Malacíi 1:2 - MAWUXÓWÉMA

² Mawu Mavɔmavɔ ɖɔ nú Izlayɛ́li ví lɛ́ɛ ɖɔ: “Un yí wǎn nú mi.” Yě kanbyɔ́ ɛ ɖɔ: “Fítɛ́ nǔ e ɖe xlɛ́ ɖɔ a yǐ wǎn nú mǐ ɔ́ ɖe?” Mawu Mavɔmavɔ yí gbe bo ɖɔ: “Esawu ɔ́, Jakɔ́bu sín nɔví wɛ é nyí ǎ cé?

Malacíi 1:2 Iomraidhean Croise

Bǐbɛ́mɛ 25:23

Bɔ Mawu Mavɔmavɔ yí gbe n'i ɖɔ: “Akɔta we wɛ ɖo adɔgo towe mɛ. Togun vovo we wɛ ná tɔ́n sín xo towe mɛ; togun ɔ́ ɖokpó ná ɖó hlɔ̌nhlɔ́n hú ɖokpó; mɛxó ɔ́ wɛ ká ná nɔ mɛ kpɛví ɔ́ glɔ́.”

Bǐbɛ́mɛ 25:25

Vǐ nukɔntɔn e tɔ́n ɔ́ nyí vɔvɔ, bɔ fún kpé wǔ tɔn bǐ, awu ɖaxó fúnnɔ mɛ wɛ é ɖe ɖɔhun. È nɔ ylɔ́ vǐ ɔ́ ɖɔ Esawu.

Bǐbɛ́mɛ 25:26

Ée éyɛ́ tɔ́n ɔ́, nɔví tɔn tɔ́n, bɔ alɔ tɔn hɛn Esawu sín afɔgbɛnnu. È nɔ ylɔ́ vǐ ɔ́ ɖɔ Jakɔ́bu. Xwe kanɖé ko (60) wɛ Izáki ɖó hwenu e é ji vǐ énɛ́ lɛ́ɛ é.

Bǐbɛ́mɛ 27:33

Bɔ avivɔfún blá Izáki; avivɔfún ɖaxó ɖé blá ɛ bɔ é ɖɔ: “Mɛ̌ ká nyí mɛ e nya gbě bó hɛn lan wá nú mì ɖ'ayǐ ɔ́? Đu wɛ un ɖu fó kɛ́ɖɛ́, bó xo ɖɛ n'i, bɔ a wǎ, bɔ ɖɛ ɔ́ ká ɖó ná nɔ jǐ tɔn.”

Bǐbɛ́mɛ 48:4

bó ɖɔ nú mì ɖɔ: ‘Đǒtó mì! Un ná bló bɔ a nǎ ji, a nǎ gba kún; un ná zé we dó bló togun gěgé. Un ná zé to élɔ́ ná kúnkan towe lɛ́ɛ, bɔ é ná nyí yětɔn káká sɔ́yi.’ ”

1 Axɔ́sú 10:9

Susu nú Mawu Mavɔmavɔ, Mawu towe e wa ɖagbe nú we, bó sɔ́ we ɖó axɔ́súzinkpo Izlayɛ́li tɔn jí é. Wǎn e Mawu Mavɔmavɔ yí nú Izlayɛ́li ɔ́ ɖo te káká sɔ́yi; énɛ́ ɔ́ wú wɛ é sɔ́ we axɔ́sú, bónú a nǎ wa nǔ jlɔ́jlɔ́, bó ná dó hwɛjijɔ.”

2 Axɔ́sú 3:8

É lɛ́ ɖɔ: “Ali tɛ́ wɛ mǐ nǎ gbɔn yi?” Yolámu ɖɔ n'i ɖɔ: “Gbětótló Edɔ́mu tɔn sín ali ɔ́ wɛ mǐ ná gbɔn.”

Ezayíi 43:4

Nǔgbó wɛ, a xɔ akwɛ́ nukún ce mɛ, a ɖo ayi ce mɛ, un yí wǎn nú we. Énɛ́ ɔ́ wú wɛ un fɔ gbɛtɔ́ jó ɖó tɛn towe mɛ, un fɔ togun jó dó ɖyɔ́ we.

Ezayíi 63:1

Mɛ̌ ká nyí mɛ énɛ́ e jǎwe sín Edɔ́mu é? Mɛ énɛ́ e jǎwe sín Bosla toxo ɔ́ mɛ bɔ nǔ vɔvɔ kɔn nyi awu tɔn mɛ mɔ̌ é? É ɖo zɔnlin jí ɖo awu gaga ɖagbe ɖagbe ɖé mɛ bó nɔ́ gó, ɖó é ɖeji dó hlɔ̌nhlɔ́n tɔn wú. Mawu yí gbe ɖɔ: “Nyɛ wɛ; nyɛ wɛ nɔ ɖɔ hwɛ jlɔ́jlɔ́, bó ɖó acɛ bó ná hwlɛ́n mi gán.”

Jelemíi 2:31

Dinví e mi, mi ɖótó xó e ɖɔ wɛ Mawu Mavɔmavɔ ɖe ɔ́ ganjí. Gbětótló wɛ un nyí nú Izlayɛ́li to ɔ́ a? To e dó ablu ɔ́ wɛ un nyí n'i a? Étɛ́wú togun ce ka nɔ ɖɔ: ‘Mǐ ɖo jlokoko, mǐ jló ná lɛ́ kɔ wá gɔ̌n towe ǎ?’

