Malacíi 1:6 - MAWUXÓWÉMA

⁶ Mawu Mavɔmavɔ Nǔbǐwúkpétɔ́ ɔ́ ɖɔ nú vɔ̌sánú-xwlémawutɔ́ lɛ́ɛ ɖɔ: “Vǐ súnnu nɔ gbo gbě nú tɔ́ tɔn, bɔ mɛsɛntɔ́ nɔ gbo gbě nú gǎn tɔn. Nyɛ ɔ́, é ma ka nyí tɔ́ wɛ un nyí nú mi bo lɛ́ nyí gǎn nú mi ǎ cé? Bɔ étɛ́wú mi ma ka nɔ gbo gbě nú mì ǎ? Étɛ́wú wɛ mi ma ka nɔ sí mì ǎ? Mi nɔ ké ya nú mì ǎ, bó ká nɔ́ kanbyɔ́ mì ɖɔ: ‘Étɛ́ mɛ wɛ mǐ dó vɛ̌ nú we ɖe?’

Malacíi 1:6 Iomraidhean Croise

Ɖɛhan 123:2

Kpɔ́n lě e mɛsɛntɔ́ nɔ́ ɖo gǎn tɔn lɔ nu kpɔ́n wɛ gbɔn é! Lě e mɛsɛntɔ́ nyɔ̌nu nɔ́ ɖo gǎn tɔn nyɔ̌nu lɔ nu kpɔ́n wɛ gbɔn é! Mɔ̌ wɛ mǐ ɖo Mawu Mavɔmavɔ, Mawu mǐtɔn kpɔ́n sɛ́ dó wɛ gbɔn, káká jɛ hwenu e é ná nyɔ́ xomɛ dó mǐ wú é.

Tíntɔ́n 20:12

Sí tɔ́ towe kpó nɔ towe kpó, énɛ́ ɔ́, a nǎ dɔ́ ji ɖo to e nyɛ Mawu Mavɔmavɔ, Mawu towe ná ná we ɔ́ mɛ.

Nǔnywɛ́xó 17:6

Vǐvú lɛ́ɛ wɛ nyí jɛ̌gbákún ɖo ta nú degénɔ kpikpoe lɛ́ɛ, bɔ tɔ́ lɛ́ɛ nyí susu vǐ yětɔn lɛ́ɛ tɔn.

Nǔnywɛ́xó 30:11

“Mɛ ɖé lɛ́ɛ tíin, bó nɔ́ nylá nu dó tɔ́ yětɔn, bó nɔ́ ɖɔ nɔ yětɔn sín xó ɖagbe ǎ.

Nǔnywɛ́xó 30:17

Mɛ e nɔ ko tɔ́ tɔn ɔ́, mɛ e ma nɔ se tónú nú nɔ tɔn ǎ ɔ́, avǔnsákɔwó tɔdo mɛ tɔn lɛ́ɛ ná tɔ́n nukún i, bɔ gangan lɛ́ɛ ná vún lan tɔn ɖu.

Ezayíi 1:2

Jǐnukúnsin kpó ayǐkúngban kpó, mi ɖótó mì, mi tɛ́ tó. Mawu Mavɔmavɔ wɛ ɖo xó ɖɔ wɛ: “Un hɛn Izlayɛ́li ví lɛ́ɛ káká bɔ yě su; un kplɔ́n yě. Lo ɔ́, yě fɔ́n gǔ dó jǐ ce.

Ezayíi 43:23

Nyɛ wɛ a nɔ hu lɛ̌ngbɔ́ví ná ǎ. Nyɛ wɛ a nɔ wlí yɛ̌yi ná ǎ. È ɖɔ nyi sɔ́ we dó ɖó kannumɔ, bó nɔ́ ɖɔ dandan hwi ní ná nǔ mì, abǐ un nɔ cí kɔ jí nú we, bó nɔ́ ɖɔ hwi ní dó zǎlínkpɔ́n zo nú mì; adingban wɛ.

Ezayíi 45:10

Heelú vǐ e ná ɖɔ nú tɔ́ tɔn ɖɔ: “Vǐ alɔkpa tɛ́ ká nyí énɛ́ bɔ a ji?” Heelú vǐ e ná ɖɔ nú nɔ tɔn ɖɔ: “Vǐ tɛ́ a ka ji nɛ́?”

