Malacíi 3:10 - MAWUXÓWÉMA

¹⁰ Mawu Mavɔmavɔ Nǔbǐwúkpétɔ́ ɔ́ ɖɔ: ‘Mi hɛn mǎɖówǒ lɛ́ɛ gbesisɔ tɔn wá sinsɛnxɔ ce mɛ, bónú nǔɖuɖu ná tíin ɖo xwé ce gbe. Mi bló gbɔn mɔ̌ bó dó tɛ́n mì kpɔ́n, bó ná kpɔ́n ɖɔ un ma ná hun sɛ́xwé hɔn lɛ́ɛ ɖó nuvo nú mi a jí; un ma ná kɔn nyɔ̌ná dó mi jí bɔ é ná túnflá a jí.

Malacíi 3:10 Iomraidhean Croise

Bǐbɛ́mɛ 28:22

Awǐnnya élɔ́ e un sɔ́ tun te dó bló awǐnnya e è nǎ nɔ́ sɛn ɔ́ ná nyí Mawu xwé.” Bɔ é ɖɔ nú Mawu ɖɔ: “Nǔ e a nǎ ná mì lɛ́ɛ ɔ́, un ná ná we bǐ sín mǎɖówǒ.”

Bǐbɛ́mɛ 7:11

Hwenu e Nɔwée ɖo xwe nǔwɔntɔn (600) ɖó wɛ ɔ́, sun wegɔ́ ɔ́ sín azǎn afɔtɔn-nukún-we gbe ɔ́, sin e ɖo domaɖó-azan mɛ ɔ́ gba wu, bɔ hɔn e hɛn sin e ɖo jǐnukúnsin ɔ́ ɖó te ɔ́ hun.

2 Axɔ́sú 7:19

Bɔ ahwangán ɔ́ yí gbe nú gbeyíɖɔ Mawu tɔn ɔ́ ɖɔ: “Ényí Mawu Mavɔmavɔ na bo tɔ́n ali dó jǐnukúnsin, bó sɛ́ jinukún dó gbɔn fínɛ́ ɔ́, nǔ e a ɖɔ din ɔ́ ná sixú jɛ wɛ a?” Bɔ Elizée yí gbe n'i ɖɔ: “A nǎ mɔ kpó nukún towe kpó, lo ɔ́ ɖě ɖo nu towe ná jɛ wɛ ǎ.”

2 Axɔ́sú 7:2

Ée é ɖɔ mɔ̌ ɔ́, ahwangán e nɔ kplá axɔ́sú ɔ́ ɖɔ nú gbeyíɖɔ Mawu tɔn ɔ́ ɖɔ: “Ényí Mawu Mavɔmavɔ na bo tɔ́n ali dó jǐnukúnsin, bó sɛ́ jinukún dó gbɔn fínɛ́ ɔ́, nǔ e a ɖɔ din ɔ́ ná sixú jɛ wɛ a?” Elizée yí gbe n'i ɖɔ: “A nǎ mɔ kpó nukún towe kpó, lo ɔ́, ɖě ɖo nu towe ná jɛ wɛ ǎ.”

1 Tan 26:20

Levíi ví ɖěvo lɛ́ɛ nɔ́ cɔ́ dɔkun e ɖo Mawu xwé gbe lɛ́ɛ, bó nɔ cɔ́ nǔ e è ɖe ɖó vo nú Mawu lɛ́ɛ.

Nɛɛmíi 12:44

Gbe énɛ́ ɔ́ gbe ɔ́, è ɖe mɛ, bɔ è ná nɔ cɔ́ xɔ e mɛ è nɔ bɛ́ agban lɛ́ɛ dó é. Xɔ énɛ́ lɛ́ɛ mɛ wɛ è nɔ bɛ́ nǔ e è nǎ Mawu lɛ́ɛ dó: jinukún nukɔntɔn e nyɔ́ ɖo mɛ ɖokpó ɖokpó gle mɛ é, kpó mǎɖówǒ lɛ́ɛ kpó. É lɛ́ zɔ́n yě ɖɔ yě ní yi gbɔn toxo lɛ́ɛ mɛ, bó yí nǔ e nyí vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó tɔn bɔ sɛ́n ɔ́ ɖɔ é. Judáa to ɔ́ bǐ ɖo awǎ jɛ wɛ, ɖó vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó ɖo azɔ̌ yětɔn lɛ́ɛ wa wɛ.

