Malacíi 2:7 - MAWUXÓWÉMA

⁷ Nǔgbó wɛ, vɔ̌sánú-xwlémawutɔ́ ɔ́, azɔ̌ tɔn wɛ nyí é ní kplɔ́n nǔ mɛ lɛ́ɛ, nú yě ná tunwun nyɛ Mawu. É wɛ mɛ lɛ́ɛ nɔ wá kan nǔ byɔ́ dó sɛ́n e yě ná nyi lɛ́ɛ wú, ɖó é wɛ nyí ɖɛ̌mɛnu nyɛ Mawu Mavɔmavɔ Nǔbǐwúkpétɔ́ ɔ́ tɔn.

Malacíi 2:7 Iomraidhean Croise

2 Axɔ́sú 16:11

Wuliya bló vɔ̌sákpe ɔ́, bɔ é sɔgbe xá jlɛ̌ e axɔ́sú Akázi nɔ Damási bo sɛ́ dó é. É bló vɔ̌sákpe ɔ́ fó cóbɔ Akázi lɛ́ kɔ sín Damási wá.

2 Axɔ́sú 16:16

Vɔ̌sánú-xwlémawutɔ́ Wuliya wa nǔ lě e axɔ́sú Akázi zɔ́n gbɔn é bǐ.

2 Tan 30:22

Levíi ví e ɖo gbesisɔ mɛ, bó ɖo azɔ̌ wa nú Mawu Mavɔmavɔ wɛ kpó ayi yětɔn bǐ kpó lɛ́ɛ ɔ́, xó e Ezekiyási ɖɔ lɛ́ɛ xo ayi yětɔn zlɛ́. Yě ɖu kanlin e yě hu lɛ́ɛ xɔ azǎn tɛ́nwe, bó nɔ ɖo kɔnɖókpɔ́ vɔ́ lɛ́ɛ sá wɛ, bó nɔ́ ɖo susu kpa nú Mawu Mavɔmavɔ, Mawu tɔ́gbó yětɔn lɛ́ɛ tɔn wɛ.

2 Tan 31:4

É ɖɔ nú Jeluzalɛ́munu lɛ́ɛ bǐ ɖɔ yě ní ná nǔ e nyí vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó tɔn lɛ́ɛ yě, bónú yě ná sixú kpé nukún dó azɔ̌ e Mawu Mavɔmavɔ sín sɛ́n ɔ́ zɔ́n yě lɛ́ɛ wú bó wa ganjí.

Ɛsidlási 7:10

Mawu nya xɛ ɖo jǐ tɔn ɖó, é nɔ kpé nukún dó Mawu Mavɔmavɔ sín sɛ́n ɔ́ wú bó nɔ́ kplɔ́n, bó nɔ bló ɖ'é jí, lobo nɔ kplɔ́n nǔ e sɛ́n ɔ́ zɔ́n lɛ́ɛ kpódó tito e ɖo sɛ́n ɔ́ mɛ lɛ́ɛ kpó Izlayɛ́li ví lɛ́ɛ.

Ɛsidlási 7:25

“Hwɛ Ɛsidlási ɔ́, nǔ e a na wa ɔ́ ɖíe: a nǎ xwedó nǔnywɛ́ e sɛ́n Mawu towe tɔn e a hɛn wěma tɔn alɔ mɛ ɔ́ nɔ kplɔ́n mɛ é, bó ná sɔ́ hwɛɖɔtɔ́ lɛ́ɛ kpódó hwɛɖɔtɔ́gán lɛ́ɛ kpó ɖó togun ɔ́ nu, bɔ yě ná nɔ ɖɔ hwɛ xá mɛ e ɖo tokpɔn ɔ́ mɛ, bó tunwun sɛ́n Mawu towe tɔn lɛ́ɛ bǐ; mɛ e ma ka tunwun sɛ́n ɔ́ ǎ lɛ́ɛ ɔ́, mi ná kplɔ́n yě.

Nǔnywɛ́xó 5:2

Énɛ́ ɔ́, a nǎ nɔ́ lin tamɛ kpɔ́n, bɔ xó towe lɛ́ɛ ná ɖe xlɛ́ ɖɔ a tunwun nǔ.

Nǔnywɛ́tɔ́xó 5:5

Ma lɔn nú nu towe dɔn we dó hwɛ mɛ ó. Ma lɔn bo wá yi ɖo ɖiɖɔ nú vɔ̌sánú-xwlémawutɔ́ ɔ́ wɛ ɖɔ: “Akpá e un dó ɔ́, un lin tamɛ ganjí cóbó dó ǎ” ó. Étɛ́wú a ka ná ɖɔ xó dó dó xomɛsin nú Mawu, bɔ Mawu ná hɛn nǔ e wa wɛ a ɖe ɔ́ gblé?

