Malacíi 2:16 - MAWUXÓWÉMA

¹⁶ Mawu Mavɔmavɔ, Mawu Izlayɛ́li tɔn, Mawu Mavɔmavɔ Nǔbǐwúkpétɔ́ ɔ́ ɖɔ: “Un gbɛ́ wǎn nú asigbígbɛ́ abǐ asúgbígbɛ́, bó lɛ́ gbɛ́ wǎn nú mɛ e nɔ xo dǎka lɛ́ɛ. Mi bo cɔ́ miɖée, mi ma gɔn akpá e mi dó lɛ́ɛ ɖe ó.”

Malacíi 2:16 Iomraidhean Croise

Ɖɛhan 73:6

Énɛ́ ɔ́, yě nɔ́ zé goyíyí dó kɔjɛ́ ɖɔhun. Dǎka xixo nyí avɔ bɔ yě nɔ́ cyɔ́n.

Nǔnywɛ́xó 28:13

Mɛ e nɔ sɔ́ hwɛ tɔn hwlá ɔ́ nɔ yi nukɔn ǎ; amɔ̌, mɛ e nɔ ɖɔ hwɛ tɔn lɛ́ɛ, bó nɔ jó dó ɔ́, è nɔ sɔ́ hwɛ tɔn kɛ ɛ.

Nǔnywɛ́xó 5:20

Vǐ ce, étɛ́wú mɛ ɖěvo nyɔ̌nu ná jló we? Étɛ́wú a nǎ ɖó he xá mɛsi?

Ezayíi 28:20

È ko nɔ dó lǒ ɖé ɖɔ: “È nɔ mlɔ zan gli jí bó nɔ́ dlɛ́n afɔ ǎ; avɔ kpɛví nɔ́ bú ta kpó afɔ kpó ǎ.” Mɔ̌ jɛ́n é ná nyí.

Ezayíi 50:1

Xó e Mawu Mavɔmavɔ ɖɔ ɔ́ ɖíe: “Mi nɔ ɖɔ nyi nya nɔ émítɔn Jeluzalɛ́mu. É nyɔ́, mi bo xlɛ́ wěma e un wlán dó así n'i, bó gbɛ́ ɛ, lobo nya ɛ ɔ́ mì. Mi nɔ ɖɔ nyi sa émí kannumɔ ɖɔhun, bó ná sɔ́ akwɛ́ ɔ́ dó sú axɔ́ e un ɖu ɔ́ ná. É nyɔ́, mi bo ɖɔ mɛ e un sa mi xá ɔ́ nú mì. Ényí un sa mi hǔn, nǔ e mi wa nyi do lɛ́ɛ wú wɛ un sa mi; ényí un nya nɔ mitɔn hǔn, hwɛ e mi hu lɛ́ɛ wú wɛ un nya ɛ.

Ezayíi 59:6

Avɔ mitɔn ɔ́, è sixú dó tɔ nǔzínzán ná ǎ. È sixú cyɔ́n nǔ e mi sɔ́ alɔ mitɔn dó bló é ǎ; nǔ e mi sɔ́ alɔ mitɔn dó bló é bǐ wɛ nyí nǔ nyanya; alɔ mitɔn ɔ́, dǎka kɛ́ɖɛ́ wɛ é nɔ́ xo.

Luki 16:18

Mɛ ɖěbǔ gbɛ́ asi tɔn, bó da ɖěvo hǔn, aga wɛ é lɛ; mɛ e ka da nyɔ̌nu e asú tɔn nya ɔ́, aga wɛ élɔ́ lɛ.

1 Kɔlɛ́ntinu 7:10

Sɛ́n e dó nú asú kpó asi kpó lɛ́ɛ wɛ un ɖe ɔ́ ɖíe: nyɔ̌nu e da asú ɔ́ ɖó ná jó asú tɔn dó ǎ; súnnu ɖě ká ɖó ná nya asi tɔn ǎ (nyɛ ɖésúnɔ wɛ dó sɛ́n énɛ́ ɔ́ ǎ; lo ɔ́, Aklúnɔ ɖésú wɛ dó). Ényí nyɔ̌nu ɔ́ ka wá jó asú tɔn dó ɔ́, ní ma sɔ́ vɔ́ asú ɖěvo da ó, abǐ ní dó hwɛ gbɔ xá asú tɔn.