Malacíi 1:4 - MAWUXÓWÉMA

⁴ Mɛ énɛ́ lɛ́ɛ hɛn ɔ́, yě sixú ɖɔ: ‘È hɛn nǔ mǐtɔn bǐ gblé. Amɔ̌, mǐ na lɛ́ vɔ́ toxo mǐtɔn bló ɖó.’ Nǔ e ɖɔ wɛ nyɛ Mawu Mavɔmavɔ Nǔbǐwúkpétɔ́ ɔ́ ká ɖe é ɖíe: yě ní lɛ́ vɔ́ toxo yětɔn lɛ́ɛ bló ɖó; nyɛ ná lɛ́ hɛn nǔ e yě wa lɛ́ɛ bǐ gblé. Mɛ lɛ́ɛ ná sun nyǐ yě ɖɔ: ‘To e mɛ nǔ nyanya ɖo axɔ́sú ɖu ɖe wɛ é’, bó ná sun nyǐ yě ɖɔ: ‘Togun e Mawu Mavɔmavɔ ma nɔ gɔn xomɛsin dó ǎ é.’

Malacíi 1:4 Iomraidhean Croise

Jɔ̌bu 12:14

Nǔ e Mawu hɛn gblé ɔ́, mɛɖé sixú vɔ́ bló ɖó ǎ; mɛ e é wlí dó gan ɔ́, mɛɖé nɔ́ ɖe nyi te ǎ.

Jɔ̌bu 34:29

Nú Mawu ka nɔ abwɛ̌ ɔ́, mɛ̌ wɛ ná dó hwɛ ɛ? Nú é sɔ́ éɖée hwlá ɔ́, mɛ̌ ká ná sixú mɔ ɛ? Có é nɔ́ kpé nukún dó akɔta lɛ́ɛ kpó gbɛtɔ́ lɛ́ɛ kpó wú,

Jɔ̌bu 9:4

Mawu wɛ ɖó nǔnywɛ́; hlɔ̌nhlɔ́n tɔn d'agba; mɛ̌ wɛ sixú li za xá Mawu bó tɔ́n wǔɖíɖí aji ɖɔhun?

Ɖɛhan 127:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Salomɔ́ɔ sín han wɛ. Mawu Mavɔmavɔ má mɛ xɔ ɖé ǎ ɔ́, tagba yǎyá wɛ xɔmɛtɔ́ lɛ́ɛ nɔ́ jɛ. Mawu Mavɔmavɔ ma nya xɛ ɖo toxo ɖé jí ǎ ɔ́, tagba yǎyá wɛ mɛ e ɖo toxo ɔ́ cɔ́ wɛ lɛ́ɛ ɔ́ nɔ́ jɛ.

Ɖɛhan 137:7

Mawu Mavɔmavɔ, flín nǔ e Edɔ́munu lɛ́ɛ wa gbe e gbe ahwan gba Jeluzalɛ́mu é. Yě nɔ́ sú xó bó nɔ́ ɖɔ: “Mi gba toxo ɔ́ bǐ, mi gba káká bónú nǔɖé má sɔ́ ɖo te ɖo toxo ɔ́ mɛ ó.”

Ɖɛhan 33:10

Mawu Mavɔmavɔ nɔ hɛn wě e ɖe wɛ akɔta lɛ́ɛ ɖe ɔ́ gblé, é nɔ́ glɔ́n ali nú togun lɛ́ɛ sín tito.

Nǔnywɛ́xó 21:30

Nǔnywɛ́ gbɛtɔ́ tɔn, bǐbí gbɛtɔ́ tɔn abǐ tamɛ linlin gbɛtɔ́ tɔn nɔ te Mawu Mavɔmavɔ nukɔn ǎ.

Ezayíi 10:4

Gantɔ́ lɛ́ɛ tɛ́ntin jɛ́n mi na gbɔ bó sɔ́ miɖée yi kɔn nyi ayǐ ɖe; é gló ɔ́, mi ná j'ayǐ kɔ́ mɛ, ɖo mɛ e è hu lɛ́ɛ tɛ́ntin. Nǔ énɛ́ lɛ́ɛ bǐ ná bó jɛ ɔ́, xomɛ Mawu tɔn ná ko fá ǎ; alɔ tɔn ná kpo ɖo dlɛ̌ndlɛ́n, bó ná xo togun tɔn.