Nɛɛmíi 12:47

Đo Zolobabɛ́li kpó Nɛɛmíi kpó hwenu ɔ́, Izlayɛ́li to ɔ́ bǐ wɛ nɔ ná nǔ e nyí hanjitɔ́ lɛ́ɛ kpó hɔnjínɔtɔ́ lɛ́ɛ kpó tɔn ɔ́ ayǐhɔ́ngbe ayǐhɔ́ngbe. È nɔ ná nǔ e è sɔ́ ɖó vo nú Mawu lɛ́ɛ Levíi ví lɛ́ɛ, bɔ Levíi ví lɛ́ɛ nɔ́ bɛ́ wá jó nú Aalɔ́ɔn ví lɛ́ɛ.

Nɛɛmíi 13:5

Đ'ayǐ xóxó ɔ́, nǔ e è nɔ bɛ́ dó xɔ énɛ́ ɔ́ mɛ lɛ́ɛ ɖíe: nǔ e è nǎ Mawu lɛ́ɛ, zǎlínkpɔ́n, gannú lɛ́ɛ, mǎɖówǒ jinukún e è nɔ ylɔ́ ɖɔ blěe é tɔn, mǎɖówǒ vɛ̌ɛn yɔ̌yɔ́ tɔn, mǎɖówǒ ami tɔn, nǔ e sɛ́n ɔ́ ɖɔ è nǎ ná Levíi ví lɛ́ɛ é, kpó nǔ e sɛ́n ɔ́ ɖɔ è nǎ ná hanjitɔ́ lɛ́ɛ kpó é.

Ɖɛhan 37:3

Đe ji dó Mawu Mavɔmavɔ wú, bó nɔ wa ɖagbe; nɔ to ɔ́ mɛ, bó ná mɔ fífá.

Ɖɛhan 78:23

É ɖe gbe dó akpɔ́kpɔ́ e ɖo jǐxwé lɛ́ɛ, é hun sɛ́xwé sín hɔn lɛ́ɛ.

Nǔnywɛ́tɔ́xó 11:3

Ényí jǐ wu ganjí ɔ́, é nɔ́ ja. Atín ɖé mu jɛ tofɔligbé abǐ totaligbé ɔ́, fí e é mu jɛ ɔ́ jɛ́n é nɔ́ cí.

Ezekiyɛ́li 34:26

Un ná xo ɖɛ dó to ɔ́ jí, bó xo dó fí e lɛ́ lɛ̌ dó só e è sɔ́ ɖó vo nú mì é jí; jǐ hwenu su ɔ́, un ná nɔ́ sɛ́ jǐ dó, un ná nɔ́ sɛ́ jǐ e ná nɔ́ wa ɖagbe nú yě ɔ́ dó.

Ezekiyɛ́li 44:30

Nǔkún nukɔntɔn e ná nɔ́ nyɔ́ ɖo gle mɛ lɛ́ɛ ná nɔ́ nyí vɔ̌sánú-xwlémawutɔ́ lɛ́ɛ tɔn, bɔ nǔjɔ e è nǎ ná mì ɖo Izlayɛ́li tomɛ lɛ́ɛ bǐ ná nyí yětɔn. Mɛ lɛ́ɛ ná nɔ́ ná yě linfín yětɔn e nyɔ́ hú bǐ é, bɔ nyɛ Mawu Mavɔmavɔ ná nɔ́ xo ɖɛ dó xwé yětɔn jí.

Ozée 2:21

Un ná da we bɔ a nǎ nyí asi ce káká sɔ́yi. Agban e un ná ná nú we ɔ́ ɖíe: un ná wa nǔ ɖó sɛ́nxwi jí nú we, un ná wa nǔ ɖó hwɛjijɔ jí nú we, un ná yí wǎn nú we, un ná ɖó xomɛfífá dó wǔtu towe.

Jowɛ́li 2:19

É yí gbe nú ɖɛ e togun tɔn xo ɔ́, bó ɖɔ: “Mi ɖótó, un ná lɛ́ sɛ́ jinukún, kpó vɛ̌ɛn yɔ̌yɔ́ kpó, kpó ami kpó dó mi. Un ná sɛ́ dó mi bɔ é ná kpé mi kpo. Un sɔ́ ná jó mi dó bɔ mi ná nyí nǔkiko ɖo akɔta lɛ́ɛ tɛ́ntin gbeɖé ǎ.

Jowɛ́li 2:24

Jinukún ná gɔ́ xɔ. Vɛ̌ɛn yɔ̌yɔ́ kpó ami kpó ná gɔ́ gbǎ.

Levíi ví 26:10

Jinukún mitɔn lɛ́ɛ ná sukpɔ́ káká bɔ éé mi sɔ́ ɖ'ayǐ lɛ́ɛ ná vɔ cóbɔ ɖěvo ná tɔ́n ǎ; é ná wá byɔ́ ɖɔ mi ní bɛ́ xóxó lɛ́ɛ síin lɔ, bɔ éé tɔ́n yɔ̌yɔ́ lɛ́ɛ ná mɔ tɛn.