Ezayíi 42:19

Mɛ̌ wɛ tɔ́n nukún? Mɛsɛntɔ́ ce jɛ́n ná nyí. Mɛ̌ wɛ kú tó? Mɛ e un sɛ́ dó ɔ́ jɛ́n ná nyí. Mɛ̌ ká tɔ́n nukún gbeyíɖɔ Mawu tɔn ɖɔhun? Mɛ̌ ká tɔ́n nukún mɛsɛntɔ́ Mawu Mavɔmavɔ tɔn ɖɔhun?

Ezayíi 44:26

Amɔ̌, nǔ e mɛsɛntɔ́ ce lɛ́ɛ ɖɔ ɔ́, un nɔ bló, xó e mɛsɛ́dó ce lɛ́ɛ ɖɔ lɛ́ɛ ɔ́, un nɔ bló bɔ bǐ nɔ́ nyí wiwa. Un ɖɔ dó Jeluzalɛ́mu wú ɖɔ: ‘É ná vɔ́ ji gba. È nǎ bló nǔ e gblé lɛ́ɛ bǐ ɖó.’ Un ɖɔ dó toxo Judáa tɔn lɛ́ɛ wú ɖɔ: ‘È nǎ vɔ̌ toxo lɛ́ɛ gbá.’

Jelemíi 15:19

Ée un ɖɔ mɔ̌ ɔ́, Mawu Mavɔmavɔ ɖɔ nú mì ɖɔ: “Ényí a lɛ́ kɔ wá ɔ́, un ná yí we, bɔ a nǎ nɔ wa azɔ̌ nú mì. Ényí a ɖo gbesisɔ mɛ bó ná nɔ́ ɖɔ xójɔxó, bó ná jó xógblóɖiɖɔ dó ɔ́, a nǎ lɛ́ nyí gbeyíɖɔ ce. Amɔ̌, hwi wɛ ka na lɛ́ kɔ yi Judáanu lɛ́ɛ gɔ̌n ǎ, yě wɛ na lɛ́ kɔ wá gɔ̌n towe.

Jelemíi 18:18

Énɛ́ ɔ́ gúdo ɔ́, mɛ ɖé lɛ́ɛ nɔ ɖɔ ɖo yěɖée tɛ́ntin ɖɔ: “Mi wá mǐ blá Jelemíi gbé. Vɔ̌sánú-xwlémawutɔ́ e ná kplɔ́n sɛ́n ɔ́ mǐ ɔ́ hán ǎ. Nǔnywɛ́tɔ́ e ná kplɔ́n nǔ mǐ ɔ́ hán ǎ. Gbeyíɖɔ e ná ɖɔ Mawuxó nú mǐ ɔ́ hán ǎ. Mi wá mǐ ní kpa xó ɖɔ dó nu tɔn, dó ba xó e. Mǐ nǎ ké ya nú xó e wlí ɖɔ wɛ é nɔ́ ɖe lɛ́ɛ ǎ.”

Jelemíi 2:8

Vɔ̌sánú-xwlémawutɔ́ lɛ́ɛ kan fí e nyɛ Mawu Mavɔmavɔ ɖe ɔ́ byɔ́ ǎ; sɛ́ngán lɛ́ɛ lɔ ka tunwun mì ǎ; agunnukɔntɔ́ lɛ́ɛ fɔ́n gǔ dó jǐ ce; gbeyíɖɔ lɛ́ɛ nɔ ɖɔ xó dó Baalu nyíkɔ mɛ; yě bǐ nɔ xwedó vodún, vodún ka nɔ kpé nǔ ɖěbǔ wú ǎ.

Ezekiyɛ́li 22:26

Vɔ̌sánú-xwlémawutɔ́ yětɔn lɛ́ɛ nɔ gba sɛ́n ce lɛ́ɛ; yě nɔ́ ɖu su nú tɛn e è sɔ́ ɖó vo nú mì lɛ́ɛ. Yě tunwun nǔ e è sɔ́ ɖó vo nú mì é ɖo nǔ e nyí nǔ yǎyánɔ é mɛ ǎ. Yě kplɔ́n mɛ lɛ́ɛ nú yě ná tunwun nǔ e nyí nǔ mímɛ́ ɔ́ ɖó vo nú nǔ e nyí nǔ blíblí é ǎ; yě ɖésúnɔ jló bó gɔn gbɔjɛzánsɛ́n ɔ́ nyi; énɛ́ ɔ́, un sɔ́ nyí nǔɖé ɖo yě nukún mɛ ǎ.

