Malacíi 2:10 - MAWUXÓWÉMA

¹⁰ Mǐ bǐ wɛ ɖó tɔ́ ɖokpó ɔ́ ǎ cé? Mawu ɖokpó ɔ́ wɛ ɖó mǐ bǐ ǎ cé? Étɛ́wú wɛ mǐ ma ka nɔ nɔ gbejí nú mǐɖée ǎ, bó nɔ́ hɛn akɔ e Mawu jɛ xá tɔ́gbó mǐtɔn lɛ́ɛ ɔ́ gblé?

Malacíi 2:10 Iomraidhean Croise

Nɛɛmíi 13:29

Mawu ce, ma wɔn nǔ e yě wa ɔ́ gbeɖé ó, ɖó vɔ̌sánú-xwlémawutɔ́zɔ́ ɔ́, yě ɖu su ná, bó gba akɔ e vɔ̌sánú-xwlémawutɔ́ lɛ́ɛ kpó ée Levíi ví lɛ́ɛ kpó jɛ xá we é.

Jɔ̌bu 31:15

Mawu ɖokpó ɔ́ wɛ bló mǐ bǐ; é wɛ bló nyɛ kpó yě kpán dó nɔ mǐtɔn mǐtɔn xo mɛ.

Ɖɛhan 100:3

Mi ní tunwun ɖɔ Mawu Mavɔmavɔ, Mawu ɖokpónɔ wɛ è ɖǒ ná sɛn, é wɛ bló mǐ, bɔ mǐ nyí étɔn; togun tɔn wɛ mǐ nyǐ, é wɛ nyí lɛ̌ngbɔ́nyitɔ́ mǐtɔn.

Tíntɔ́n 19:4

Mi ɖésúnɔ ɔ́, mi mɔ nǔ e un wa xá Ejípunu lɛ́ɛ é; bó ká mɔ lě e un bɛ́ midɛɛ lɛ́ɛ, lě e gangan nɔ zé vǐ tɔn dó awa jí ɔ́ ɖɔhun, bó kplá mi wá fí gbɔn é.

Tíntɔ́n 19:5

Din ɔ́, ényí mi ɖótó mì ɔ́, ényí mi hɛn akɔ e un jɛ xá mi ɔ́, mi ná nyí togun ce vívɛ́ná ɖo togun ɖě lɛ́ɛ bǐ mɛ; nǔgbó ɔ́, ayǐkúngban ɔ́ bǐ wɛ nyí ce.

Tíntɔ́n 24:3

Mɔyízi yi wlí nǔ e Mawu Mavɔmavɔ ɖɔ n'i lɛ́ɛ bǐ ɖɔ nú togun ɔ́; yě ká ɖó gbe kpɔ́, bó yí gbe ɖɔ: “Mi ná bló nǔ e Mawu Mavɔmavɔ ɖɔ ɔ́ bǐ.”

Tíntɔ́n 24:7

Énɛ́ ɔ́ gúdo ɔ́, é zé akɔjijɛwéma ɔ́, bó zé gbe dó jǐ, lobo xa nú togun ɔ́, bɔ yě ɖɔ: “Mǐ ná bló nǔ e Mawu Mavɔmavɔ ɖɔ lɛ́ɛ bǐ, mi ná se tónú n'i.”

Ezayíi 43:1

Din ɔ́, Izlayɛ́li togun Jakɔ́bu tɔn, Mawu Mavɔmavɔ e ɖó we ɔ́, xó e é ɖɔ ɔ́ ɖíe; Mawu Mavɔmavɔ e bló we ɔ́, xó e é ɖɔ nú we ɔ́ ɖíe: “Ma ɖi xɛsi ó, un xɔ gbɛ nú we; un ylɔ́ we, ce wɛ a nyǐ.

Ezayíi 43:15

Nyɛ wɛ nyí Mawu Mavɔmavɔ, Mɛ Mímɛ́ mitɔn; nyi wɛ ɖó Izlayɛ́li, nyi wɛ nyí axɔ́sú mitɔn.”

Ezayíi 43:7

Mi kplá mɛ e wú nyǐkɔ ce ɖe lɛ́ɛ bǐ wá; mi kplá mɛ e un ɖó lɛ́ɛ bǐ wá, mi kplá mɛ e un bló lɛ́ɛ bǐ wá, Mi kplá yě wá bónú yě ná nɔ kpa susu nú mì.”

Ezayíi 44:2

Nyɛ Mawu Mavɔmavɔ wɛ ɖó we, nyɛ wɛ bló we dó nɔ towe xomɛ; nyɛ wɛ ja alɔ gɔ́ nú we gbé; xó e ɖɔ nú we wɛ un ɖe ɔ́ ɖíe: Jakɔ́bu togun, mɛsɛntɔ́ ce, Yeculunu , nyɛ wɛ sɔ́ we, ma ɖi xɛsi ó.