Jelemíi 2:5

Mi ɖótó xó e ɖɔ wɛ nyɛ Mawu Mavɔmavɔ ɖe ɔ́: Hɛ̌n tɛ́ tɔ́gbó mitɔn lɛ́ɛ ka mɔ ɖo wǔ ce bó hɔn nú mì? Étɛ́wú yě jɛ vodún nǔ ma ɖó ta ɖé lɛ́ɛ xwe dó jí, bɔ yě ɖésúnɔ wá húzú nǔ ma ɖó ta ɖé?

Jelemíi 31:3

É nɔ́ ɖɔ: “Mawu Mavɔmavɔ ɖe éɖée xlɛ́ mì sín zɔ.” Mawu Mavɔmavɔ yí gbe n'i ɖɔ: “Un yí wǎn nú we sín do, bó ná yí wǎn nú we káká sɔ́yi; énɛ́ wú wɛ un nɔ gbejí nú we.

Amɔ́si 1:11

Mawu Mavɔmavɔ ɖɔ: “Edɔ́munu lɛ́ɛ ɔ́, nǔ e yě wa nyi do bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Yě nɔ́ nya nɔví yětɔn lɛ́ɛ kpó hwǐ kpó; yě sɔ́ ɖó nǔbláwǔkúnúmɛ ǎ, ɖó xomɛsin yětɔn nɔ ɖo nǔ hɛn gblé wɛ hwebǐnu; adǎn jí jɛ́n yě nɔ́ ɖe hwebǐnu. Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Malacíi 2:17

Xó mitɔn lɛ́ɛ nɔ́ kpé agbɔ̌n nú Mawu Mavɔmavɔ; mi ka nɔ kanbyɔ́ ɖɔ: “Xó tɛ́ e tɛ́ é mǐ ká nɔ́ ɖɔ bɔ é nɔ́ kpé agbɔ̌n n'i?” Éɖíe, má ɖɔ nú mi. Xó élɔ́ lɛ́ɛ e mi nɔ ɖɔ ɔ́ wɛ nɔ́ kpé agbɔ̌n nú mì. Mi nɔ ɖɔ: “Mawu Mavɔmavɔ nɔ́ sɔ́ nukún ɖagbe dó kpɔ́n mɛ e nɔ wa nǔ nyanya lɛ́ɛ. Mɛ mɔ̌hunkɔ lɛ́ɛ sín nǔ wɛ nɔ́ nyɔ́ nukún tɔn mɛ.” Mi nɔ lɛ́ ɖɔ: “Fítɛ́ Mawu hwɛjijɔnɔ ɔ́ ka ɖe?”

Luki 10:29

Lo ɔ́, ée nya ɔ́ jló ná ɖe xlɛ́ ɖɔ émí kan nǔ byɔ́ ɖó ganjí ɔ́, é ɖɔ nú Jezu ɖɔ: “Mɛ̌ ká nyí nɔzo ce?”

Jǎan 15:12

Sɛ́n ce ka ɖíe: mi yí wǎn nú miɖée, lě e un yí wǎn nú mi gbɔn é.

Sɛ́nflínmɛ 10:15

Đ'ayǐ xóxó ɔ́, tɔ́gbó mitɔn lɛ́ɛ kɛ́ɖɛ́ wɛ Mawu Mavɔmavɔ nɔ́ nɔ kpɔ́ xá; yě wɛ é yí wǎn ná. Égbé din ɔ́, mi vǐ yětɔn lɛ́ɛ wɛ é sɔ́ ɖo akɔta lɛ́ɛ bǐ mɛ, lě e mɔ gbɔn wɛ mi ɖe é.

Sɛ́nflínmɛ 23:5

Đó hwenu e mi gosín Ejípu tomɛ wá xweyǐgbe ɔ́, yě hɛn nǔɖuɖu kpó sin kpó wá nú mi ǎ; é nyɔ́ wa ɔ́, yě dǒ nǔ nu nú nǔkantɔ́ Baláamu, Beɔ́ɔ ví ɔ́, bónú é ná dó nu mi; é gosín Petɔ́ɔ toxo ɔ́ mɛ ɖo Mɛzopotamíi, bó wá.

Sɛ́nflínmɛ 33:3

Mawu Mavɔmavɔ yí wǎn nú Izlayɛ́li sín akɔta lɛ́ɛ. Izlayɛ́li ví súnnu e nyí étɔn, bó nɔ́ wá kplé ɖo asá tɔn mɛ, bó ná yí kplɔ́n lɛ́ɛ ɔ́, é nɔ́ cyɔ́n alɔ yě jǐ.

Sɛ́nflínmɛ 4:37

Wǎn wɛ Mawu Mavɔmavɔ yí nú tɔ́gbó mitɔn lɛ́ɛ, bó sɔ́ mi vǐ lɛ́ɛ; énɛ́ wú wɛ é zé hlɔ̌nhlɔ́n tɔn e nukɔn nǔɖé má nɔ́ nɔ te ɖe ǎ é dó ɖe mi tɔ́n sín Ejípu.