Malacíi 1:9 - MAWUXÓWÉMA

⁹ Din ɔ́, mi wá cikpɛ nú nyɛ Mawu mitɔn, bónú má kú nǔbláwǔ nú togun ce. Din e mi ko dó nǔ énɛ́ ɔ́ sin ɔ́, mi vɛdó ɖɔ un ná ɖótó mi bo yí ɖɛ mitɔn wɛ sín a? Gbeɖé kpɔ́n!

Malacíi 1:9 Iomraidhean Croise

2 Tan 30:27

Ée yě ɖu xwe ɔ́ fó ɔ́, vɔ̌sánú-xwlémawutɔ́ Levíi ví lɛ́ɛ sí te bó xo ɖɛ dó togun ɔ́ jí. Mawu ɖótó yě, bɔ ɖɛ yětɔn hun káká yi sɛ́xwé, nɔtɛn mímɛ́ Mawu tɔn ɔ́.

Tíntɔ́n 32:11

Mɔyízi ka sa vo nú Mawu Mavɔmavɔ, Mawu tɔn ɖɔ ní fá xomɛ; é ɖɔ n'i ɖɔ: “Mawu Mavɔmavɔ, aniwú wɛ a nǎ zé xomɛsin towe dó wa nǔ xá togun towe e a zǎn hlɔ̌nhlɔ́n towe, lobo zán nǔwúkpíkpé towe dó ɖe e tɔ́n sín Ejípu ɔ́?

Jelemíi 26:19

Ée gbeyíɖɔ Micée ka ɖɔ mɔ̌ ɔ́, axɔ́sú Ezekiyási kpódó Judáa togun ɔ́ kpó hu i wɛ a? Yě ma hu i nɛ́! É nyɔ́ wá ɔ́, yě ɖǒ sísí nú Mawu Mavɔmavɔ, lobo ba lě e yě ná wa gbɔn bó fá xomɛ n'i é, bɔ Mawu Mavɔmavɔ sɔ́ sɛ́ awě e xó é ɖɔ ɔ́ dó yě ǎ. Amɔ̌, ényí mǐ ɖó hwɛ nú nya élɔ́ din ɔ́, nǔ ɖaxó ɖokpó wɛ ná nyí bɔ mǐ nǎ wa dó mǐɖée.”

Jelemíi 27:18

“Ényí gbeyíɖɔ Mawu tɔn jɛ́n yě nyí nǔgbó hǔn, ényí Mawu Mavɔmavɔ dó wɛn yě nǔgbó hǔn, yě ní bó sa vo nú Mawu Mavɔmavɔ Nǔbǐwúkpétɔ́ ɔ́, ní má lɔ́n nú è bɛ̌ nǔxɔ-akwɛ́ e kpo ɖo Mawu Mavɔmavɔ xwé ɔ́ gbe lɛ́ɛ, éé ɖo axɔ́sú Judáa tɔn sín hɔnmɛ lɛ́ɛ, kpó éé ɖo toxo ɔ́ mɛ lɛ́ɛ kpó yi Babilɔ́nu ó.

Gbɛvíhan 2:19

Sí te, sú xó ylɔ́ Aklúnɔ, sú xó ylɔ́ Aklúnɔ gan bǐ mɛ, ɖɔ nǔ e ɖo xo towe mɛ lɛ́ɛ bǐ n'i; dlɛ̌n alɔ towe lɛ́ɛ bó sa vo sɛ́ dó Aklúnɔ; sa vo sɛ́ dó Aklúnɔ dó hwlɛ́n vǐ towe lɛ́ɛ gán, vǐ towe e ɖo adɔ kú wɛ gbɔn alixo alixo lɛ́ɛ gán.

Jowɛ́li 2:12

Mawu Mavɔmavɔ ɖɔ: “Hwenu su nú mi din, bɔ mi ná lɛ́ kɔ wá gɔ̌n ce. Mi lɛ́ kɔ wá gɔ̌n ce kpó ayixa mitɔn bǐ kpó: mi blá nu, mi ya avǐ, mi sa vo nú mì.

Jowɛ́li 2:17

Vɔ̌sánú-xwlémawutɔ́ azɔ̌watɔ́ Mawu Mavɔmavɔ tɔn lɛ́ɛ ní ya avǐ ɖo Mawu Mavɔmavɔ sín xwé gbe, ɖo agba ɔ́ kpó vɔ̌sákpe ɔ́ kpó tɛ́ntin. Yě ní ɖɔ: “Mawu Mavɔmavɔ, kú nǔbláwǔ nú mǐ mɛ towe lɛ́ɛ. Ma jó mǐ mɛ towe lɛ́ɛ dó nú mǐ ɖu winnyá ó. Ma lɔn nú akɔta ɖěvo lɛ́ɛ ɖɔ slǎmɛ mǐ wú ɖɔ fítɛ́ Mawu yětɔn ka ɖe a jí ó.”

Amɔ́si 5:22

Nú mi xwlé vɔ̌sánú e mi nɔ dó zo lɛ́ɛ kpó nǔníná mitɔn lɛ́ɛ kpó mì ɔ́, yě nɔ́ nyɔ́ nukún ce mɛ ǎ. Nyibúví e mi sɔ́ ɖó vo bɔ nǔɖuɖu kpé lɛ́ɛ ɔ́, mi fɔ yě dó sá vɔ̌ ná nú mì, bó dó dó kú nú mì ɔ́, un tlɛ nɔ kpɔ́n jɛ yětɔn jí lɔ ǎ.

Jǎan 9:31

Đó mǐ tunwun ganjí ɖɔ Mawu kún nɔ ɖótó hwɛhutɔ́ lɛ́ɛ ó; mɛ e ka nɔ sí Mawu bo nɔ blǒ nǔ e Mawu jlǒ lɛ́ɛ ɔ́, mɛ énɛ́ ɔ́ wɛ Mawu nɔ ɖótó.

Hlɔ̌manu 2:11

Đó Mawu nɔ ɖe mɛɖé ɖó vo ɖo mɛ ɖé mɛ ǎ.

1 Piyɛ́ɛ 1:17

Mi ɖo ɖɛ xo wɛ ɔ́, Mawu e nɔ ɖɔ hwɛ xá gbɛtɔ́ lɛ́ɛ bǐ gbɔn alɔkpa ɖokpó ɔ́ mɛ, lě e mɛ ɖokpó ɖokpó wa nǔ gbɔn ɔ́, mi nɔ ylɔ́ ɛ ɖɔ Tɔ́, hǔn mi bo ɖe sísí e mi ɖó n'i ɔ́ xlɛ́ gbɔn nǔwiwa mitɔn lɛ́ɛ mɛ, ɖo hwenu e kpo bɔ mi ná nɔ ayǐkúngban jí fí ná ɔ́ mɛ.