Malacíi 2:4 - MAWUXÓWÉMA

⁴ Énɛ́ ɔ́, mi ná tunwun ɖɔ un ɖe gbeta énɛ́ tɔ́n nú mi, bónú akɔ e un jɛ xá Levíi ɔ́ ná nɔ te káká sɔ́yi. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Malacíi 2:4 Iomraidhean Croise

1 Axɔ́sú 22:25

Bɔ Micée yí gbe n'i ɖɔ: “Gbe e gbe a nǎ ɖo hinhɔn hwlá gbɔn xɔ mɛ xɔ mɛ wɛ ɔ́, a nǎ mɔ.”

Nɛɛmíi 13:29

Mawu ce, ma wɔn nǔ e yě wa ɔ́ gbeɖé ó, ɖó vɔ̌sánú-xwlémawutɔ́zɔ́ ɔ́, yě ɖu su ná, bó gba akɔ e vɔ̌sánú-xwlémawutɔ́ lɛ́ɛ kpó ée Levíi ví lɛ́ɛ kpó jɛ xá we é.

Ezayíi 26:11

Mawu Mavɔmavɔ, alɔ towe ɖo adǎn jí, yě ká mɔ ǎ. Yě ná mɔ lě e a nɔ jɛ hun dó togun towe jí kpó wǎn yíyí kpó gbɔn é, bɔ winnyá ná hu yě; zo e a zě ɖó te nú kɛntɔ́ towe lɛ́ɛ ní fyɔ́ yě.

Ezayíi 27:9

Énɛ́ ɔ́, Mawu ná súnsún hwɛ e togun Jakɔ́bu tɔn hu é; nǔ e ká ná jɛ ɖ'é mɛ é ɖíe: togun ɔ́ ná gba awǐnnya e è dǒ mɛ vɔ̌sákpe ɔ́ é, hwě ɖɔhun; è sɔ́ ná mɔ vodún Acela abǐ zǎlínkpɔ́nfyɔ́nú ɖě ɖo te ǎ.

Jelemíi 28:9

Lo ɔ́, ényí gbeyíɖɔ ɖé dó fífá sín wɛn ɔ́, nǔ e é ɖɔ ɔ́ wɛ ná jɛ, bɔ è nǎ tunwun ɖɔ Mawu Mavɔmavɔ wɛ sɛ́ ɛ dó nǔgbó.”

Ezekiyɛ́li 33:33

Amɔ̌, hwenu e nǔ e a ɖɔ lɛ́ɛ ná jɛ ɔ́, é ká sɔ́ ɖo lǐnlín mɛ lɔ ǎ; nǎ jɛ wɛ é kó ɖe; hwe énɛ́ ɔ́ nu ɔ́, yě ná tunwun ɖɔ gbeyíɖɔ Mawu tɔn ɖokpó ɖo yě tɛ́ntin.”

Ezekiyɛ́li 38:23

Énɛ́ ɔ́, un ná ɖe xlɛ́ akɔta lɛ́ɛ bǐ ɖɔ nyɛ wɛ nyí Mawu e kló bó nyí Mawu mímɛ́ é, bɔ yě ná tunwun ɖɔ nyi wɛ nyí Mawu Mavɔmavɔ.”

Ezekiyɛ́li 44:7

Hwenu e mi ɖo nǔ e nyí ce ɖo vɔ̌ e mi sá é mɛ lɛ́ɛ xwlé mì wɛ ɔ́, hwenu e mi ɖo kanlin e mi dó sá vɔ̌ ɔ́ é sín jǒ kpó kanjɔ tɔn kpó xwlé mì wɛ ɔ́, hwe ɖokpó énɛ́ ɔ́ nu ɔ́, mi nɔ kplá akɔta ɖěvo lɛ́ɛ, mɛ énɛ́ lɛ́ɛ e ma gbo ada ǎ, bó má ká nɔ nyi sɛ́n ce ǎ lɛ́ɛ byɔ́ xwé ce gbe. Mi ɖu su nú xwé ce. Nǔ baɖabaɖa e dó sin wɛ mi ɖe lɛ́ɛ zɔ́n, bɔ akɔ e nyi kpó mi kpó jɛ ɔ́, mi hɛn gblé.