Ezayíi 51:2

Mi kpɔ́n tɔ́ mitɔn Ablaxámu ɔ́, bó kpɔ́n Sala e ji mi é. Ablaxámu ɔ́, é ɖó vǐ ɖě cóbónú un ylɔ́ ɛ ǎ. Lo ɔ́, un kɔn nyɔ̌ná dó jǐ tɔn, bó sɔ́ ɛ dó ɖó tɔ́ nú togun wɔ̌buwɔ́bú ɖé.”

Ezayíi 63:16

Có hwi wɛ nyí tɔ́ mǐtɔn. Ablaxámu tɔ́gbó mǐtɔn ɔ́ tunwun mǐ ǎ. Izlayɛ́li lɔ ka tunwun mǐ ǎ. Hwɛ Mawu Mavɔmavɔ ɔ́ wɛ nyí tɔ́ mǐtɔn. Mɛhwlɛ́ngántɔ́ wɛ nyǐkɔ towe nyí sín do.

Ezayíi 64:7

Nǔ ká ɖo mɔ̌ có, Mawu Mavɔmavɔ, hwi wɛ nyí tɔ́ mǐtɔn. Mǐdɛɛ lɛ́ɛ ɔ́, ko wɛ mǐ nyí, hwi wɛ ka nyí zɛ̌nmɛtɔ́ ɔ́; mǐ bǐ wɛ nyí alɔ towe nǔwiwa.

Ezayíi 64:8

Mawu Mavɔmavɔ, ma sin xomɛ ó, ma sin xomɛ ní dín gbě ó. Hwɛ e mǐ hu lɛ́ɛ ɔ́, ma ɖo flínflín wɛ káká sɔ́yi ó. Lo ɔ́, kɛnklɛ́n bó kpɔ́n mǐ jí; kpɔ́n mǐ mɛ e nyí togun towe lɛ́ɛ bǐ jí.

Jelemíi 31:9

Yě ná wá kpó avǐ kpó, kpó vosisa kpó bɔ un ná kplá yě. Un ná kplá yě gbɔn ali e jí yě ma ná klɛ́n afɔ ɖe ǎ é, bɔ yě ná yi fí e tɔsisa ɖe é; ɖó tɔ́ wɛ un nyí nú Izlayɛ́li, bɔ Eflayímu nyí nukɔngbéví ce.”

Ezekiyɛ́li 33:24

“Hwɛ gbɛtɔ́ e, mɛ e kpo ɖo Izlayɛ́li toxo e è gba lɛ́ɛ mɛ lɛ́ɛ ɔ́, xó e yě nɔ́ ɖɔ é ɖíe: ‘Ablaxámu ɔ́, é ɖokpónɔ géé wɛ, bɔ to ɔ́ bǐ ká nyí étɔn; mǐdɛɛ lɛ́ɛ ká sukpɔ́; hǔn, mǐdɛɛ lɛ́ɛ tɔn wɛ to ɔ́ ɖó ná nyí din.’

Malacíi 1:6

Mawu Mavɔmavɔ Nǔbǐwúkpétɔ́ ɔ́ ɖɔ nú vɔ̌sánú-xwlémawutɔ́ lɛ́ɛ ɖɔ: “Vǐ súnnu nɔ gbo gbě nú tɔ́ tɔn, bɔ mɛsɛntɔ́ nɔ gbo gbě nú gǎn tɔn. Nyɛ ɔ́, é ma ka nyí tɔ́ wɛ un nyí nú mi bo lɛ́ nyí gǎn nú mi ǎ cé? Bɔ étɛ́wú mi ma ka nɔ gbo gbě nú mì ǎ? Étɛ́wú wɛ mi ma ka nɔ sí mì ǎ? Mi nɔ ké ya nú mì ǎ, bó ká nɔ́ kanbyɔ́ mì ɖɔ: ‘Étɛ́ mɛ wɛ mǐ dó vɛ̌ nú we ɖe?’

Malacíi 2:11

Judáa mɛ lɛ́ɛ ɖe akpá e yě dó ɔ́ ǎ. Yě wa nǔdábaɖa lɛ́ɛ ɖo Jeluzalɛ́mu kpódó Izlayɛ́li to ɔ́ bǐ kpó mɛ. Nǔgbó ɔ́, yě ké ya nú tɛn mímɛ́ e xɔ akwɛ́ ɖo Mawu Mavɔmavɔ nukún mɛ ɔ́ ǎ, bó da nyɔ̌nu e nɔ sɛn vodún lɛ́ɛ.