Ezekiyɛ́li 7:26

Nǔ nyanya ná jɛ ɖě jɛ ɖě gúdo; è nǎ se wɛn nyanya ɖě jɛ ɖě gúdo. Yě ná nɔ́ yi kanbyɔ́ gbeyíɖɔ Mawu tɔn lɛ́ɛ ɖɔ Mawu ka ɖe nǔɖé xlɛ́ yě dó nǔ e ɖo jijɛ wɛ ɔ́ wú nú émí ají. Vɔ̌sánú-xwlémawutɔ́ sɔ́ ná kplɔ́n nǔɖé mɛ ǎ. Tomɛxó lɛ́ɛ lɔ sɔ́ ná tunwun nǔnywɛ́ ɖé bó ná ná mɛ ǎ.

Daniyɛ́li 11:33

Mɛ e bí ganjí ɖo yě mɛ lɛ́ɛ ná ná kplɔ́n mɛ gěgé. È nǎ hu mɛɖé lɛ́ɛ ɖó hwǐ wú, è nǎ dó mɛ lɛ́ɛ zo, è nǎ bɛ́ mɛɖé lɛ́ɛ sín dɔkun, lobo ná zé yě yi sú dó gankpá mɛ. Nǔ énɛ́ lɛ́ɛ ná jɛ káká yi jɛ hwe ɖé nu.

Ozée 4:6

Togun ce gba, ɖó é tunwun mɛ alɔkpa e un nyí ɔ́ ǎ wú. Amɔ̌, hwi lɔmɔ̌ ɔ́, a ko ba ná tunwun nǔ ɖěbǔ dó wǔ ce ǎ. Énɛ́ ɔ́ wú wɛ un ma sɔ́ ba we ǎ. A sɔ́ ná nɔ xwlé vɔ̌sánú ɖě mì ǎ. Nǔkplɔ́nmɛ ce lɛ́ɛ e a wɔn ɔ́ wú wɛ nyi lɔmɔ̌ ná wɔn vǐ towe lɛ́ɛ.

Levíi ví 10:11

Énɛ́ ɔ́, mi ná sixú kplɔ́n sɛ́n e Mawu Mavɔmavɔ dó nú Izlayɛ́li ví lɛ́ɛ gbɔn Mɔyízi jí lɛ́ɛ bǐ yě.”

Sofoníi 3:4

Gbeyíɖɔ Mawu tɔn e ɖo toxo ɔ́ mɛ lɛ́ɛ nɔ tɛ afɔ ayǐ. Adingbannɔ wɛ yě nyí. Vɔ̌sánú-xwlémawutɔ́ tɔn lɛ́ɛ nɔ ɖó sísí nú nǔ e è zě xwlé Mawu é ǎ; yě nɔ́ gba Mawu sɛ́n.

Ajée 1:13

Énɛ́ ɔ́ gúdo ɔ́, mɛsɛ́dó Mawu Mavɔmavɔ tɔn Ajée dó Mawu Mavɔmavɔ sín wɛn élɔ́ yě. É ɖɔ: “Un ná nɔ xá mi, nyɛ Mawu Mavɔmavɔ ɔ́ wɛ dó akpá tɔn nú mi.”

Zakalíi 7:3

bó ná kanbyɔ́ vɔ̌sánú-xwlémawutɔ́ lɛ́ɛ kpódó gbeyíɖɔ Mawu tɔn lɛ́ɛ kpó ɖɔ: “É lɛ́ byɔ́ ɖɔ mǐ ní nɔ́ ya avǐ ɖo sun atɔ́ɔ́ngɔ́ ɔ́ mɛ, bó nɔ́ blá nu lě e mǐ kó nɔ́ bló gbɔn sín do ɔ́ a?”

Malacíi 3:1

Xósin e Mawu Mavɔmavɔ Nǔbǐwúkpétɔ́ ɔ́ ná mi ɔ́ ɖíe: “Un sɛ́ wɛnsagun ce dó, bɔ é ná bló ali ce ɖó. Mawu Mavɔmavɔ e ba wɛ mi ɖe ɔ́ ná wá sinsɛnxɔ tɔn mɛ ɖo ajijimɛ. Wɛnsagun e nɔ te kpɔ́n wɛ mi ɖe ɔ́ ná jlá akɔ ce e un ná jɛ xá mi ɔ́ sín xó. Éɖíe, é jǎwe.

