Malacíi 2:13 - MAWUXÓWÉMA

¹³ Nǔ e mi nɔ lɛ́ bló ɔ́ ɖíe: mi nɔ ya avǐ, bɔ ɖasin mitɔn nɔ sa gbɔn vɔ̌sákpe Mawu Mavɔmavɔ tɔn jí. Mi nɔ ya avǐ bó nɔ wɛn azɔn, ɖó Mawu Mavɔmavɔ sɔ́ nɔ́ ké ya nú vɔ̌sánú mitɔn lɛ́ɛ ǎ, é ka sɔ́ nɔ yí nǔ e mi nɔ hɛn wá n'i lɛ́ɛ ɖě ǎ.

Malacíi 2:13 Iomraidhean Croise

Nɛɛmíi 5:1

Gbe ɖokpó tíin bɔ Jwifu súnnu kpódó nyɔ̌nu kpó wá jɛ nɔví yětɔn Jwifu ɖě lɛ́ɛ sín hwɛ kpó adǎn kpó.

Nǔnywɛ́xó 15:8

Mawu Mavɔmavɔ nɔ gbɛ́ wǎn nú vɔ̌sísá mɛdídá tɔn; lo ɔ́, é nɔ́ se hwɛjijɔnɔ sín ɖɛ kpó xomɛ ɖagbe kpó.

Nǔnywɛ́xó 21:27

Vɔ̌sísá mɛdídá lɛ́ɛ tɔn ɔ́, nǔ baɖabaɖa wɛ; ée lɛ́ nylá bǐ é nɛ́ nyí yě lɛ́ sá vɔ̌ ɔ́ kpó linlin nyanya kpó nɛ́.

Nǔnywɛ́tɔ́xó 4:1

Un lɛ́ mɔ lě e gbɛtɔ́ lɛ́ɛ nɔ́ dó ya nú nɔzo yětɔn lɛ́ɛ gbɔn ɖo hwe glɔ́ fí é. Mi kpɔ́n! Mɛ e dó ya ná wɛ è ɖe lɛ́ɛ ɖo avǐ ya wɛ. Mɛ ɖěbǔ ká ɖe bó ná dó gbɔ nú yě ǎ. Mɛ e ɖo ya dó nú yě wɛ lɛ́ɛ sí wɛ acɛkpikpa ɔ́ ɖe; énɛ́ wú wɛ mɛ ɖěbǔ má ɖe bó ná dó gbɔ nú yě ǎ.

Jelemíi 11:14

Amɔ̌, Jelemíi, hwɛ ɔ́, ma xo ɖɛ dó togun élɔ́ ta mɛ ó. Ma xo ɖɛ ó, ma ka sa vo nú mì dó togun élɔ́ ta mɛ ó. Đó hwenu e yě ná ɖo xó sú ylɔ́ mì wɛ, ɖó adǎn e ná ɖo yě gbo wɛ lɛ́ɛ wú ɔ́, un ná se ǎ.”

Jelemíi 14:12

yě ná bó blá nu ɔ́, un ná ɖótó vosisa yětɔn ǎ. Yě ná bó sá vɔ̌ e è nɔ dó zo ɔ́, yě ná bó ná nǔ mì ɔ́, nǔ yětɔn ná nyɔ́ nukún ce mɛ ǎ. Đó un jló ná sɔ́ ahwan kpó adɔ kpó azɔn kpó dó fó xó yětɔn.”

Jelemíi 6:20

Zǎlínkpɔ́n e è hɛn sín Saba e ba wɛ un ɖe a? Fántín wǎnɖagbenɔ e è hɛn sín to linlin mɛ ɔ́ ba wɛ un ɖe a? Vɔ̌ e yě nɔ́ dó zo nú mì lɛ́ɛ ba wɛ un ɖe ǎ. Vɔ̌ e yě nɔ́ sá nú mì lɛ́ɛ nɔ nyɔ́ nukún ce mɛ ǎ.

Malacíi 1:10

Ényí mi ɖokpó gbɔ bó yi sú sinsɛnxɔ ɔ́ sín hɔn lɛ́ɛ ɔ́, é ná nyɔ́ hú. Énɛ́ ɔ́, mi sɔ́ ná nɔ́ yi flɔ́ myɔ dó wǔvɔ́, ɖo vɔ̌sákpe ce jí ǎ. Nú un ná ɖɔ xó nǔgbó nú mi ɔ́, mi nɔ nyɔ́ mɔ nú mì ǎ, vɔ̌sánú e mi nɔ xwlé mì lɛ́ɛ nɔ́ nyɔ́ nukún ce mɛ ǎ. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Sɛ́nflínmɛ 15:9

Amɔ̌, mi cɔ́ miɖée! Mi ma nú linlin nyanya byɔ́ ayi mitɔn mɛ, bónú mi ɖɔ nú miɖée ɖɔ xwe tɛ́nwegɔ́ e mɛ è nɔ zé axɔ́ kɛ mɛ é kó ja, bónú é sín énɛ́ wú, bɔ mi ná syɛ́n nukún, bó tɛ nǔ e ba wɛ nɔzo mitɔn e ɖo ya ji wɛ ɔ́ ɖe ɔ́ ó. É táá wá jɛ hwɛ mitɔn nú Mawu Mavɔmavɔ, bɔ mi ná nyí nǔwanyidotɔ́.

Sɛ́nflínmɛ 26:14

Nǔ e nyí towe ɔ́, un zán ɖě hwenu e un ɖo aluwɛ mɛ é ǎ. Un ka ɖe mǎɖówǒ lɛ́ɛ ɖě hwenu e un nyí mɛ blíblí é ǎ. Un ká zán ɖě hwenu e cyɔ kú mì é ǎ. Un se xó e Mawu Mavɔmavɔ, Mawu ce ɖɔ é, un bló lě e a zɔ̌n mì gbɔn é.