Malacíi 2:8

Lo ɔ́, mi vɔ̌sánú-xwlémawutɔ́ lɛ́ɛ ɔ́, mi wa azɔ̌ mitɔn énɛ́ ɔ́ ǎ; nǔ e mi nɔ kplɔ́n mɛ lɛ́ɛ zɔ́n bɔ mɛ gěgé bú ali. Mi hɛn akɔ e un jɛ xá mi ɔ́ gblé.” Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Matíe 10:21

“Nɔví ná jó nɔví tɔn, bɔ è nǎ hu; tɔ́ ná jó vǐ tɔn, bɔ è nǎ hu; vǐ lɛ́ɛ ná fɔ́n gǔ dó mɛjitɔ́ yětɔn lɛ́ɛ jí, bó ná zɔ́n ɖɔ è ní hu yě.

Matíe 22:16

bɔ yě sɛ́ ahwanvú yětɔn lɛ́ɛ kpódó toxóɖɔgbɛ́ Elódu tɔn ɖé lɛ́ɛ kpó dó gɔ̌n tɔn, bɔ yě yi ɖɔ n'i ɖɔ: “Mɛ̌si, mǐ tunwun ɖɔ nǔgbóɖɔtɔ́ wɛ a nyǐ, bɔ a nɔ xlɛ́ Mawu sín ali ɔ́ mɛ titewungbe; a nɔ ɖi xɛsi nú nǔ e lin wɛ gbɛtɔ́ lɛ́ɛ ɖe ɔ́ ǎ, ɖó a nɔ kpɔ́n mɛɖé sín nukúnta dó ɖɔ xó ǎ.

Matíe 3:9

Mi ma vɛdó ɖɔ ée émí ko nyí Ablaxámu ví kpowun ɔ́, é ko kpé wɛ sín ó. Ɖó, ma ɖɔ nú mi, awǐnnya e mɔ wɛ mi ɖe nɛ́ lɛ́ɛ ɔ́, Mawu hɛn ɔ́, é ná sɔ́ yě dó húzú vǐ nú Ablaxámu.

Luki 1:73

Đó Mawu dó akpá nú tɔ́gbó mǐtɔn Ablaxámu,

Luki 3:8

Mi nú walɔ mitɔn lɛ́ɛ ní ɖe xlɛ́ ɖɔ mi lɛ́ kɔ sín hwɛ mitɔn lɛ́ɛ gúdo nǔgbó; bónú mi ka gɔn ɖiɖɔ dó ayi mɛ ɖɔ: ‘Ablaxámu ɖésú wɛ dó kún mitɔn.’ Đó má ɖɔ nú mi, awǐnnya e mɔ wɛ mi ɖe nɛ́ lɛ́ɛ ɔ́, Mawu hɛn ɔ́, é ná sɔ́ yě dó ɖó vǐ nú Ablaxámu.

Jǎan 8:39

Yě yǐ gbe n'i ɖɔ: “Ablaxámu wɛ nyí tɔ́ mǐtɔn.” Jezu ka ɖɔ nú yě ɖɔ: “Ényí Ablaxámu ví wɛ mi ko nyí nǔgbó ɔ́, mi ná ko nɔ wa nǔ Ablaxámu ɖɔhun.

Jǎan 8:41

Nǔ e tɔ́ mitɔn wa ɔ́ wa wɛ jɛ́n mi ɖe.” Ée é ɖɔ mɔ̌ ɔ́, yě yǐ gbe n'i ɖɔ: “Mǐ nyí agaví ǎ; Mawu wɛ nyí Tɔ́ ɖokpó géé e mǐ ɖó é.”

Jǎan 8:53

Hwɛ hú gǎn tɔ́gbó mǐtɔn Ablaxámu wɛ a? Éyɛ́ ko kú, bɔ gbeyíɖɔ Mawu tɔn lɛ́ɛ lɔmɔ̌ ko kú. Mɛ̌ a ka nɔ sɔ́ hwiɖée dó mɔ?”

Jǎan 8:56

Awǎjijɛ ɖaxó wɛ nyí nú tɔ́gbó mitɔn Ablaxámu, ɖó é ɖo nukún ɖó wiwa ce wɛ; é ka mɔ nǔgbó, bɔ xomɛ hun i.”

Mɛsɛ́dó 17:24

Mawu e bló gbɛ ɔ́ kpódó nǔ e ɖ'é mɛ lɛ́ɛ bǐ kpán ɔ́, é wɛ nyí Aklúnɔ jǐxwé kpódó ayǐkúngban kpán tɔn. Mawu énɛ́ ka nɔ́ nɔ sinsɛnxɔ e gbɛtɔ́ bló ɔ́ mɛ ǎ.

