Malacíi 2:3 - MAWUXÓWÉMA

³ Éɖíe, un ná wa nǔ xá vǐ mitɔn lɛ́ɛ; un ná kɔn kanlinmí dó nukún mɛ nú mi; un ná kɔn kanlin e mi nɔ dó sá vɔ̌ lɛ́ɛ sín mǐ dó nukún mɛ nú mi, bɔ è nǎ bɛ́ mi kpó kanlinmí ɔ́ kpó kɔn nyi gbě.

Malacíi 2:3 Iomraidhean Croise

1 Axɔ́sú 14:10

Énɛ́ ɔ́ wú wɛ un ná sɛ́ nyladó dó we, un ná za mɛ towe lɛ́ɛ bǐ zunkɔ́ ɖɔhun: un ná hu mɛ e nyí mɛ towe lɛ́ɛ bǐ, un ná hu yɔkpɔ́vú kpó mɛxó kpó. Un ná za mɛ towe lɛ́ɛ bǐ zunkɔ́ ɖɔhun, bɔ yě sɔ́ ná tɔ́n nyǐ ǎ.

Jɔ̌bu 20:7

é ná hwíhwɛ́ bǐ nǔkan mɛ e é ɖésúnɔ yi é ɖɔhun, bɔ mɛ e ko tunwun i ɖ'ayǐ lɛ́ɛ ná ɖɔ: “Fítɛ́ wɛ é ká gbɔn?”

Ɖɛhan 47:5

É sɔ́ to e nyí mǐ Jakɔ́bu ví lɛ́ɛ tɔn ɔ́ nú mǐ, bɔ é nyí susu nú mǐ, mǐ Jakɔ́bu ví e é yí wǎn ná lɛ́ɛ. Agbɔ̌n

Ɖɛhan 83:10

Mawu ce, wa nǔ xá yě lě e a wa xá Madiáani gbɔn é, wa nǔ xá yě lě e a wa xá Sisela gbɔn é, wa nǔ xá yě lě e a wa xá Yavíni gbɔn ɖo tɔsisa Kicɔ́ni tɔn kɔn é.

Tíntɔ́n 29:14

Amɔ̌, kanlin ɔ́ sín lan kpódó anyǔ tɔn kpó, kpódó mǐ tɔn kpó ɔ́, a nǎ ɖe sín fí e mi ɖó gɔnu ɖó ɔ́, bó dó zo. É ná nyí hwɛsɔ́kɛmɛvɔ́.

Jelemíi 8:2

bó tɛ́ xú énɛ́ lɛ́ɛ gbɔn fí bǐ; è nǎ tɛ́ ɖó hwe kpó sun kpó sunví lɛ́ɛ bǐ kpó nukɔn; nǔ énɛ́ lɛ́ɛ wɛ mɛ énɛ́ lɛ́ɛ yí wǎn ná bó sɛn. Nǔ énɛ́ lɛ́ɛ wɛ yě xwedó, nǔ énɛ́ lɛ́ɛ wɛ yě nɔ́ kan nǔ byɔ́, nǔ énɛ́ lɛ́ɛ wɛ yě nɔ́ ɖe kɔ́ ná hwenu e yě ɖo gbɛ é. Mɛ ɖé ná ɖ'alɔ xú énɛ́ lɛ́ɛ wú ǎ; mɛɖé ká ná ɖi yě ǎ; yě ná nyí zunkɔ́ kpowun ɖo ayǐkúngban jí.

Jowɛ́li 1:10

Nǔ ɖu gle lɛ́ɛ bǐ. Ayǐkúngban ɔ́ ɖo aluwɛ mɛ, ɖó è hɛn jinukún lɛ́ɛ gblé. Vɛ̌ɛn ɖě sɔ́ ɖe ǎ, ami ɖě sɔ́ ɖe ǎ.

Jowɛ́li 1:17

Nǔkún e è dǒ lɛ́ɛ bǐ nyɔ dó kɔ́ glɔ́. Agɔ̌ lɛ́ɛ jɛ vɔ̌. Xɔ e mɛ è nɔ bɛ́ jinukún dó lɛ́ɛ gblé, jinukún ɖě sɔ́ tíin ǎ.

Levíi ví 26:16

nǔ e un ná dó sin xá mi ɔ́ ɖíe: “Un ná dó xɛsi ɖaxó ɖé mi, mi ná xú gǒ bɔ avivɔ ná nɔ́ sin mi. Nǔ énɛ́ lɛ́ɛ ná zɔ́n bɔ nukún mitɔn lɛ́ɛ sɔ́ ná nɔ́ mɔ nǔ ganjí ǎ, gbɛ mitɔn ná blá wǔ. Mi ná nɔ́ dó jinukún nyi gle mitɔn lɛ́ɛ jí; lo ɔ́, mi ná nɔ́ mɔ ɖěbǔ ǎ, ɖó kɛntɔ́ mitɔn lɛ́ɛ wɛ ná nɔ́ bɛ́ nǔ e tɔ́n ɖ'é mɛ lɛ́ɛ bǐ.

Naxúmu 3:6

Un ná dɔn we gbɔn babá mɛ; un ná kɔ́n wi towe, bó ná sɔ́ we dó húzú nǔkpínkpɔ́n.

Malacíi 2:9

É lɛ́ ɖɔ: “Nyɛ ɔ́, un ná fɔ́n Izlayɛ́li togun ɔ́ bǐ dó mi jí, bɔ é ná gbɛ́ wǎn nú mi, bó dó winnyá mi, ɖó jlǒ ce e mi ma nɔ́ wa ǎ, kpó gbɛtɔ́ jí e mi nɔ́ nɔ bó má nɔ́ nɔ xó jí ǎ é kpó wú.”

Luki 14:35

É sɔ́ nyɔ́ nú ayǐkúngban ǎ, é ka sɔ́ lɛ́ nyɔ́ nú gle lɔ ǎ; hǔn gbě wɛ è nǎ sɔ́ kɔn nyi. Mɛ e ɖó tó bó ná dó se nǔ ná ɔ́ ní bó ɖótó bó se.”

1 Kɔlɛ́ntinu 4:13

Mǐ nɔ́ nyɔ́ xomɛ dó mɛ e ɖo xó mǐtɔn nyanya ɖɔ wɛ lɛ́ɛ wú. Káká wá jɛ din ɔ́, è nɔ lɛ́ mɔ mǐ dó mɔ zunkɔ́ gbɛ ɔ́ tɔn ná, bó nɔ́ mɔ mǐ dó mɔ nǔ kwíji gbɛtɔ́ lɛ́ɛ tɔn ná.

Sɛ́nflínmɛ 28:38

Mi ná dó nǔkún gěgé ɖó gle mitɔn mɛ, amɔ̌, wɛn lɛ́ɛ wɛ ná ɖu bǐ, bɔ mi ná mɔ nǔjɔnǔ ɖé ǎ.