Kɛ́nsísɔ́ 27:21

Amɔ̌, é ɖésúnɔ ná yi vɔ̌sánú-xwlémawutɔ́ Eleazáa gɔ́n, bɔ éyɛ́ ná zé Wulímu dó kan lě e é ná wa nǔ gbɔn ɔ́ byɔ́ nyɛ Mawu Mavɔmavɔ. Bɔ Jozuwée kpó togun Izlayɛ́li tɔn ɔ́ bǐ kpó ná wa nǔ e é ná ɖɔ nú yě lɛ́ɛ bǐ, ɖo ali bǐ nu.”

Jǎan 13:20

Má ɖɔ nǔgbó nú mi: mɛ e yí mɛ e un sɛ́ dó ɔ́ ɖěbǔ sín jǒnɔ ɔ́, nyɛ ɖésúnɔ wɛ é yí, bɔ mɛ e ka yí mì ɔ́, mɛ e sɛ́ mì dó ɔ́ wɛ é yí.”

Jǎan 20:21

Jezu lɛ́ vɔ́ ɖɔ nú yě ɖɔ: “Fífá ní nɔ kpɔ́ xá mi. Lě e Tɔ́ ɔ́ sɛ́ mì dó ɔ́, nyi lɔ sɛ́ mi dó.”

Mɛsɛ́dó 16:17

Nyɔ̌nu énɛ́ ɔ́ jɛ Pɔ́lu kpó mǐ kpó gúdo, bó nɔ sú xó ɖɔ: “Mɛ élɔ́ lɛ́ɛ ɔ́, Mawu Ajalɔ̌nlɔn sín mɛsɛntɔ́ wɛ nú yě; hwlɛngán sín ali ɔ́ sín xó ɖɔ nú mi wɛ yě ɖe.”

2 Kɔlɛ́ntinu 5:20

Hǔn, Klísu nu ɖɔ xó dó wɛ mǐ ɖe, è ka ná ɖɔ nǔgbó ɔ́, Mawu ɖésú wɛ ɖo mi ylɔ́ wɛ gbɔn mǐ jí: mǐ ɖo vo sa nú mi wɛ, ɖo Klísu sín nyǐkɔ mɛ ɖɔ mi ní yí gbe bó dó hwɛ gbɔ xá Mawu.

Galatinu 4:14

Azɔn e jɛ wɛ un ɖe ɔ́ dó azɔ̌ kɔ nú mi có mi ka dó vɛ̌ nú mì ǎ; mi ka nya mì ǎ; é nyɔ́ wa ɔ́, mi yí mì lě e è nɔ yí wɛnsagun Mawu tɔn gbɔn é. Un ná ɖɔ tawun ɔ́, Klísu Jezu ɖɔhun wɛ mi yí mì.

Sɛ́nflínmɛ 21:5

Énɛ́ ɔ́, vɔ̌sánú-xwlémawutɔ́ Levíi ví lɛ́ɛ ná wá, ɖó yě wɛ Mawu Mavɔmavɔ sɔ́, bɔ yě ná nɔ́ wa azɔ̌ n'i, bó ná nɔ́ xo ɖɛ dó togun ɔ́ jí ɖo nyǐkɔ tɔn mɛ, bɔ adɔn ɖěbǔ tíin ɔ́, yě ná nɔ́ gbo; nú mɛɖé gblé wǔ mɛɖé ɔ́, yě wɛ ná nɔ́ ɖɔ gbo.

Sɛ́nflínmɛ 24:8

Mi cɔ́ miɖée dó gudu tɛnmɛ tɛnmɛ lɛ́ɛ wú, bó xwedó nǔ e vɔ̌sánú-xwlémawutɔ́ Levíi ví lɛ́ɛ ná ɖɔ é bǐ ganjí. Mi ɖó ayi te, bo xwedó nǔ e un zɔ́n yě lɛ́ɛ bǐ,

1 Tɛsalonikinu 4:8

Hǔn, mɛ e hɔn nǔkplɔ́nmɛ énɛ́ nyi gbě ɔ́, é nyí gbɛtɔ́ wɛ é hɔn nyi gbě ǎ; lo ɔ́, Mawu e ná Yɛsinsɛn tɔn mi ɔ́ wɛ é hɔn nyi gbě.

1 Samuwɛ́li 2:17

Hwɛ e Eli ví énɛ́ lɛ́ɛ nɔ́ hu dó Mawu Mavɔmavɔ ɔ́ nɔ́ syɛ́n ɖésú, ɖó yě nɔ́ ɖó sísí nú vɔ̌ e è sá nú Mawu Mavɔmavɔ lɛ́ɛ ǎ.