Ezayíi 64:7

Nǔ ká ɖo mɔ̌ có, Mawu Mavɔmavɔ, hwi wɛ nyí tɔ́ mǐtɔn. Mǐdɛɛ lɛ́ɛ ɔ́, ko wɛ mǐ nyí, hwi wɛ ka nyí zɛ̌nmɛtɔ́ ɔ́; mǐ bǐ wɛ nyí alɔ towe nǔwiwa.

Ezayíi 64:8

Mawu Mavɔmavɔ, ma sin xomɛ ó, ma sin xomɛ ní dín gbě ó. Hwɛ e mǐ hu lɛ́ɛ ɔ́, ma ɖo flínflín wɛ káká sɔ́yi ó. Lo ɔ́, kɛnklɛ́n bó kpɔ́n mǐ jí; kpɔ́n mǐ mɛ e nyí togun towe lɛ́ɛ bǐ jí.

Jelemíi 23:11

Mawu Mavɔmavɔ ɖɔ: “Gbeyíɖɔ kpó vɔ̌sánú-xwlémawutɔ́ kpó bǐ wɛ ɖu kpa. Un mɔ dǎka e yě nɔ́ xo ɔ́; yě nɔ́ xo dǎka káká bó nɔ lɛ́ wá xo ɖo xwé ce gbe.

Jelemíi 3:4

Din ɔ́, a ka nɔ ɖo xó sú ylɔ́ mì wɛ ɖɔ: “Daá ce, kpɛxɔ́ntɔn ce wɛ a nyǐ!

Jelemíi 31:9

Yě ná wá kpó avǐ kpó, kpó vosisa kpó bɔ un ná kplá yě. Un ná kplá yě gbɔn ali e jí yě ma ná klɛ́n afɔ ɖe ǎ é, bɔ yě ná yi fí e tɔsisa ɖe é; ɖó tɔ́ wɛ un nyí nú Izlayɛ́li, bɔ Eflayímu nyí nukɔngbéví ce.”

Jelemíi 35:16

Hlekávu ví lɛ́ɛ ɔ́, yě nyi sɛ́n e tɔ́gbó yětɔn Yonadávu dó nú yě ɔ́; lo ɔ́, mi Judáanu lɛ́ɛ ɔ́, midɛɛ lɛ́ɛ dó tókúse xó ce mɛ.”

Ezekiyɛ́li 22:26

Vɔ̌sánú-xwlémawutɔ́ yětɔn lɛ́ɛ nɔ gba sɛ́n ce lɛ́ɛ; yě nɔ́ ɖu su nú tɛn e è sɔ́ ɖó vo nú mì lɛ́ɛ. Yě tunwun nǔ e è sɔ́ ɖó vo nú mì é ɖo nǔ e nyí nǔ yǎyánɔ é mɛ ǎ. Yě kplɔ́n mɛ lɛ́ɛ nú yě ná tunwun nǔ e nyí nǔ mímɛ́ ɔ́ ɖó vo nú nǔ e nyí nǔ blíblí é ǎ; yě ɖésúnɔ jló bó gɔn gbɔjɛzánsɛ́n ɔ́ nyi; énɛ́ ɔ́, un sɔ́ nyí nǔɖé ɖo yě nukún mɛ ǎ.

Ozée 12:8

Togun Eflayímu tɔn ɔ́ cí ajɔ̌tɔ́ e hɛn nǔdagan e má sɔgbe ǎ alɔ mɛ é ɖɔhun. É yí wǎn nú mɛblɛ́ɖu.

Ozée 4:6

Togun ce gba, ɖó é tunwun mɛ alɔkpa e un nyí ɔ́ ǎ wú. Amɔ̌, hwi lɔmɔ̌ ɔ́, a ko ba ná tunwun nǔ ɖěbǔ dó wǔ ce ǎ. Énɛ́ ɔ́ wú wɛ un ma sɔ́ ba we ǎ. A sɔ́ ná nɔ xwlé vɔ̌sánú ɖě mì ǎ. Nǔkplɔ́nmɛ ce lɛ́ɛ e a wɔn ɔ́ wú wɛ nyi lɔmɔ̌ ná wɔn vǐ towe lɛ́ɛ.