Ezayíi 11:14

Yě bǐ ná zɔn kpɔ́, bó zun dó Filisitɛ́ɛn lɛ́ɛ jí ɖo gbadahwe jí, bó ná lɛ́ zɔn kpɔ́ bó yi fɔ akɔta e ɖo gbětótló mɛ lɛ́ɛ sín nǔ ɖo zǎnzǎnhwe jí. Yě ná gbló ada nú acɛkpikpa yětɔn yi Edɔ́mu kpó Mɔwabu kpó, bɔ Amumɔ́ɔ ví lɛ́ɛ ná nɔ acɛ yětɔn mɛ.

Ezayíi 34:10

bó ná ɖo jiji wɛ zǎn kéze, bɔ azɔ tɔn ná ɖo jǐxwé yi wɛ hwebǐnu. To ɔ́ ná nɔ vɔ̌ káká sɔ́yi. Mɛ ɖě sɔ́ ná gbɔn fínɛ́ gbeɖé ǎ.

Ezayíi 34:5

Hwǐ Mawu tɔn ɔ́ tɔ́n ɖo jǐxwé; é nɛ́ jɛ Edɔ́munu lɛ́ɛ wú nɛ́! Togun énɛ́ ɔ́, Mawu wɛ ɖó hwɛ n'i ɖɔ kún tɔn ná sú dó.

Jelemíi 31:17

Mawu Mavɔmavɔ ɖɔ: “Sɔ ná nyɔ́ nú we. Vǐ towe lɛ́ɛ ná lɛ́ kɔ wá to yětɔn mɛ.

Jelemíi 49:20

Énɛ́ ɔ́ wú ɔ́, mi bo ɖótó gbeta e nyɛ Mawu Mavɔmavɔ ɖe tɔ́n dó Edɔ́mu wú é, bó ɖótó tito e un sɔ́ ɖó te nú mɛ e ɖo Temani gbé jí lɛ́ɛ é: È nǎ dɔn yě bǐ yi kanlin ɖɔhun, é ná gblá ǎ; è nǎ jó mɛ ɖěbǔ dó ǎ; è nǎ gba xwé yětɔn bǐ, nǔ wɛ nyí bó ná jɛ jɛ́n wɛ.

Jelemíi 49:7

Xó e Mawu Mavɔmavɔ Nǔbǐwúkpétɔ́ ɖɔ dó Edɔ́munu lɛ́ɛ wú ɔ́ ɖíe: “Nǔnywɛ́tɔ́ bǐ vɔ ɖo Temani wɛ a? Nǔtunwuntɔ́ lɛ́ɛ sín ayi fɛ́ da wɛ a? Nǔnywɛ́ yětɔn ɔ́, gúdo wɛ é ká yi a?

Jelemíi 49:8

Dedáninu lɛ́ɛ mi, mi lɛ́ kɔ, mi hɔn, mi hɔn yi hwlá cí sóxo mɛ. Din ɔ́, un ɖo Esawu sín vǐ lɛ́ɛ sín kún ná sú dó wɛ. Hwenu e un ná wa nǔ xá yě ɔ́ ɖíe.

Jelemíi 5:17

Yě ná vívá nǔ mitɔn lɛ́ɛ bǐ: agɔ̌ mitɔn lɛ́ɛ, nǔɖuɖu mitɔn lɛ́ɛ, vǐ mitɔn súnnu lɛ́ɛ, nyɔ̌nu lɛ́ɛ, gbɔ̌ mitɔn lɛ́ɛ, nyibú mitɔn lɛ́ɛ, vǐwungbo mitɔn lɛ́ɛ, fígigbo mitɔn lɛ́ɛ yě ná vívá bǐ. Toxo mitɔn e mi mɛ ahohó lɛ́ lɛ̌ dó, bó nɔ́ dó yí go na lɛ́ɛ ɔ́, ahwan ná gba bǐ.