Malacíi 3:1

Xósin e Mawu Mavɔmavɔ Nǔbǐwúkpétɔ́ ɔ́ ná mi ɔ́ ɖíe: “Un sɛ́ wɛnsagun ce dó, bɔ é ná bló ali ce ɖó. Mawu Mavɔmavɔ e ba wɛ mi ɖe ɔ́ ná wá sinsɛnxɔ tɔn mɛ ɖo ajijimɛ. Wɛnsagun e nɔ te kpɔ́n wɛ mi ɖe ɔ́ ná jlá akɔ ce e un ná jɛ xá mi ɔ́ sín xó. Éɖíe, é jǎwe.

Kɛ́nsísɔ́ 18:2

A nǎ ylɔ́ nɔví towe súnnu e ɖo akɔta Levíi tɔn ɔ́ mɛ lɛ́ɛ, bɔ yě ná wá gɔ̌n towe. Hwenu e hwi kpó vǐ towe lɛ́ɛ kpó ná ɖo azɔ̌ wa wɛ ɖo Goxɔ ɔ́ nukɔn ɔ́, yě ná xo kpó ɖó nú mi, bo ná wa azɔ̌ xá mi.

Kɛ́nsísɔ́ 18:21

Mawu Mavɔmavɔ lɛ́ ɖɔ nú Aalɔ́ɔn ɖɔ: “Un ná ná nǔ e nyɔ́ ɖo Izlayɛ́li lɛ́ɛ bǐ sín mǎɖówǒ Levíi ví súnnu lɛ́ɛ, ɖó azɔ̌ e wa wɛ yě ɖe ɖo Goxɔ ɔ́ mɛ ɔ́ nu.

Kɛ́nsísɔ́ 25:12

Din ɔ́, a nǎ ɖɔ n'i ɖɔ un ná jɛ fífá sín akɔ xá ɛ.

Kɛ́nsísɔ́ 3:11

Mawu Mavɔmavɔ ɖɔ nú Mɔyízi ɖɔ:

Kɛ́nsísɔ́ 3:12

“Nyɛ Mawu Mavɔmavɔ ɖésú wɛ sɔ́ Levíi ví súnnu lɛ́ɛ ɖo Izlayɛ́li ví ɖě lɛ́ɛ bǐ mɛ, bó sɔ́ yě ɖó togun Izlayɛ́li tɔn ɔ́ sín nukɔngbéví lɛ́ɛ bǐ do mɛ; ce wɛ yě nyí.

Kɛ́nsísɔ́ 3:45

“Đe Levíi ví lɛ́ɛ ɖó vo nú yě ná nyí nyɛ Mawu Mavɔmavɔ ɔ́ tɔn, ɖó Izlayɛ́li ví ɖě lɛ́ɛ sín nukɔngbéví lɛ́ɛ sín tɛnmɛ, bónú yě ná nyí ce. Mɔ̌ ɖokpó ɔ́, jǒ Levíi ví lɛ́ɛ sín kanlin lɛ́ɛ nú mì, ɖó Izlayɛ́li ví ɖě lɛ́ɛ sín kanlin lɛ́ɛ sín nukɔngbéví lɛ́ɛ tɛnmɛ, bónú yě ná nyí ce.

Matíe 3:12

É hɛn atɛ tɔn alɔ mɛ, bó ná fún jinukún tɔn, bó ná bɛ́ dó kɔ́zún mɛ; wɔn lɛ́ɛ ɔ́, é ná bɛ́ kɔn nyi zo e ma nɔ cí gbeɖé ǎ é mɛ.

Luki 10:11

‘To mitɔn sín afúntúntún e vun dó afɔ mǐtɔn lɛ́ɛ wú ɖésú ɔ́, mǐ xúxú kɔn nyi ayǐ nú mi, bó ná dó ɖe xlɛ́ mi ɖɔ nǔ e mi wa ɔ́ kún nyɔ́ ó. Mi ní ka tunwun ɖɔ axɔ́súɖuɖu Mawu tɔn ko sɛ yá.’

Jǎan 15:2

Ala ɖěbǔ ɖo wú ce, bó ma nɔ ná sínsɛ́n ǎ ɔ́, tɔ́ ce nɔ sɛ́n síin; ée ka nɔ́ ná sínsɛ́n ɔ́, é nɔ́ jlá ala tɔn lɛ́ɛ bónú é ná sixú lɛ́ sɛ́n d'é jí.