Ozée 5:1

“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

Levíi ví 19:3

“Mi ɖokpó ɖokpó ɖó ná nɔ́ sí tɔ́ mitɔn kpódó nɔ mitɔn kpó, bó ná nɔ́ nyi gbɔjɛzán ɔ́; nyɛ wɛ nyí Mawu Mavɔmavɔ, Mawu mitɔn.

Sofoníi 3:4

Gbeyíɖɔ Mawu tɔn e ɖo toxo ɔ́ mɛ lɛ́ɛ nɔ tɛ afɔ ayǐ. Adingbannɔ wɛ yě nyí. Vɔ̌sánú-xwlémawutɔ́ tɔn lɛ́ɛ nɔ ɖó sísí nú nǔ e è zě xwlé Mawu é ǎ; yě nɔ́ gba Mawu sɛ́n.

Malacíi 2:1

Mawu Mavɔmavɔ ɖɔ: “Din ɔ́, mi vɔ̌sánú-xwlémawutɔ́ lɛ́ɛ mi, mi ɖɔ xó élɔ́ ná wɛ nyɛ Mawu Mavɔmavɔ Nǔbǐwúkpétɔ́ ɔ́ ɖe.

Malacíi 2:10

Mǐ bǐ wɛ ɖó tɔ́ ɖokpó ɔ́ ǎ cé? Mawu ɖokpó ɔ́ wɛ ɖó mǐ bǐ ǎ cé? Étɛ́wú wɛ mǐ ma ka nɔ nɔ gbejí nú mǐɖée ǎ, bó nɔ́ hɛn akɔ e Mawu jɛ xá tɔ́gbó mǐtɔn lɛ́ɛ ɔ́ gblé?

Malacíi 2:8

Lo ɔ́, mi vɔ̌sánú-xwlémawutɔ́ lɛ́ɛ ɔ́, mi wa azɔ̌ mitɔn énɛ́ ɔ́ ǎ; nǔ e mi nɔ kplɔ́n mɛ lɛ́ɛ zɔ́n bɔ mɛ gěgé bú ali. Mi hɛn akɔ e un jɛ xá mi ɔ́ gblé.” Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Malacíi 3:5

Mawu Mavɔmavɔ Nǔbǐwúkpétɔ́ ɔ́ ɖɔ: ‘Un ná wá tɛ́ntin mitɔn, bó ná ɖɔ hwɛ xá mi. Un ná hwlɛndó, bó ná dó hwɛ mɛ e nɔ wa bǒ lɛ́ɛ, mɛ e nɔ lɛ aga lɛ́ɛ, mɛ e nɔ dó akpá bó má nɔ́ ɖe ǎ lɛ́ɛ, mɛ e ma nɔ sú axɔ́ azɔ̌watɔ́ ǎ lɛ́ɛ, mɛ e nɔ táfú asúkúsi kpó tɔ́cyɔvǐ kpó, abǐ mɛ e nɔ́ jɛ agɔ dó jǒnɔ lɛ́ɛ, kpódó mɛ e ma nɔ ké ya ɖěbǔ nú mì ǎ lɛ́ɛ bǐ kpó.’ ”

Matíe 15:4

Ɖó Mawu ɖɔ: ‘Sí tɔ́ towe kpódó nɔ towe kpó; mɛ e ka na ɖɔ nǔ nyanya dó tɔ́ tɔn abǐ nɔ tɔn wú ɔ́, è ní hu i.’

Matíe 15:6

mɛ énɛ́ ɔ́ sɔ́ ɖó nǔɖé bó ná wa nú tɔ́ tɔn abǐ nɔ tɔn dandan ǎ. Mɔ̌ wɛ mi nɔ gba Mawusɛ́n ɔ́, bó nɔ́ xwedó hwɛndo tɔ́gbó mitɔn lɛ́ɛ tɔn gbɔn.

Matíe 19:19

sí tɔ́ towe kpódó nɔ towe kpó, bó yí wǎn nú nɔzo towe hwi ɖésú ɖɔhun.”

Matíe 6:9

Lě e mi ɖó ná nɔ xo ɖɛ gbɔn ɔ́ ɖíe: ‘Tɔ́ mǐtɔn e ɖo sɛ́xwé ɔ́, nyǐkɔ towe ní nyí nǔsísí.