Gbɛvíhan 3:37

Aklúnɔ mɛ vo ɔ́, mɛ̌ ká sixú ɖɔ nǔ lě ní tíin, bɔ nǔ ɔ́ tíin?

Ezekiyɛ́li 11:10

Mi ná kú ɖo ahwangbénu ɖo Izlayɛ́li yíkúngban jí fí; un ná ɖó hwɛ nú mi, bɔ mi ná tunwun ɖɔ nyɛ wɛ nyí Mawu Mavɔmavɔ.

Ezekiyɛ́li 25:13

Énɛ́ wú wɛ nyɛ Aklúnɔ Mavɔmavɔ ɖɔ: Un ná ɖe hlɔ̌nhlɔ́n ce xlɛ́ Edɔ́mu to ɔ́. Un ná hu gbɛtɔ́ kpó kanlin kpó e ɖo to ɔ́ mɛ é bǐ, bó ná sɔ́ to ɔ́ dó húzú gbětótló sín Temani toxo ɔ́ mɛ káká wá Dedáni toxo ɔ́ mɛ. È nǎ hu Edɔ́munu lɛ́ɛ ɖo ahwangbénu.

Ezekiyɛ́li 25:14

Un ná zɔ́n togun ce Izlayɛ́li, bɔ é ná ba hlɔn Edɔ́munu lɛ́ɛ wú nú mì. Izlayɛ́li ví lɛ́ɛ ná wa nǔ xá yě lě e xomɛ ɖaxó e un sin ɔ́ byɔ́ gbɔn é, bó ná xlɛ́ yě ɖɔ nú è ba xó mì ɔ́, é kún nɔ́ fá ó. Xó e nyɛ Aklúnɔ Mavɔmavɔ ɖɔ é nɛ́.”

Ezekiyɛ́li 26:14

È nǎ sɔ́ toxo towe dó húzú só nǔ ɖ'é má ɖ'é jí, bɔ ɖɔnyitɔ́ lɛ́ɛ ná nɔ́ xyá ɖɔ ɖ'é jí. È ka sɔ́ ná vɔ́ toxo ɔ́ bló ɖó gbeɖé ǎ. Xó e nyɛ Aklúnɔ Mavɔmavɔ ɖɔ ɔ́ nɛ́.”

Ezekiyɛ́li 35:4

Un ná sɔ́ toxo towe lɛ́ɛ bǐ dó húzú aglingbigba; nǔɖé sɔ́ ná kpo ɖo toxo towe lɛ́ɛ mɛ ǎ; énɛ́ ɔ́, a nǎ tunwun ɖɔ nyɛ wɛ nyí Mawu Mavɔmavɔ.

Ezekiyɛ́li 35:9

Un ná sɔ́ we dó húzú gbětótló, bɔ é ná nɔ mɔ̌ káká sɔ́yi. È sɔ́ ná mɔ mɛɖé ɖo toxo towe lɛ́ɛ ɖě mɛ gbeɖé ǎ. Énɛ́ ɔ́, a nǎ tunwun ɖɔ nyi wɛ nyí Mawu Mavɔmavɔ.

Amɔ́si 1:11

Mawu Mavɔmavɔ ɖɔ: “Edɔ́munu lɛ́ɛ ɔ́, nǔ e yě wa nyi do bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Yě nɔ́ nya nɔví yětɔn lɛ́ɛ kpó hwǐ kpó; yě sɔ́ ɖó nǔbláwǔkúnúmɛ ǎ, ɖó xomɛsin yětɔn nɔ ɖo nǔ hɛn gblé wɛ hwebǐnu; adǎn jí jɛ́n yě nɔ́ ɖe hwebǐnu. Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Amɔ́si 3:15

Un ná mu xɔ e mɛ yě nɔ́ nɔ avivɔ hwenu lɛ́ɛ, kpó xɔ e mɛ yě nɔ́ nɔ yǒzo hwenu lɛ́ɛ kpó ; un ná mu hɔnmɛ e yě sɔ́ ajinakúɖú dó ɖó acɔ́ na lɛ́ɛ; un ná gba gbɛtɔ́ nukúnɖéjí lɛ́ɛ sín xɔ ɖagbe ɖagbe lɛ́ɛ.” Xó e Mawu Mavɔmavɔ ɖɔ ɔ́ nɛ́.

