi.

Amɔ́si 4:9

“Un dó azɔn jinukún mitɔn lɛ́ɛ, bɔ yě nɔ́ xú dó te abǐ yě nɔ́ nyɔ dó te. Un vívá jikpá mitɔn lɛ́ɛ kpó vǐwungle mitɔn lɛ́ɛ kpó sín kún; wɛn lɛ́ɛ ɖu fígitín mitɔn lɛ́ɛ kpó olívutín mitɔn lɛ́ɛ kpó sú dó. Nǔ nyí mɔ̌ có, mi lɛ́ kɔ wá gɔ̌n ce ǎ.” Xó e Mawu Mavɔmavɔ ɖɔ ɔ́ nɛ́.

Xabakúku 3:17

“Fígitín na bo ma sɛ́n ǎ ɔ́, vǐwuntín na bo ma sɛ́n ǎ ɔ́, olívu na bo ma tíin ǎ ɔ́, gle lɛ́ɛ na bo ma ná jinukún ǎ ɔ́, lɛ̌ngbɔ́ lɛ́ɛ ná bo bú sín amagbo mɛ ɔ́, nyibú bǐ na bo vɔ ɖo kpó mɛ ɔ́,

Ajée 1:11

Un ɖɔ bɔ akú ɖó gbɔn to ɔ́ bǐ mɛ: sókan mɛ wɛ a, jinukúngbo mɛ wɛ a, vǐwungbo mɛ wɛ a, olívugbo mɛ wɛ a, gle mɔ̌hun tíin bɔ akú gɔn ɖǐɖó ɖ'é mɛ ǎ. Akú ɖó gbɔn fí bǐ. Gbɛtɔ́ kpó kanlin kpó bǐ wɛ mɔ wǔvɛ́; azɔ̌ e è wa ɔ́ nǔɖé tɔ́n ɖ'é mɛ ǎ.’ ”

Ajée 2:17

Un hɛn azɔ̌ e mi wa é bǐ gblé. Un ɖɔ bɔ jinukún lɛ́ɛ bǐ fyɔ́, abǐ nyɔ dó te. Un ɖɔ bɔ kɛ́njí ja. Un wa nǔ énɛ́ lɛ́ɛ bǐ có mi lɛ́ kɔ wá nyɛ Mawu Mavɔmavɔ ɔ́ gɔ́n ǎ.

Zakalíi 8:12

Un ná kɔn fífá nyi ayǐkúngban ɔ́ jí. Vǐwuntín lɛ́ɛ ná nɔ́ sɛ́n, ayǐkúngban ná ná jinukún. Jǐ ná ja ɖésú. Un ná ná nyɔ̌ná énɛ́ lɛ́ɛ bǐ mɛ e kpo ɖo gbɛ ɖo togun ce mɛ lɛ́ɛ.

Sɛ́nflínmɛ 11:14

é ná bló bɔ jǐ ná ja dó to mitɔn mɛ hwenu e é ɖó ná ja dó é; xwetají ná ja bɔ zǒjí lɔ ná ja, bɔ ji ná jɛ. Mi ná ya blěe ganjí; mi ná mɔ vɛ̌ɛn ganjí, bó ná mɔ ami ganjí.