Malacíi 2:6 - MAWUXÓWÉMA

⁶ Nǔgbó ɖo nu tɔn. Xó nyanya ɖé nɔ́ tɔ́n sín nu tɔn mɛ ǎ. É ɖó gbe kpɔ́ xá mì bó nɔ́ wa nǔ jlɔ́jlɔ́. É ɖe mɛ gěgé sín nǔ nyanya wiwa li jí.

Malacíi 2:6 Iomraidhean Croise

Bǐbɛ́mɛ 17:1

Hwenu e Ablámu ɖo xwe kanwe afɔtɔn-nukún-ɛnɛ (99) ɖó wɛ ɔ́, Mawu Mavɔmavɔ tɔ́n dó jǐ tɔn, bó ɖɔ n'i ɖɔ: “Nyɛ wɛ nyí Mawu Nǔbǐwúkpétɔ́ ɔ́. Nɔ nɔ ali ce jí; è nǐ má nɔ́ mɔ nǔjɛdo ɖé ɖɔ dó wǔ towe ó.

Bǐbɛ́mɛ 6:9

Nɔwée ɔ́, mɛɖé wɛ é nyí bó nɔ́ wa nǔ jlɔ́jlɔ́, ɖo mɛ e kpó é kpó ɖo gbɛ hwenɛ́nu lɛ́ɛ tɛ́ntin. È nɔ mɔ nǔ jɛ do ɖě ɖɔ dó éyɛ́ wú ǎ; é nɔ́ yi xá Mawu. Vǐ tɔn lɛ́ɛ ɖíe:

Ɖɛhan 119:142

Hwɛjijɔ towe ɔ́, hwɛjijɔ e ɖo ayǐ káká sɔ́yi ɔ́ wɛ, sɛ́n towe nɔ́ húzú gbeɖé ǎ.

Ɖɛhan 119:151

Amɔ̌, Mawu Mavɔmavɔ, hwɛ ɔ́, a ɖo akpá ce, nǔ e a zɔ̌n lɛ́ɛ bǐ wɛ nyí nǔgbó.

Ɖɛhan 37:30

Hwɛjijɔnɔ kɛ nu ɔ́, nǔnywɛ́ kɛ́ɖɛ́ wɛ nɔ́ tɔ́n sín nu tɔn mɛ, xó jlɔ́jlɔ́ kɛ́ɖɛ́ wɛ é nɔ́ ɖɔ.

Ɖɛhan 37:37

Kpɔ́n gbɛtɔ́ e xo tɔn mɛ ɖo wɛn é, kpɔ́n gbɛtɔ́ ayijlɔ́jlɔ́nɔ, a nǎ mɔ ɖɔ gbɛtɔ́ mɔ̌hun nɔ́ ɖó donu.

Nǔnywɛ́xó 5:2

Énɛ́ ɔ́, a nǎ nɔ́ lin tamɛ kpɔ́n, bɔ xó towe lɛ́ɛ ná ɖe xlɛ́ ɖɔ a tunwun nǔ.

Jelemíi 23:22

Ényí yě kó yi tagbesɔ xá mì wɛ ɔ́, yě ná kó se xó e un ɖɔ sɛ́ dó togun ce é. Yě ná ko se, bó ná ko ɖɔ nú togun ce bɔ é ná lɛ́ kɔ sín ali nyanya jí, lobo na jó dǎkaxixo dó.”

Daniyɛ́li 12:3

Mɛ e ná ɖó nǔnywɛ́ lɛ́ɛ ná kɔ́n nǔ e ɖo jǐnukúnsin lɛ́ɛ sín ɖɛkpɛ ɖɔhun. Mɛ e ka ná kplɔ́n nǔ mɛ ɖě bɔ yě ná nɔ gbejí lɛ́ɛ ná kɔ́n sunví e ɖo jǐnukúnsin lɛ́ɛ ɖɔhun.

Ozée 4:6

Togun ce gba, ɖó é tunwun mɛ alɔkpa e un nyí ɔ́ ǎ wú. Amɔ̌, hwi lɔmɔ̌ ɔ́, a ko ba ná tunwun nǔ ɖěbǔ dó wǔ ce ǎ. Énɛ́ ɔ́ wú wɛ un ma sɔ́ ba we ǎ. A sɔ́ ná nɔ xwlé vɔ̌sánú ɖě mì ǎ. Nǔkplɔ́nmɛ ce lɛ́ɛ e a wɔn ɔ́ wú wɛ nyi lɔmɔ̌ ná wɔn vǐ towe lɛ́ɛ.

