Malacíi 1:13 - MAWUXÓWÉMA

¹³ Mi nɔ ɖɔ: ‘Azɔ̌bamɛ ɖésú wɛ.’ Awɔntín nyɛ́ dó ta nú nyɛ Mawu Mavɔmavɔ Nǔbǐwúkpétɔ́ ɔ́ wɛ mi ɖe. Mi nɔ ná kanlin e mi fin lɛ́ɛ mì. Kanlin e lɔ́ gǒ, abǐ éé ɖo azɔn jɛ wɛ lɛ́ɛ wɛ mi nɔ ná mì. Nɛ̌ un ka sixú yí gbe nú vɔ̌sánú mɔ̌hunkɔtɔn lɛ́ɛ gbɔn? Nǔ wɛ nyí bɔ un kanbyɔ́ mi.

Malacíi 1:13 Iomraidhean Croise

2 Samuwɛ́li 24:24

Lo ɔ́, axɔ́sú ɔ́ ɖɔ nú Alona ɖɔ: “Éeǒ, un jló ná xɔ ɖo así towe bó ná sú axɔ́ wɛ. Un jló ná sɔ́ nǔ e mɛ un ma dó nǔ ɖěbǔ ǎ é dó sá vɔ̌ nú Mawu Mavɔmavɔ, Mawu ce ǎ.” Ée Davídi ɖɔ mɔ̌ é ɔ́, é zé gankwɛ́ kanɖé wǒ (50) n'i, bó xɔ gle ɔ́ kpó nyibú lɛ́ɛ kpó.

Ezayíi 1:12

Nyi wɛ ɖɔ nú mi ɖɔ mi ní wá xwé ce gbe bɔ mi nɔ wá ɖo kɔ́xo ce ta gbídí wɛ a?

Ezayíi 57:6

Izlayɛ́li, awǐnnya wǔ ɖíɖí e gbɔn tɔdo mɛ tɔdo mɛ lɛ́ɛ wɛ nyí nǔ e hwɛ sɔ́ bó ná nɔ́ sɛn é. Yě jí wɛ a nɔ kɔn vɛ̌ɛn dó; yě wɛ a nɔ ná nǔ. Nǔ énɛ́ lɛ́ɛ má ná nyɔ́ nyɛ Mawu nukún mɛ a?

Ezayíi 61:8

Đó nyɛ Mawu Mavɔmavɔ ɔ́, nǔjlɔ́jlɔ́wiwa wɛ un nɔ ba; un gbɛ́ wǎn nú ajogbomɛ. Énɛ́ ɔ́ wú ɔ́, un ná sú nǔ mitɔn e yě fin é sín axɔ́ mi, bó ná jɛ akɔ mavɔ mavɔ ɖé xá mi.”

Ezekiyɛ́li 4:14

Ée Mawu ɖɔ mɔ̌ ɔ́, un sú xó bó ɖɔ: “Á! Aklúnɔ Mavɔmavɔ, un hɛn nyɛɖée blí kpɔ́n gbeɖé ǎ! Sín vǔ ce káká wá jɛ din ɔ́, un ɖu kanlin kúkú kpɔ́n ǎ, abǐ kanlin e gběkanlin ɖé hu ɔ́ kpɔ́n ǎ ; lan e nyí su nú mǐ lɛ́ɛ ɔ́, ɖěbǔ jɛ nu ce kpɔ́n ǎ.”

Ezekiyɛ́li 44:31

Amɔ̌, vɔ̌sánú-xwlémawutɔ́ lɛ́ɛ ɖó ná ɖu xɛ kúkú ǎ, yě ká ná ɖu lan kúkú ǎ; é sixú nyí gběkanlin ɖé wɛ é hu, é ká sixú nyí é nɔ é ɖóɖó bó kú, yě ɖó ná ɖu ǎ.”

Ozée 13:9

Izlayɛ́linu lɛ́ɛ mi, nǔ e dɔn kú wá nú mi ɔ́ wɛ nyí gǔ e mi fɔ́n dó jǐ ce ɔ́. Nyɛ mɛ e sixú wá dó alɔ mi ɔ́, mi fɔ́n gǔ dó jǐ ce.

Levíi ví 22:8

Vɔ̌sánú-xwlémawutɔ́ ɖó ná ɖu kanlin e kú ɔ́, abǐ éé gběkanlin ɖé vún ɖu ɔ́ sín lan ǎ. É táá húzú mɛ blíblí. Nyɛ wɛ nyí Mawu Mavɔmavɔ.

Levíi ví 6:4

Énɛ́ ɔ́ gúdo ɔ́, é ná ɖe awu tɔn lɛ́ɛ, bó ná dó ɖěvo lɛ́ɛ, bó ná ɖe afín ɔ́ sín fí e yě ɖó gɔnu ɖó é, bó sɔ́ ɖó tɛn mímɛ́ ɖé mɛ.

