Malacíi 2:11 - MAWUXÓWÉMA

¹¹ Judáa mɛ lɛ́ɛ ɖe akpá e yě dó ɔ́ ǎ. Yě wa nǔdábaɖa lɛ́ɛ ɖo Jeluzalɛ́mu kpódó Izlayɛ́li to ɔ́ bǐ kpó mɛ. Nǔgbó ɔ́, yě ké ya nú tɛn mímɛ́ e xɔ akwɛ́ ɖo Mawu Mavɔmavɔ nukún mɛ ɔ́ ǎ, bó da nyɔ̌nu e nɔ sɛn vodún lɛ́ɛ.

Malacíi 2:11 Iomraidhean Croise

Ɛsidlási 10:2

Hwe énɛ́ ɔ́ nu ɔ́, Cekaniya e nyí Yexiyɛ́li ví, bó nyí kúnkan Elámu tɔn ɔ́ ɖɔ nú Ɛsidlási ɖɔ: “Nyɔ̌nu e ma nyí Jwifu ǎ, bó nyí to élɔ́ mɛ nu bɔ mǐ da lɛ́ɛ ɔ́, hwɛ ɖaxó wɛ mǐ hu dó Mawu. Nǔ ka nyí mɔ̌ có, Izlayɛ́li togun ɔ́ kpo ɖo nǔ ɖó nukún wɛ.

Ɛsidlási 9:12

Mi bo ma ná vǐ mitɔn mɛ énɛ́ lɛ́ɛ e ma nyí Jwifu nyɔ̌nu ǎ lɛ́ɛ sín vǐ nú yě da ó; mi ma ka da asi nú vǐ súnnu mi ɖésúnɔ tɔn lɛ́ɛ ɖo yě mɛ ó. Akɔta énɛ́ lɛ́ɛ e ma nɔ sɛn Mawu ǎ lɛ́ɛ ɔ́, ɖagbe yětɔn abǐ nyanya yětɔn ɖě ní má myá nukún nú mi gbeɖé ó. Mɔ̌ wɛ mi ná wa nǔ gbɔn, bó ná nyí togun hlɔ̌nhlɔ́nnɔ, lobo ná ɖu nǔ ɖagbe e ɖo to ɔ́ mɛ lɛ́ɛ sín gbɛ, bó ná jó dó nú vǐ mitɔn lɛ́ɛ, bɔ yě ná ɖu gǔ tɔn káká sɔ́yi.’

Ɖɛhan 106:28

Yě jɛ vodún Baalu sɛn jí ɖo Peɔ́ɔ, yě nɔ́ ɖu kanlin e è hu dó vodún lɛ́ɛ é sín lan; vodún énɛ́ lɛ́ɛ ɔ́, nǔ kúkú wɛ yě ká nyí.

Jelemíi 2:3

Izlayɛ́li, nyɛ Mawu Mavɔmavɔ ɖokpónɔ tɔn wɛ a nyǐ; jinukún nukɔntɔn e nɔ nyɔ́ ɖo gle mɛ é ɖɔhun wɛ a cí nú mì. Mɛ e wa nǔ xá we lɛ́ɛ bǐ wɛ un dɔn tó ná: Awě xo yě. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 3:10

Nǔ ɖo mɔ̌ có nɔví tɔn Judáa afɔdógbětɔ́ ɔ́ lɛ́ kɔ wá gɔ̌n ce kpó ayi tɔn bǐ kpó ǎ. Yɛmɛnú wɛ é wa.” Xó e Mawu Mavɔmavɔ ɖɔ ɔ́ nɛ́.

Jelemíi 7:10

Mi ná nɔ ɖo nǔ énɛ́ lɛ́ɛ bló wɛ, bó ká ná nɔ́ lɛ́ kɔ wá gɔ̌n ce, ɖo xwé élɔ́ e è sɔ́ ɖó vo nú mì ɔ́ gbe, bó ná nɔ́ ɖɔ: ‘Éénɛ́, mǐ gǎn!’ Mi nɔ bló mɔ̌, bó nɔ́ mɔ tɛn bó nɔ́ dó nǔ nyanya e jló mi lɛ́ɛ bǐ sin.

Ezekiyɛ́li 18:13

é nɔ́ sa akwɛ́ bó nɔ́ yí akwɛ́ví d'é jí. Vǐ mɔ̌hun ná nɔ gbɛ wɛ a vɛdó a? É ná kú dandan, ɖó nǔ baɖabaɖa énɛ́ lɛ́ɛ e é dó sin é wútu; é ná kú, é wɛ ka sɔ́ éɖée nyi gbě.

Ezekiyɛ́li 22:11

Nǔ baɖabaɖa e yě nɔ́ dó sin lɛ́ɛ ɖě lɛ́ɛ ɖíe: mɛ ɖě nɔ́ ba nɔzo tɔn sín asi; mɛ ɖě nɔ́ ɖó xó xá vǐ tɔn sín asi; mɛ ɖě nɔ́ hwlɛ́n kan xá nɔví tɔn, tɔ́ tɔn ví, bó nɔ́ ɖó xo xá.

Ozée 6:7

“Yě gba akɔ e un jɛ xá yě ɔ́, gbɛtɔ́ lɛ́ɛ ɖɔhun. Nǔ e yě wa bó dó jɛ do nú mì é nɛ́.

Levíi ví 20:26

“Mi nyí nyɛ ɖokpónɔ géé tɔn, bó ná nyí mɛ mímɛ́, ɖó nyɛ Mawu Mavɔmavɔ ɔ́, mǐmɛ́ wɛ un nyí. Un ɖe mi ɖó vo nú akɔta ɖě lɛ́ɛ, bónú mi ná nyí ce.

Malacíi 1:1

Wɛn e Mawu Mavɔmavɔ dó sɛ́ dó Izlayɛ́li ví lɛ́ɛ gbɔn Malacíi jí é.

Sɛ́nflínmɛ 14:2

Đó togun ɖé wɛ mi nyí, bó ɖo vo nú Mawu Mavɔmavɔ, Mawu mitɔn. Mi wɛ é sɔ́ ɖo togun e ɖo ayǐkúngban ɔ́ jí lɛ́ɛ bǐ mɛ, bɔ mi vɛ́ n'i hú nǔ bǐ.

Nǔɖexlɛ́mɛ 21:8

Amɔ̌ nǔvɔ́nɔ lɛ́ɛ ɔ́, nǔmaɖitɔ́ lɛ́ɛ ɔ́, suɖutɔ́ lɛ́ɛ ɔ́, mɛhutɔ́ lɛ́ɛ ɔ́, agalɛtɔ́ lɛ́ɛ ɔ́, majíkiblótɔ́ lɛ́ɛ ɔ́, vodúnsɛntɔ́ lɛ́ɛ kpódó adingbannɔ lɛ́ɛ bǐ kpán ɔ́, tɛn yětɔn ná nɔ myɔ togotogo e mɛ hwemí ɖo jiji ɖe wɛ é mɛ; é wɛ nyí kú wegɔ́ ɔ́.”

Hwɛɖɔtɔ́ 3:6

Yě nɔ́ da asi ɖo togun énɛ́ lɛ́ɛ mɛ; yě nɔ́ sɔ́ vǐ yětɔn lɛ́ɛ da nú yě, lobo nɔ sɛn vodún yětɔn lɛ́ɛ.