Amɔ́si 5:11

“Mi nɔ xo mɛ e ma ɖó gǎn ǎ lɛ́ɛ ɖu, bó nɔ yí nǔjɔ ɖo jinukún yětɔn lɛ́ɛ jí; énɛ́ ɔ́ wútu ɔ́, xɔ ɖagbe ɖagbe e mi gbá lɛ́ɛ ɔ́, mi ná ɖu gbɛ yětɔn ǎ; vǐwuntín ɖagbe ɖagbe e mi tun lɛ́ɛ ɔ́, mi ná dó vɛ̌ɛn yětɔn nu ǎ.

Amɔ́si 6:11

Đó Mawu Mavɔmavɔ ɖíe ɖe gbeta tɔ́n e; é ná ɖɔ bɔ xɔ ɖaxó ɔ́ ná mu, bɔ xɔ kpɛví ɔ́ ná gba hánnyá.

Amɔ́si 6:2

Mi ló kó yi Kalunɛ́ɛ bó yi kpɔ́n nǔ e jɛ ɔ́; énɛ́ ɔ́ gúdo ɔ́, mi ná gosín fínɛ́ bó hun káká yi Hamáti toxo ɖaxó ɔ́ mɛ, bó yi kpɔ́n nǔ e jɛ ɔ́. Énɛ́ ɔ́ gúdo ɔ́, mi ná wá Gati, ɖo Filisitɛ́ɛn lɛ́ɛ gɔ́n. Mi yi to énɛ́ lɛ́ɛ mɛ ɔ́, mi ná mɔ ɖɔ mi kún nyɔ́ hú yě ó. Ayǐkúngban yětɔn ná bó hwe hú mitɔn ɔ́, mi nyɔ́ hú yě ǎ.

Abudiyási 1:1

Aklúnɔ Mawu ɖe nǔ xlɛ́ Abudiyási. É ɖɔ xó n'i dó togun Edɔ́mu tɔn ɔ́ wú. Xó e é ɖɔ ɔ́ ɖíe: Mǐ se wɛn Mawu Mavɔmavɔ tɔn ɖokpó. É sɛ́ wɛnsagun ɖokpó dó akɔta lɛ́ɛ tɛ́ntin bɔ é wá ɖɔ nú yě ɖɔ: “Mi sí te, mi nú mǐ ná yi fun ahwan xá Edɔ́munu lɛ́ɛ.”

Abudiyási 1:10

“Edɔ́mu, a nǎ ɖu winnyá bɔ é ná vɛ́ jlɛ́. È nǎ vívá kún towe bǐ sésé, ɖó adǎka e a xo nɔví towe Jakɔ́bu ví lɛ́ɛ wú é wútu.

Malacíi 1:3

Có un yí wǎn nú Jakɔ́bu, bó ká gbɛ́ wǎn nú Esawu. Un vɔ ayǐkúngban e jí só lɛ́ɛ ɖe bɔ Esawu ví lɛ́ɛ, yě mɛ e è nɔ ylɔ́ ɖɔ Edɔ́munu lɛ́ɛ ɖe é; un jó to yětɔn dó nú avǔn gbě tɔn e nɔ́ nɔ gbětótló mɛ lɛ́ɛ.

Matíe 12:30

“Mɛ e ma ɖo ahwan ce mɛ ǎ ɔ́, mɛ énɛ́ mɔ mì gbɔ ǎ; bɔ mɛ e ma ka nɔ dɔn gbɛtɔ́ lɛ́ɛ wá gɔ̌n ce ǎ ɔ́, gbɛtɔ́ lɛ́ɛ nya dó zɔ nú mì wɛ é ɖe.