Mɛsɛ́dó 17:25

É ka ba nú gbɛtɔ́ ní bló nǔ alɔkpa ɖěbǔ dó sɛn ɛ ná nǔɖé wɛ hudó e ɖɔhun ǎ; é wɛ nɔ́ ná gbɛ, bó nɔ́ ná funfún kpódó nǔ bǐ kpó gbɛtɔ́ lɛ́ɛ.

Mɛsɛ́dó 17:26

Gbɛtɔ́ ɖokpó géé jí wɛ é ɖó togun lɛ́ɛ bǐ gbɔn, bó ma yě kpé ayǐkúngban ɔ́ bǐ sésé jí; é ɖó hwenu lɛ́ɛ, bó ka ɖó dogbó nú nɔtɛn togun lɛ́ɛ tɔn ɖokpó ɖokpó.

Mɛsɛ́dó 7:2

Bɔ Etyɛ́ni yí xó, bó ɖɔ: “Nɔví ce lɛ́ɛ mi, tɔ́ ce lɛ́ɛ mi, mi ɖótó mì. Mawu susunɔ ɔ́ tɔ́n dó tɔ́gbó mǐtɔn Ablaxámu jí hwenu e é kpo ɖo Mɛzopotamíi, bó ma kó yi sá xwé ɖó Haláani ǎ é,

Mɛsɛ́dó 7:26

Ayǐhɔ́ngbe tɔn ɔ́, Mɔyízi mɔ Izlayɛ́li ví we ɖé lɛ́ɛ ɖo hun xo wɛ, lobo jló ná kɔ́ nǔ nú yě, bó ɖɔ: ‘Xɔ́ntɔn ce lɛ́ɛ mi; nɔví wɛ mi nyí hǔn. Nɛ̌ ká gbɔn bɔ mi ɖo ya dó nú miɖée wɛ?’

Hlɔ̌manu 4:1

Hǔn étɛ́ mǐ ná ɖɔ dó tɔ́gbó mǐtɔn Ablaxámu wú? Étɛ́ é ka mɔ yí?

Hlɔ̌manu 9:10

Bǐ ká kó nɛ́ ǎ. Hlebeka ví we lɛ́ɛ ɔ́, tɔ́ ɖokpó ɔ́ wɛ ji yě; é wɛ nyí tɔ́gbó mǐtɔn Izáki.

1 Kɔlɛ́ntinu 8:6

Lo ɔ́, Mawu ɖokpó géé wɛ tíin nú mǐdɛɛ lɛ́ɛ: é wɛ nyí Tɔ́ e ɖó nǔ bǐ é; é wɛ mǐ ɖo gbɛ ná; mɔ̌ ɖokpó ɔ́, Aklúnɔ ɖokpó géé wɛ tíin; é wɛ nyí Jezu Klísu e jí nǔ lɛ́ɛ bǐ tíin gbɔn é; é jí wɛ mǐ ɖo gbɛ gbɔn.

Efɛ́zinu 4:25

Énɛ́ wútu ɔ́, mi jó adingban dó, nú mɛ ɖokpó ɖokpó ní ɖɔ nǔgbó nú nɔzo tɔn, ɖó mǐ bǐ wɛ nyí wǔjɔnú agbaza ɖokpó ɔ́ tɔn.

Efɛ́zinu 4:6

Mawu ɖokpó géé wɛ ɖe, bó nyí Tɔ́ nú mɛ bǐ, bó kpa acɛ nú mɛ bǐ, bó ɖo azɔ̌ wa wɛ ɖo mɛ bǐ mɛ, bó ɖo mɛ bǐ mɛ.

1 Tɛsalonikinu 4:6

Mɛɖěbǔ ní ma wa nǔ nyi do nú nɔví tɔn, abǐ ní hízí i ɖo xó énɛ́ ɔ́ mɛ ó; ɖó Mawu ná ba hlɔn nǔ mɔ̌hun lɛ́ɛ bǐ tɔn, lě e mǐ kó ɖɔ nú mi syɛ́nsyɛ́n gbɔn é.

Eblée 12:9

Mi nú mǐ ná kpɔ́n nǔ dó tɔ́ mǐtɔn e ɖo ayǐkúngban jí fí lɛ́ɛ wú; yě nɔ kplɔ́n mǐ bɔ mǐ nɔ sí yě. Étɛ́ ka sɔ́ nyí Tɔ́ mǐtɔn e ɖo sɛ́xwé ɔ́ tɔn lo? Mǐ ɖó ná hwíhwɛ́ mǐɖée ɖo glɔ́ tɔn, bó ná sixú nɔ gbɛ.

Jozuwée 24:3

Un ɖe tɔ́gbó mitɔn Ablaxámu sín tɔ ɔ́ gúdo dɔ̌n, bó kplá ɛ gbɔn Kanáa to ɔ́ bǐ mɛ. Un ná ɛ vǐ gěgé. Un ná ɛ Izáki bɔ é ji.