Matíe 7:21

“Mɛ e nɔ ɖo ylɔ̌ylɔ́ mì wɛ ɖɔ: ‘Aklúnɔ, Aklúnɔ’ lɛ́ɛ ɔ́, yě bǐ ɖo axɔ́súɖuto sɛ́xwé tɔn mɛ na byɔ́ wɛ ǎ; lo ɔ́, mɛ e nɔ wa jlǒ Tɔ́ ce e ɖo sɛ́xwé ɔ́ tɔn lɛ́ɛ kɛ́ɖɛ́ wɛ na byɔ́ mɛ.

Maki 10:19

A tunwun sɛ́n lɛ́ɛ: ‘Ma hu mɛ ó, ma lɛ aga ó, ma ja ajo ó, ma ɖe kúnnu agɔ ó, ma hízí mɛɖé nú ó, sí tɔ́ towe kpódó nɔ towe kpó.’ ”

Maki 7:10

Đó Mɔyízi ɖɔ: ‘Sí tɔ́ towe kpódó nɔ towe kpó; mɛ e ka ná dó nu tɔ́ tɔn abǐ nɔ tɔn ɔ́, è nǐ hu i.’

Luki 10:29

Lo ɔ́, ée nya ɔ́ jló ná ɖe xlɛ́ ɖɔ émí kan nǔ byɔ́ ɖó ganjí ɔ́, é ɖɔ nú Jezu ɖɔ: “Mɛ̌ ká nyí nɔzo ce?”

Luki 18:20

A tunwun sɛ́n lɛ́ɛ: ‘Ma lɛ aga ó, ma hu mɛ ó, ma ja ajo ó, ma ɖe kúnnu agɔ ó, sí tɔ́ towe kpódó nɔ towe kpó.’ ”

Luki 6:36

Mi nɔ kú nǔbláwǔ nú mɛ, lě e Mawu Tɔ́ mitɔn nɔ kú nǔbláwǔ nú mɛ gbɔn é.”

Luki 6:46

“Aniwú mi nɔ ylɔ́ mì ɖɔ ‘Aklúnɔ, Aklúnɔ’, bó má ká nɔ́ wa nǔ e un ɖɔ lɛ́ɛ ǎ?

Efɛ́zinu 6:2

Sɛ́n nukɔntɔn e Mawu dó, bó dó akpá d'é jí ɔ́ wɛ nyí: “Sí tɔ́ towe kpódó nɔ towe kpó,

Sɛ́nflínmɛ 1:31

bó lɛ́ mɔ ɖo gbětótló mɛ é. Mi ɖésú mɔ ganjí ɖɔ é hɛn mi awa mɛ lě e tɔ́ nɔ́ hɛn vǐ tɔn awa mɛ é ɖɔhun; mɔ̌ wɛ é hɛn mi gbɔn sín dɔ̌n káká wá fí.”

Sɛ́nflínmɛ 32:6

Togun xlonɔ, nǔmanywɛ́tɔ́ e mi! Mawu Mavɔmavɔ wɛ zɔ́n wɛ mi ná ɖɔ a? É wɛ nyí tɔ́ mitɔn, bó ɖó mi a cé? É wɛ bló mi a cé? É wɛ zɔ́n bɔ mi ɖo te a cé?

Sɛ́nflínmɛ 5:16

Sí tɔ́ towe kpó nɔ towe kpó, lě e nyɛ Mawu Mavɔmavɔ, Mawu towe ɖɔ gbɔn nú we é; énɛ́ ɔ́, a nǎ dɔ́ ji, bɔ nǔ ná nyɔ́ nú we ɖo to e ná we wɛ nyɛ Mawu Mavɔmavɔ, Mawu towe ɖe ɔ́ mɛ.

1 Piyɛ́ɛ 1:17

Mi ɖo ɖɛ xo wɛ ɔ́, Mawu e nɔ ɖɔ hwɛ xá gbɛtɔ́ lɛ́ɛ bǐ gbɔn alɔkpa ɖokpó ɔ́ mɛ, lě e mɛ ɖokpó ɖokpó wa nǔ gbɔn ɔ́, mi nɔ ylɔ́ ɛ ɖɔ Tɔ́, hǔn mi bo ɖe sísí e mi ɖó n'i ɔ́ xlɛ́ gbɔn nǔwiwa mitɔn lɛ́ɛ mɛ, ɖo hwenu e kpo bɔ mi ná nɔ ayǐkúngban jí fí ná ɔ́ mɛ.