Matíe 22:16

bɔ yě sɛ́ ahwanvú yětɔn lɛ́ɛ kpódó toxóɖɔgbɛ́ Elódu tɔn ɖé lɛ́ɛ kpó dó gɔ̌n tɔn, bɔ yě yi ɖɔ n'i ɖɔ: “Mɛ̌si, mǐ tunwun ɖɔ nǔgbóɖɔtɔ́ wɛ a nyǐ, bɔ a nɔ xlɛ́ Mawu sín ali ɔ́ mɛ titewungbe; a nɔ ɖi xɛsi nú nǔ e lin wɛ gbɛtɔ́ lɛ́ɛ ɖe ɔ́ ǎ, ɖó a nɔ kpɔ́n mɛɖé sín nukúnta dó ɖɔ xó ǎ.

Maki 12:14

Yě yi, bó ɖɔ n'i ɖɔ: “Mɛ̌si, mǐ tunwun ɖɔ nǔgbóɖɔtɔ́ wɛ a nyǐ; a nɔ ɖi xɛsi nú mɛɖé ǎ, a ka nɔ kpɔ́n mɛɖé sín nukúnta dó ɖɔ xó ǎ; a nɔ xlɛ́ Mawu sín ali mɛ titewungbe. Đo sɛ́n mǐtɔn mɛ ɔ́, è hɛn ɔ́, è nǎ sú takwɛ́ Dadá Hlɔ̌ma tɔn tɔn a, abǐ è nǐ gbɔ súsú?”

Luki 1:6

Yě mɛ we lɛ́ɛ bǐ wɛ nɔ wa jlǒ Mawu tɔn, bó nɔ́ nyi Aklúnɔ sɛ́n lɛ́ɛ, bɔ nǔ bǐ vɔ ɖ'é wú.

Luki 20:21

Mɛ énɛ́ lɛ́ɛ wá kanbyɔ́ Jezu ɖɔ: “Mɛ̌si, mǐ tunwun ɖɔ xó e a nɔ ɖɔ ɔ́ kpódó nǔ e a nɔ kplɔ́n mɛ ɔ́ kpan bǐ wɛ sɔgbe. A nɔ kpɔ́n mɛɖé sín nukúnta dó ɖɔ xó ǎ, bó ka nɔ xlɛ́ Mawu sín ali ɔ́ mɛ titewungbe.

Mɛsɛ́dó 26:18

Un sɛ́ we dó, bónú a nǎ hun nukún nú yě; bónú a nǎ kplá yě sín zǐnflú mɛ wá wěziza nu; bó ná ɖe yě sín Satáan sín acɛ mɛ wá Mawu gɔ́n, lobo nú yě ɖi nǔ nú mì ɔ́, Mawu ná sɔ́ hwɛ yětɔn lɛ́ɛ kɛ yě, bɔ yě ná mɔ tɛnmɛ ɖo mɛ e nyí étɔn lɛ́ɛ tɛ́ntin.’

Sɛ́nflínmɛ 33:10

Yě wɛ nɔ́ kplɔ́n sɛ́n towe lɛ́ɛ Izlayɛ́li ví lɛ́ɛ, bó nɔ́ sá vɔ̌ wǎnɖagbenɔ lɛ́ɛ kpó vɔ̌ e è nɔ dó zo lɛ́ɛ kpó ɖo vɔ̌sákpe towe jí.

Sɛ́nflínmɛ 33:8

Xó e Mɔyízi ɖɔ dó Levíi ví lɛ́ɛ wú é ɖíe: “Mawu Mavɔmavɔ, a zě Tumímu kpó Wulímu kpó dó así nú Levíi ví mɛsɛntɔ́ gbejínɔtɔ́ towe lɛ́ɛ, a ko tɛ́n yě kpɔ́n ɖo Masa hwɛ̌, bó ɖɔ hwɛ xá yě ɖó Mɛliba sin xó ɔ́ wú.

Sɛ́nflínmɛ 33:9

Yě nɔ́ se tónú nú we, bó nɔ́ nɔ gbejí nú akɔ e a jɛ xá yě ɔ́, dó ɖe xlɛ́ ɖɔ émí yí wǎn nú we hú tɔ́ émítɔn lɛ́ɛ, nɔ émítɔn lɛ́ɛ, nɔví émítɔn lɛ́ɛ kpó vǐ émítɔn lɛ́ɛ kpó.

Nǔɖexlɛ́mɛ 14:5

È se yě ɖó adingban kpɔ́n gbeɖé ǎ; blɔ̌ ɖěbǔ ɖo yě wú ǎ.

1 Samuwɛ́li 2:12

Eli ví lɛ́ɛ ɔ́, nǔvɔ́nɔ wɛ nú yě; yě ké ya nú Mawu Mavɔmavɔ ǎ.