Levíi ví 26:3

“Ényí mi nɔ nyi sɛ́n ce lɛ́ɛ ɔ́, ényí mi nɔ kpé nukún dó nǔ e un zɔ́n mi lɛ́ɛ wú bó nɔ bló ɔ́,

Levíi ví 27:30

“Nǔ e nyɔ́ ɖo gle mɛ lɛ́ɛ bǐ sín mǎɖówǒ wɛ nyí nyɛ Mawu Mavɔmavɔ ɔ́ tɔn. É sixú nyí jinukún, é sixú nyí atínsínsɛ́n; nǔ wɛ nyí bɔ è sɔ́ ɖó vo nú nyɛ Mawu Mavɔmavɔ.

Ajée 2:19

Jinukún ɖěbǔ sɔ́ kpo ɖo kɔ́zún mɛ nú mi din a? Vǐwuntín lɛ́ɛ, fígitín lɛ́ɛ, glenáditín lɛ́ɛ, kpódó olívutín lɛ́ɛ kpó ɖěbǔ sɔ́ sɛ́n ǎ. Amɔ̌, bɛ́ sín égbé ɔ́, un ná kɔn nyɔ̌ná ce lɛ́ɛ dó mi jí.”

Kɛ́nsísɔ́ 18:21

Mawu Mavɔmavɔ lɛ́ ɖɔ nú Aalɔ́ɔn ɖɔ: “Un ná ná nǔ e nyɔ́ ɖo Izlayɛ́li lɛ́ɛ bǐ sín mǎɖówǒ Levíi ví súnnu lɛ́ɛ, ɖó azɔ̌ e wa wɛ yě ɖe ɖo Goxɔ ɔ́ mɛ ɔ́ nu.

Matíe 6:33

Axɔ́súɖuɖu Mawu tɔn kpódó jlǒ tɔn wiwa kpó ní nɔ́ myá nukún nú mi jɛ nukɔn; énɛ́ ɔ́, é ná ná nǔ énɛ́ lɛ́ɛ bǐ mi.

Sɛ́nflínmɛ 12:6

Fínɛ́ wɛ mi ná hɛn vɔ̌ mitɔn lɛ́ɛ wá; é sixú nyí vɔ̌ e è nɔ dó zo é, é sixú nyí kɔnɖókpɔ́ vɔ́, é sixú nyí mǎɖówǒ jinukún mitɔn lɛ́ɛ tɔn, é sixú nyí nǔ e mi ɖésú ɖó jlǒ bó ná lɛ́ɛ, é sixú nyí nǔ e wá ayi mɛ nú mi bɔ mi ná lɛ́ɛ, abǐ éé mi ná dó ɖe akpá e mi dó é ná lɛ́ɛ, é sixú nyí nyibú mitɔn lɛ́ɛ, kpó gbɔ̌ mitɔn lɛ́ɛ kpó sín nukɔngbéví.

Sɛ́nflínmɛ 14:22

Mi ná nɔ́ ɖe nǔ e nyɔ́ ɖo gle mitɔn mɛ lɛ́ɛ bǐ sín mǎɖówǒ xwewú xwewú tɛgbɛ.

Sɛ́nflínmɛ 14:29

Énɛ́ ɔ́, Levíi ví lɛ́ɛ ná nɔ wá ba nǔ e yě ná ɖu lɛ́ɛ ɖo fínɛ́. Đó yědɛɛ lɛ́ɛ ɖó ayǐkúngban ɖě ɖo mi tɛ́ntin ǎ. Mɔ̌ ɖokpó ɔ́, jǒnɔ lɛ́ɛ kpó tɔ́cyɔvǐ lɛ́ɛ kpó asúkúsi lɛ́ɛ kpó lɔmɔ̌ ná mɔ nǔɖuɖu yě lɔmɔ̌ tɔn ɖo fínɛ́. Yě bǐ ná mɔ nǔ bó ɖu bó gɔ́ xo. Énɛ́ ɔ́, Mawu Mavɔmavɔ, Mawu mitɔn ná dó acɛ nǔ e mi ná wa lɛ́ɛ bǐ jí.

Sɛ́nflínmɛ 28:12

Mawu Mavɔmavɔ ná hun agbanxɔ tɔn ɖagbe ɖagbe e ɖo jǐnukúnsin ɔ́, bɔ jǐ ná nɔ́ ja dó ayǐkúngban mitɔn jí, bɔ nǔ e mi ná wa lɛ́ɛ bǐ ná nyɔ́ nú mi. Mi ná nɔ́ nya nǔ nú akɔta gěgé, midɛɛ lɛ́ɛ ká ná nya nǔɖé ɖo mɛɖé sí ǎ.