Amɔ́si 8:5

Mi nɔ ɖɔ: “Hwetɛ́nu wɛ mǐ ná ɖu sunwájǐxwe ɔ́ fó dó, bó ná sa jinukún? Hwetɛ́nu wɛ gbɔjɛzán ɔ́ ná fó dó, bɔ mǐ nǎ hun agɔ̌ mǐtɔn lɛ́ɛ?” Mǐ ná ɖe nǔjlɛ́ká ɔ́ kpo; mǐ ná ɖe kilóo lɛ́ɛ kpo; nǔdagan mǐtɔn lɛ́ɛ ná sɔgbe ǎ.

Micée 6:3

Mawu Mavɔmavɔ ɖɔ: “Togun ce, nǔ nyanya tɛ́ wɛ un ka wa dó mi? Étɛ́ mɛ wɛ un nyí agban bó kpɛn mi ɖe? Mi yí gbe nú mì!

Malacíi 1:10

Ényí mi ɖokpó gbɔ bó yi sú sinsɛnxɔ ɔ́ sín hɔn lɛ́ɛ ɔ́, é ná nyɔ́ hú. Énɛ́ ɔ́, mi sɔ́ ná nɔ́ yi flɔ́ myɔ dó wǔvɔ́, ɖo vɔ̌sákpe ce jí ǎ. Nú un ná ɖɔ xó nǔgbó nú mi ɔ́, mi nɔ nyɔ́ mɔ nú mì ǎ, vɔ̌sánú e mi nɔ xwlé mì lɛ́ɛ nɔ́ nyɔ́ nukún ce mɛ ǎ. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Malacíi 2:12

Mawu Mavɔmavɔ ná ɖe mɛ e nɔ wa nǔ gbɔn mɔ̌ ɔ́ sín Jakɔ́bu ví lɛ́ɛ mɛ, bɔ é sɔ́ ná nɔ́ sá vɔ̌ ɖě nú Mawu Mavɔmavɔ Nǔbǐwúkpétɔ́ ɔ́ ǎ.

Malacíi 2:13

Nǔ e mi nɔ lɛ́ bló ɔ́ ɖíe: mi nɔ ya avǐ, bɔ ɖasin mitɔn nɔ sa gbɔn vɔ̌sákpe Mawu Mavɔmavɔ tɔn jí. Mi nɔ ya avǐ bó nɔ wɛn azɔn, ɖó Mawu Mavɔmavɔ sɔ́ nɔ́ ké ya nú vɔ̌sánú mitɔn lɛ́ɛ ǎ, é ka sɔ́ nɔ yí nǔ e mi nɔ hɛn wá n'i lɛ́ɛ ɖě ǎ.

Matíe 6:16

“Mi ɖo nu blá wɛ hǔn, mi ma nɔ nɔ aluwɛ mɛ yɛmɛnúwatɔ́ lɛ́ɛ ɖɔhun ó; yě nɔ dɔn nukún mɛ nyɔ, bo nɔ dó ɖe xlɛ́ gbɛtɔ́ lɛ́ɛ ɖɔ émí ɖo nu blá wɛ. Má ɖɔ nǔgbó nú mi, yě ko mɔ ajɔ yětɔn yí.

Matíe 6:5

“Mi ɖo ɖɛ xo wɛ hǔn, mi ma cí yɛmɛnúwatɔ́ lɛ́ɛ ɖɔhun ó; yědɛɛ lɛ́ɛ nɔ yí wǎn nú te ninɔ ɖo kplɔ́ngbasá lɛ́ɛ kpódó alitó alitó lɛ́ɛ kpó, bo nɔ ɖo ɖɛ xo wɛ, nú gbɛtɔ́ lɛ́ɛ na dó mɔ yě. Má ɖɔ nǔgbó nú mi: yě ko mɔ ajɔ yětɔn lɛ́ɛ yí.

Sɛ́nflínmɛ 15:21

Ényí kanlin lɛ́ɛ ɖě ɖó blɔ̌: gǒ wɛ é lɔ́ a, nukún wɛ é tɔ́n a, abǐ blɔ̌ baɖabaɖa ɖěbǔ wɛ é ɖó hǔn, mi ma zé dó sá vɔ̌ ná nú Mawu Mavɔmavɔ, Mawu mitɔn ó.

1 Samuwɛ́li 2:29

Bɔ étɛ́wú mi ká nɔ sɔ́ vɔ̌ e un ná gbe bɔ è nɔ sá nú mì lɛ́ɛ kpó nǔ e è nɔ ná mì lɛ́ɛ kpó dó xo kɔ́? Nɛ̌ ká gbɔn bɔ a nɔ sɔ́ vǐ towe lɛ́ɛ su hú nyɛ? Nǔ e togun ce Izlayɛ́li ɔ́ nɔ hɛn wá nú mì ɔ́, mi wɛ nɔ sɔ́ ɖ'é mɛ dó nukɔn bo nɔ ɖu dó dó jǒ.